Family Diagnostic Center - Family MED

20/10/2025

Hidronefrosis gr IV 👀✅

17/10/2025

iu ofron shërbimin e përditshëm të lajmeve (7 ditë në javë) nga Kosova, rajoni e bota, në fusha të ndryshme të vepri...

07/10/2025

Dr Musa Myftari u nderua me mirenjohje për arritje jetesore nga Kolegji i kirurgëve të Kosovës.

✨ MISIONI U ARRIT - KONGRESI HISTORIK I KIRURGËVE SHQIPTARË ✨

U bë një javë nga përmbyllja mbresëlënëse e Kongresit të Parë Klinik të Kirurgëve Shqiptarë, që u mbajtë nga 25–28 Shtator 2025.

Një kapitull i ri në historinë e kirurgjisë shqiptare u shkrua me shkronja të arta në Prishtinë.

Mbi 1000 pjesëmarrës nga rajoni dhe bota, me 219 ligjërues dhe 317 prezantime shkencore, u bashkuan në një ngjarje madhështore e të papërjetuar më herët, ku dijenia, profesionalizmi dhe përkushtimi morën formën më të bukur të tyre.

🔹 78 ligjërues ndërkombëtarë me 138 prezantime
🔹 141 ligjërues nga Kosova, Shqipëria dhe Maqedonia e Veriut me 179 prezantime
🔹 Simpoziume, punëtori, dhe kurse praktike që sollën standardin më të lartë shkencor të deritanishëm.

U ndanë çmimet:
🏅 “ Për Arritje Jetësore - Prof. Dr. Sami Haxhibeqiri” për:
- Musa Miftari – Kosovë
- Mehdi Agolli – Shqipëri
- Sali Qerimi – Maqedoni e Veriut

🏅 “ҪMIMI I KRYETARIT THEMELUES / PRESIDENT EMERITUS” – për Prof. Dr. Rifat Latifi

🏆 “Udhëheqja përmes Shembullit” – Naser Salihu, Mentor Gorani, Kushtrim Shala, Alberto Ferreres, dhe Russell Andrews

💪 “Çmimi për Vullnetarizëm” – Melissa Misialek dhe Enej Gasevic

🎓 “Specializant/e i/e Dalluar – Prof. Dr. Preveza Abrashi” për: Shkëndije Hashani, Selman Maxhuni, dhe Ardit Nela

🌿 Mirënjohje për Anëtarët e Dalluar të K*K – Hysni Jashari, Lulzim Vokrri, Remzi Gashi, Dugagjin Spanca, Korab Berisha, dhe Ylber Zejnullahu

📚Ҫmimi “Publikimi dhe Inovacioni i Vitit” – për Prof. Dr. Rifat Latifi, për librin “Surgical Decision-Making, Evidence and Beyond”

🎤 Çmimet për prezantimet më të mira gjatë kongresit:
• Podium Prezantimi më i mirë – Vjosa Zejnullahu
• Quick Shot Prezantimi më i mirë – Elma Bregaj
• Poster Prezantimi më i mirë – Dëfrim Koçinaj
• Video Prezantimi më i mirë – Remzi Gashi
• Ligjërata më e mirë mbi Lidershipin – Sharique Nazir
• Ligjërata më e mirë e emërtuar – Ruben Peralta

Ky kongres ishte bashkorganizim nga:

- Kolegji i Kirurgëve të Kosovës
- Departamenti i Kirurgjisë – Universiteti i Mjekësisë, Tiranë
- Shoqata e Mjekëve Shqiptarë të Maqedonisë së Veriut
- Lidhja e Mjekëve Shqiptarë në Zvicër
- Shoqata e ORL-së dhe Kirurgjisë Kokë-Qafë e Kosovës dhe Shoqata Shqiptare e ORL-së

👏 Falënderim të përzemërt për të gjithë pjesemarrësit, dhe një falënderim i veçantë për Sponzorin Platinum, si dhe të gjithë bashkëpunëtorët dhe mbështetësit që bënë të mundur ngjarjen më të madhe dhe historike të kirurgjisë shqiptare të mbajtur deri më sot.

Për të gjitha këto dhe më shumë informacione në detaje, na përcjellni gjatë ditëve dhe javëve në vijim.

29/08/2025

🔴 Duke marrë parasysh disa raste serioze të ndodhura kohët e fundit nga pickimet e insekteve, vendosa të ndaj disa informacione të dobishme për publikun.

Prof Ass Dr Gazmend Bojaj

Pickimet e insekteve – kur janë të rrezikshme?

Shumica e pickimeve nga bleta, grerëza apo insekte të tjera thumbuese shkaktojnë vetëm dhimbje, skuqje dhe ënjtje lokale, që zhduken brenda disa orësh ose ditësh.

Por tek disa persona, pickimi mund të shkaktojë reaksion të rëndë alergjik – anafilaksi, e cila është jetëkërcënuese.

Personat që kanë pasur më parë një reaksion alergjik nga pickimi i bletës apo grerëzës, janë më të rrezikuar të përjetojnë një reagim edhe më të rëndë në një rast të ardhshëm.

Për këtë arsye, mjekët rekomandojnë që këta persona duhet të mbajnë gjithmonë me vete një autoinjektor me adrenalinë (EpiPen) dhe ta injektojnë menjëherë pas pickimit.

Pas injektimit, duhet kërkuar pa vonesë ndihmë urgjente mjekësore në qendrën më të afërt shëndetësore.

Shenjat e një reaksioni të lehtë

Dhimbje, djegie dhe kruajtje në vendin e pickimit

Skuqje dhe ënjtje lokale

Shenjat e një reaksioni të rëndë (anafilaksi)

Skuqje dhe kruajtje në të gjithë trupin

Fryrje të syve, buzëve, gjuhës apo fytit

Vështirësi në frymëmarrje ose gëlltitje

Frymëmarrje me zhurmë/fërshëllima

Rënie të tensionit të gjakut
Humbje të vetëdijes

Dhimbje të forta barku

Të vjella ose diarre.

Dhe vdekje.....!!

⛔ Këto shenja shfaqen zakonisht brenda 15–60 minutave pas pickimit dhe kërkojnë ndërhyrje të menjëhershme.

Çfarë duhet bërë?

Për reaksione të lehta:

👉 Hiq thumbin me kujdes (pa e shtrydhur)
👉 Vendos akull mbi zonën e pickimit
👉 Mund të përdoren antihistaminikë ose krem qetësues
👉 Analgjezikë (paracetamol, ibuprofen) nëse ka dhimbje

Për reaksione të rënda:

👉 Adrenalina (EpiPen) është trajtimi i parë dhe shpëton jetë

👉 Injektohet menjëherë në pjesën e jashtme të muskulit të kofshës

👉 Thirr urgjencën dhe transporto pacientin menjëherë në spital

Si të parandalohen reaksionet e rënda tek personat me histori të mëparshme ?

✅ Mos ecni zbathur në bar apo pranë kosherëve të bletëve

✅ Shmangni ushqimet/pijet e ëmbla në ambiente të hapura

✅ Vishni rroba me ngjyra neutrale, jo shumë të ndezura

✅ Mbani gjithmonë me vete autoinjektor me adrenalinë, nëse keni pasur reaksion të mëparshëm

✅ Konsultohuni me mjekun alergolog për imunoterapi (trajtim që ul rrezikun e reagimeve të rënda në të ardhmen)

👉 Një pickim mund të duket i parëndësishëm, por në raste të caktuara mund të rrezikojë jetën.

Informimi dhe përgatitja shpëtojnë jetë.

📍 Për këshilla dhe vizita na gjeni tek Family Diagnostic Center - Family MED
📞 +38344251164

28/08/2025

https://youtu.be/5tsaXwsGcdE?si=p5Fmgxd1PM8VR0Nw

Synetia është ndërhyrje kirurgjikale që bëhet për arsye mjekësore, fetare apo kulturore.Dr.Musa Myftari tregon benefitet, rreziqet dhe metodat e synetisë.