ရွှေရည်ပန်းစက် ဆေးခန်း Shwe Ye Pan Set General Clinic

01/03/2025

၂၀၂၅ နှစ်သစ်ကူး ကာလ တွင် မိတ်ဟောင်း၊ မိတ်သစ်များ အားလုံး ကျန်းမာ ချမ်းသာ ရောဂါ ဝေဒနာ အပေါင်းမှ ကင်းဝေးကြပါစေ ခင်ဗျား။

01/03/2025

09/18/2024

ဒီနေ့ fb က ကျွန်တော့ page ကို professional mode သို့ ပြောင်းပေး လိုက်ပါတယ်။ page ကို ဆက်လက် ထိန်းသိမ်းရန် ပရိတ်သတ်ဆီက star လေးတွေ ရဖို့ လိုတယ်လို့ ပြောပါတယ်။

Star ⭐ လေးတွေ ပေးကြပါဦးနော်။

တိုးတိုး နော် ...

ဒီကိစ္စ ဝေလ သိလို့ မဖြစ်။

05/22/2024

https://youtu.be/20CqSU8r3p0

ပြီးခဲ့တဲ့ သီတင်းပတ်ထဲက ကိုဝဠာကြီးနဲ့ ကိုအောင်ဇော်လင်းတို့ အနီးစခန်းက ကျနော့်ရဲ့ 'ငွေရည်နှင်းစက်' အိမ်သို့ အလည် ရောက်လာလို့ Unplugged ဝိုင်းလေး ဆိုတီး မိကြပါတယ်။ အပျော် ဆိုကြတာ ဖြစ်လို့ ကိုင်ဇာရဲ့ “အလွမ်း” သီချင်းကို ဖြစ်သလို ဆို တီး ဖြစ်ခဲ့ကြပါတယ်။

ဒီသီချင်းကို ကိုဝဠာက FB ပေါ် အပျော် သဘောမျိုး တင်လိုက်ပါတယ်။

ကျနော်တို့တွေ ဘာဆိုဆို အားပေး နေကြတဲ့ ပရိတ်သတ်ကြီးနဲ့ အမျိုးတွေကလည်း ကျနော်တို့ကို ချစ်လို့ comment ကောင်းတွေ ပေးခဲ့ကြပါတယ်။ ရင်ထဲကနေ ခံစား ကျေးဇူးတင်မိပါတယ်။

ဒါပေမယ့် ကျနော် သိပ် လေးစားရတဲ့ ကိုင်ဇာရဲ့ master piece သီချင်းကို ဖျက်ဆီး ပစ်လိုက် မိသလိုလို၊ အပြစ် ရှိ သလိုလို ကျနော် ခံစား နေရ ပါတယ်။

ဒါကြောင့် မြစ်ငယ်က ကျနော့်ရဲ့ 'ရွှေရည်ပန်းစက်' အိမ်သို့ ပြန်ရောက်တော့ ကျနော့် studio ထဲမှာ “အလွမ်း” ကို ပြန်ဆို မိပါတယ်။ မန္တလေးက show ပွဲ တစ်ခုမှာ ဆိုထားခဲ့တဲ့ video file ကိုပါ တွဲပြီး video editing လုပ်လိုက် မိပါတယ်။

ကျနော် Cover သီချင်း ဆိုလေ့ သိပ် မရှိ ပါဘူး။ ဒါပေမယ့် ဒီနေ့တော့ မူရင်း အဆိုတော် ကိုင်ဇာ ကို လေးစားစွာဖြင့် “အလွမ်း” သီချင်းကို ကိုဝဠာရဲ့ music track နဲ့ အတူ မူရင်း မပျက် ပြန်လည် သီဆို တင်ဆက် လိုက်ပါတယ် ခင်ဗျား။

ပြီးခဲ့တဲ့ သီတင်းပတ်ထဲက ကိုဝဠာကြီးနဲ့ ကိုအောင်ဇော်လင်းတို့ အနီးစခန်းက ကျနော့်ရဲ့ 'ငွေရည်နှင်းစက်' အိမ်သို့...

04/10/2024

ဘဝမှာ ...
တစ်ခဏတာ ဆုံတွေ့ ခဲ့ကြတာတွေ ကို
တသသ ပြန်လွမ်း နေတာ nostalgia လို့ ဆိုရ မလားပဲ။

ဖြစ်သင့် တာတွေ ဖြစ်ခဲ့ ရင်လည်း nostalgia ဖြစ်စရာ မလိုတော့ဘူး။
မဖြစ်သင့် တာတွေ မဖြစ်ခဲ့ ရင်လည်း nostalgia ဖြစ်စရာ မလိုတော့ဘူး။
ချစ်သင့်တာကို ချစ်ခဲ့ရင်လည်း nostalgia ဖြစ်စရာ မလိုတော့ဘူး။
မချစ်သင့်တာကို မချစ်ခဲ့ရင်လည်း nostalgia ဖြစ်စရာ မလိုတော့ဘူး။

ခုတော့ …

“ဖြစ်သင့်တဲ့ မချစ်သင့် ခြင်း” ကို လက်ခံပြီး …

သိက္ခာရှိရှိ အသည်းကွဲ ခဲ့တဲ့ nostalgia “ကဗျာလင်္ကာ သီချင်း” တစ်ပုဒ် ဆိုပြလိုက်ပါတယ်။

Composer: WLar (ဝဠာ)
Vocal: D’ Zircon (ဒီဇာကွန်)
Music: Bitter-Sweet Band
Album: အင်တာနက် အက္ခရာ တေးစု
https://youtu.be/QgFFLej6SB4

04/03/2024

‘အချစ် သီချင်း’ တွေ အများကြီး ဆို ခဲ့ဖူးပါပြီ။
‘အကြောက် သီချင်း’ ဆို တာတော့ ဒီတစ်ခါ ပထမ ဆုံးပါ။
ယောက်ဖ ‘ဝဠာ’ မြှောက်ပေးလို့ ဆို ဖြစ်တာပါ။
လေးဖြူစကားနဲ့ ပြောရရင် “ဆွေမျိုး အရင်းတွေ မယုံ ရဘူး။”
သူမြှောက်ပေးတာ သိသိကြီးနဲ့ ဆိုတော့ ကိုယ် ကလည်း ခပ်ကြောက်ကြောက် မို့ နေမှာပေါ့ လေ။
ကြောက်တယ် လို့ ပြောရင်လည်း သိက္ခာကျ နေပါဦးမယ်။ လေးစားတယ် လို့ သုံးနှုန်းရင် ပိုကောင်းမယ်။
‘ဒီဇာကွန်’ နဲ့ ‘ဝဠာ’ ပေါင်းပြီး ‘မယလသ’ (မယား လေးစားသူများ အဖွဲ့) ဖွဲ့ မလို့ပါ။
Comment မရေးအားတဲ့ ကိုကို များ၊ ဒီနေ့ သီချင်းလေးကို Like လုပ်လိုက်ရုံနဲ့၊ ‘မယလသ’ အဖွဲ့ဝင် ဖြစ်သွားမှာပါ။
Comment မရေးအားတဲ့ မမ များ၊ ဒီနေ့ သီချင်းလေးကို Like လုပ်လိုက်ရုံနဲ့၊ ‘စခက’ (ဆေးခါးကြီး) အဖွဲ့ဝင် ဖြစ်သွားမှာပါ။
Participant (အဖွဲ့ဝင်) ဖြစ်ဖို့ eligible မဖြစ်တဲ့ လူပျိုကြီး၊ အပျိုကြီးများကို Obesrver (အကဲဖြတ် ဒိုင်လူကြီး)များ ခန့် ထားပါမယ်။
ကဲ စ မယ်နော် …
Band Master ကိုဝဠာ ရေ - 4 3 2 1 – R-O-C-K Intro: ---

https://youtu.be/rtGqx7i8aU4

04/01/2024

FYI, Fulbright Scholarship Program 2025

နိုင်ငံရပ်ခြား ကျောင်းသားများအတွက် ၂၀၂၅ ပညာသင်နှစ်ရဲ့ ဖူးလ်ဘရိုက်ပညာသင်ဆုအစီအစဉ်ကို အမေရိကန်သံရုံးက ဝမ်းမြောက်စွာကြေညာလိုက်ပါတယ်။ ဒီအစီအစဉ်က အမေရိကန်ပြည်ထောင်စုရဲ့ တက္ကသိုလ်တစ်ခုခုမှာ မဟာဘွဲ့တက်ရောက်ချင်တဲ့ မြန်မာနိုင်ငံက ကျောင်းသားတွေအတွက် ပညာသင်စရိတ် အပြည့်အဝပေးအပ်မယ့် အစီအစဉ်ဖြစ်ပါတယ်။

ရန်ကုန်မြို့ အမေရိကန်သံရုံးက ဒီအစီအစဉ်နဲ့ပတ်သက်ပြီး အွန်လိုင်းကတစ်ဆင့်သတင်းအချက်အလက်မျှဝေပေးသွားဖို့ ရှိတာမို့ စိတ်ပါဝင်စားတယ်ဆိုရင်တော့ ဖိတ်ခေါ်ချင်ပါတယ်။ ဒီအစီအစဉ်ကို မြန်မာဘာသာနဲ့ပဲ ပြောဆိုဆွေးနွေးကြမှာဖြစ်ပြီး ပညာတော်သင်ဟောင်းတွေကိုလည်း မေးခွန်းတွေ မေးမြန်းခွင့်ရမှာပါ။

Topic: Information Session for 2025 Fulbright Foreign Student Scholarship Program
Date: April 5, 2024
Time: 4:30 p.m. Myanmar Time
Zoom Link: https://tinyurl.com/FFSSP2025zoom
Meeting ID: 160 974 4958�Passcode: 077723

ပညာတော်သင် လျှောက်လွှာခေါ်ယူတဲ့ အကြောင်းနဲ့ လျှောက်လွှာကို ဒေါင်းလုတ် လုပ်ယူဖို့အတွက် သံရုံးအင်တာနက် စာမျက်နှာ https://mm.usembassy.gov/education-culture/scholarship-programs/ မှာ ဝင်ရောက်ဖတ်ရှုပေးကြပါ။

ဒီထက်ပိုပြီး သိချင်သေးတယ်ဆိုရင်တော့ ယဉ်ကျေးမှုရေးရာဌာနကို ဖုန်း ၀၁-၇၅၃၆၅၀၉-၇၅၀၅၁၁၃ လိုင်းခွဲနံပါတ် ၄၃၇၁ ဒါမှမဟုတ် အီးမေးလ် လိပ်စာ RangoonUSECA@state.gov ကတဆင့် ဆက်သွယ်နိုင်ပါတယ်။

The U.S. Embassy in Yangon is pleased to announce the opportunity to compete for the Fulbright Foreign Student Scholarship Program for the academic year 2025. The program gives full scholarship funding to students from Myanmar seeking a Master’s Degree at a university in the United States of America.

If you are interested, join our virtual information session for 2025 Fulbright Foreign Student Scholarship Program hosted by the U.S. Embassy Yangon. The session will be presented in Burmese language and get to ask questions to exchange alumnus.

Topic: Information Session for 2025 Fulbright Foreign Student Scholarship Program
Date: April 5, 2024
Time: 4:30 p.m. Myanmar Time
Zoom Link: https://tinyurl.com/FFSSP2025zoom
Meeting ID: 160 974 4958�Passcode: 077723

Please visit the U.S. Embassy website at https://mm.usembassy.gov/education-culture/scholarship-programs/ to read the complete announcement and download the application form.

For more information, contact the Cultural Affairs Unit at 01-7536509/01-7505113, Ext: 4371, or email: RangoonUSECA@state.gov.

04/01/2024

ဒီနေ့ ဘာနေ့လဲ? သိတယ်နော်။

ပြောတိုင်း မယုံ မိစေနဲ့ ! သတိ ။

၁၉၉၉ ခုနှစ်၊ ဂျေရုဆလင်မြို့၊ ဟီးဘရူး တက္ကသိုလ် (The Hebrew University of Jerusalem) မှာ တုန်းက ကျနော် Quippy ဆိုတဲ့ အချိန်ပိုင်း Music Program သင....

03/08/2024

Call now to connect with business.

03/08/2024

ရွှေရည်ပန်းစက် ဆေးခန်း Webpage သို့ ဝင်ရောက် ကြည့်ရှုသူ များလာတာကို တွေ့ရလို့ ဝမ်းသာ ရပါတယ်။

တစ်ချို့ ကလည်း ဘာရောဂါတွေ ကု ပေးသလဲ? ဘာတွေ အထူးကုပေးသလဲ? စသည့် မေးခွန်းတွေကို webpage ပေါ်မှာ မေးလာကြတာ တွေ့ရပါတယ်။ ဒါကြောင့် ဒီ တစ်ပတ်တော့ ရွှေရည်ပန်းစက် ဆေးခန်း တွင် ရရှိနိုင်သော ဝန်ဆောင်မှု များကို Update တင်ပြ ပေးလိုက်ပါတယ် ခင်ဗျား။

One Clinic, One Doctor

ရွှေရည်ပန်းစက် ဆေးခန်းတွင် -

ဆေးရုံတက်ရန် မလိုအပ်သော အထွေထွေရောဂါများကို တစ်နေရာတည်းတွင်၊ ဆရာဝန် တစ်ဦးတည်း ကသာ စနစ်တကျ စောင့်ရှောက် ကုသ ပေးနေပါသည်။

One-Stop Super Clinic

ရွှေရည်ပန်းစက် ဆေးခန်းတွင် -

- သင့်ကျန်းမာရေး အတွက် ဆွေးနွေးရန်၊
- ရောဂါ ရှာဖွေရန်၊
- ကုသရန်နှင့်
- စစ်မှန်သော ဆေးဝါးများကို ဈေးနှုန်း သင့်တင့်စွာဖြင့် ဝယ်ယူ ရရှိနိုင်ရန် တစ်နေရာထဲတွင် တစ်ထိုင်တည်း ဖြည့်ဆည်း ပေးနေပါပြီ။
- မည်သည့်ဓါတ်ခွဲခန်း၊ ဓါတ်မှန်ခန်း၊ ဆေးဆိုင် ကိုမျှ ဆက်လက် သွားရောက်ရန် မလိုတော့ပါ။

A Wide–Spectrum of Up-to-date Therapeutic Regimens and Treatments ကုသနိုင်သော ရောဂါများ

ရွှေရည်ပန်းစက် ဆေးခန်းတွင် -

သာမန် ဖျားနာ ရောဂါ၊ သာမန် ထိခိုက်ရှနာများ အပြင်-

- ကုသရန် ခက်ခဲသော ပြင်းထန် တုပ်ကွေးရောဂါ၊ ချောင်းဆိုးရင်ကျပ် ပန်းနာရောဂါ၊ အဆုတ်ရောဂါများ၊
- ဆီးချို နှင့် နောက်ဆက်တွဲ ရောဂါများ ဖြစ်သော ခြေလက်ထုံခြင်း၊ အနာမကျက်ခြင်း၊ ခြေပုပ် လက်ပုပ် ရောဂါများ၊
- သွေးတိုး နှင့် နောက်ဆက်တွဲ ရောဂါများ ဖြစ်သော လေဖြတ်ခြင်း၊ ကိုယ်တစ်ခြမ်းသေခြင်း စသည့် ရောဂါများ၊
- မျက်နှာ တစ်ခြမ်း လေဖြတ်ရောဂါ (facial palsy)
- နှလုံးသွေးကြောကျဉ်း ရောဂါများ
- အသည်းခြောက်ရောဂါ၊ အသည်းရောင် အသားဝါ ဘီပိုး (HBV) နှင့် စီပိုး (HCV) ရောဂါများ
- ဂေါက်အဆစ်ရောင်ရောဂါ၊ ပိုးလေးဘက်နာ ရောဂါ၊ သွေးလေးဘက်နာရောဂါ၊ စသော အရိုးအဆစ်ရောင် ရောဂါအမျိုးမျိုး၊
- လည်ပင်းနာ၊ ဇက်နာ၊ ခါးနာ စသော ကျောရိုးဆစ် ရောဂါ အမျိုးမျိုး၊
- ကျောက်ကပ်ကျောက်တည်ခြင်း၊ ဆီးလမ်းကြောင်း ကျောက်တည်ခြင်း၊ ဆီးအိမ် ကျောက်တည်ခြင်း၊ သည်းခြေအိပ် ကျောက်တည် ခြင်း စသော ရောဂါများ
- ကုသရန် ခက်ခဲသော ခရုသင်းရောဂါ (leukoderma), နာတာရှည် နှင်းခူရောဂါ (chronic eczema), ဝက်ခြံအိုင်းများပေါက်ခြင်း (acne vulgaris), မျက်နှာနေလောင် တင်းတိပ် စွဲခြင်း (melasma) စသည့် အရေပြားရောဂါ အမျိုးမျိုး တို့ကို နောက်ဆုံးပေါ် ခေတ်မီ ကုထုံး များဖြင့် ကုသ ပေးပါသည်။

Immunization Services (ကာကွယ်ဆေးများ)

ရွှေရည်ပန်းစက် ဆေးခန်းတွင်-

- ပြင်းထန်တုပ်ကွေး ကာကွယ်ဆေး
(Quadrivalent Flujet Vaccine)
- အသားဝါ ရောဂါ ဘီပိုး ကာကွယ်ဆေး (Engerix B Vaccine)
- သားအိမ်ခေါင်းကင်ဆာ ကာကွယ်ဆေး (GARDASIL9 Vaccine)
- ခွေးရူးပြန် ရောဂါကာကွယ်ဆေး (Abhayrab Vaccine)
- မြွေပွေး၊ မြွေဟောက် မြွေစိမ်း နှင့် ပင်လယ်ဂျပ်မြွေ မြွေဆိပ်ဖြေဆေး
(Polyvalent Anti-snake Venom)
- ကလေးရောဂါ ငါးမျိုးပေါင်း ကာကွယ်ဆေး (Pentavalent vaccine for childhood diseases)
- မေးခိုင်ရောဂါ ကာကွယ်ဆေး (ATT & TT) များကို

Uninterrupted Universal Cold change System ဖြင့် သိုလှောင် ထားရှိပါသဖြင့် စိတ်ချစွာ ထိုးနှံနိုင်ပါသည်။

Surgical Procedures (ခွဲစိပ် ကုသခြင်း)

- ရင်သား အကြိတ် အပါအဝင် အလုံး အကြိတ်များ
- လိပ်ခေါင်းရောဂါ၊ ဂရင်ဂျီနာ၊
- ဝှေးစေ့ရေအိပ်တည် (hydrocele) ရောဂါ၊
- အမျိုးသားလိင်တံ အရေပြားလှန်မရခြင်း (phimosis)၊ စသည့်ရောဂါများအတွက် ခွဲစိပ်မှု များကို ခေတ်မီ ခွဲစိပ်ခန်းသုံး စက်ကိရိယာ များဖြင့် ခွဲစိပ် ကုသ ပေးပါသည်။

ထို့အပြင် အလှအပဆိုင်ရာ အသေးစားခွဲစိပ်မှုများ ဖြစ်သော -
- မှဲ့ ဖျက်ပေးခြင်း
- ကျီးပေါင်းတက် အမာရွတ်များ ဖျက်ပေးခြင်း
- နှင်းခူ အမာရွတ်များ ဖျက်ပေးခြင်း
- နားဖောက်ခြင်း
- နားကပ် အပေါက်များ ကျယ်ခြင်း၊ နားကပ် ပေါက်များ ပြတ်ထွက်ခြင်း တို့ကို plastic surgery, laser surgery စက်များ အသုံးပြု၍ ခွဲစိပ် ပြုပြင် ပေးပါသည်။

Referral & Post-admission care (ညွှန်းပို့ခြင်းနှင့် ပြန်လည်စောင့်ရှောက်ခြင်း)

- ပြည်တွင်းတွင် ဆေးရုံတက် ကုသရန် လိုအပ်သော လူနာများကို သက်ဆိုင်ရာ အထူးကု ဆရာဝန်ကြီး များထံ ဆက်သွယ် ညွှန်းပို့ ပေးပါသည်။
- ပြည်ပတွင် သွားရောက် ကုသရန် လိုအပ်သော လူနာ များအား စင်ကာပူ၊ ယိုးဒယား၊ အိန္ဒိယနှင့် အမေရိကန် နိုင်ငံ ဆေးရုံများရှိ အထူးကု ဆရာဝန်များထံ ဆက်သွယ် ညွှန်းပို့ ပေးပါသည်။
- ဆေးရုံမှ ရွှေရည်ပန်းစက်သို့ ပြန်လည် ညွှန်းပို့လာသော လူနာများအား ဆက်လက် စောင့်ရှောက် ကုသ ပေးပါသည်။

Counseling Services နှစ်သိမ့် ဆွေးနွေး အကြံပေးကုသခြင်း

ရွှေရည်ပန်းစက် ဆေးခန်းတွင် နှစ်သိမ့် ဆွေးနွေး အကြံပေး ကုသရန် လိုအပ်သော -

- HIV/ AIDS ခုခံအားကျ ရောဂါ အပါအဝင် ကာလသား ရောဂါ များ
- ကိုယ်ဝန် မရနိုင်ခြင်း၊ သားဆက်ခြားခြင်း၊ သားအိမ်ခေါင်းကင်ဆာ ကာကွယ်ခြင်း၊ စသည့် မျိုးဆက်ပွား ကျန်းမာရေး ဆိုင်ရာ ပြဿနာများ
- စိတ်ကျန်းမာရေးဆိုင်ရာ ရောဂါများ ကို
- ဆေးခန်းတွင် (သို့မဟုတ်) Online မှ တဆင့် အချိန်ပေး ဆွေးနွေး ကုသ ပေးပါသည်။

- ရွှေရည်ပန်းစက် လူနာ မှတ်ပုံတင်ထားသော လူနာဟောင်းများ အတွက် Online Counseling Service သည် အခမဲ့ ဖြစ်ပြီး နေ့စဉ် ည ၈:၀၀ နာရီ မှ ၁၀:၀၀ နာရီ ကြား ဖြစ်ပါသည်။
- တနင်္ဂနွေ ညတိုင်း Online Counseling Session ပိတ်ပါသည်။

ရွှေရည် လိမ်းကျံ၊ လှပန်း ပန်ဆင်၊ ကျန်းမာ ရွှင်ပျ၊ နေနိုင်ကြဖို့၊ ရွှေရည်ပန်းစက် သို့ လှမ်းကြစို့။ ။

Call now to connect with business.

02/27/2024

ယခု ရက်ပိုင်း အတွင်းတွင် အအေးမိသည့်လက္ခဏာများဖြင့် ရာသီတုပ်ကွေးရောဂါ ဖြစ်ပွားပြီးနောက် ချောင်းဆိုး မပျော.....

02/27/2024

ယခု ရက်ပိုင်း အတွင်းတွင် အအေးမိသည့်လက္ခဏာများဖြင့် ရာသီတုပ်ကွေးရောဂါ ဖြစ်ပွားပြီးနောက် ချောင်းဆိုး မပျောက်ဘဲ ဆေးခန်း လာပြသည့် လူနာများ တိုး လာခဲ့ပါသည်။ အထူးသဖြင့် အသက် (၅) နှစ်အောက် ကလေးများ၊ သက်ကြီးရွယ်အို များနှင့် ဆီးချို၊ သွေးတိုး စသော နာတာရှည် ရောဂါ ခံစားနေရသူများတွင် ပိုမို ဖြစ်ပွား တတ်ပါသည်။

Covid-19 ကပ်ရောဂါကာလအတွင်း လူစုလူဝေးကင်းကွာခြင်းနှင့် lockdown မူဝါဒများကြောင့် ရာသီတုပ်ကွေးရောဂါ ကူးစက်မှုအရေအတွက် ကျဆင်းသွားသော်လည်း ယခုအခါ ပြန်လည်မြင့်တက်လာခြင်းလည်း ဖြစ်နိုင်ပါသည်။

ထို့ကြောင့် ရာသီတုပ်ကွေးရောဂါ ဖြစ်ပွားပြီးနောက် ချောင်းဆိုး မပျောက်သော ရောဂါ ဖြစ်ပွားခြင်းမှ ကာကွယ်နိုင်ရန် -

- လူစု လူဝေးများကို ရှောင်ကြဉ် ပါ။
- ရာသီ တုပ်ကွေးရောဂါ ကာကွယ်ဆေး ကို နှစ်စဉ် ထိုးနှံပါ။
- ကလေးများကို ဆုံဆို့၊ကြက်ညှာ၊မေးခိုင် ကာကွယ်ဆေး (သို့မဟုတ်) ငါးမျိုးစပ် ကလေးရောဂါ ကာကွယ်ဆေးကို သတ်မှတ်ချက် ပြည့်မှီအောင် ထိုးနှံ ပေးပါ။

- အအေးမိသည့်လက္ခဏာများဖြင့် ရာသီတုပ်ကွေးရောဂါ ဖြစ်ပွားခဲ့လျှင် ဆောလျင်စွာ ဆေးကုသမှု ခံယူ ပါရန် အကြံပြုပါသည်။

ရွှေရည်ပန်းစက် ဆေးခန်းတွင် -

- ရာသီ တုပ်ကွေးရောဂါ ကာကွယ်ဆေး (Quadrivalant Flujet) ထိုးနှံ နိုင်ပါသည်။
- ကလေးငယ်များ အတွက် ဆုံဆို့၊ ကြက်ညှာ၊ မေးခိုင်၊ ပိုလီယိုအကြောသေ ရောဂါနှင့် အသားဝါ ရောဂါ ဘီပိုး - စုစုပေါင်း ရောဂါ (၅) မျိုးမှ ကာကွယ်ပေးနိုင်သော (Global Pentavalent Vaccine for childhood diseases) ကာကွယ်ဆေး ထိုးနှံ နိုင်ပါသည်။
- ရာသီတုပ်ကွေးရောဂါ အတွက် ထိရောက်သော ဆေးကုသမှု ခံယူနိုင်ပါသည်။

ချောင်းတဟွတ်ဟွတ် ဆိုးနေတာ မပျောက်နိုင်လို့ စိတ်ညစ်နေရပါလား။ ချောင်းဆိုးပျောက်ဆေး သောက်ရုံနဲ့ မပျောက်ဘဲ ရ.....