Manbriss - MB Ultrasound Center

Home
Manbriss - MB Ultrasound Center

MB Ultrasound Center is a unique center in Timor Leste that provides all types of ultrasound scans

20/09/2024

Vizita no pratika nian mai Timor hanorin ita buat 10 nebee hau hetan maka hanesan:
1. Hakraik an
2. Tolerancia ka perdua malu
3. Tau matan ba povu kiak sira
4. Hakiak paz no dame iha ita fuan, familia no sosiedade laran
5. Labele nauk ka halo korupsaun
6. Labele lokoan no abuzu puder nebee iha
7. Hamnasa no haksolok hamutuk ba buat nebee diak
8. Respetu ema seluk nia diretu no liverdade
9. Labele foti an ka superior ba ema seluk tamba puder ka pozisaun
10. Labele sai lafaek hodi harahun kultura Timor Leste no hadau buat hotu husi povu Timor. Amu hameno hela kedas katak tau matan povu nee tamba nia admira ho povu. Sei la haluha povu nee nia oin midar.

Hafoin semana amu Papa nia vizita saida maka ita nudar sosiedade halo. Refleta duni ga lae?
Maluk sira bele reflete rasik ba.

16/09/2024

Diak liu ba Timor no Timoroan hotu maka lalika tenta interpreta amu papa nia liafuan sira ba interese grupu no Politika. Importante maka liafuan sira nebee amu papa fo hela refleta realidade Timor Leste no global nian husi observasaun uma kreda ka santa se ninian. Juventude, lider politiku sira no sosieda tomak halo reflesaun atu oinsa bele halo dezenvolvimentu diak liu ba povu ho rai ida nee inklui labele naok ka halo korupsaun, labele halo nepotizmu no seluktan. Labele halo projetu dos primus, projetu da Familia no projetu do Partidu. Muda tiha hanoin no mentalidade ba fali iha buat justu, transparente no meritu iha aspetu hotu politika publika nian inklui halakon funsionariu mate klamar no apoiu diak incompetente sira hetor publiku no privadu sira atu presta serbisu diak liutan. Ita bele adapta ona papa nia vizita ba prosesu Dezenvolvimentu ka libertasaun povu nian. Halo kumpleta Joao Paulo 2 nia vizita.

11/09/2024

Vizita Santo Padre.
Santo Padre Joao Paulo segundu vizita Timor iha 1989 ha'u sei tinan lima no moris tan iha foho kuaze la akumpaina. Maibe, aprende no kumpriende liu husi istoria.
Santo Padre Francisco vizita fali ha'u hetan kontatu husi kolega ransu husi 2001_ mediu 2004 husu atu partisipa no akumpaina iha vizita nee ho brigada eclecial. Tamba kleur ona la halo atividade espiritual hamutuk hau hatan dehan diak.
Hamutuk ho istoria amu Papa nian bainhira nia hili naran ba Papa nian hili Francisco nian hau mos buka hatene se los maka Papa Francisco, liu husi lee iha internet, google, biblia no rona dereita husi amu Salaesiano sira liu husi Antigus Alunos Don Bosco. Akumpaina mos amu Papa nia omilia no youtube sira pratika papal nian. Katak Santo Francisco nudar santo ida nebee hadomi ema kiak, hakraik an no seluk tan inklui halo an sai kiikoan iha vida espiritual ka santo nian.

Ha'u desidi atu dedika ha'u nia maioria tempu ba vizita amu papa nian iha dia 9_11 2024 hodi hare no hetan bensaun dereita iha dalan sai no tama ba eroportu nian no iha Tasi tolu. Ita hotu nota amu papa nia omilia ka mensajen ho ninia simplisidade papal nian.
Nunee mos hare no esperiensia dereita fiar Catholika Timoroan sira nian husi ferik katuas, juvens no labarik nian nebee forca no metin tebes. Aeroportu, luron, foholeten, aileten no uma leten nakonu ho Timoroan sira halo devosaun ba amu papa. Loron manas, anin boot no rairahun makas, fiar Timoroan nian la mihis ka nakdoko, nafatin to amu papa liu too misa hahu no remata. Orgullu tebes nudar Timoroan no ho vizita amu Papa nian, matan no tilun mundu nian tomak mai ita rai Santa, Timor. Nasaun ida unku iha mundu, nia povu nia fiar forte no metin tebes.

Mai ita hamutuk ajuda ita nia uma kreda, hametin no habelar diak liutan fiar katolika nian, metin liutan ba oin.

NB: Naran Santo ida nebee ha'u admira no sei kuntinua aprende ninia istoria maka Santo Filipe ka iha Ingled dehan Philips. Espera katak kardinal no bispu sira tuirmai sei hili mos naran nee ba sira nia serbisu papal ninian.

Kalan diak.

08/09/2024

Natureza balun vizita amu papa nian nebee preciza hatene atu ita hotu sente pasaparte no sei bele hetan bensaun.
Amu papa bainhira too, sai husi aeroportu sei lao neneik no amu papa sei uza tempu hodi fo bensaun ba sarani sira nebee hamrik iha dalan sira.
Nunee mos amu viajen ba fatin nunciatura nian ba Palasiu Presidente, parlamentu, CCD no tasi tolu mos ita espera sei nunee.
Tamba nee, mai ita hotu prepara an hatudu ba mundu katak ita povu fiar nain iha rai santo Timor Lorosae nia leten no maioria katolika duni. Mai ita hotu hare rute nee no perpara halo Dili sai mutin, sinal paz, domin no armonia nian durante loron tolu vizita nain nian saseluk nian iha iha Timor.
Forca konjunta husi estadu (FFDTL no PNTL) no igreja nian (THS THM, Escuterus, no Soldadu ba Kristu) sei asegura atu vizita nee ho diak.
Ita mos husu ba Maromak no ita nia natureza Timor atu vizita loron 3 iha Timor lao ho diak.
Kalan diak ba ita hotu.

03/09/2024

It was exactly 14 years ago, I started my professional career at the National Hospital Guido Valadares as one of the three medical Radiographers in the country. Today I am celebrating my four and Zero years old as one of the many working in the labour mobility to Australia. It makes my eitgh year of experience working in the labour mobility.
During these 8 years I witness the complexities, frustrations, tears and unhappiness in the beginning while joining the program. But all ended up in getting capitals, knowlege, skills gained contributes to the smiles on faces of wives, husbands, children, parents, society and Timor nation as a whole.
Lets together build our nation prosperity through labour mobility, through our people, the youths of Timor Leste.

Today, I am making kepala 4 and thanks to all my colleagues, family and friends in Timor Leste, Australia and Pacicif and around the globe who are wishing me a verry happy Birthday. A big thanks to all your thumbs too.

A very big and special thanks and hugs to my best friend and mother of my children@ Aty Costa and the kids. LOVE YOU ALL.

Thank you and God Bless us all.
Aldo (Tupu Lesa)

07/08/2024

Juventude uluk no Agora
Ba Juventude Timoroan sira iha mundu, iha inglatera, irlanda, portugal, Australia, Indonesia no nasaun seluk tan.
Jovens uluk nakar no halo atividade oioin tamba ho objetivu ida ba ukun rasik an. Sira kanek, terus no mate ita bolu sira eroi hanesan veteranus, kombatentes no Estadu ka guvernu rekunese sira nia sakrifisiu no familia goja sira nia eransa ba sira nebe mate iha prosesu nee.
Imi juventude agora nakar, kanek, terus no mate kuaze laiha objetivu ida. Imi kanek terus no mate, familia maka sei terus, ema seluk fo malisan imi no estadu sei kastigu imi uza. Imi bele kategoria tamba iha grupu Juventude sem objetivu a vida da nasaun. Imi sei la sai eroi ho imi nia aktu violentu sira.
Maibe, tempu ba imi sei barak atu muda. Konsentra imi nia estudu, serbisu no aprende barak tan kunesementu foun sira hanesan literasia dijital, intelijente artifisial no sofware no hardware ba informasaun komuniasaun no Teknolojia. Imi Lori fali hirak nee mai Timor ka habelar iha nasaun sira imi moris no serbisu ba. Haburas mikro no pekena empreza sira hodi fo moris ba imi nia an no ema seluk. Imi sei sai eroi foun, maka eroi ba dezenvolvimentu Timor Leste nian iha Timor no mundu.

05/04/2024

MB Training Center is hiring/MB Training Center halo Rekrutamentu. Interested can apply/Interese bele aplika.

25/03/2024

Ba kandidatu no juventude sira nebee hakarak rejistu ba kursu lian Ingles ho MB Training Center _ Centru Haburas Abilidade Timor oan. Bele asesu informasaun detallu iha nee. Rejistrasaun sei hahu hafoin Paskua ida nee.
Nai fo Bensaun no Boa Susesu.
For all the candidates and youth who would like register for English Language Courses with M Training Center, please see detail information below. Registration will starts after this easter break.

God Bless and Good Luck.

23/03/2024

Ami Loke Rejistrasaun

MANBRISS _Centru Haburas Abilidada Timoroan daudaun nee loke rejistrasaun ba Estudantes nain 20 ba Kursu Ingles ba Serbisu rai liur nian. Kursu nee sei kumbina ho abilidade serbisu ba serbisu rai liur nian Durante fulan tolu nia laran.
Se itaboot juventude ida nebee la ba universidade, remata universidade ka sentru formasaun maibe seidauk serbisu no hakarak ba serbisu iha rai liur?
Manbriss Training center sei ajuda ita boot liu husi formasaun.

Atu rejistu, favor komunika ba :
Email:centruhaburasabilidadetimoroan@gmail.com
Numeru: 77402776 ka vizita dereita ba ami nia fatin iha Kampu Baru Manbriss - MB Ultrasound Center ka Kampu Baru Bombeiros nia Sorin ka Vinod Patel Foun ninia kotuk.

Lalais tamba fatin limitadu
MB Training Center

03/11/2022

Espera pasa finadu diak ho ida idak nia familia no agora fila fali ba halao idaidak nia atividade lorloron. MB Manbriss - MB Ultrasound Center kumesa atende fali klientes no pasientes sira hahu loron aban dia 4 de Novembru 2022.
Mai lalais rejistu ita boot sira nia naran tamba ami simu limitadu, ema nain 10 deit kada loron.

24/10/2022

Tamba sa tenki halo USG ba hau nia be’e?
Ba Familia liu-liu inan ho aman importante atu iha jerasaun hodi hatutan sira nia jerasaun iha futuru. Nune’e, isin rua nudar parte importante ida husi vida moris umanu nian no preciza kuidadu inan ho oan nian saude atu proteze no salva inan no bebe nia vida durante isin rua.
Nudar inan no aman nebe’ diak, sei kuidadu sira nia oan hahu kedas husi inisiu bainhira hatene katak isin rua ona.
USG ba be’e ne’e importante atu hatene buat sira hanesan tuirmai ne’e:
• Kunfirma isin rua (isin rua duni ga lae)
• Kunfirma isin rua ne’e diak hela ga lae, iha duni ninia pozisaun ka keta iha liur fali(ectopic)
• Kunfirma laiha moras seluk
• Be’e viable ka diak hela ga lae
• Bebe nia kan, we manas, fuan no seluktan diak hela ga lae
• Bebe nia kresimentu diak hela ga lae, bebe bo’ot tuir ninia data isin rua nian ga lae
• Bebe nia pozisaun diak hela no sei bele moris normal ga lae (keta toba tesik karik)
• Bebe nia predisaun data moris
• Bebe nia sexu no seluk tan
Kondisaun sira ne’e importante tebes ba partus no saude no vida bebe ho inan nian.
Favor bele mai iha ami nia fatin MB Ultrasoud iha Sentru Saude Komoro nia sorin. Lalais halo imi nia apontamentu, ami simu limitadu, ema nain 10 deit kada loron.

22/10/2022

Ola, Maluk Timor oan sira nebee hakarak hare imi nia saude, rins, aten, aten moruk, kabun no bebe nia saude no progressu bebe nian.
Mai lalais ami nia fatin, MB Ultrasound Center iha Kampung Baru, Sentru Saude Komoro nia sorin ou bele kontatu liu husi mobile no wats app 77402776/76072000

Address

Kampu Merdeka, Dili Timor Leste

Opening Hours

Monday	09:00 - 20:00
Tuesday	09:00 - 20:00
Wednesday	09:00 - 20:00
Thursday	09:00 - 20:00
Friday	09:00 - 20:00
Saturday	14:00 - 20:00

Website

facebook.com

Alerts

Be the first to know and let us send you an email when Manbriss - MB Ultrasound Center posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic?

Country:

City: