12/04/2025
خلال عشرة سنوات مش يولي شطر التوانسة يعانيو من السمنة (46%)
انخفاض نسبة الخصوبة عند التوانسة مش يولي شعب متهرم مع انخفاض الطبقة النشيطة و فقدان اليد العاملة .
86% من التوانسة ما يمارسوش رياضة .
الشعب التونسي من اكثر الشعوب استهلاكا للملح بمعدل 12 غرام في اليوم (و هو لازم 5 غ)
الشعب التونسي من اكثر الشعوب تعاطيا للكحول .
الشعب االتونسي لول عربيا في التدخين 49% من الرجال يدخنو .
على قريب 30% من الشعب التونسي مهدد بالسكري
40% عندهم ارتفاع ضغط الدم
اكثر من شطر الكهول عندهم شحم في الدم ...
كي تلم هذا الكل شنوه الصورة الي مش يكون عليها الشعب التونسي بعد عشرة سنين ؟؟؟؟
بلحق كارثة !
و المنظومة الصحية مش تولي عاجزة قدام الكم الكبير من الامراض المزمنة و امراض الشيخوخة و البرد و المفاصل .
شعب لازمو يتخض خضة كبيرة باش يركز بلحق في صحته
دخان و شراب و ملح
ماكلة شارع و مشاكل نوم و قلة حركة
انتشار الامراض النفسية من اكتئاب و هلع و اضطرابات في السلوك .
النمط المجتمعي الي ماشيين فيه من سنوات نمط غير صحي و سيء جدا
مش ينقصو طبة الصغار و يزيدو طبة الشيخوخة
يلزم معاهد التغذية تزيد في كل الولايات
يلزم المشايخ يركزو على تحريم الشراب و الدخان
يلزم الناس ترجع تمشي على ساقيها و الصغار يرجعو يجريو و ينقزو
يلزم قاعات الرياضة تزيد و fast food تبدل نوعية الماكلة متاعها
يلزم ينقص الملح من الخبز عل اقل
يلزم النساء تنقص حرابش التصبير و ترجع تحبل و تجيب 3 صغار ... و لا تقتلو اولادكم خشية املاق !
يلزم الي عنده مرض مزمن يداويه !!
برشه برشه خدمة ماكانش مش تتقرضو و تولي دار عجز .
