Media Center SNAEM, I.P

Media Center SNAEM, I.P Informações para nos contactar, mapa e direções, formulário para nos contactar, horário de funcionamento, serviços, classificações, fotos, vídeos e anúncios de Media Center SNAEM, I.P, Serviço de segurança & primeiros socorros, Rua Caicoli Dili, Timor Leste, Dili.

𝐒𝐍𝐀𝐄𝐌,𝐈.𝐏,: 𝐒𝐞𝐱𝐭𝐚-𝐅𝐞𝐢𝐫𝐚 𝟏 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__Ministeriu Saude, Servisu Nasional Ambulansia no Emejensia Medika (SNAEM,I.P), ...
07/11/2025

𝐒𝐍𝐀𝐄𝐌,𝐈.𝐏,: 𝐒𝐞𝐱𝐭𝐚-𝐅𝐞𝐢𝐫𝐚 𝟏 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__

Ministeriu Saude, Servisu Nasional Ambulansia no Emejensia Medika (SNAEM,I.P), hamutuk ho Hospital Nasional Guido Valadares (HNGV), realiza Konsulta Massal iha resintu MJDAC Largo Lecidere.

Atu komemora loron Masakre Santa Kruz ba dala-###IV (12 Novmbro 1991 - 12 Novembro 2025), ho tema “Hau Ema Timor Orgullu ho Hau nia Nasaun “ iha ne’ebe Komisaun Organizadora ba eventu hodi kolabora ho Ministeriu Saude atu hala’o Konsulta Masal ba Populasaun sira.

Enkuantu iha kosulta massal ne’e, sei konsulta ho doutor sira konaba moras sira mak hanesan Matan, Tilun, Kulit,TB, Hasai X-Ray, Teste Laboratóriu, Teste Ran, rins, Fuan no Sel-Seluk tan.

Iha konsulta Masal ne’e mos, Mediku, Enfermeiru ,Parteira ,husi Servisu Nasional Ambulansia no Emejensia Medika (SNAEM,I.P), Hospital Nasional Guido Valadares (HNGV), Centro Saude sira, entertantu konsulta refere partisipa maximu husi Inan Aman, Joven, Labarik, no Inan Isin Rua sira.

Prezensa iha Konsulta Massal ne’e Diretor Jeral Servisu Nasional Ambulansia no Emejensia Medika (SNAEM,I.P), dr. Simplicio Amaral de Deus, Diretor Gabinete Politika Planeamentu no Koperasaun dr. Florindo Pinto Gonzaga, Prezidente Comite 12 Novembro em Exersisiu, Diretor Jeral Desportu MJDAC, Diretora Nasional Planeamentu Finansas dr. Sezaltina Araujo Mendonca, Xefe Departamentu Servisu Ambulansia dr. Raimundo Pinheiro Magno Xefe Departamentu SEMM-Dili, dr. Martinho da Conciecão Alves Correia, Xefe Departmentu UECQ, dr. Victor Maria Sarmento, no Enfermeiru, Mediku, Parteira SEMM-Dili sira.

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟔 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__Operasaun Saúde Públika iha Emerjénsia ba Fortalesimentu Nasionál iha Indo-Pasí...
06/11/2025

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟔 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__

Operasaun Saúde Públika iha Emerjénsia ba Fortalesimentu Nasionál iha Indo-Pasífiku (Sigla English-PHOENIX) hala’o enkontu ho Diretor Jeral no Diretora Nasional Operasaun (DNO) SNAEM,I.P iha Salaun HEOC Caicoli.

Sentru Resposta Nasionál ba Kuidadu Krítiku no Trauma (NCCTRC) hanesan komponente xave ida hosi Governu Austrália nia kapasidade preparasaun no resposta ba dezastre no emerjénsia médiku no saúde públika.

NCCTRC hetan ona envolvimentu husi Governu Austrália atu hametin preparasaun ba pandemia no sistema no kapasidade resposta ba surtu iha Indo-Pasífiku liuhosi programa PHOENIX, Programa Multi-Nasionál ida-ne'e maka komponente ida hosi Departamentu Negósiu Estranjeiru no Parseria Komérsiu sira ba Inisiativa Rejiaun Saudavel ida no remata iha Juñu 2027.

Objetivu husi programa ne’e, Nasaun sira iha Indo-Pasífiku fó rezultadu saúde ne'ebé di'ak liu ba ema hotu, hametin Sistema no Kapasidade resposta Emerjénsia Saúde Públika nian iha Indo-Pasífiku, Programa ne’e hetan Apoiu husi Governu Austrália liu husi Parseria ba Rejiaun Saudavel.

Atividade sira sei entrega liu hosi formasaun Multi-Nasionál, Rejionál no Nivel Nasionál sira hanesan, Edukasaun saúde públika aliña ho prioridade nasionál sira, Formasaun sentru operasaun emerjénsia saúde públika, Treinamentu ba ekipa resposta lalais, Rede Resposta ba Alerta Surtu Globál.

Nasaun sira ne'ebé inklui ona iha mak, VIETNAM, FILIPINAS, TAILANDIA, ESTADU FEDERADU MORONETA SIRA, EPÚBLIKA MARSHALL BLANES, KAMBÓJA, MALÁZIA, PAPUA NOVA GUINE, TINALE, INDONÉSIA, TIMOR-LESTE, ILLAS SALOMON no VANUATU.

Iha enkontru ne’e Diretor Jeral SNAEM,I.P. dr. Simplicio Amaral de Deus akompaña hosi Diretora Nasional Operasaun (DNO) dr. Custodia Benevides Florindo, ho Diretora Edukasaun PHOENIX dr. Maya Cherian, Diretora PHOENIX Sra, Meredith Neilson, Koordenadór Eventu & Projetu PHONIEX Sra. Dinorah Caeiro Alves, ho Ekipa sira.

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟔 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__Ministeriu saude, Servisu Nasional ba Ambulansia no Emerjensia Medika (SNAEM,I....
06/11/2025

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟔 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__

Ministeriu saude, Servisu Nasional ba Ambulansia no Emerjensia Medika (SNAEM,I.P) sei halo Konsulta Massal ba komunidade sira, iha ambitu Komemora Loron Masakre 12 Novembro 1991.

Diretor Jeral Servisu Nasional Ambulansia no Emejensia Medika (SNAEM,I.P) dr. Simplicio Amaral de Deus, reuniaun ho Diretora no Xefe Departamentu sira hodi prepara ba konsulta Konsulta Massal ba komunidade sira, iha ambitu komemora Loron Masakre 12 Novembro 1991.

Enkuantu Konsulta Massal refere sei hahu iha loron 7 Fulan Novembro 2025 Largo Lecidere resintu Ministeriu Juventude Desportu Arte no Kultura (MJDAC), entertantu Konsulta Massal ne’e realiza bazeia ba pedidu husi Asosiasaun Jerasaun 12 Novembro1991 (J-12 Nov.1991).

Iha enkontru preparasaun ne’e prezide husi Diretor Jeral, prezensa husi Diretora Nasional Operasaun (DNO) dr. Custodia Benevides Florindo, Diretora Nasional Administrasaun Planeamentu no Finansas (DNAPF), dr. Sezaltina Araujo Mendonca, Xefe Departamentu Servisu Emerjensia Medika Dili, dr. Martinho da Conceção Alves Correia, Xefe Departamentu Planeamentu Finansas (PF) Sra. Antónia Amaral, Xefe Departamentu Administrasaun Logistiku no Rekursu Humanu (ALRH) Sr. Agustinho da Cunha, Xefe Departamentu Kontratasaun Públika (KP) Sr. João Vosco Lobo Brito, Xefe Departamentu Servisu Ambulansia (DSA) dr. Raimundo Pinheiro Magno, Xefe Departamentu UECQ, dr. Victor Maria Sarmento no Asesor Mekaniku, Sr. Florindo Sequeira Rocha.

𝐒𝐍𝐀𝐄𝐌,𝐈.𝐏; 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟓 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__ Diretor Jeral Servisu Nasional ba Ambulansia no Emerjensia Medika (SNAEM,I.P) ...
05/11/2025

𝐒𝐍𝐀𝐄𝐌,𝐈.𝐏; 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟓 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__

Diretor Jeral Servisu Nasional ba Ambulansia no Emerjensia Medika (SNAEM,I.P) dr. Simplicio Amaral de Deus partisipa enkontru Koordenasaun, Instituto Nasional de kombate HIV-SIDA (INCSIDA) atu selebra Loron Mundial HIV-SIDA.

Enkontru koordenasaun ne’e hala’o iha iha salaun enkontru INCSIDA , Praia dos Coqueiros Dili, ne’ebe mak direje husi Presidente Instituto Nacional de Combate HIV-SIDA (INCSIDA), Sr. Daniel Marcal.

Iha enkontru ne’e halo diskusaun konaba ajenda hirak ne’ebe mak atu hala’o iha tempu Selebrasaun Loron Mundial HIV-SIDA ne’ebe mak tuir planu sei akontese iha Merkadu Antigu, Postu Administrativu Same Vila ,Munisipiu Manufahi, iha tempu besik nia laran.

Enkontru ne’e mos prezensa husi parseru sira hanesan, reprezenta Banco Mundial, Jerente Operador Telekomunikasaun sira, Ordem Malta, Klinika Privadu , Madre, no mos parseriu sira seluk.

𝐒𝐍𝐀𝐄𝐌,𝐈.𝐏; 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟓 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__Tersa Feira 4 Novembro 2025, Diretor Jeral Servisu Nasional ba Ambulansia no Em...
05/11/2025

𝐒𝐍𝐀𝐄𝐌,𝐈.𝐏; 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟓 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓__

Tersa Feira 4 Novembro 2025, Diretor Jeral Servisu Nasional ba Ambulansia no Emerjensia Medika (SNAEM,I.P) dr. Simplicio Amaral de Deus partisipa Konsellu Konsultativu iha MdS Palacio das Cinzas Caicoli.

Iha Konsellu Konsultativu ne’e prezide husi S.E Ministra saúde (MS) dr. Élia A.A dos Reis Amaral, SH, akompaña mos husi S.E Vise Ministru ba Fortalesimentu Institusional Saúde (VMFIS) Sr. José dos Reis Magno Lic. SP, MM, S.E Vise-Ministru ba Operasionalizasaun Ospitalá (VMOH-sigla portugés) dr. Flávio Brandão Mendes de Araújo.

Iha Konsellu ne’e S.E Vise Ministru ba Fortalesimentu Institusional Saúde (VMFIS) Sr. José dos Reis Magno Lic. SP, MM, halo aprezenta no update rezultadu enkontru iha ASEAN, no iha tempu hanesan entrega mos Sertifikadu Timor-Leste Livre Malaria.

Prezensa iha Konsellu Konsultativu ne’e, aliende, S.E Ministra saúde (MS) S.E Vise Ministru ba Fortalesimentu Institusional Saúde (VMFIS), S.E Vise-Ministru ba Operasionalizasaun Ospitalá (VMOH-sigla portugés), Diretor Jeral Korporativus, Xefe Gabinete Mds, Diretor Jeral Inistituisaun Autonomu, Diretor Nasional, Xefe Departamentu, Diretor Servisu Saude Nasional no Munisipiu Sira.

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟑𝟎 𝐎𝐮𝐭𝐮𝐛𝐫𝐨 𝟐𝟎𝟐𝟓__Ai-han Mundiál Nasoins Unidas nian iha Timor-Leste, liu husi Dr. Gerry Cenon Ca...
30/10/2025

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟑𝟎 𝐎𝐮𝐭𝐮𝐛𝐫𝐨 𝟐𝟎𝟐𝟓__

Ai-han Mundiál Nasoins Unidas nian iha Timor-Leste, liu husi Dr. Gerry Cenon Cabrera, hanesan Ofisiál Médiku Rejionál ba Ázia no Pasífiku, hasoru malu ho Diretor Jeral, Diretora DNO ho Xefe Departamentu SNAEM,I.P.

Objetivu husi sorumutu ida ne’e, koalia konaba asuntu atu apoiu emerjensia medika mai iha Servisu Nasional Ambulansia no Emejensia Medika (SNAEM,I.P) husi Ai-han Mundiál Nasoins Unidas nian iha Timor-Leste iha Tinan 2026.

Diretor Jeral Servisu Nasional Ambulansia no Emejensia Medika (SNAEM,I.P) dr. Simplicio Amaral de Deus, , Diretora Nasional Operasaun (DNO) dr. Custodia Benevides Florindo, Xefe Departamentu Servisu Ambulansia (DSA) dr. Raimundo Pinheiro Magno.

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟑𝟎 𝐎𝐮𝐭𝐮𝐛𝐫𝐨 𝟐𝟎𝟐𝟓__Loron 29 Outubro 2025, Diretor Jeral Servisu Nasional Ambulansia no Emejensia M...
30/10/2025

𝐒𝐍𝐀𝐄𝐌,𝐈.𝐏: 𝐐𝐮𝐢𝐧𝐭𝐚-𝐅𝐞𝐢𝐫𝐚 𝟑𝟎 𝐎𝐮𝐭𝐮𝐛𝐫𝐨 𝟐𝟎𝟐𝟓__

Loron 29 Outubro 2025, Diretor Jeral Servisu Nasional Ambulansia no Emejensia Medika (SNAEM,I.P) dr. Simplicio Amaral de Deus, hamutuk ho ekipa Ambulansia stanby iha Aero Portu Internasional Prezidente Nicolau Lobato Dili, hodi Simu Xefe Governu S.E Kay Rala Xanana Gusmão ho delegasaun Timor-Leste fila hikas mai Timor-Leste.

Membru Governu IX Governu konstitusional, hamutuk ho Povu Timor-Leste, ho laran solok simu Xefe Governu S.E Kay Rala Xanana Gusmão ho Delegasaun Timor-Leste iha Aero Portu Dili, Fila husi enkontru Forum ASEAN ne’ebe realiza iha Kuala Lupur Malaysia.

iha Aeroportu Internasional Prezidente Nicolau dos Reis Lobato, diretamente simu husi Vice Primeiru Ministru, Ministro Coordenador dos Assuntos Sociais, Ministro do Desenvolvimento Rural e Habitação Comunitária Eng.Mariano Asanami Sabino ho Membru Governu IX Governu konstitusional.

𝐒𝐍𝐀𝐄𝐌,𝐈.𝐏: 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟐𝟗 𝐎𝐮𝐭𝐮𝐛𝐫𝐨 𝟐𝟎𝟐𝟓__Diretor Jeral Servisu Nasional Ambulansia no Emejensia Medika (SNAEM,I.P) ho D...
29/10/2025

𝐒𝐍𝐀𝐄𝐌,𝐈.𝐏: 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟐𝟗 𝐎𝐮𝐭𝐮𝐛𝐫𝐨 𝟐𝟎𝟐𝟓__

Diretor Jeral Servisu Nasional Ambulansia no Emejensia Medika (SNAEM,I.P) ho Diretora Nasional Operasaun (DNO) realiza enkontru ho Asosiasaun Maluk Timor (AMT).

Objetivu konaba enkontru ne’e hodi koalia konaba akordu koperasaun servisu entre Servisu Nasional Ambulansia no Emejensia Medika (SNAEM,I.P) ho Asosiasaun Maluk Timor (AMT).

Enkuantu karik iha posiblidade realiza akordu mak SNAEM,I.P ho AMT sei koalia hamutuk atu hametin kapasidade Klinika no prestasaun servisu, no SNAEM,I.P mos sei fo suporta ba iha Professional Saude sira hanesan Mediku, Enfermeiru, Parteira sira, no atu fasilita mos sesaun formasaun ba modulu klinika ne’ebe inklui Kuidadu Saude Emerjensia.

Iha enkontru ne’e aliende Diretor Jeral Servisu Nasional Ambulansia no Emejensia Medika (SNAEM,I.P) dr. Simplicio Amaral de Deus, , Diretora Nasional Operasaun (DNO) dr. Custodia Benevides, ho husi parte Asosiasaun Maluk Timor (AMT).

𝐒𝐍𝐀𝐄𝐌,𝐈.𝐏: 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟐𝟗 𝐎𝐮𝐭𝐮𝐛𝐫𝐨 𝟐𝟎𝟐𝟓__Menzies Timor-Leste Realiza Workshop konaba Rejionál Emerjénsia no Sistema Kuid...
29/10/2025

𝐒𝐍𝐀𝐄𝐌,𝐈.𝐏: 𝐐𝐮𝐚𝐫𝐭𝐚-𝐅𝐞𝐢𝐫𝐚 𝟐𝟗 𝐎𝐮𝐭𝐮𝐛𝐫𝐨 𝟐𝟎𝟐𝟓__

Menzies Timor-Leste Realiza Workshop konaba Rejionál Emerjénsia no Sistema Kuidadu Krítiku Fortalesimentu, Inisiativa forum parte Interesada Timor-Leste 2025 ne’ebe realiza Salaun Amoku Room Lecidere Dili.

Diretor Jeral Servisu Nasional Ambulansia no Emejensia Medika (SNAEM,I.P) dr. Simplicio Amaral de Deus, , Diretora Nasional Operasaun (DNO) dr. Custodia Benevides Florindo, Xefe Departamentu Servisu Ambulansia (DSA) dr. Raimundo Pinheiro Magno, ho Xefe Departamentu Informasaun no Komunikasaun (DIC) Enf. Luciana Celeste Amaral Partisipa workshop Konaba Rejionál Emerjénsia no Sistema Kuidadu Krítiku Fortalesimentu Inisiativa forum parte interesada Timor-Leste 2025.

Diretor Jeral Servisu Nasional Ambulansia no Emejensia Medika (SNAEM,I.P) dr. Simplicio Amaral de Deus iha nia diskursu workshop ne’e subline” papel importante husi SNAEM,I.P atendementu primeriu Socorro Pre Hospital Care, Manajementu Dezastre, no Dezastre Natural sira ne’ebe mak akontese iha Timor-Leste bazeia ba dekretu Lei SNAEM,I.P nia okos hamutuk ho APC responsavel mos Manajementu kritiku sira responde dezastre natural , no ita agora tama ona iha ASEAN ita presiza moderniza eleva ita nia kapasidade liu liu parte Pre Hospital Care, orgullu ita bele servisu hamutuk ho parseru sira hodi hare asuntu hirak ne’e.

iha forum ida ne’e hamutuk ho parseriu prinsipal sira husi programa RECSI iha Timor-Leste atu fo atualiza konaba programa, partilla informasaun atividades sira tuir mai no mos oportunidade ba kolaborasaun.

𝐒𝐍𝐀𝐄𝐌,𝐈.𝐏: 𝐓𝐞𝐫𝐬𝐚-𝐅𝐞𝐢𝐫𝐚 𝟐𝟖 𝐎𝐮𝐭𝐮𝐛𝐫𝐨 𝟐𝟎𝟐𝟓__Ekipa Tekniku Diresaun Nasional Habitasaun no Urbanismu , Ministeriu Obras Publi...
28/10/2025

𝐒𝐍𝐀𝐄𝐌,𝐈.𝐏: 𝐓𝐞𝐫𝐬𝐚-𝐅𝐞𝐢𝐫𝐚 𝟐𝟖 𝐎𝐮𝐭𝐮𝐛𝐫𝐨 𝟐𝟎𝟐𝟓__

Ekipa Tekniku Diresaun Nasional Habitasaun no Urbanismu , Ministeriu Obras Publikas (MOP), hamutuk ho Ekipa Tekniku Servisu Nasional ba Ambulansia no Emerjensia Medika (SNAEM,I.P) sukat ona fatin atu muda Ofisiu Estasaun Ambulansia Comoro.

Ministeriu Obras Publikas (MOP), Diresaun Nasional Habitasaun no Urbanismu servisu hamutuk ho Ministeriu Saude Servisu Nasional ba Ambulansia no Emerjensia Medika (SNAEM,I.P), Iha tempu besik sei halo instala fali estasaun Ambulansia Comoro ba Centro Saude Comoro nia oin.

𝐒𝐍𝐀𝐄𝐌,𝐈.𝐏: 𝐓𝐞𝐫𝐬𝐚-𝐅𝐞𝐢𝐫𝐚 𝟐𝟖 𝐎𝐮𝐭𝐮𝐛𝐫𝐨 𝟐𝟎𝟐𝟓__Xefe Departamentu Informasaun Komunikasaun (DIK) Enf. Luciana Celeste Amaral ak...
28/10/2025

𝐒𝐍𝐀𝐄𝐌,𝐈.𝐏: 𝐓𝐞𝐫𝐬𝐚-𝐅𝐞𝐢𝐫𝐚 𝟐𝟖 𝐎𝐮𝐭𝐮𝐛𝐫𝐨 𝟐𝟎𝟐𝟓__

Xefe Departamentu Informasaun Komunikasaun (DIK) Enf. Luciana Celeste Amaral akompaña hus Diretora Diresaun Nasional Operasaun (DNO),dr. Custodia Benevides Florindo entrega Ekipamentus komunikasaun Telefone Android ho marka Samsung Galaxy A*5, ba SEMM-Lautem no SEMM-Vikeke.

Ekipamentus komunikasaun Telefone Android ho marka Samsung Galaxy A*5 entrga ba SEMM Munsipiu sira hodi bele fasilita Komunikasaun, atu nune'e fasil hodi bele Komunika malu iha situasaun Emerjensia sira, ou atu foti kazu iha Komunidade sira.

Ekipamentus komunikasaun refre entrga husi Xefe Departamentu Informasaun Komunikasaun (DIK) Enf. Luciana Celeste Amaral simu direta husi Xefe Departamentu Emerjensia Medika Munisipiu Lautem, Enf. Amadoro Sampaio, ho Xefe Departamentu Emerjensia Medika Munisipiu Viekeke, Enf. Miguel Guterres.

𝐒𝐍𝐀𝐄𝐌,𝐈.𝐏: 𝐓𝐞𝐫𝐬𝐚-𝐅𝐞𝐢𝐫𝐚 𝟐𝟖 𝐎𝐮𝐭𝐮𝐛𝐫𝐨 𝟐𝟎𝟐𝟓__Loron 27 Outubro 2025, Diretor Jeral Servisu Nasional ba Ambulansia no Emerjens...
28/10/2025

𝐒𝐍𝐀𝐄𝐌,𝐈.𝐏: 𝐓𝐞𝐫𝐬𝐚-𝐅𝐞𝐢𝐫𝐚 𝟐𝟖 𝐎𝐮𝐭𝐮𝐛𝐫𝐨 𝟐𝟎𝟐𝟓__

Loron 27 Outubro 2025, Diretor Jeral Servisu Nasional ba Ambulansia no Emerjensia Medika (SNAEM,I.P,) hala’o enkontru Trimestral ho Diresaun DNO, Diresaun DNAPF no Xefe Departamentu sira Nasional ho Xefe Departamentu SEM Munisipiu sira inklui RAEOA ho Atauro.

Enkontru Trimestral datoluk ne’e hala’o avaliasaun servisu ba Diresaun Nasional Administrasaun Planeamentu no Finansas (DNAPF) ho Departamentu, Diresaun Nasional Operasaun (DNO) ho Departamentu no mos halo avaliasaun ba Servisu Deskonsentradus Servisu Emerjensia Medika Munisipiu sanolu resin tolu no RAEOA ho Atauro.

Reprezenta Xefe Departamentu SEMM sira, Xefe Departamentu Emerjensia Medika Munisipiu Ermera (SEMM), Enf. Albano Madeira haktuir katak “ ohin ami mai hato’o ami nia Relatoriu servisu no mos problema sira ne’ebe mak ami enfrenta iha terenu, tamba ne’e kada tinan ami hala’o enkontru trimestral tenke relata servisu ba iha Diretor Jeral, hodi bele hatene aspirasaun servisu ne’ebe mak durante ami halo iha Munispiu sira ba futuru saida mak sei halo hodi bele tau ideia hamutuk hodi prosesu lao ba oin”.

Iha intervista Diretor Jeral Servisu Nasional ba Ambulansia no Emerjensia Medika (SNAEM,I.P,) dr. Simplicio Amaral de Deus hateten” ohin ne’e enkontru Trimestral datoluk, hodi avalia servsiu ba Diresaun rua ho nia Departamentu no mos Servisu deskonsentradus Servisu Emerjensia Medika Munisipiu sanolu resin tolu no RAEOA ho Atauro, hodi avalia servisu hirak ne’ebe mak atinje ona, no problema saida deit mak sira hasoru, konaba Relatoriu, Pagamentu sira, no mos Rehablitasaun ba Ofisiu SEMM sira, hodi hare hamutuk iha futuru ita bele hadiak fila fali”.

Entertantu Diretor Jeral akrsenta tan katak agora dadaun Servisu Nasional ba Ambulansia no Emerjensia Medika , halo hela reahablitasaun ba Servisu Emerjensia Medika Munisipiu Ainaro, Munispiu Baucau no RAEOA, Munisipiu Baucau hotu ona, Munisipiu Ainaro 70% no RAEOA 55%.

Prezensa iha Enkontru Trimestral ne’e mak Diretor Jeral Servisu Nasional ba Ambulansia no Emerjensia Medika (SNAEM,I.P,) dr. Simplicio Amaral de Deus, Diretora Diresaun Nasional Administrasaun Planeamentu no Finansas (DNAPF) dr. Sezaltina Araujo Mendonca, Diretora Diresaun nasional Operasaun (DNO) dr. Custodia Benvides Florindo, Xefe Departamentus sira husi Nasional, Assesor Mekaniku Sr. Florindo Rocha, no Xefe Departamentu Emerjensia Medika Munispiu, SEMM, Munisipiu Ainaro, Munisipiu Bobonaro, munisipiu covalima, Munisipiu Dili, Munisipiu Ermera, Munisipiu Likisa, Munisipiu Lautem, munisipiu Manatuto, Munisipiu Manu-Fahi, Munisipiu Viekeke, no Atauro.

Endereço

Rua Caicoli Dili, Timor Leste
Dili

Website

Notificações

Seja o primeiro a receber as novidades e deixe-nos enviar-lhe um email quando Media Center SNAEM, I.P publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.

Atalhos

Compartilhar

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Categoria