31/10/2023
Vonesa gjuhësore
Vonesa gjuhësore bën pjesë tek çrregullimet specifike të gjuhës të cilat përkufizohen si : shfaqje e vonuar dhe zhvillim i ngadalësuar i gjuhës i cili nuk vjen si pasojë e një deficiti dëgjimor dhe motor i organeve të të folurit; as si rezultat i çrregullimeve psikopatologjike, mosfunksionimit të trurit apo prapambetjes mendore.
Një fëmijë, afër tre vjeç, me këtë vështirësi, ka një fjalor shumë të kufizuar, ndërton fjali shumë të shkurta dhe në të shprehurin e tij dominojnë gjestet. Në të kuptuar, ai është më mirë pasi ndihmohet nga situatat në të cilat flitet, fjalët e veçanta që i di, intonacionin e thënieve të ndryshme dhe gjestet e mimikat e atij që flet.
Ndërsa një 5 vjeçar, vështirësitë i ka në të kuptuarit e nocioneve që shprehin pozicione në hapësirë apo të kuptuarit e kohës në të cilën kryhet veprimi; në dallimin e disa veprimeve nga njëri-tjetri, në të kuptuarit e përemrave pronorë, disa ndajfoljeve, parafjalëve si dhe përemrave vetorë të vetës së tretë etj. Përdorin gjestet dhe shpesh, mjaftohen të kuptohen vetëm nga prindërit.
Shkaqet e vonesës gjuhësore mund të jenë të shumta si:
* Trashëgimia
* Varfëria apo mungesa e nxitjes
* Çrregullime të marrdhënieve nënë-fëmijë
* Lindja e një fëmije tjetër
* Binjakët
* Fëmijët që lindin nën peshë
* Sëmundjet dhe shtrimet e gjata në spital
* Ambienti dygjuhësor
* Televizori/ telefoni
* Varfëria gjuhësore e ambientit
* Mos shkuarja në kopsht etj.
Vonesa e lehtë gjuhësore është plotësisht e kalueshme nëse trajtohet si duhet dhe në kohën e duhur.
Për konsulta në lidhje me këtë vështirësi apo të tjera që lidhen me gjuhën, të folurin, zërin, gëlltitjen, leximin dhe shkrimin na kontaktoni në numrin 044-799-242 apo në mesazh për caktimin e terminit.
