What are the opening hours?

Monday 08:00 - 21:30 Tuesday 08:00 - 21:30 Wednesday 08:00 - 21:30 Thursday 08:00 - 21:30 Friday 08:00 - 21:30 Saturday 08:00 - 21:30 Sunday 00:00 - 19:30

https://www.facebook.com/744189625452489/

Afya na Wewe, Mafinga, Mafinga (2026)

15/02/2026

TAHADHARI! ⚠️ UNATUMIA DAWA ZA MAUMIVU KIHOLELA? 💊🤕
Watu wengi tukisikia maumivu kidogo ya mgongo, kichwa, au viungo, basi fasta tunakimbilia Diclofenac, Ibuprofen, Dawa tatu,Hedex au Aspirin. Kitaalamu tunaziita NSAIDs. Lakini kumbe, huku unatuliza maumivu ya mgongo, huku unachimba shimo tumboni! 😱🔥

Hebu tuone kitaalamu namna NSAIDs zinavyofanya kazi na Kupelekea Tatizo hili:

1️⃣ Zinafukuza Walinzi wa Tumbo! 🛡️🚫
Ndani ya tumbo letu kuna walinzi wanaitwa Prostaglandins. Kazi yao ni kutengeneza Ute (Mucus) ili kuzuia tindikali isikuunguze.

NSAIDs zikifika, zinazuia hawa walinzi wasitengenezwe. 🛑

Matokeo yake? Tumbo linabaki "uchi" bila ulinzi wowote! 😬

2️⃣Madhara ya Moja kwa Moja 🔥⚡
Dawa hizi zina tabia ya "uchokozi." Zikifika tumboni zinaanza kuchubua kuta za tumbo k**a vile unavyoweza kuosha kidonda kwa limao. Hapo ndipo tatizo linapoanza. 😫

3️⃣ Tindikali Inamalizia Kazi 🧪🌋
Baada ya dawa kuondoa ule ute wa ulinzi, ile Tindikali (Gastric Acid) sasa inapata nafasi ya kuingia ndani ya nyama ya tumbo.

Hapa ndipo kile kidonda kinapotokea.

Unahisi tumbo kuwaka moto, kujaa gesi, na maumivu makali! 🌋🤢

💡 UFANYE NINI SASA? (DO'S & DON'TS) ✅❌
🚀Usitumie dawa hizi kwa muda mrefu bila ushauri wa mtaalam wa Afya.
🍽️ Usinywe ukiwa na njaa: Hakikisha tumbo lina kitu kidogo ili kupunguza mwasho.
💊 Tumia mbadala salama: K**a una historia ya vidonda vya tumbo, Paracetamol ni rafiki zaidi kwa tumbo lako. 🤝
💧 Kunywa maji ya kutosha: Inasaidia dawa isikae sehemu moja tumboni kwa muda mrefu.

Kumbuka: Afya ya tumbo lako ni muhimu kuliko utulivu wa dakika 30 wa maumivu ya kichwa! 😊🙌

Share na mwenzako anayependa kumeza Diclofenac kila siku! 👇📲

🇹🇿

24/11/2025

💡 Je Wajua: Usiku Mmoja na Zuhura, Maisha na Zebaki/mercury? 💔💀

Kaswende (Syphilis) ni ugonjwa wa zinaa ambao umekuwa tishio kwa wanadamu kwa karne nyingi. Kipindi cha nyuma, kabla ya ugunduzi wa madawa ya kisasa (antibiotics), ugonjwa huu ulikuwa hauna tiba sahihi na madhara yake yalikuwa mabaya sana.
Hapa kuna funzo la kihistoria:

🤢 Tiba ya Kushtusha: Zebaki (Mercury)
Kuanzia karne ya 16 hadi mwanzoni mwa karne ya 20, zebaki (mercury) ilitumika k**a tiba kuu ya kaswende. Watu waliamini kuwa zebaki, ambayo ni sumu kali, inaweza "kusafisha" mwili na kuondoa sumu ya ugonjwa.
Njia za matumizi zilikuwa za kutisha:
-Kupakaa: Zebaki ilipakwa kwenye ngozi k**a marhamu.
-Kumeza: Ilimezwa k**a vidonge au vimiminika.
-Kuvuta moshi: Wagonjwa walikaa kwenye vyumba maalum na kuvuta mafusho yenye zebaki.

😟 Madhara Yaliyokuwa Mabaya Kuliko Ugonjwa
Tiba hii ilikuwa na madhara mabaya sana k**a:
-Kutokwa na mate kupita kiasi.
-Kupoteza meno.
-Uharibifu wa neva na viungo vya ndani.
-Kifo kutokana na sumu ya zebaki/mercury, mara nyingi kabla hata ugonjwa wa kaswende haujawaua.

Wakati mwingine, dalili za kaswende zilipungua kiasili (ugonjwa ulipoingia katika hatua ya utulivu), na madaktari walidhani zebaki imefanya kazi, jambo lililopelekea matumizi yake kuendelea kwa mamia ya miaka.

📜 Msemo wa Kihistoria: "A Night with Venus, a Lifetime with Mercury"
Kutokana na hali hii, msemo maarufu ulizuka Ulaya: "Usiku mmoja na Zuhura (Venus, mungu wa upendo wa Kirumi), maisha na Zebaki (Mercury, tiba hatari)".
Msemo huu ulikuwa onyo la kutisha kuhusu hatari ya kujamiiana bila kinga na matokeo mabaya ya ugonjwa huo na tiba yake yenye sumu.

✅ Tiba ya Leo: Penicillin
Mambo yalibadilika pale penicillini ilipogunduliwa na kuthibitishwa kuwa na ufanisi mkubwa dhidi ya kaswende katika miaka ya 1940. Sasa, kaswende inatibika kwa urahisi na salama, hasa ikigunduliwa mapema.

👏❤️ Linda na ipende afya yako

22/11/2025

🩺 Tafadhali Zingatia Afya Yako: Suluhisho la Uhaba wa Virutubisho 🍊
Tunatambua kuwepo kwa dalili za kawaida zinazoashiria upungufu wa virutubisho muhimu mwilini mwako.
Je, unakumbana na mojawapo ya changamoto zifuatazo? 🤔

💪 Nguvu na Uchovu: Kuhisi mwili kukosa nguvu na hali ya uchovu sugu au kuzidiwa kirahisi. 😴

🧠 Afya ya Akili: Badiliko la mood au hali mbaya ya hisia/msongo. 😔

🦴 Mifupa na Meno: Mifupa dhaifu au meno kuvunjika kirahisi (dalili za upungufu wa madini). 🦷

👱‍♀️ Nywele: Nywele kukatika/kunyonyoka kupita kiasi. ✂️

💡 Mfumo wa Fahamu: Tatizo la ganzi au kupoteza kumbukumbu (kumbukumbu hafifu). 💫

🌟 USIJALI! TUNA SULUHISHO! 🌟
Tunakuletea Virutubisho vya Afya Bora vilivyothibitishwa kusaidia kurejesha usawa na utendaji mzuri wa mwili. Hii ni fursa yako ya kurudisha nguvu, afya ya akili, na uzuri wako!
Karibu sana kujipatia virutubisho hivi na kutatua changamoto zako za kiafya kwa ufanisi na uhakika. ✅
Wasiliana nasi Sasa kupitia simu au ujumbe wa whatsapp ili kupata ushauri binafsi na bidhaa! 📞
COntact/mawasiliano! 👇
+255755083541

15/10/2025

NGUVU YA MATUNDA MWILINI! 🍎🍍🍌🍉
1. UMUHIMU WA KULA MATUNDA
Matunda sio tu matamu na yanaburudisha, bali ni muhimu sana kwa afya bora. Hizi ni baadhi ya faida kuu za kuyafanya matunda kuwa sehemu ya mlo wako kila siku:

>Kuimarisha Kinga ya Mwili: Matunda mengi yana Vitamini C kwa wingi, ambayo ni muhimu katika kuimarisha kinga ya mwili na kupambana na magonjwa mbalimbali k**a mafua na kikohozi.

> Kukupa Nguvu: Yana sukari asilia (fructose) inayokupa nguvu ya haraka na ya kudumu, tofauti na sukari za viwandani.

>Kuboresha Mmeng'enyo wa Chakula: Matunda yana nyuzinyuzi (fiber) nyingi zinazosaidia mfumo wa mmeng'enyo wa chakula kufanya kazi vizuri na kuzuia matatizo k**a kupata choo kigumu.

>Ngozi Yenye Afya na Mng'ao: Vitamini na madini kwenye matunda husaidia kuifanya ngozi yako iwe na afya, nyororo na yenye mng'ao wa asili.
>Kupunguza Hatari ya Magonjwa: Ulaji wa matunda mara kwa mara unaweza kusaidia kupunguza hatari ya magonjwa sugu k**a magonjwa ya moyo, shinikizo la damu, na aina fulani za saratani.

>Kuupa Mwili Maji: Matunda k**a tikiti maji na machungwa yana kiasi kikubwa cha maji, hivyo kusaidia kuupa mwili wako unyevu unaohitajika.

2. KAZI ZA MATUNDA MWILINI
Kila tunda lina kazi yake maalum mwilini kutokana na virutubisho vilivyomo ndani yake. Hapa kuna mifano michache:

>Ndizi (Banana): Zina madini ya Potasiamu kwa wingi ambayo husaidia kudhibiti shinikizo la damu na afya ya moyo.

>Machungwa (Oranges): Chanzo kikuu cha Vitamini C, muhimu kwa kinga ya mwili na afya ya ngozi.

>Mapapai (Papayas): Yana kimeng'enya kiitwacho 'papain' kinachosaidia katika mmeng'enyo wa protini. Pia yana Vitamini A nzuri kwa afya ya macho.

>Maembe (Mangoes): Yana Vitamini A na C kwa wingi, pamoja na antioxidants zinazolinda seli za mwili.

>Parachichi (Avocado): Chanzo kizuri cha mafuta yenye afya (monounsaturated fats) ambayo ni mazuri kwa afya ya moyo na ubongo.

>Nanasi (Pineapple): Lina madini ya Manganese na Vitamini C, na husaidia kupunguza uvimbe mwilini.

>Tikiti Maji (Watermelon): Lina maji mengi na 'lycopene', antioxidant muhimu kwa afya ya moyo.

07/10/2025

Njia za Asili za Uzazi wa Mpango:👨‍👩‍👧‍👦
Kwa wale wanaopendelea njia za asili za kudhibiti mimba na kuepuka madhara yanayoweza kusababishwa na vidonge, sindano, kondomu au njia nyingine za kisasa, kuna mbinu kadhaa za asili ambazo zimekuwa zikitumiwa kwa karne nyingi. Hizi zinahitaji umakini mkubwa na ufuatiliaji wa mwili wako.

1. Njia ya Kalenda📅 (Kalenda ya Uzazi)
Jinsi inavyofanya kazi: Huu ni mfumo wa kufuata mzunguko wa hedhi wa mwanamke. Unatakiwa kujua siku zako za hedhi kwa uhakika. Ovulation (wakati wa yai kutolewa) hutokea takriban siku 14 kabla ya siku ya kwanza ya hedhi inayofuata. Kwa hiyo, k**a mzunguko wako ni mfupi, siku zako za hatari (zakuweza kupata mimba) zitakuwa mapema, na k**a ni mrefu, zitakuwa baadaye.
Jinsi ya kutumia: Fuatilia kwa miezi kadhaa (angalau 6) kujua urefu wa mzunguko wako. Ondoa siku 14 kutoka urefu wa mzunguko wako ili kukadiria siku ya ovulation(siku ya hatari)

Kuongeza Usalama katika Uzazi wa Mpango wa Asili ✅
-Rudisha nyuma siku mbili pindi unapo anza kuingia siku za hatari
+Ongeza mbele siku mbili pindi unapo maliza siku za hatari.

2. Njia ya Laini ya Ukeni 💧(Cervical Mucus Method)
Jinsi inavyofanya kazi: Inahusisha kuchunguza mabadiliko ya ute unaotoka ukeni. Kabla na wakati wa ovulation, ute huu huwa mwingi, wenye uwazi, na unanyatuka k**a ute wa yai mbichi. Hii ni ishara kwamba unaweza kupata mimba.

Jinsi ya kutumia: Chunguza ute wako kila siku. Wakati unapoona mabadiliko haya, jua kuwa siku zako za hatari zimefika. Epuka kufanya mapenzi bila kinga wakati huu.
Kumbuka: Ute unaweza kubadilika kutokana na mambo mengine k**a maambukizi, hivyo unahitaji kuwa makini.

3. Njia ya Joto la Mwili la Asili 🌡(Basal Body Temperature - BBT)
Jinsi inavyofanya kazi: Joto la mwili wako hupanda kidogo baada ya ovulation kutokea. Kwa kupima joto lako kila asubuhi kabla hata hujatoka kitandani, unaweza kujua lini ovulation imetokea.
Jinsi ya kutumia: Tumia kipima joto maalum na pima kila siku asubuhi. Baada ya siku kadhaa za joto la juu, unaweza kujua kuwa ovulation imepita na siku hizo sio hatari sana.
Kumbuka: Njia hii inahitaji nidhamu kubwa na inaweza kuathiriwa na magonjwa, pombe, au usingizi mbaya.

4. Njia za Mchanganyiko (Fertility Awareness-Based Methods - FABMs)
Hizi ni pamoja na kuchanganya njia zote hapo juu (kalenda, ute, na joto la mwili) kwa pamoja ili kupata picha kamili zaidi ya siku zako za hatari na salama.

Muhimu Kumbuka:
Njia hizi za asili zinahitaji nidhamu kubwa, elimu, na ufuatiliaji makini wa mwili wako.
usahihi wake unaweza kuwa chini ikilinganishwa na njia za kisasa, hasa kwa wale wenye mizunguko isiyo ya kawaida.

Ni vizuri kushauriana na mtaalamu wa afya au mtoa huduma ya uzazi wa mpango ili kupata ushauri zaidi na kuhakikisha unachagua njia inayokufaa zaidi.

Kumbuka, afya yako ni muhimu sana, na kuchagua njia sahihi ya uzazi wa mpango ni uamuzi binafsi unaohitaji taarifa kamili na ushauri wa kitaalamu.

02/10/2025

Matumizi Sahihi ya Dawa💊.
>Habari ndugu! Leo tunaangazia somo muhimu sana ambalo linagusa maisha ya kila mmoja wetu: Matumizi Sahihi ya Dawa.

Afya ni utajiri, na matumizi sahihi ya dawa ni ufunguo wa kuilinda na kuirejesha.
Kutumia dawa kwa usahihi ni muhimu kwa sababu zifuatazo:
*Kupata Tiba Kamili: Dawa ikitumiwa ipasavyo, inakupa nafasi kubwa ya kupona kabisa ugonjwa unaokusumbua.
*Kuepuka Madhara: Matumizi sahihi hupunguza hatari ya kupata madhara yasiyotarajiwa ambayo yanaweza kuwa hatari zaidi kuliko ugonjwa wenyewe.
*Kuzuia Usugu wa vimelea: Hasa kwa dawa za kuua bakteria (antibiotics), kutumia vizuri huzuia bakteria kuwa sugu na kufanya dawa isifanye kazi tena mbeleni. Hili ni tatizo kubwa duniani kote.
*Kuokoa Gharama: Kutumia dawa vizuri inamaanisha hutahitaji kununua dawa za ziada au kutibu madhara mapya, hivyo kuokoa pesa zako.
Matumizi Sahihi ya Dawa: Nini cha Kuzingatia?
Ili utumie dawa kwa usahihi, zingatia haya:

-Pata Maelekezo kutoka kwa Mtaalamu wa Afya: Usinunue na kutumia dawa kwa kusikia au kuiga. Nenda hospitali, pata vipimo, na daktari au mfamasia atakuandikia dawa sahihi kwa ugonjwa wako.

-Zingatia Dozi (Kiwango): Tumia kiwango cha dawa ulichoelekezwa. Usiongeze wala kupunguza.

-Fuata Muda: Meza dawa kwa wakati uliopangiwa. K**a umeambiwa ni kila baada ya masaa 8, basi zingatia hivyo. Hii husaidia dawa kufanya kazi mwilini mfululizo.

-Maliza Dozi: Hata ukijisikia nafuu, ni muhimu kumaliza dozi uliyoandikiwa na daktari. Kuacha dawa katikati kunaweza kurudisha ugonjwa na kuongeza usugu wa vimelea.
*Hifadhi Dawa Sehemu Salama: Weka dawa mbali na watoto, jua kali, na unyevu.

Madhara ya Matumizi Mabaya ya Dawa:
Matumizi mabaya ya dawa ni pamoja na kutofuata maelekezo, kutumia dawa za mtu mwingine, au kutumia dawa bila kushauriwa. Madhara yake ni k**a:

•Ugonjwa Kuwa Sugu: unaweza kuwa mgumu zaidi kutibika.
•Kuharibu Viungo vya Mwili: Baadhi ya dawa zikitumiwa vibaya zinaweza kuharibu ini, figo, na moyo.
•Kusababisha Magonjwa Mapya: Unaweza kupata matatizo mengine ya kiafya kutokana na madhara ya dawa.
•Uraibu: Baadhi ya dawa, hasa za maumivu makali, zinaweza kusababisha uraibu.
•Vifo: Katika hali mbaya, matumizi yasiyo sahihi yanaweza kusababisha kifo.

Muendelezo wa somo na mfano vipo kwenye comment itakuwa vizuri ukijumuika👇

01/10/2025

JUMATANO ya Ushauri (Wellness Wednesday):

😴 JUA SIRI YA USINGIZI BORA: FAIDA ZAKE NA MADHARA YA KUKOSA!💡

-Wakati wako wa kupumzika ni nini?
-Je, unalala masaa sahihi kwa ajili ya mwili na akili yako?
- Usingizi sio Umaskini, bali ni Dawa Bora ya Asili!

⏰ Masaa Sahihi ya Kulala kwa Afya Bora (Kila siku):

Kiwango cha usingizi kinatofautiana kulingana na umri,

*Watu Wazima(miaka 18–64), Masaa 7 hadi 9 kwa usiku.

* Vijana (miaka 14–17) masaa 8–10 na

*watoto (miaka 6–13) wanahitaji masaa 9–11.

👍 FAIDA 4 KUU ZA KULALA KWA KIPIMO SAHIHI (Masaa 7-9):

1. Hutia Nguvu Akili na Kumbukumbu: Mwili unapumzika, lakini akili inafanya usafishaji. Usingizi mzuri huongeza uwezo wa kujifunza, kufikiri haraka, na kuimarisha kumbukumbu yako.

2. Huimarisha Kinga ya Mwili:Mwili hutengeneza na kutoa chembechembe zinazopambana na magonjwa (antibodies na cytokines) ukiwa umelala. Kulala vizuri huufanya mwili wako kuwa na ulinzi bora dhidi ya mafua, maambukizi, na magonjwa mengine.

3.Huboresha Hali ya Moyo na Shinikizo la Damu:** Kupumzika kunasaidia mishipa ya damu kujirekebisha na kuweka shinikizo la damu katika kiwango cha chini, kupunguza hatari ya magonjwa ya moyo.

⚠️ MADHARA 4 HATARI YA KUKOSA USINGIZI WA KUTOSHA:

1. Kupungua kwa Tija (Productivity) na Kuzingatia(concentration): Kuwa macho muda mrefu kunafanya utendaji kazi wako na uwezo wa kufanya maamuzi sahihi kuwa chini. Utasahau haraka na kufanya makosa mengi.

2. Kuongezeka kwa Hatari za Ajali:Uchovu huathiri mwitikio wako (reaction time) na umakini, na kuongeza sana hatari ya ajali za barabarani au kazini.

3. Kuharibika kwa Mood na Afya ya Akili: Usingizi mbaya huleta hasira, mfadhaiko, na msongo wa mawazo (stress). Kwa muda mrefu, inaweza kuchangia tatizo la wasiwasi (anxiety) au huzuni (depression).

👉 Wito wa Hatua (Call to Action):
Anza leo kujali usingizi wako! Hakikisha unapata masaa 7 hadi 9 ya usingizi usioingiliwa.

Tuambie kwenye comments👇: Wewe hulala masaa mangapi kwa siku?
Je, unaona tofauti gani ukiacha kulala vizuri?

22/09/2025

AFYA YAKO, MTAJI WAKO! 💪
Habari! Leo tunashirikishana dondoo rahisi za afya kutoka Shirika la Afya Duniani (WHO) ambazo kila mtu anaweza kuzifuata ili kuishi vizuri zaidi.
Afya bora huanza kwenye sahani yako! Hapa kuna misingi 5 ya lishe bora:
1️⃣ ONGEZA MATUNDA NA MBOGA ZA MAJANI: Hizi huupa mwili wako vitamini na nguvu za kujilinda dhidi ya magonjwa. Jaribu kula angalau aina tano tofauti kila siku. 🥭🥬🥕
2️⃣ PUNGUZA SUKARI: Sukari iliyozidi mwilini huweza kusababisha uzito uliopitiliza na magonjwa mengine. Epuka soda na juisi za kiwandani. 🥤
3️⃣ PUNGUZA CHUMVI: Chumvi nyingi huongeza hatari ya kupata shinikizo la damu (presha) na magonjwa ya moyo. Kijiko kimoja kidogo cha chai kwa siku kinatosha! ❤️
4️⃣ CHAGUA MAFUTA MAZURI: Pendelea mafuta ya mimea (k**a ya alizeti) na punguza vyakula vya kukaanga sana na vyenye mafuta mengi ya wanyama. 🥑
5️⃣ KUNYWA MAJI SAFI YA KUTOSHA: Maji ni muhimu kwa karibu kila kazi inayofanyika mwilini mwako. Hakikisha unakunywa maji ya kutosha siku nzima. 💧
Mwanzo mdogo huleta mabadiliko makubwa!
Je! ni tabia gani MOJA kati ya hizi unaweza kuanza nayo wiki hii?
Andika namba ya chaguo lako kwenye comments! 👇

20/09/2025

JE, UNAJUA? Mwili wako ni k**a mmea, unahitaji maji kustawi, sio sukari! 🌱💧
Habari ndugu zangu! Leo tuangazie jambo muhimu sana kwa afya zetu: uchaguzi kati ya
kunywa maji na vinywaji baridi k**a soda. Wengi wetu tunapenda ladha tamu ya soda, lakini je,
tunajua tunaupa nini mwili wetu?

Hebu tulinganishe:
MAJI YA KUNYWA: Zawadi ya Uhai kwa Mwili Wako 💧💪
● Husafisha Mwili: Maji ni muhimu kwa figo kufanya kazi yake ya kuchuja na kuondoa
sumu na takataka mwilini.
●Huchochea Mmeng'enyo (Metabolism): Kunywa maji ya kutosha kunaweza
kusaidia kuongeza kasi ya mmeng'enyo wa chakula, na hivyo kusaidia katika kudhibiti
uzito.
● Hulainisha Ngozi: Unataka ngozi yenye afya na mng'ao? Maji ndio siri! Husaidia kuipa
ngozi unyevu na kuifanya iwe nyororo.
● Huongeza Nguvu na Nishati: Uchovu mwingi mara nyingi ni dalili ya upungufu wa maji
mwilini. Kunywa maji kutakuacha ukiwa mchangamfu na mwenye nguvu.
● Husaidia Viungo na Ubongo: Maji hulainisha viungo na ni muhimu kwa utendaji kazi
mzuri wa ubongo wako.

SODA NA VINYWAJI BARIDI: Mtego Mtamu Wenye Madhara 🥤⚠️
● Bomu la Sukari: Chupa moja ya soda inaweza kuwa na vijiko vya sukari zaidi ya 10!
Sukari hii ikizidi mwilini hubadilishwa kuwa mafuta, na kuchangia kuongezeka uzito na
unene uliokithiri (obesity).
● Hatari ya Magonjwa: Matumizi ya soda mara kwa mara yanahusishwa na ongezeko la
hatari ya kupata magonjwa k**a kisukari cha aina ya 2, magonjwa ya moyo, na shinikizo
la damu.
● Huharibu Meno: Asidi na sukari nyingi kwenye soda huyeyusha na kuharibu tabaka la
nje la meno, na kusababisha meno kuoza.
● Haina Virutubisho: Tofauti na maji, soda haina virutubisho vyovyote vya maana kwa
mwili. Ni "kalori tupu" zinazokuongezea uzito bila faida yoyote.
● Huondoa Maji Mwilini (Dehydration): Ingawa ni kinywaji, kafeini iliyopo kwenye baadhi
ya soda inaweza kuchangia mwili kupoteza maji.

Wakati soda inakupa raha ya muda mfupi kutokana na ladha yake tamu, maji yanakupa uhai na afya ya njema. Kila unapojisikia kiu, fikiria mara mbili kabla ya kufungua chupa ya soda.
Chukua glasi ya maji; ni chaguo bora zaidi kwa afya yako ya sasa na ya baadaye.

Badilika leo, anza safari nzuri kwa afya yako. Mwili wako utakushukuru!

17/09/2025

Tujuane Zaidi.

Habari za mida hii marafiki!👋, mimi ni mtaalamu wa afya kwa jina rahisi mfamasia (mtaalamu wa dawa)

Kwanza kabisa nimefurahi kwa uwepo wenu katika ukurasa huu.
Asante kwa upendo wenu!

K**a mtakavyokuwa mkiona hapa tutakuwa tunazungumza mambo mengi yanayohusu Afya, lishe, mazoezi na jinsi ya kuishi maisha yenye afya njema. Lakini kabla ya yote ningependa tuwe marafiki!
Nisingependa mimi peke yangu niwe nazungumza au kuanzisha maada kila siku. Huu ni ukurasa wetu sote, na ninaamini tunaweza kujifunza mengi kutokana na uzoefu wa kila mmoja wetu humu.
"Tafadhali nijulishe, wewe unatokea wapi? Na ni maada gani ya afya unayoipenda zaidi au unataka tujifunze kwa pamoja? Hebu tuanze na hili👇"

16/09/2025

Habari! Za muda huu, mimi ni Mtaalamu wa Dawa.
Kwenye page hii, nitakuwa nakupa elimu kuhusu matumizi sahihi ya dawa, kuvunja myths za afya, na kujibu maswali yenu. K**a unataka kuelewa afya yako vizuri zaidi, ili kuendelea kupata elimu inayo husu afya yako na wote uwapendao bonyeza follow!✅

Afya na Wewe

15/02/2026

24/11/2025

22/11/2025

15/10/2025

07/10/2025

02/10/2025

01/10/2025

22/09/2025

20/09/2025

17/09/2025

16/09/2025

Address

Opening Hours

Website

Alerts

Shortcuts

Share

Category

Monday	08:00 - 21:30
Tuesday	08:00 - 21:30
Wednesday	08:00 - 21:30
Thursday	08:00 - 21:30
Friday	08:00 - 21:30
Saturday	08:00 - 21:30
Sunday	00:00 - 19:30