Dr. Kyaw Zaw Hein

05/10/2025

— 'လက်သည်းပွင့်ခြင်း' ကို နိမိတ်အမျိုးမျိုး ဖတ်ကြပါတယ် —
လက်သည်းပွင့်ခြင်း (၃) မျိုးနှင့်..
ဘာကြောင့် လက်သည်းပွင့်ရတာလဲ ?
ဘာဖြစ်တတ်လဲ ?
ဆိုတာကို ဆေးပညာရှူထောင့်ကနေ
ပြောသွားပါမယ် ခင်ဗျာ…

04/30/2025

-- ဝက်ခြံကို ပိုဆိုးစေနိုင်တဲ့ အစားအစာ အုပ်စု ၂ မျိုး ရှိပါတယ် −−
ပထမ အုပ်စုကတော့
သကြားဓါတ်ညွှန်းကိန်းများတဲ့
(High Glycemic Index) အစာအစား အုပ်စု
ဖြစ်ပါတယ်....
လေးစားစွာဖြင့်
လ/ထ ပါမောက္ခ Dr. ကျော်ဇောဟိန်း

04/21/2025

— ‘ အစာအိမ်နာ’ ဖြစ်စေသော အရာ (၂) မျိုး —
◾️ အစာအိမ်မှာ အနာဖြစ်ရင် …
- ဗိုက်နာခြင်း၊
- ဗိုက်အောင့်ခြင်း၊
- အစာမကြေခြင်း၊
- ရင်ပူခြင်း၊
- အစားအသောက်ပျက်ခြင်း၊
စသည့် ဝေဒနာများကို
နှစ်ရှည်လများ ခံစားရပါတယ်.
နေ့စဉ် တရှောင်ရှောင်နဲ့
ရောဂါအရှင်း မပျောက်ပဲ ဖြစ်နေတတ်ပါတယ်.

ပိုဆိုးလာရင်တော့
အစာအိမ် သွေးကြောပေါက်ပြီး
သွေးအန်ခြင်း၊
သွေးဝမ်းသွားခြင်း တို့ ဖြစ်တတ်ပါတယ်.
ဒါကြောင့် ‘အစာအိမ်နာ’ ဖြစ်စေနိုင်တဲ့အရာများကို
အများသိရှိ ရှောင်ရှားနိုင်ရန် အလို့ငှါ
မျှဝေရေးသားလိုက်ပါတယ် ခင်ဗျာ...

◾️ ‘အစာအိမ်နာ’ကို ဆေးပညာမှာတော့
Peptic ulcer လို့ ခေါ်ပါတယ်.
အစာအိမ် နှင့် အူသိမ်တို့ရဲ့
အတွင်းနံရံတွေဟာ ပါးလွှာပျက်စီးလာပြီး
အနာတွေ ဖြစ်ပေါ်လာခြင်း ဖြစ်ပါတယ်.

◾️ ဘာကြောင့် ဖြစ်တာလဲ ❓
1️⃣ နံပါတ် ၁ ကတော့
အိပ်ချ်ပိုင်းလိုရီ (H. Pylori) လို့ ခေါ်တဲ့
ပိုးမွှားကြောင့် ဖြစ်ပါတယ်.

ဘယ်လို ကူးစက်ခံရနိုင်လဲ ❓
အစာအိမ်ရောဂါပိုးရှိသူရဲ့ တံထွေးကနေတဆင့်
ကူးစက်ခံရတာ ဖြစ်ပါတယ်.

ဥပမာ .
- ရေခွက်တခုတည်း အတူသောက်မိခြင်း၊
- အစားအသောက်တခုခုကို အတူမျှဝေစားမိခြင်း၊
- အစာအိမ်ရောဂါရှိသူကို နမ်းမိခြင်း
တို့ကြောင့် ဖြစ်ပါတယ်
နောက်ပြီး
အစာအိမ်ရောဂါရှိသူရဲ့
မသန့်ရှင်းသော လက်မှတဆင့်လည်း
ကူးစက်ခံရနိုင်ပါတယ်.


2️⃣ နံပါတ် ၂ ကတော့
အကိုက်အခဲပျောက်ဆေးများကို
ရေရှည်စွဲသောက်မိခြင်းကြောင့်
အစာအိမ်နာ ဖြစ်နိုင်ပါတယ်.

ဥပမာ .
- အိုင်ကလို (Diclofenac)၊
- အိုင်ဗူပရိုဖန် (Ibuprofen) စသည့်
အကိုက်အခဲပျောက်ဆေးများကို
စွဲသောက်မိခြင်းကြောင့် ဖြစ်ပါတယ်.

ဒါကြောင့် .
အကိုက်အခဲပျောက်ဆေးများကို
အမှန်တကယ် လိုအပ်မှ သောက်သုံးသင့်ပါတယ်.
ရေရှည် စွဲသောက်ခြင်းကိုလည်း ရှောင်သင့်ပါတယ်.
မှတ်ချက်။
ပါရာစီတမော(paracetamol) ကတော့
အစာအိမ်နာ ‘မ’ဖြစ်စေနိုင်ပါ.

◾️ ဘယ်လိုကုသနိုင်လဲ ❓
ဗိုက်နာခြင်း၊ ဗိုက်အောင့်ခြင်း စသည့်
အထက်ဖော်ပြပါ လက္ခဏာများကို
နှစ်ရှည်လများခံစားနေရရင်တော့
မိမိမှာ H. pylori ပိုး “ရှိမရှိ”
စစ်ဆေးသင့်ပါတယ်.
💊 အကယ်၍ ပိုးရှိခဲ့ရင်တော့
- ‘Triple-therapy’ လို့ခေါ်တဲ့ ၃ မျိုးစပ်ဆေး
(သို့မဟုတ်)
- ‘Quadruple therapy’ လို့ခေါ်တဲ့ ၄ မျိုးစပ်ဆေး
စသည့် ဆေးဝါးများကို
အချိန် ၂ ပတ်ကြာ သောက်သုံးခြင်းဖြင့်
လုံးဝ ပျောက်ကင်းအောင် ကုသနိုင်ပါတယ် ခင်ဗျာ…
−−−−−−

လေးစားစွာဖြင့်
Dr. ကျော်ဇောဟိန်း
လ/ထ ပါမောက္ခ (ဆေးပညာ)

03/21/2025

. ဝါသနာပါတဲ့ အလုပ်ဖြစ်လို့…
… ဆေးကုရတာ ပျော်ပါတယ် 👨‍⚕️

01/06/2025

−− ‘အဆီစုပ်ထုတ်ခြင်း'၏ ကောင်းကျိုး/ ဆိုးကျိုးများ −−
◼️ အဆီစုပ်ထုတ်ခြင်း (Liposuction) ကြောင့်
အောက်ဖော်ပြပါ
ကောင်းကျိုးများနှင့် ဆိုးကျိုးများကို
ခံစားရနိုင်ပါတယ်...

အဆီစုပ်ထုတ်ခြင်းဆိုတာ ဘာလဲ ❓
◼︎ သတ္တုချောင်းပုံစံ အဆီစုပ်ပိုက်ကို
ဗိုက်ကြွက်သားနဲ့ အရေပြားကြားထဲ
ထိုးထည့်ပြီး အဆီပိုတွေကို
စုပ်ထုတ်ဖယ်ရှားခြင်း ဖြစ်ပါတယ်...
အလှအပဆိုင်ရာ ခွဲစိတ်မှုတမျိုးဖြစ်ပါတယ်.

◼︎ အဆီ ၂ မျိုး
ယေဘုယျအားဖြင့် ခန္ဓာကိုယ်ထဲမှာ
အဆီ ၂ မျိုးရှိပါတယ်.
1. အရေပြားအောက်ရှိ အဆီများ (Subcutaneous fat)
2. ဝမ်းတွင်း ကလီစာအဆီများ (Visceral fat) တို့
ဖြစ်ပါတယ်.
◼︎ အထူးသတိပြုစရာကတော့
အဆီစုပ်ထုတ်ခြင်းဟာ
“အရေပြားအောက်ရှိ အဆီ” များကိုသာ
စုပ်ထုတ်နိုင်ပါတယ်.

ခန္ဓာကိုယ် ဘယ်အစိတ်အပိုင်းကို ပြုလုပ်နိုင်လဲ❓
▪️အဆီများတဲ့ နေရာတွေ …
ဥပမာ .
− ဗိုက်
− ခါး
− လက်မောင်း
− ပေါင်
− တင်ပါး
− မေးရိုး. လည်ပင်း
စသည်တို့ ဖြစ်ပါတယ်.

ဘ​ယ်သူတွေ ပြုလုပ်နိုင်လဲ❓
◼︎ ကိုယ်ခန္ဓာသွယ်လျ လှပချင်သူများ အနေနဲ့
1. ကယ်လိုရီ လျော့စားခြင်းနဲ့
2. လေ့ကျင့်ခန်းပြုလုပ်ခြင်း တို့ကို
ပထမဆုံး ပြုလုပ်သင့်ပါတယ်.

ဒါပေမယ့်
အဆီ'မ’ကျဘူး ဆိုရင်တော့
Liposuction လို့ခေါ်တဲ့ အဆီစုပ်ထုတ်ခြင်းကို
ဒုတိယဦးစားပေးအနေနဲ့
စဉ်းစားနိုင်ပါတယ်.

◼︎ ကောင်းကျိုးများ
- အချိန်တိုအတွင်း အဆီပိုများကို ဖယ်ရှားနိုင်ခြင်း၊
- ကိုယ်ခန္ဓာ ပိုမိုသွယ်လျလှပလာခြင်း၊
- စိတ်ကျေနပ်မှုရရှိခြင်း၊
- ရလာဒ် ကြာရှည်ခံခြင်း၊
စသည်တို့ ဖြစ်ပါတယ်.

◼︎ ဆိုးကျိုးများ
လူ ၁၀၀ မှာ ၅ ယောက်လောက်က
ဆိုးကျိုးတွေကို ခံစားရနိုင်ပါတယ်.
ဥပမာ .
− အနာပိုးဝင်ခြင်း
− ထုံကျင်ကိုက်ခဲနေခြင်း
− အနာပြည်တည်ခြင်း
− အမာရွတ်ကျန်ခြင်း
− ရောင်ရမ်းခြင်း
− အရေပြားပုပ်ခြင်း
စသည်တို့ ဖြစ်ပါတယ်.

​ေ−ဆုံးနိုင်ခြေရှိလား ❓
ကျွမ်းကျင်သော ခွဲစိတ်ဆရာများဖြင့် ပြုလုပ်ရင်တောင်မှ
လူ ၅၀၀၀ မှာ ၁ ယောက် ​ေ−ဆုံးနိုင်ခြေရှိပါတယ်.

◼︎ ဘာကြောင့်လဲဆိုရင်တော့
− အဆုတ်သွေးခဲခြင်း (Pulmonary thromboembolism)
− သွေးကြောထဲ အဆီများရောက်ရှိခြင်း (Fat embolism)
− သွေးဆိပ်တက်ခြင်း (Sepsis)
− မေ့ဆေး/ထုံဆေးများ၏ ဘေးထွက်ဆိုးကျိုးတွေကြောင့် ဖြစ်ပါတယ်.

◼︎ နိဂုံးချုပ်အနေဖြင့်
အဆီစုပ်ထုတ်ခြင်း၏
ကောင်းကျိုးနှင့် နောက်ဆက်တွဲဆိုးကျိုးများကို
သေချာသိရှိပြီး၊
မိမိကိုယ်တိုင် လက်ခံနိုင်မှ ပြုလုပ်သင့်ပါတယ်.
ဆရာဝန်၏တိုက်တွန်းမှုကြောင့်
(သို့မဟုတ်)
သူငယ်ချင်းတွေရဲ့ စကားကိုနားယောင်မှုတို့ကြောင့်
အလျင်စလို မပြုလုပ်သင့်ပါဘူး ခင်ဗျာ…

−−−−−−

လေးစားစွာဖြင့်
Dr. ကျော်ဇောဟိန်း
MBBS (Mdy), DTMH (Trop. Med.)
M.D. (Internal Medicine), Ph.D. (Dermatology)
FACP (USA)
လ/ထ ပါမောက္ခ

08/21/2024

— မိမိဟာ ဖုန်းအသုံးများတဲ့ လူတယောက်ဖြစ်မယ်ဆိုရင်တော့ …
‘20-20-20’ လို့ခေါ်တဲ့ အခြေခံ သဘောတရားကို သိထားသင့်ပါတယ် —

06/19/2024

−− “စိတ်ကျရောဂါ” - အမျိုးသားနှင့် အမျိုးသမီး ကွာခြားချက်များ −

◼️ စိတ်ကျရောဂါရနေရင်
အမျိုးသားနှင့် အမျိုးသမီး
စိတ်ခံစားမှုတွေ ကွာခြားတတ်ကြပါတယ်…
နောက်ပြီး …
ရောဂါဖြစ်ပွားမှုနှုန်း .
အတွေးအခေါ်.
အပြုအမူ .
စိတ်ကျရောဂါကို တုံ့ပြန်မှုများလည်း
ကွာခြားတတ်ကြပါတယ်.
ဒီလို ကွာခြားမှုများကို
အလွယ်တကူ သတိပြုမိစေရန်အလို့ငှါ
အောက်ဖော်ပြပါ ရုပ်ပြပုံများဖြင့်
မျှဝေ ရေးသားလိုက်ပါတယ် ခင်ဗျာ..

(မှတ်ချက်။ တခါတရံ အမျိုးသားတွေမှာ ခံစားရတဲ့ လက္ခဏာများကို အမျိုးသမီးတွေမှာလည်း တွေ့ရှိရနိုင်ပါတယ်.. အပြန်အလှန်လည်း ခံစားရနိုင်ပါတယ်)

ချစ်ခင်လေးစားစွာဖြင့်
Dr. ကျော်ဇောဟိန်း
လ/ထ ပါမောက္ခ (ဆေးပညာ)
ခေတ္တ USA

06/15/2024

−− ခေါင်းကိုက်ခြင်း (၅) မျိုး −−
◼️အောက်ဖော်ပြပါ အကြောင်းတရားများကြောင့်
ခေါင်းကိုက်ဝေဒနာ ခံစားရနိုင်ပါတယ် …
၁). ဦးခေါင်းတခုလုံးကိုက်ခဲခြင်း
၂). ခေါင်းတခြမ်းကိုက်ခြင်း
၃). မျက်စိတဝိုက် ခေါင်းကိုက်ခြင်း
၄). ထိပ်ကပ်နာကြောင့် ခေါင်းကိုက်ခြင်း
၅). ရုတ်တရက်ပြင်းထန် ခေါင်းကိုက်ခြင်း .
(ဗီဒီယိုကို ကျွန်တော့်ရဲ့ YouTube မှာ ကြည့်နိုင်ပါတယ်)

◼️ ၁. ဦးခေါင်းတခုလုံးကိုက်ခဲခြင်း
နဖူး.
နားထင်.
ခေါင်းနောက်စေ့ခြမ်းနဲ့
ဦးခေါင်းတခုလုံးမှာ တင်းကျပ်ပြီး
ကိုက်ခဲနေတတ်ပါတယ်.
ဆေးပညာမှာတော့
"Tension headache" လို့ ခေါ်ပါတယ်.
ဘာကြောင့်ဖြစ်တာလဲ ဆိုတော့
စိတ်ဖိစီးခြင်း.
အိပ်ရေးမဝခြင်း .
ဦးခေါင်းအနေအထား. ကိုယ်နေဟန်ထားမမှန်ခြင်း
ပင်ပန်းနွမ်းနယ်ခြင်း စသည်တို့ကြောင့်
ဖြစ်နိုင်ပါတယ်.
ဘာလုပ်သင့်လဲ❓
ယေဘုယျအားဖြင့် ဒီလိုခေါင်းကိုက်ခြင်းဟာ
မစိုးရိမ်ရပါဘူး.
အကိုက်အခဲပျောက်ဆေး သောက်သုံးခြင်း.
ဥပမာ . ပါရာစီတမော.
ဒိုင်ကလို (ကျောက်ကပ်ဝေဒနာရှင်များ အထူးသတိပြု)
မျက်စိ အနားပေးခြင်း.
ရှူဆေးရှူခြင်းတို့ ပြုလုပ်နိုင်ပါတယ်.

◼️ ၂. ခေါင်းတခြမ်းကိုက်ခြင်း
သွေးခုန်သလို တဒိန်းဒိန်းနဲ့
ခေါင်းကိုက်နေတတ်ပါတယ်.
ဦးခေါင်းတခြမ်းမှာပဲ
ကိုက်ခဲနေတတ်ပါတယ်.
ဆေးပညာမှာတော့
"Migraine" လို့ ခေါ်ပါတယ်.
ပျို့အန်ခြင်း.
အမြင်ဝေဝါးခြင်းတို့လည်း
တပြိုင်နက် ခံစားရတတ်ပါတယ်.
အမျိုးသမီးတွေမှာ ပိုပြီး အဖြစ်များပါတယ်.
အသံဆူညံတာတို့.
စူးရှတဲ့ အလင်းရောင်တို့ကို
လုံးဝမခံနိုင်ပါဘူး.
ဒီလို ခေါင်းကိုက်တဲ့ဝေဒနာ ခံစားနေရရင်တော့
အမှောင်ခန်းထဲမှာပဲ
တိတ်တဆိတ်အနားယူချင်ကြပါတယ်.
ဘာလုပ်သင့်လဲ❓
ခေါင်းကိုက်တာ မပြင်းထန်ရင်တော့
အကိုက်အခဲ ပျောက်ဆေးတွေဖြစ်တဲ့
ဥပမာ . ပါရာစီတမောနဲ့
ဒိုင်ကလို တို့ကို သောက်သုံးနိုင်ပါတယ်.
မသက်သာရင် (သို့)
၁ လမှာ လေးကြိမ်လောက်အထိ
မကြာခဏခေါင်းကိုက်နေမယ်ဆိုရင်တော့
ဆရာဝန်နဲ့တိုင်ပင်သင့်ပါတယ်.

◼️ ၃. မျက်စိတဝိုက် ခေါင်းကိုက်ခြင်း
အများအားဖြင့်
မျက်လုံးတဖက်ကို ဗဟိုပြုပြီး
ပြင်းပြင်းထန်တန် ခေါင်းကိုက်တတ်ပါတယ်.
ဆေးပညာမှာတော့
"Cluster Headache" လို့ ခေါ်ပါတယ်
နှာရည်ယိုခြင်း.
မျက်လုံးနီခြင်း.
မျက်ရည်ကျခြင်းတို့်လည်း
တပြိုင်နက် ခံစားရနိုင်ပါတယ်.
အမျိုးသားတွေမှာ ပိုပြီး အဖြစ်များပါတယ်.
အရက်သောက်ရင်.
ဆေးလိပ်သောက်ရင်
ပိုဆိုးစေနိုင်ပါတယ်.
ဘာလုပ်သင့်လဲ❓
ဆေးရုံဆေးခန်းမှာ
ကုသမှု ခံယူသင့်ပါတယ်.
ဘာကြောင့်လဲဆိုရင်တော့
အောက်စီဂျင်ပိုက်ရှူလိုက်ရင်
ခေါင်းကိုက်တဲ့ ဝေဒနာဟာ
အလျင်အမြန် ပျောက်ကင်းနိုင်ပါတယ်.

◼️ ၄. ထိပ်ကပ်နာကြောင့် ခေါင်းကိုက်ခြင်း
နှာခေါင်းတဝိုက်နဲ့
နဖူးတဝိုက်မှာ
ကိုက်ခဲတဲ့ဝေဒနာကို ခံစားကြရပါတယ်.
ဘာကြောင့်ဖြစ်တာလဲဆိုရင်တော့
အသက်ရှူလမ်းကြောင်း ပိုးဝင်ခြင်း.
လေထုညစ်ညမ်းခြင်း.
ဓါတ်မတည့်ခြင်းတို့ကြောင့်
ဖြစ်တတ်ပါတယ်.
ခေါင်းကိုက်ဝေဒနာနှင့်အတူ
နှာခေါင်းပိတ်ခြင်း.
နှာရည်ယိုခြင်း .
ဖျားနာခြင်းတို့လည်း တပြိုင်နက်
ခံစားရတတ်ပါတယ်
ဘာလုပ်သင့်လဲ❓
နှာခေါင်းဖြန်းဆေးများ
နှာခေါင်းအစက်ချဆေးရည်များကို
အသုံးပြု နိုင်ပါတယ်။
မသက်သာဘူး (သို့)
ပိုဆိုးလာရင်တော့
နားလည်တတ်ကျွမ်းသူများနဲ့ တိုင်ပင်သင့်ပါတယ်.

◼️ ၅. ရုတ်တရက်ပြင်းထန် ခေါင်းကိုက်ခြင်း
ချက်ချင်းဆိုသလို ဖြစ်ပေါ်လာတဲ့
ခေါင်းကိုက်ဝေဒနာဖြစ်ပြီး
အဆိုးဝါးဆုံးနဲ့
အစိုးရိမ်ရဆုံး ဖြစ်ပါတယ်.
အချိန် ၁ မိနစ်လောက်အတွင်းမှာပဲ
မိမိဘဝမှာ အပြင်းထန်ဆုံးလို့ ဆိုနိုင်လောက်တဲ့
ခေါင်းကိုက်ဝေဒနာကို
ခံစားကြရပါတယ်.
ဆေးပညာမှာတော့ "Thunderclap" လို့ ခေါ်ပါတယ်.
မြန်မာလို ဘာသာပြန်ရင်တော့
လျှပ်စီးလက်သလို
မိုးကြိုးပစ်လိုက်သလို ခေါင်းကိုက်ခြင်းလို့
အဓိပ္ပါယ်ပြန်ဆိုနိုင်ပါတယ်.
လေဖြတ်ခြင်း
ဦးနှောက်ထဲမှာ သွေးယိုစီးခြင်း
ဦးနှောက်သွေးကြောပေါက်ခြင်း တို့ကြောင့်
ဖြစ်နိုင်ပါတယ်
ဘာလုပ်သင့်လဲ❓
ဆေးရုံဆေးခန်းကို အမြန်ဆုံးသွားသင့်ပါတယ်.
နောက်ကျရင်တော့
အသ−က် အန္တ−ရာယ် ရှိနိုင်ပါတယ် ခင်ဗျာ...
ချစ်ခင်လေးစားစွာဖြင့်
Dr. ကျော်ဇောဟိန်း
လ/ထ ပါမောက္ခ (ဆေးပညာ)
ခေတ္တ USA

#ကျန်းမာရေး အောက်ဖော်ပြပါ အကြောင်းတရားများကြောင့်ခေါင်းကိုက်ဝေဒနာ ခံစားရနိုင်ပါတယ် …. ၁). ဦးခေါင်တ....

05/27/2024

" ဆီးချို ရှေ့ပြေး လက္ခဏာ ၃ မျိုး "
◼️ အောက်ဖော်ပြပါ လက္ခဏာ ၃ မျိုး မိမိမှာ
ရှိနေမယ်ဆိုရင်
ဆီးချို/သွေးချို ရောဂါ
ဖြစ်နေနိုင်ပါတယ်.
ဆီးချိုရောဂါကို
တချို့က သွေးချိုရောဂါဟုလည်း
ခေါ်ဆိုကြပါတယ်.
◼️ ဘာကြောင့်လဲဆိုရင်တော့
ဆီးထဲမှာနှင့်
သွေးထဲမှာ
သကြားဓါတ် (အချိုဓါတ် - Glucose)တွေ
လိုအပ်တာထက် ပိုလျှံများပြားနေခြင်းကြောင့် ဖြစ်ပါတယ်.
ဆီးချိုရောဂါဟာ
အဖြစ်အများဆုံး
နာတာရှည်ရောဂါတမျိုးဖြစ်ပေမယ့်
လူအများစုကတော့
မိမိမှာ ဆီးချိုရောဂါဖြစ်နေမှန်း
အလွယ်တကူ မသိရှိနိုင်ကြပါဘူး..
◼️ ဆီးချိုရောဂါရဲ့ နောက်ဆက်တွဲဆိုးကျိုးတွေက
အလွန်ကို အန္တရာယ်များပါတယ်.
ဥပမာ...
မျက်စိကွယ်ခြင်း
လေဖြတ်ခြင်း
နှလုံးထိခိုက်ခြင်း (Heart attack)
ကိုယ်ခံအားကျဆင်းခြင်း
ကျောက်ကပ်ပျက်စီးခြင်း
ကျောက်ကပ်ဆေးရခြင်း
စသည်တို့ ဖြစ်ပါတယ်.
ဒါကြောင့်
မိမိမှာ ဆီးချိုရောဂါ ‘ရှိမရှိ’ကို
အလွယ်တကူ သတိပြုဆင်ခြင်နိုင်စေရန် အလို့ငှာ
ဆီးချိုရောဂါရဲ့ ရှေ့ပြေးလက္ခဏာ ၃ မျိုးကို
အတိုချုပ်ပြီး
ချစ်ခင်စွာဖြင့် မျှဝေလိုက်ပါတယ် ခင်ဗျာ.

◼️ ၁). ဆီး ခဏခဏသွားခြင်း
ဆီးချိုရောဂါရဲ့ ထင်ရှားတဲ့ လက္ခဏာတခုကတော့
မကြာခဏ ဆီးသွားနေခြင်း ဖြစ်ပါတယ်.
ယေဘုယျအားဖြင့်
တရက်ကို ၇ — ၁၀ ကြိမ်ထက်ပိုပြီး ဆီးသွားမယ် (သို့)
တရက်ကို ဆီးပမာဏ ၃ လီတာထက်ပိုများနေမယ်ဆိုရင်
ဆီးသွားများခြင်း (Polyuria) လို့ ခေါ်ပါတယ်.
ဘာကြောင့်ဖြစ်တာလဲ ❓
ပိုလျှံနေတဲ့ သကြားဓါတ်တွေဟာ
ခန္ဓာကိုယ်အတွက် အလွန်အန္တရာယ်များပါတယ်.
ဒါကြောင့် ကျွန်တော်တို့ရဲ့ ကျောက်ကပ်ဟာ
ပိုလျှံနေတဲ့သကြားဓါတ်တွေကို
ဆီးထဲမှတဆင့်
ကိုယ်ခန္ဓာအပြင်ဖက်ကို ကြိုးစားစွန့်ပစ်နေတာကြောင့်
မကြာခဏ ဆီးသွားချင်နေခြင်း ဖြစ်ပါတယ်.
ဒီလို မကြာခဏဆီးသွားခြင်းကြောင့်
ခန္ဓာကိုယ်ထဲမှာ ရေဓါတ်တွေပါ ခန်းခြောက်လာပြီး
အမြဲလိုလို ရေဆာနေတတ်ကြပါတယ်.
Polydipsia လို့ခေါ်ပါတယ်.

◼️ ၂). အစာစားချင်စိတ်များခြင်း
ဆီးချိုရောဂါရဲ့ နောက်လက္ခဏာတခုကတော့
အစာစားပြီးရင်း စားချင်နေတာဖြစ်ပါတယ်.
ဥပမာ .. ဗိုက်ပြည့်တဲ့အထိ အစာစားလိုက်တယ်.
ဒါပေမယ့် သိပ်မကြာခင်မှာပဲ
ဗိုက်ပြန်ဆာလာပြီး
အစာစားချင်စိတ်တွေ ဖြစ်ပေါ်လာပါတယ်.
ဘာကြောင့်ဖြစ်တာလဲ ❓
ကိုယ်ခန္ဓာထဲမှာရှိတဲ့
ဆဲလ်လို့ခေါ်တဲ့ ကလာပ်စည်းတွေဟာ
လုံလောက်တဲ့ စွမ်းအင်၊ အာဟာရဓါတ်တွေ
မရရှိတာကြောင့် ဖြစ်ပါတယ်.
Polyphagia လို့ ခေါ်ပါတယ်.

◼️ ၃). ခြေလက်ထုံကျင်ခြင်း
ခြေထောက်တွေ၊ ခြေဖဝါးတွေ၊
လက်ချောင်းလေးတွေဟာ
ဘာကြောင့်မှန်းမသိဘဲ
တဆစ်ဆစ်နဲ့ ထုံကျင်ကိုက်ခဲနေတတ်ပါတယ်.
ဘာကြောင့်ဖြစ်တာလဲ ❓
ပိုလျှံနေတဲ့ သကြားဓါတ်တွေဟာ
သွေးလည်ပတ် စီးဆင်းမှု.
အာရုံကြော လည်ပတ်စီးဆင်းမှုများကို
ထိခိုက်ပျက်စီးစေလို့ ဖြစ်ပါတယ်.

ဒီလို လက္ခဏာတွေ ခံစားနေရမယ်ဆိုရင်တော့
နားလည်တတ်ကျွမ်းတဲ့
ကျန်းမာရေးဝန်ထမ်းများနဲ့
တိုင်ပင်သင့်ပါတယ်.. ခင်ဗျာ.

လေးစားစွာဖြင့်
Dr. ကျော်ဇောဟိန်း
လ/ထ ပါမောက္ခ (ဆေးပညာ)
ခေတ္တ USA
ကိုးကားချက်.
Improving Care and Promoting Health in Populations: Standards of Care in Diabetes—2024
Diabetes Care 2024;47(Suppl. 1):S11–S19 | https://doi.org/10.2337/dc24-S001
American Diabetes Association (ADA)
American Association of Clinical Endocrinology (AACE)

03/16/2024

— တို့ဆေး(သို့) စိတ်နဲ့လူနဲ့ မကပ်စေသော ဆေးများ —
◼️ 'တို့ဆေး’ လို့ အလွယ်ခေါ်ကြတဲ့
'စိတ်နဲ့လူနဲ့’ မကပ်အောင် ပြုလုပ်နိုင်သော
ဆေးဝါးများ (သို့) ဓါတုပစ္စည်းများကို
ဆေးပညာမှာတော့
Dissociatives လို့ ခေါ်ပါတယ်.
အရပ်စကားနဲ့ အလွယ်ပြောရင်တော့
ကြောင်တောင်တောင်နဲ့ လွတ်သွားစေတဲ့၊
လူကို ခဏတာ သတိလွတ်သွားစေတဲ့၊
ဆေးများ ဖြစ်ပါတယ်.
ဒီလိုဆေးများရဲ့ အာနိသင်ကို အသုံးပြုပြီး
လုယက်မှုများ၊
ကလေးခိုးမှုများ၊
အမျိုးသမီးများအပေါ် အဓမ္မမှုများ၊
စသည်တို့ကို ကျူးလွန်ကြပါတယ်.
ဒါကြောင့် Dissociatives လို့ခေါ်တဲ့
ဆေးများရဲ့ အန္တရာယ်ကို သိရှိပြီး၊
ကြိုတင် ရှောင်ရှားနိုင်ရန် အလို့်ငှာ
လေးစားချစ်ခင်စွာဖြင့်
မျှဝေရေးသားလိုက်ပါတယ် ခင်ဗျာ.

◼️ စိတ်နဲ့လူနဲ့ မကပ်အောင် ပြုလုပ်နိုင်တဲ့ ဆေးတွေကတော့
အောက်ပါ အတိုင်းဖြစ်ပါတယ်.
၁။ နိုက်ထရပ်အောက်ဆိုဒ် (Nitrous oxide)
၂။ ကတ်တမင်း (Ketamine)
၃။ အမ်အိပ်စ်အီး (MXE)
၄။ ဆဲလ်ဗီးယား အပင် (Salvia divinorum)
၅။ DXM
၆။ P*P
ဘာကြောင့်ဖြစ်တာလဲ ?
ကျွန်တော်တို့ရဲ့ ဦးနှောက်ထဲမှာရှိတဲ့
‘NMDAR’လို့ခေါ်တဲ့ ဒြပ်ပေါင်းရဲ့
လုပ်ဆောင်ချက်တွေကို
နှောက်ယှက်ဟန့်တားစေတဲ့အတွက်
စိတ်နဲ့လူနဲ့ မကပ်တော့ခြင်း ဖြစ်ပါတယ်.
◼️ ၁။ နိုက်ထရပ်အောက်ဆိုဒ် (Nitrous oxide)
အနံအရသာ မရှိတဲ့
အငွေ့တမျိုး ဖြစ်ပါတယ်.
ဒါကြောင့် မိမိက သတိမထားမိဘဲ
အငွေ့ကိုရှူမိနေရင်တော့ စက္ကန့်ပိုင်းအတွင်းမှာပဲ
စိတ်နဲ့လူနဲ့မကပ် ဖြစ်သွားတတ်ပါတယ်.
လက္ခဏာများ
− စိတ်ကသိနေပေမယ့် ခန္ဓာကိုယ်က လိုက်မလုပ်နိုင်ခြင်း
− အစပိုင်းမှာ ရွှင်လန်းသလို ခံစားရခြင်း
− အလိုလို ရယ်ချင်နေမိခြင်း
− မူးဝေခြင်း
− အမြင်ဝေဝါးခြင်း
− ကိုယ်ခန္ဓာထုံသွားခြင်း
− ချွေးထွက်ခြင်း
− သွေးပေါင်ကျခြင်း
စသည်တို့ ဖြစ်စေနိုင်ပါတယ်.
ဘယ်လို ဆေးမိခံရနိုင်လဲ ?
− အငွေ့ရှုမိခြင်း
ထူးခြားချက်
ဆေးအာနိသင်က တော်တော်မြန်ပါတယ်.
စက္ကန့် ၃၀ လောက်အတွင်း
ဆေးစွမ်း စပြလာတတ်ပါတယ်.

◼️ ၂။ ကတ်တမင်း (Ketamine)
အဖြူရောင် အမှုန့်လေးတွေ
ဖြစ်ပါတယ်.
အပ်နဲ့ ထိုးသွင်းလိုက်ရင် အချိန် ၁ မိနစ်အတွင်း
ဆေးစွမ်းပြတတ်ပါတယ်.
ဆေးမှုန့်ရှူမိရင်တော့ ၅−၁၀ မိနစ်အတွင်း
ဆေးစွမ်းပြတတ်ပါတယ်. .
မျိုချမိရင် (သို့) သောက်သုံးမိရင်တော့
မိနစ် ၃၀ လောက် ကြာမှ ဆေးစွမ်းပြပါတယ်.
လက္ခဏာများ
− မိမိစိတ်က လူကိုယ်ခန္ဓာထဲကနေ
ထွက်ခွာသွားသလို ခံစားရခြင်း၊
− နာမှန်း မသိတော့ခြင်း၊
− စိတ်ရှုပ်ထွေးခြင်း၊
− အသိနှင့်သတိ မကပ်ခြင်း၊
− ဖြစ်စဥ်များကို မမှတ်မိတော့ခြင်း၊
− ခန္ဓာကိုယ် လေးလံထိုင်းမှိုင်းခြင်း၊
− အာလေးလျှာလေးဖြစ်ခြင်း၊
− သွေးပေါင်ချိန်တက်ခြင်း၊
− နှလုံးခုန်မြန်လာခြင်း၊
တို့ ဖြစ်နိုင်ပါတယ်.
ဘယ်လို ဆေးမိခံရနိုင်လဲ ?
ဆေးမှုန့်တွေ ရှူမိခြင်း
မျိုချမိခြင်း
အပ်ဖြင့် ထိုးသွင်းခံရခြင်း
ထူးခြားချက်
ဆေးစွဲနိုင်ခြင်း၊ ပါတီများ၊ကလပ်များတွင် အသုံးများလာခြင်း။
◼️ ၃။ အမ်အိပ်စ်အီး (MXE)
အဖြူရောင် (သို့)
အဝါရောင် အမှုန့်လေးဖြစ်ပါတယ်.
လက္ခဏာများ
− စိတ်ကတခြား၊ လူကတခြား ဖြစ်နေခြင်း
− မိမိကိုယ်ကို မှန်ကြည့်သလို ပြန်မြင်နေခြင်း
− စိတ်သက်တောင့်သက်သာ ဖြစ်စေခြင်း
− နှစ်လိုဖွယ် အာရုံခံစားရခြင်း
− တကယ်မရှိသည့် အရာများကို ကွက်ကွက်ကွင်းကွင်းမြင်နေခြင်း
စသည်တို့ ဖြစ်နိုင်ပါတယ်.
ဘယ်လို ဆေးမိခံရနိုင်လဲ ?
ဆေးမှုန့်တွေ ရှူမိခြင်း
မျိုချမိခြင်း၊
စားသုံးမိခြင်း၊
အပ်ဖြင့် ကိုယ်ခန္ဓာထဲ ထိုးသွင်းခံရခြင်း
ထူးခြားချက်
ဆေးအာနိသင် ပိုပြင်းထန်ပါတယ်.
ဒါပေမယ့် ဆေးစွမ်းပြဖို့
၁၅ − ၄၅ မိနစ် အထိကြာနိုင်ပါတယ်.
◼️ ၄။ ဆဲလ်ဗီးယား အပင် (Salvia divinorum)
အစိမ်းရောင်ရှိတဲ့
အပင်အမျိုးအစားဖြစ်ပါတယ်.
နတ်ဘုရား (သို့) မှော်ဆန်သောအပင်ဟု
တင်စားခေါ်ဝေါ်ကြပါတယ်.
.
လက္ခဏာများ
− စိတ်နဲ့လူနဲ့ မကပ်ခြင်း
− အလင်းရောင်တန်းများကို မြင်မိခြင်း
− ထင်ယောင်ထင်မှားဖြစ်ခြင်း
− အိပ်မက်လိုလို ဖြစ်ခြင်း
− မူးဝေခြင်း
− အာလေးလျှာလေးဖြစ်ခြင်း
အစရှိသည်တို့ ဖြစ်စေနိုင်ပါတယ်.
ဘယ်လို ဆေးမိနိုင်လဲ ၊
အရွက်ခြောက်ကို ရှူမိခြင်း
အရွက်ပြုတ်ရည် သောက်မိခြင်း
အရွက်ကို ဝါးမိခြင်း၊
ထူးခြားချက်
သဘာဝအတိုင်း ဖြစ်ပေါ်နေခြင်း၊ အာနိသင်ပြင်းခြင်း၊

🙏 ဘေးအန္တရာယ် အပေါင်းမှ ကင်းဝေးကြပါစေ ခင်ဗျာ… 🙏
လေးစားစွာဖြင့်
Dr. ကျော်ဇောဟိန်း
လ/ထ ပါမောက္ခ (ဆေးပညာ)
ခေတ္တ USA

(မှတ်ချက်။ ဆေးပညာဖြင့် အဖြေရှာမရသေးသော အခြားပရဆေးများ၊ အရှေ့တိုင်းဆေးများလည်း ရှိနိုင်ပါသေးသည်. )
ကိုးကားချက်.
Drug Enforcement Administration (DEA), USA
Alcohol and Drug Foundation (ADF), Australia
Use and abuse of dissociative and psychedelic drugs in adolescence, M.L. Shawn Bates et al

02/29/2024

−− ဗိုက်တာမင်−D ချို့တဲ့ခြင်းနှင့် ရှေ့ပြေးလက္ခဏာများ −−
ဗိုက်တာမင်-D ချို့တဲ့ခြင်း ‘ရှိမရှိ’
ဆန်းစစ်နိုင်သော
လက္ခဏာများကို
ပြောသွားပါမယ်.
မိမိမှာ ဗိုက်တာမင်-D ချို့တဲ့နေတာကို
သတိမမူ လျစ်လျူရှုထားခဲ့မိရင်တော့
အမြဲတမ်း နာကျင်ကိုက်ခဲနေခြင်း
စိတ်ဓါတ်ကျခြင်း
ကိုယ်ခံအားကျခြင်း
ဆံပင်ကျွတ်ခြင်း အစရှိသည်တို့
ခံစားရနိုင်ပါတယ်...
ကျွန်တော့် YouTube အကောင့်မှာလဲ ကျန်းမာရေးဗီဒီယိုများ စတင်ပါမယ် ခင်ဗျာ . ✅
လင့်ခ် : https://www.youtube.com/.KyawZawHein

02/09/2024

−− အူမကြီးကင်ဆာရဲ့ ရှေ့ပြေးလက္ခဏာ (၄)မျိုး −−
အူမကြီးကင်ဆာဟာ တော်တော်ကို
အဖြစ်များတဲ့ ကင်ဆာ ဖြစ်ပါတယ်.
ပြီးတော့ ကမ္ဘာပေါ်မှာ
တတိယမြောက် သေဆုံးမှု အများဆုံးကင်ဆာဖြစ်ပါတယ်.
ဒါကြောင့် ဒီနေ့မှာတော့
အူမကြီးကင်ဆာရဲ့
ရှေ့ပြေးလက္ခဏာ (၄)မျိုးကို
အများသတိပြုစေရန်
ပြောသွားပါမယ် ခင်ဗျာ.