Mustafa Albazaz (2026)

05/12/2023

خلال 3 اشهر كدرنه نكسب حجم عضلي ونخسر دهون ✅

20/10/2022

هذا السؤال هواي يتكرر يصير أتمرن فقط كارديو لان عندي زياده بلوزن ؟ اسمع الفديو وأستفاد ✔️

30/06/2022

هواي نسمع الكارديو الكارديو وبعض الناس يعتقدون انو الكارديو يهدم عضلات ميصير نتمرن كارديو تعالو خل نعرف شنو يعني الكارديو ؟

-هو اي نوع رياضه يزيد معدل نبضات القلب عن المعدل الطبيعي يكون شغله على الجهاز الدوري التنفسي الي هو من اهم الاجهزه الحيويه

تمارين الكارديو المشي , نط الحبل , الركض , البايسكل , الدرج ..... الخ

شي مختصر على فائده الكارديو 👇

-يساعد على حرق الدهون ويعمل عجز كبير في السعرات الحراريه

-يساهم في افراز هرمون السعاده وينشط الدوره الدمويه

-يزيد من ضخ الدم بلتالي راح يساعد على وصول الدم الى العضله بشكل افضل

-يحسن من كفائه الرئتين والجهاز الدوري التنفسي

-زياده الاوكسجين في العضلات يعني استشفاء عضلي اسرع

-تحسين حساسيه الانسولين حساسيه نسولين احسن يعني قدره اعلى على حرق الدهون وتخزين دهون اقل

نصحيه لا تهمل تمرين الكارديو ابد ✅

افضل وقت اتمرن كارديو ؟ شكم دقيقه اتمرن كارديو ؟ يا نوع كارديو اتمرن ؟ راح انزل الكم بوست بخصوص هل شي 👍

28/06/2022

الحمد لله كدرت ارفع علم بلدي من بين 50 دوله مشاركه 🇮🇶❤️ بطوله العالم 🔥

TOP 5 World championship 🌏🏅

27/06/2022

افضل برنامج دايت للشباب والبنات لخساره الدهون :

الفطور : بيضه مسلوقه مع كوب شاي بدون سكر ( اهم شي البيضه المسلوقه )

الغده : علبه تونه ( بلماء ) او صدر دجاج

العشاء : بيضتين سلق مع كوب حليب 🥛

سناك واحد بليوم فقط تفاحه 🍏

ما اعرف شنو احجي يوميه جاي توصلني برامج تغذيه راح توكف راسي 😂 طبعاً هذا البرنامج مدرب كاتبه الى مشتركه تريد تخسر وزن 😊 وحالياً تعاني من ضعف عام و تساقط الشعر و خمول قوي وفقر دم

التغذيه عالم بحد ذاته الدايت مو بهل شكل ❌ اذا انت مو فاهم بهل مجال ما مجبور تكتب برامج تغذيه وتتلاعب بصحه الناس

الدايت يكون نظام مريح ومرن وبي فيتامينات و معادن و كاربوهيدرات وبروتين يعني ( سمج ودجاج و للحم و رز و بطاطا و معكرونا و فواكه و خضروات )

قواعد البرنامج الغذائي :

✅ لازم البرنامج يكون محسوب السعرات ( سعرات اقل من احتياج جسمك يعني خساره دهون )

✅ لازم يكون محسوب الماكروز يعني نحسب احتياج المشترك من البروتين و الكارب و الدهون . وهل شي يختلف من شخص لثاني حسب هدف ومستوى الشخص

✅ لازم مع البرنامج الغذائي نرسل للاعب الفيتامينات و المعادن الي يحتاجهم جسمه

✅ ولازم تبقى على متابعه مع الاعب حته تتاكد انو ما عنده مشاكل بلغذاء او عنده تحسس من اكلات معينه او عنده حساسيه لاكتوز او گلوتين واذا عنده مشكله من ذول تعرف شنو البديل وشلون تعالجها

افضل انواع الدايت هوه الي تكدر تستمر علي لفترات طويله الدايت مو فقط بيض وصدر دجاج و تونه . والله يمكن صالي سنه مماكل تونه 😂 وفكره انو الخبز و الرز و البطاطا و المعكرونا اسمن شيلوها من راسكم ماكو شي يسمن وماكو شي يضعف سعراتك هيه الي تحدد 😊

شارك الموضوع حتى غيرك يستفاد 🥰

26/06/2022

اغلب الناس يعانون من هاي المشكله وهي شلون أمنع الترهلات شلون اقلل من الترهلات بجسمي !!

* الترهلات بي درجات بعض الترهلات ما تنحل الى بتدخل جراحي وهذا الشي للناس الي عدهم زياده بلوزن جداً عاليه وخسر هواي من وزنه خلال فتره الدايت والالتزام

علمود نمنع الترهلات نتبع الخطوات الاتيه :

* لازم نتمرن تمارين مقاومه ( اثقال 🏋️‍♀️ ) حتى نقوم ببناء كتله عضليه بدل الدهون الي راح نخسرها .

* وحتى نبني كتله عضليه 💪🏻 نحتاج توفير كميه مناسبه من البروتين لجسمنه لان العضلات هيه عباره عن احماض امينيه والمصدر الوحيد للاحماض الامينيه هوه البروتين ✔️

* ونبتعد عن البرامج الغذائيه القاسيه لان النزول السريع و خساره الوزن بشكل سريع يسبب ترهلات بلجلد بلاضافه الى مشاكل اخرى ❌

* الحرص على تناول الكاربوهيدرات اذا نريد نوصل اقصى كتله عضليه ونمنع الترهلات فلكاربوهيدرات من العوامل الاساسيه للبناء العضلي 🏋️‍♀️

* فكره انو اني لازم اخسر وزن وما اكل كاربوهيدرات هاي شيلوها من بالكم 🤦

المشتركين الي بلصور يعانون من السمنه كدرنه نتخلص من نسبه عاليه من الدهون و أنضيف نسبه عضلات للجسم ونقلل من ترهلات الجلد ✅

شارك الموضوع خلي غيرك يستفاد 👍🏻

Instagram 5.cr7

26/06/2022

عضلات البطن 🔥
Instagram 5.cr7

16/06/2022

بعد البطوله بعض الاعبين ياكلون الاخضر واليابس وهذا الشي غلط ❌ من الممكن يسبب مشاكل بلجهاز الهضمي و احتباس سوائل وهواي مشاكل اخرى . بعد البطوله ناخذ يوم فري وناكل بي بشكل معقوله وبعدها نرجع للبرنامج الغذائي الخاص بينه . البعض يعتقد انو الدايت فقط في أيام البطولات ❌. الدايت نمط حياه سواء كان عندك بطوله او ما عندك بطوله . ودائما خلي البرنامج الغذائي الخاص بيك مرن يعني بدون حرمان حتى ما يصير عندك ملل من الدايت وتكدر تستمر لوقت اطول 😇 . الصور بعد البطوله ب 10 ايام تقريباً ❤️‍🔥🔥

13/06/2022

فرق 5 أسابيع ✅

12/06/2022

السمنه عند الاطفال مشكله جبيره ليش ؟ 🤔

البالغ 💁‍♂️ من يسمن يعني الخلايا الدهنيه كبرت عنده على سبيل المثال . اذا عنده 10 خلايا دهنيه يبقون 10 خلايا بس يكبر حجمهم

الطفل 👦من يسمن عدد الخلايا زادت عنده وهاي المشكله ❌ مثلا اذا عنده 10 خلايا راح يصيرون 20

السمنه خطره مو فقط على صحتهم . على نفسيتهم ايضاً
راح أنطيكم بعض اسباب السمنه مع حلول بسيطه 😇✅

السبب الاول
❌هوه قله الفعاليات الحركيه للأطفال . يعني قبل كلنه جنه نلعب طوبه نطلع نركض عدنه حركه وجهد بس هسه ماكو اي حركه موبايل بيده او بليستيشن مجرد الاصبع والعين تتحرك . وكل شويه يطلع اعلان يشجع على الاكلات السريعه والسكريات وغيرهم .

✅ لا تمنعون اطفالكم من الموبايل او البليستيشن بس علمهم على ممارسه الرياضه ( الركض . المشي . الحبل . الطوبه . البايسكل . وغيرها من الرياضات ) وخصصو الهم وقت بليل للموبايل الي هوه وقت الراحه . واذا جان عنده كسل لا اجبروهم على الرياضه حته ما يكرها بمرور الزمن بلعكس خصص دقائق من يومك ومارس الرياضه وياه او شجعه معنوياً او سوي وياه تحدي مثلا اذا ركضت 15 دقيقه انطيك هيج شي اذا لعبت طوبه نص ساعه انطيك هيج شي فراح يشجعون على الرياضه . ودائما خلوهم يشربون ماء اثناء الرياضه 🚴⚽️🏀🏈🏓🏸🏃

السبب الثاني
❌كثره الاكلات السريعه 🍔 والمشروبات الغازيه🧃و الحلويات 🍫🍩🍰🍪

✅ اكيد الطفل ما نكدر نمنعه من الحلويات🤤بس نحاول نقلل بلسبوع مره مثلاً . ونعوده على الغذاء السليم 💪🏻والصحي وما نجبر الطفل انو ياكل فوق طاقته . ونعتمد مع الوجبات عصائر طبيعيه بدل المشروبات الغازيه . لان المشروبات الغازيه أدمر الأطفال خل انطيكم هل معلومه وبعد بكيفكم 👇🏻😇

داخل الببسي ( Pepsi ) و كوكا كولا ( coca coal) ❌

اكو حامض اسمه حامض الفوسفوريك وهذا الحامض يوجد بلسوائل الي تغسلون بيها المراحيض والحمامات لان حامض الفوسفوريك يذوب الترسبات ويزيل التكلس . من راح يطب بلجسم راح يذوب مع مرور الوقت الكالسيوم الموجود بلعظام و بلمستقبل راح يسبب هشاشه العظام بلاضافه لكميه السكر الجبيره الي بداخله ما يقارب 14 خاشوكه سكر بلبطل الصغير
ما اعتقد بعد هل حجي راح أشربون الببسي 🌚

السبب الثالث
❌ قله النوم والسهر لوقت متاخر لليل 🥱

✅ جداً مهم النوم للاطفال لازم تنضمون وقت النوم عند اطفالكم . لان هوه وقت النمو و وقت الراحه للجسم 😴

السبب الرابع
❌ قله شرب الماء 💧جداً جداً مهم ترطيب الجسم

✅ اذا اطفالكم ما يشربون ماء بكميات مناسبه .خلو الماء الهم بلاشياء الي يحبوها مثلا العصائر الطبيعه مثلا يشربون حليب 🥛

11/06/2022

الجسم 🏋️‍♀️حته يقوم بلوظائف الي نحتاجهة خلال اليوم يحتاج الى مصدر معين من الطاقه 🔋. وحده قياس هاي الطاقه هي الكالوري calorie ⚡️

احتياج الكالوري ⚡️يختلف من شخص لثاني حسب الوزن والجهد الي يقوم بي الشخص وامور اخرى 💁🏻

الاكل منوع اكو الأكل عالي الكالوري 🍟🍕🍔 واكو منخفض الكالوري 🍓 🫐 🥦 الاكل الي تاكله انت خلال اليوم راح يساوي عدنه مقدار معين من الكالوري⚡️ اذا كان هذا المقدار اكثر ⬆️ من أحتياج جسمك فراح يزيد وزنك ❌ واذا اكلت كالوري اقل ⬇️ من أحتياج جسمك وزنك راح ينزل 😊

زين شلون راح ينزل الوزن ⁉️ على سبيل المثال أحتياج جسمك من الكالوري 2000 يومياً

وانت اكلت 1800 فلجسم راح يعوض النقص الي صار من الدهون الي بجسمك راح يبدأ يكسر 🔨 الدهون ويحولها الى طاقه ⚡️🏋️‍♀️

حته ينزل وزنك لازم تاكل اقل ⬇️ من احتياجك من الكالوري ⚡️ يعني مو تكلي قاطع تمن وخبز وبطاطا ❌ لا عادي اكل تمن واكل بطاطا واكل دجاج و اكل للحم بس الاهم يكون اقل من احتياجك من الكالوري⚡️و تمارس الرياضه 🏋️‍♀️ 🏃‍♂️

محادثه حقيقه بيني وبين مشتركه عندي 🥰

👩 كابتن عندي سؤال
💁‍♂️ تفضلي
👩 اني صالي 6 اشهر ملتزمه بلدايت وما ينزل وزني
💁‍♂️معقوله 6 اشهر فتره طويله . زين حاسبه الكالوري ؟ تتمرنين ؟
👩شنو كالوري يعني . اني كاطعه الخبز والتمن و اكل بس صدر دجاج سلك و بيض الصبح و بليل خضروات . والرياضه مرات اطلع امشي
💁‍♂️هذا الشي غلط لازم تحسبين الكالوري وتاكلين اقل من احتياجج وتمارسين الرياضه بشكل مستمر
👩 ما اعرف شلون احسب الكالوري اريد اشترك وياك
💁‍♂️ اكيد تدللين 🥰

وبعد 3 اشهر من الالتزام بنظام صح ومتابعه ورياضه كدرنه نخسر 8 كيلو وغيرنه من شكل الجسم ومقاسات الجسم والبنيه جددت الاشتراك ل6 اشهر 😂

تابع الانستگرام 👇🏻

Mustafa Albazaz

05/12/2023

20/10/2022

30/06/2022

28/06/2022

27/06/2022

26/06/2022

26/06/2022

16/06/2022

13/06/2022

12/06/2022

11/06/2022

Address

Website

Alerts

Contact The Practice

Shortcuts

Share