18/07/2023
2023 წლის 15 ივლისიდან უცხო ქვეყნის მოქალაქეებისათვის ვიზების გაცემა არ შეწყვეტილა.
საიმიგრაციო ადმინისტაციის მიერ გაკეთდა განაცხადი იმის შესახებ,რომ ,,სტამბოლში 39 რაიონი დახურულია უცხოელების ბინადრობის ნებართვისათვის'' ინფორმაცია არასწორია და არ ასახავს სინამდვილეს . სტამბოლის 10 რაიონი ამჟამად დახურულია ბინადრობის ნებართვის ახალი განაცხადისათვის.
2022 წლის ოქტომბრის თვიდან უცხო ქვეყნის მოქალაქეებისათვის (ლიმიტის ამოწურვის გამო) აიკრძალა ჩაწერა ბინადრობის უფლების მოსაპოვებლად სტამბოლის შემდეგ რაიონებში : ფატიჰი, ესენიურთი, ავჯილარი, ბაჰჩელიევლერი, ბაშაქშეჰირი, ბაღჯილარი, ესენლერი, ქუჩუქჩექმეჯე, სულთანგაზი, ზეითინბურნუ.
ზემოთ ჩამოთვლილი უბნებიდან ბინადრობის უფლების მოპოვებისათვის,მხოლოდ და მხოლოდ, პირველადი განაცხადის გაკეთებაა შეუძლებელი, ხოლო ამ რაიონებში უკვე მცხოვრები უცხო ქვეყნის მოქალაქეები ჩვეულებრივ გააკეთებენ განაცხადს ბინადრობის უფლების გაგრძელებაზე.
