Qendra e Kujdesit Ditor - PEMA

Qendra e Kujdesit Ditor - PEMA Kjo është faqja zyrtare e Qendrës së Kujdesit Ditor PEMA, përmes së cilës ju mund të informoheni rreth aktiviteteve dhe të rejave më të fundit të qendrës.

Qendra e Kujdesit Ditor - PEMA është organizatë jo qeveritare e cila synon bashkëpunimin e mirëfilltë me partnerë ndërkombëtar dhe vendor, institucione qeveritare dhe të shoqërisë civile me qëllim që të përkrah dhe të asistojë në zhvillimin dhe avancimin e shërbimeve sociale të bazuara në komunitet për fëmijë me aftësi të kufizuara si dhe fëmijë nga kategoritë tjera të cenuara, dhe familjet e tyre. PEMA ofron:

• Shërbime psikosociale/rehabilituese dhe këshilluese për fëmijë me aftësi të kufizuara dhe fëmijë nga kategoritë e tjera të cenuara përmes Qendrave të Kujdesit Ditor.

• Këshillime psikologjike për prindër/kujdestarë të fëmijëve në nevojë;

• Vetëdijësimin dhe fuqizimin e prindërve për të avokuar dhe lobuar për të drejtat e fëmijëve;

• Organizimin e tryezave të rrumbullakëta, seminareve dhe konferencave që adresojnë nevojat dhe të drejtat e fëmijëve nga kategoritë e cenuara;

• Krijimin e hapësirave për zhvillimin e praktikave më të mira në fushën e ofrimit të shërbimeve për fëmijë;

• Monitorimin e zbatimit të ligjieve dhe politikave kombëtare për fëmijët;

• Senzibilizimin dhe mobilizimin e autoriteteve shtetërore relevante në nivel lokal dhe nacional, sensibilizimin e ofruesve të shërbimeve dhe të aktorëve të tjerë në çështjet e mbrojtjes dhe të drejtave të fëmijëve;

• Rritjen e vetëdijësimit tek opinioni i gjerë për çështjet e mbrojtjës së fëmijëve pa dallim;

• Rritjen e pjesmarrjes së fëmijëve dhe të gjitha grupeve që janë më të ekspozuara ndaj shkeljes së të drejtave të fëmijëve. PEMA ka krijuar dhe zhvilluar katër qendra të specializuara ditore në katër komuna të Kosovës (Prizren, Pejë, Ferizaj dhe Gjilan). Adresat:

Zyra menaxhuese në Prishtinë:
Rruga Tirana Blloku A6, Hyrja B5 Nr.18
Numri kontaktues: +383 44 491 623

Qendra e Kujdesit Ditor - PEMA në Prizren:
Rruga Engjëll Berisha – QMF Nr.1
Numri kontaktues: 048-656-065

Qendra e Kujdesit Ditor - PEMA në Pejë:
Rruga Filip Shiroka, pa numër
Numri kontaktues: 048-656-066

Qendra e Kujdesit Ditor - PEMA në Ferizaj:
Rruga Driton Islami - Llamella B 03, Nr.1
Numri kontaktues: 048-656-067

Qendra e Kujdesit Ditor - PEMA në Gjilan:
Ruga 7 Shtatori, nr.2
Numri kontaktues: 048-656-068

GËZUAR VITIN 2026!MIRËNJOHJE PËR MBËSHTETJEN, THIRRJE PËR INVESTIM TË QËNDRUESHËM NË FËMIJËNë prag të vitit të ri, Qendr...
31/12/2025

GËZUAR VITIN 2026!

MIRËNJOHJE PËR MBËSHTETJEN, THIRRJE PËR INVESTIM TË QËNDRUESHËM NË FËMIJË

Në prag të vitit të ri, Qendra e Kujdesit Ditor – PEMA, në emër edhe të fëmijëve dhe prindërve, shpreh mirënjohjen më të sinqertë për të gjithë ata që gjatë këtij viti kanë mbështetur dhe besuar në misionin dhe përkushtimin tonë për ofrimin e shërbimeve të specializuara dhe gjithëpërfshirëse për fëmijët me aftësi të kufizuara.

Viti 2026 për ne përfaqëson VITIN E PËRGJEGJËSISË SË PËRBASHKËT NË MBROJTJEN DHE REALIZIMIN E TË DREJTAVE TË FËMIJËVE, DUKE VENDOSUR MIRËQENIEN E TYRE NË QENDËR TË ÇDO VEPRIMI DHE VENDIMMARRJE.

Një vit që kërkon angazhim të vazhdueshëm institucional, investime të qëndrueshme dhe bashkëpunim për të garantuar që të drejtat e fëmijëve të mos mbeten vetëm parime, por të realizohen në praktikë përmes shërbimeve profesionale dhe mbështetjes konkrete për ata dhe prindërit/familjet e tyre.

Me respekt dhe vlerësim të veçantë, falënderojmë stafin tonë profesional, partnerët institucionalë dhe donatorët, të cilët përmes mbështetjes dhe investimit në shërbime psikosociale kontribuojnë drejtpërdrejt në përmirësimin e cilësisë së jetës së fëmijëve në nevojë për shërbime të specializuara.

Le të jetë viti 2026 një vit i angazhimit konkret dhe veprimit të përgjegjshëm, ku bashkëpunimi institucional dhe investimet e qëndrueshme përkthehen në ndikim real për jetën e fëmijëve dhe familjeve të tyre.

Me respekt dhe mirënjohje,
QENDRA E KUJDESIT DITOR – PEMA

FESTOJMË SË BASHKU FESTAT E FUNDVITIT🎄Institucione komunale, shkolla, klube sportive dhe miq të bashkuar për dhe në mbës...
30/12/2025

FESTOJMË SË BASHKU FESTAT E FUNDVITIT🎄

Institucione komunale, shkolla, klube sportive dhe miq të bashkuar për dhe në mbështetje të fëmijëve të PEMA-s në Gjilan

✨ GËZUAR VITIN E RI 2026! ✨

Me shumë gëzim, mirënjohje dhe emocione të bukura, fëmijët e Qendrës së Kujdesit Ditor – PEMA në Gjilan shënuan festat e fundvitit falë mbështetjes së çmuar të institucioneve, organizatave, shkollave, klubeve sportive dhe miqve të fëmijëve tanë. 💙

Falënderim i sinqertë për mbështetjen dhe solidaritetin:

Institucione publike
• Komuna e Gjilanit

Organizata
• Kryqi i Kuq – Gjilan

Klube sportive
• FC Drita
• KF Gjilani

Shkolla dhe institucione arsimore
• Shkolla “Hello Academy of Education”
• Kolegji “Don Bosko”
• Kopshti i fëmijëve “Buzëqeshja e Jetës”
• Gjimnazi “Zenel Hajdini”

Biznese mbështetëse
• Krikons sh.p.k
• IHAS sh.p.k
• Roinvest
• Doni Dent
• Era Center
• Eglo Plas
• Restaurant “Te Nadushi”

Miq dhe vullnetarë të PEMA-s
• Fatlind Gashi
• Fatos Gashi
• Siritanë Hoda
• Arlindë Shala
• Ronita Muja
• Festina Muja
• Edona Haziri
• Enkelë Aliu
• Aurela Ahmeti
• Anila Bunjaku
• Almedina Shala
• Bleona Syla
• Liridon Aliu

Kontributi juaj solli buzëqeshje, ngrohtësi dhe ndjesinë se fëmijët tanë janë të rrethuar me përkujdesje, solidaritet dhe dashuri. 🌟

Ju faleminderit që jeni pjesë e misionit tonë për gjithëpërfshirje të çdo fëmije në nevojë për mbështetje dhe shërbime profesionale në funksion të mirëqenies dhe zhvillimit të tyre.

🎁✨ Festa e fundvitit në Qendrën e Kujdesit Ditor – PEMA, FerizajMe shumë gëzim dhe mirënjohje, fëmijët e Qendrës së Kujd...
30/12/2025

🎁✨ Festa e fundvitit në Qendrën e Kujdesit Ditor – PEMA, Ferizaj

Me shumë gëzim dhe mirënjohje, fëmijët e Qendrës së Kujdesit Ditor – PEMA në Ferizaj shënuan festat e fundvitit me dhurata, buzëqeshje dhe momente të ngrohta, falë mbështetjes së miqve dhe bashkëpunëtorëve tanë.

🙏 Falënderim i veçantë për donatorët dhe mbështetësit e kësaj feste:

Banka Ekonomike

Elektroinstalues “Prushi”

Bibaj Group

Market “Eli-AB”

Shkolla fillore “Universum”

Kopshti i fëmijëve “Star Kids”

Gift Shop “FLO”

Fatos Gashi

🍰 Festa u bë edhe më e ëmbël falë Ëmbëltores “Ëmbëlsia”, që solli një shije të veçantë gëzimi për fëmijët.

👏 Falënderues jemi edhe për angazhimin e vullnetarëve:

Bleta Hyseni – për fotografitë që ruajtën momentet më të bukura 📸

Erjon Neziri nga Maskota Ime – për atmosferën festive dhe ardhjen e Babadimrit 🎅

Së bashku krijuam një ditë plot ngrohtësi, përfshirje dhe buzëqeshje për fëmijët tanë. Ju faleminderit që jeni pjesë e gëzimit të tyre dhe e mbylljes së këtij viti me dashuri e shpresë për vitin e ri.

🎁✨ Gëzim, mirënjohje dhe festë fundviti në Qendrën e Kujdesit Ditor - PEMA në Pejë Fëmijët e Qendrës së Kujdesit Ditor -...
30/12/2025

🎁✨ Gëzim, mirënjohje dhe festë fundviti në Qendrën e Kujdesit Ditor - PEMA në Pejë

Fëmijët e Qendrës së Kujdesit Ditor - PEMA në Pejë u gëzuan me dhurata dhe momente të ngrohta falë përfaqësuesve të Policisë së Pejës dhe Komitetit Lokal për Siguri në Komunën e Pejës (KLSP), Bzzz Delivery si dhe bashkatdhetarit tonë nga diaspora shqiptare në Zvicër, z.Fatos Gashi, të cilët sollën buzëqeshje dhe emocione të veçanta për fëmijët tanë.

Festa u bë edhe më e ëmbël me tortat e përgatitura me shumë dashuri nga AGUSHOLLI, duke e shndërruar këtë ditë në një kujtim të bukur për të gjithë. 🎂

Së bashku shënuam festën e fundvitit, me falënderime të sinqerta dhe urimet më të mira për një vit 2026 plot shëndet, mirësi dhe përfshirje.

🙏 Faleminderit të gjithëve që kontribuojnë për të sjellë gëzim dhe shpresë në jetën e fëmijëve tanë.

Magjia e festave në duart e fëmijëve! Fëmijët e Qendrës së Kujdesit Ditor PEMA në Ferizaj, së bashku me fëmijët e Shoqat...
08/12/2025

Magjia e festave në duart e fëmijëve!

Fëmijët e Qendrës së Kujdesit Ditor PEMA në Ferizaj, së bashku me fëmijët e Shoqatës Hendifer, u bashkuan në një aktivitet të mbushur me kreativitet, bashkëpunim dhe ngrohtësi festash. Me shumë imagjinatë dhe zemër të pastër, ata krijuan kartolina të veçanta të fundvitit, secila me ngjyra të gjalla, mesazhe të bukura dhe urime të sinqerta.

Pasi i përfunduan kartolinat, fëmijët i dhuruan me gëzim nxënësve të shkollës Universum, duke shpërndarë buzëqeshje dhe duke sjellë një copëz të magjisë së tyre tek secili që i pranoi. Çdo kartolinë mbante një histori të vogël, një emocion të veçantë dhe dashurinë e fëmijëve që i krijuan.

Urime 18-vjetori, Olisa! Sot festojmë jo vetëm ditëlindjen e 18-të të Olisës, por edhe rrugëtimin e saj të bukur të rrit...
06/12/2025

Urime 18-vjetori, Olisa!

Sot festojmë jo vetëm ditëlindjen e 18-të të Olisës, por edhe rrugëtimin e saj të bukur të rritjes dhe përfshirjes. Për 12 vite ajo ka qenë pjesë e Qendrës së Kujdesit Ditor - PEMA në Pejë, ku ka ndërtuar hap pas hapi siguri, pavarësi, aftësi sociale dhe besim në vete..

Në këtë ditë të veçantë, i urojmë Olisës shëndet, mundësi për zhvillim, rrugëtim të mbushur me arritje. Ne gëzohemi pa masë për çdo sukses të saj dhe besojmë fuqishëm në hapat e saj të mëtejshëm drejt pavarësisë dhe vetë-zhvillimit.

Njëkohësisht, ngremë zërin për më shumë shërbime mbështetëse, programe tranzicioni dhe përkrahje institucionale për të rinjtë me aftësi të kufizuara, që edhe ata, ashtu si Olisa, të kenë mundësi reale për zhvillim, punësim dhe jetë të pavarur.

Urime Olisa! Shëndet dhe gjithë të mirat!

Shërbimet e ofruara në Qendrën e Kujdesit Ditor – PEMA në Pejë realizohen me mbështetjen e Ministrisë së Drejtësisë, në kuadër të projektit “Fuqizimi i programeve mbështetëse për fëmijët me
aftësi të kufizuara në komunën e Pejës dhe Gjilanit”, dhe me mbështetjen e Komunës së Pejës,
përmes projektit “Fuqizimi i programeve mbështetëse për fëmijët me aftësi të kufizuara në
komunën e Pejës”.

Bashkëpunim dhe Mirënjohje për Fëmijët AktivistëNë Qendrën PEMA në Gjilan patëm kënaqësinë t’u ndajmë mirënjohje një gru...
05/12/2025

Bashkëpunim dhe Mirënjohje për Fëmijët Aktivistë

Në Qendrën PEMA në Gjilan patëm kënaqësinë t’u ndajmë mirënjohje një grupi të rinjsh aktivistë e vullnetarë, të cilët gjatë vitit kanë mbështetur në mënyrë të vazhdueshme iniciativat tona promovuese dhe avokuese për gjithëpërfshirjen e fëmijëve në komunitet.
Kontributi i tyre ka qenë thelbësor në forcimin e zërit dhe pjesëmarrjes aktive të fëmijëve të qendrës sonë.

Pas ceremonisë së mirënjohjeve, aktivistët u bashkuan me fëmijët e Qendrës PEMA në një aktivitet të përbashkët kreativ, ku punuan me përkushtim në përgatitjen e kartolinave të fundvitit, duke krijuar një atmosferë të ngrohtë, pozitive dhe bashkëpunuese.

Faleminderit të gjithëve për angazhimin, energjinë dhe vullnetin e mirë — bashkë vazhdojmë të ndërtojmë një komunitet më gjithëpërfshirës dhe më mbështetës për çdo fëmijë.

Shërbimet e ofruara në Qendrën e Kujdesit Ditor – PEMA në Gjilan realizohen me mbështetjen e Ministrisë së Drejtësisë, në kuadër të projektit “Fuqizimi i programeve mbështetëse për fëmijët me
aftësi të kufizuara në komunën e Pejës dhe Gjilanit”, dhe me mbështetjen e Komunës së Gjilanit,
përmes projektit “Mbështetja dhe fuqizimi i fëmijëve dhe të rinjve me aftësi të kufizuara përmes
qasjes së tyre në shërbimet psikosociale, rehabilituese dhe rekreative”.

SPORT, PËRFSHIRJE DHE MIRËNJOHJE 💙🤾‍♂️Qendra e Kujdesit Ditor PEMA – Ferizaj shpreh mirënjohjen më të sinqertë për Feder...
03/12/2025

SPORT, PËRFSHIRJE DHE MIRËNJOHJE 💙🤾‍♂️

Qendra e Kujdesit Ditor PEMA – Ferizaj shpreh mirënjohjen më të sinqertë për Federatën e Hendbollit të Kosovës dhe për Klubin e Hendbollit Kastrioti për organizimin e kësaj loje miqësore të mbushur me dashuri, përkushtim dhe frymë përfshirjeje për fëmijët tanë me aftësi të kufizuara, në kuadër të shënimit të 3 Dhjetorit – Ditës Ndërkombëtare të Personave me Aftësi të Kufizuara.

Falë përgatitjes së kujdesshme, energjisë pozitive dhe mbështetjes së vazhdueshme të sportistëve, trajnerëve dhe drejtuesve, fëmijët tanë patën mundësinë të përjetojnë emocionet e lojës së hendbollit, të ndihen pjesë e ekipit dhe të dëshmojnë se sporti është një hapësirë ku secili fëmijë ka vend, vlerë dhe potencial.

Në një atmosferë të ngrohtë dhe frymëzuese, fëmijët jo vetëm që luajtën, por ndërtuan edhe besim, guxim dhe gëzim. Medaljet dhe kupa në fund ishin simbol i fitores së përbashkët të përfshirjes.

Faleminderit Federatës së Hendbollit të Kosovës, Klubit të Hendbollit Kastrioti, sportistëve, trajnerëve dhe të gjithë kontribuuesve për përgatitjen, përkushtimin, dashurinë dhe mbështetjen e treguar ndaj fëmijëve tanë.
Së bashku po tregojmë se sporti është për të gjithë.

Falënderojmë kontribuuesit që mundësuan realizimin e suksesshëm të aktivitetit përmes donacioneve të tyre:
• Ëmbëlsia – për sigurimin e tortës,
• Furra Liria – për ushqimin ,
• Burimi VDD – për pijet e ofruara,
• Dino Sound – për shërbimet e zërimit dhe muzikës.

Mbështetja e tyre është dëshmi e bashkëpunimit të qëndrueshëm komunitar dhe e përkushtimit për krijimin e mundësive cilësore rekreative dhe edukative për fëmijët.

3 DHJETOR – ZËRI I TË RINJVE PËR PËRFSHIRJE💙Sot, përmes një nisme ndërgjegjësuese dhe avokuese, të rinjtë e shkollave të...
03/12/2025

3 DHJETOR – ZËRI I TË RINJVE PËR PËRFSHIRJE💙

Sot, përmes një nisme ndërgjegjësuese dhe avokuese, të rinjtë e shkollave të Komunës së Ferizajt u bashkuan në një zë të përbashkët për përfshirje, respekt dhe barazi për fëmijët me aftësi të kufizuara, në bashkëpunim me Qendrën e Kujdesit Ditor PEMA – Ferizaj.

Me iniciativën e psikologes shkollore Fitore Ferizi Llabjani dhe të nxënësve të SHMM “Elena Gjika” – Ferizaj, si dhe me bashkëngjitjen e shkollave:
SHFMU “Ahmet Hoxha” – Ferizaj
SHFMU “Tërrn” – fshati Tërrn, Ferizaj
SHFMU “Jeronim De Rada” – Ferizaj
SHFMU “Tefik Çanga” – Ferizaj
Shkolla e Muzikës “Çesk Zadeja” – Ferizaj
SHFMU “Dëshmorët e Lirisë” – fshati Manastirc, Ferizaj
Qendra e Gjuhëve të Huaja – Ferizaj
Shkolla e Mesme “Qendra e Kompetencës” – Ferizaj

Në këto institucione është prezantuar një video sensibilizuese e përgatitur nga fëmijët e PEMA-s dhe nxënësit, me mesazhe për përfshirje, respekt, barazi, diversitet dhe mbështetje për fëmijët me aftësi të kufizuara.

Në këtë postim janë bashkëngjitur foto nga momentet e prezantimit të këtij materiali në shkolla.

Kjo nismë e përbashkët dëshmon edhe një herë rolin aktiv të të rinjve në avokimin për mbrojtjen dhe realizimin e të drejtave të fëmijëve me aftësi të kufizuara.

Muzika që na bashkon🎶Qendra e Kujdesit Ditor PEMA në Pejë zhvilloi aktivitetin “Muzika që na bashkon”, me synim promovim...
03/12/2025

Muzika që na bashkon🎶

Qendra e Kujdesit Ditor PEMA në Pejë zhvilloi aktivitetin “Muzika që na bashkon”, me synim promovimin e gjithëpërfshirjes përmes muzikës dhe nxitjen e bashkëpunimit ndërmjet fëmijëve me aftësi të kufizuara dhe nxënësve të Shkollës së Muzikës “Halit Kasapolli” – Pejë.

Në kuadër të aktivitetit u prezantua “Orkestra e Diversitetit”, ku fëmijët dhe nxënësit performuan së bashku duke interpretuar ritme muzikore me instrumente të ndryshme. Ky bashkëveprim artistik dëshmoi fuqinë e muzikës në krijimin e një mjedisi gjithëpërfshirës, duke theksuar rëndësinë e barazisë, pjesëmarrjes dhe zhvillimit social-emocional të çdo fëmije.

Ky aktivitet përforcon angazhimin tonë për të ofruar hapësira ku talenti dhe kreativiteti vlerësohen pa dallim, si dhe për të promovuar bashkëpunimin ndërinstitucional në mbështetje të diversitetit.

Faleminderim i posaçëm për Shkollën e Muzikës “Halit Kasapolli” – Pejë për bashkëpunimin dhe kontributin profesional.

Shërbimet e ofruara në Qendrën e Kujdesit Ditor – PEMA në Pejë realizohen me mbështetjen e Ministrisë së Drejtësisë, në kuadër të projektit “Fuqizimi i programeve mbështetëse për fëmijët me
aftësi të kufizuara në komunën e Pejës dhe Gjilanit”, dhe me mbështetjen e Komunës së Pejës,
përmes projektit “Fuqizimi i programeve mbështetëse për fëmijët me aftësi të kufizuara në
komunën e Pejës”.

3 DHJETOR – DITA NDËRKOMBËTARE E PERSONAVE ME AFTËSI TË KUFIZUARATAKIM NDËRGJEGJËSUES PËR PËRFSHIRJE NË PEMA – GJILANSot...
03/12/2025

3 DHJETOR – DITA NDËRKOMBËTARE E PERSONAVE ME AFTËSI TË KUFIZUARA

TAKIM NDËRGJEGJËSUES PËR PËRFSHIRJE NË PEMA – GJILAN

Sot, në Qendrën e Kujdesit Ditor PEMA në Gjilan, patëm kënaqësinë të mirëpresim nxënës përfaqësues nga disa shkolla të komunës në një takim ndërgjegjësues të dedikuar dialogut dhe fuqizimit të përfshirjes. Pjesëmarrëse në aktivitet ishin shkollat: SHFMU “Nazmi Hoxha”, Hello Academy of Education, SHFMU “Musa Zajmi” dhe SHFMU “Mulla Idrizi”.

Takimi nisi me një material sensibilizues mbi aftësinë e kufizuar, i cili hapi rrugë për diskutime të hapura dhe të vlefshme. Nxënësit ndanë me interes mendimet, përvojat dhe idetë e tyre rreth empatisë, barazisë dhe rolit që mund të luajnë si “Ambasadorë të Përfshirjes” në komunitet.

Një nga momentet më domethënëse të aktivitetit ishte “Pema e Zotimit”, ku secili nxënës vendosi nga një mesazh personal, duke shprehur angazhimin për ndërtimin e një mjedisi më gjithëpërfshirës, më mbështetës dhe më të drejtë për të gjithë fëmijët.

Falënderojmë sinqerisht nxënësit dhe shkollat pjesëmarrëse për bashkëpunimin, përkushtimin dhe energjinë pozitive që sollën sot në Qendrën tonë.

Së bashku ndërtojmë një komunitet ku secili fëmijë ndihet i pranuar, i respektuar dhe i vlerësuar.

Shërbimet e ofruara në Qendrën e Kujdesit Ditor – PEMA në Gjilan realizohen me mbështetjen e Ministrisë së Drejtësisë, në kuadër të projektit “Fuqizimi i programeve mbështetëse për fëmijët me
aftësi të kufizuara në komunën e Pejës dhe Gjilanit”, dhe me mbështetjen e Komunës së Gjilanit,
përmes projektit “Mbështetja dhe fuqizimi i fëmijëve dhe të rinjve me aftësi të kufizuara përmes
qasjes së tyre në shërbimet psikosociale, rehabilituese dhe rekreative”.

Address

Rruga: Tirana, Blloku A6, Hyrja B5 Nr. 18
Prishtinë
10000

Telephone

+38344491623

Website

Alerts

Be the first to know and let us send you an email when Qendra e Kujdesit Ditor - PEMA posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Qendra e Kujdesit Ditor - PEMA:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram