Respublika tez tibbiy yordam markazi Farg'ona viloyati filiali

27/09/2025

20/09/2025

Фестиваль хавфсизлиги – тез тиббий ёрдам назоратида

Қўқон шаҳрида ўтаётган III Халқаро ҳунармандчилик фестивалида нафақат маданий меросимиз намоён этилмоқда, балки минглаб меҳмонлар ва иштирокчилар соғлиги ҳам юқори даражада муҳофаза қилинмоқда.

Республика тез тиббий ёрдам маркази Фарғона филиали томонидан:
🔹 14 та махсус тез тиббий ёрдам бригадалари,
🔹 42 нафар малакали тиббиёт ходимлари,
🔹 7 нафар штаб аъзолари жалб этилди.

Фестивалда тиббий хизматнинг самарали ва узлуксиз ишлаши учун раҳбарият шахсан ҳудудга етиб бориб, бригадалар фаолиятини назорат қилмоқда.

Фестивалда иштирок этувчи барча меҳмонлар учун тиббий хавфсизлик кафолатланган.

18/09/2025

#Кўқон2025

III Халқаро Ҳунармандчилик Фестивалига тайёргарлик жараёнлари.

2025 йил 18–21 сентябрь кунлари Фарғона вилояти Қўқон шаҳрида бўлиб ўтадиган “Халқаро ҳунармандчилик фестивали”га қизғин тайёргарлик ишлари олиб борилмоқда.

Ўзбекистон Республикаси Президентининг 2018 йил 1 ноябрдаги ПҚ-3991-сонли қарори ҳамда Фарғона вилояти ҳокимлиги ташкилий қўмитасининг 2025 йил 29 августдаги 297101-49-сонли йиғилиш баёнига асосан, барча тизимлар ўз вақтида тайёргарлик кўрмоқда.

Фарғона вилояти Соғлиқни сақлаш бошқармасининг 2025 йил 2 сентябрдаги 175-сонли буйруғига асосан, Республика тез тиббий ёрдам маркази Фарғона филиали томонидан чора-тадбирлар режаси ишлаб чиқилди.

Унга кўра, фестивал давомида тез тиббий ёрдам хизматини таъминлаш учун:
- 14 та махсус тез тиббий ёрдам бригадалари;
- 42 нафар шахсий таркиб;
- 7 нафар штаб аъзолари жалб этилмоқда.

Ушбу тайёргарликлар барчаси фестивал иштирокчилари ва меҳмонларининг хавфсизлиги ҳамда соғлиги учун хизмат қилади.

08/09/2025

Axborot 24 | Tibbiyotni raqamlashtirish samaralari

04/09/2025

Қўштепа туманида янги Тез тиббий ёрдам станцияси биноси мустақиллик байрами арафасида фойдаланишга топширилди.

Ушбу бино “Ташаббусли бюджет” лойиҳаси орқали барпо этилди.

Бу иншоот орқали туман аҳолисига тезкор ва сифатли тиббий хизмат кўрсатиш имкониятлари янада кенгаяди.

04/09/2025

34 йиллик байрам туҳфаси – Қўштепада янги тез ёрдам бўлими!

Мустақиллигимизнинг 34 йиллиги қўштепаликлар учун ҳақиқий тантана ва шодликка айланди. Ана шу улуғ сана арафасида туманда замонавий тез ёрдам бўлими ишга туширилди.

“Тўйга тўёна билан” деганларидек, энди 200 мингдан ортиқ аҳолига хизмат кўрсатадиган шифокорлар ва тиббиёт ходимлари қулай шароитларда ўз фаолиятини олиб боради.

Қурилиш ишларига асосан “Очиқ бюджет” дастури доирасида 1,5 миллиард сўмдан зиёд маблағ йўналтирилди. Янги бинода замонавий меъморий ечимлар, қулайликлар ва зарур тиббий асбоб-ускуналар жамланди.

Очилиш маросимида жамоатчилик вакиллари ҳам иштирок этиб, лойиҳа амалга ошишига ҳисса қўшганларга самимий миннатдорлик изҳор этдилар. Ташаккурномалар ва эсдалик совғалар топширилиб, тадбир кўтаринки руҳда ўтди.

Қўштепада фойдаланишга топширилган бу янги тез ёрдам бўлими нафақат замонавий бинодир, балки аҳоли учун яратилган сифатли тиббий хизмат, халқимизнинг саломатлигига қаратилган эътибор ҳамдир.

01/09/2025

Assalomu alaykum qadrli yurtdoshlar, aziz hamkasblar!

Sizlarni O‘zbekiston Respublikasi Mustaqilligining 34 yilligi bilan chin qalbimdan tabriklayman.

Mustaqillik – bizning eng ulug‘ ne’matimiz, xalqimizning azmu shijoati, mehnatsevarligi va Vatanparvarligining yorqin mevasi hisoblanadi. Bugun mamlakatimizda amalga oshirilayotgan keng ko‘lamli islohotlar, yurtimizning taraqqiyoti va farovonligi barchamizning hayotimizga yangicha ruh, ishonch va ertangi kunga mustahkam ishonch baxsh etmoqda.

Ushbu qutlug‘ ayyomda Sizlarga sihat-salomatlik, xonadoningizga tinchlik-xotirjamlik, ishlaringizda esa ulkan muvaffaqiyatlar tilayman. Yurtimiz taraqqiyoti va xalqimiz farovonligi yo‘lida qilayotgan barcha sa’y-harakatlaringizda bardavom bo‘lishingizni istayman.

Bayramingiz muborak bo‘lsin!

Hurmat bilan,
Bahromjon Tashbaltayev
Respublika Tez Tibbiy Yordam Markazi
Farg‘ona viloyati filiali direktori.

18/08/2025

Axborot 24 | Zilzila vaqtida tez tibbiy yordam mashg'ulotlari

08/08/2025

Maxsus reportaj | Sohalar kesimidagi raqamlashtirish korrupsiyaviy holatlarning oldini olmoqda