04/11/2025
မင်္ဂလာမဆောင်မီ စစ်ထားသင့်တဲ့ ကျန်းမာရေးစစ်ဆေးချက် (၃)ခု
မင်္ဂလာဆောင်တဲ့နေ့ကနေစပြီး တစ်သက်တာလုံး ကျန်းမာပျော်ရွှင်စွာနဲ့ ရွှေလက်တွဲသွားဖို့ဆိုရင် သတို့သား၊ သတို့သမီးနဲ့ နောင်အခါမှာ ရှိလာမယ့် သားသားမီးမီးလေးတွေ ကျန်းမာနေမှ ဖြစ်မှာပါ။ ဒီအတွက် မင်္ဂလာမဆောင်ခင်မှာ ကြိုပြီး စစ်ထားသင့်တဲ့ စစ်ဆေးချက် (၃)ခု ရှိပါတယ်။
ဒီစစ်ဆေးချက်တွေက သတို့သား၊ သတို့သမီးဆီမှာ ရောဂါတစ်ခုခု ရှိနေရင် နောက်တစ်ယောက်ကိုမကူးစေဖို့၊ သားသမီးဆီကို ရောဂါတွေ လက်ဆင့်မကမ်းမိစေဖို့ စစ်ဆေးရတာပဲ ဖြစ်ပါတယ်။
ဘာတွေစစ်ရမလဲဆိုတော့
(၁) သွေးအမျိုးအစားနဲ့ Rh
မိခင်၊ ဖခင်တွေရဲ့ သွေးအမျိုးအစား (A, B, O)နဲ့ Rh အပေါင်းသွေးလား၊ အနှုတ်သွေးလား သိထားမယ်ဆိုရင် မွေးလာမယ့် ကလေးမှာ သွေးအမျိုးအစားတွေ ဓာတ်ပြုတာကြောင့် ဖြစ်လာမယ့် နောက်ဆက်တွဲတွေကို တားဆီးနိုင်မှာ ဖြစ်ပါတယ်။
(၂) လိင်ကတဆင့် ကူးစက်ရောဂါများ
HIV၊ ဘီပိုး၊ စီပိုးနဲ့ ဆစ်ဖလစ်တို့ကို အဓိက စစ်ဆေးတာ ဖြစ်ပြီး တစ်ယောက်မှာ ရှိနေရင် နောက်တစ်ယောက်ကို မကူးစက်အောင် ကြိုတင်တားဆီးနိုင်မှာဖြစ်သလို ကလေးဆီကို ရောက်မသွားစေဖို့ ကြိုတင်ကာကွယ်နိုင်မှာ ဖြစ်ပါတယ်။
(၃) သာလဆီးမီးယားသွေးရောဂါ
သာလဆီးမီးယားသွေးရောဂါက မိခင်၊ ဖခင်တွေမှာ ရှိနေရင် ကလေးဆီကို မျိုးရိုးလိုက်ပြီး ပါနိုင်တာကြောင့် ကြိုတင်သိထားဖို့လိုပါတယ်။
မင်္ဂလာမဆောင်ခင် လိုအပ်တဲ့ ဆေးစစ်ချက်တွေ ပြုလုပ်ထားတာက ရောဂါတွေကို စောစီးစွာသိစေပြီး မိမိရဲ့ လက်တွဲဖော်နဲ့ သားသမီးတွေကို မကူးစက်စေဖို့ ကြိုတင်တားဆီးနိုင်မှာ ဖြစ်သလို ကုလို့ရတဲ့ရောဂါတွေဆိုရင်လည်း ကြိုတင်ကုသဖို့ အခွင့်အရေးရစေတာကြောင့် စုံတွဲတိုင်း လက်မထပ်ခင် ဆေးစစ်သင့်ပါတယ်။
မင်္ဂလာဆောင်ခြင်းက ဘဝအတွက် အရေးပါတဲ့အဆင့်တစ်ဆင့်ဖြစ်တာကြောင့် စေ့စပ်သေချာအောင်ပြုလုပ်ဖို့ အရေးကြီးပါတယ်။ ရွှေလက်မတွဲခင် ဆေးစစ်တာတွေလုပ်ချင်တယ်ဆိုရင်တော့ အချိန်မဆိုင်းဘဲ အမြန်ဆုံး ဆက်သွယ်လိုက်တော့နော်။
Heal U Wellness - Your health excellence is one trip away.
