Kolegji i Kirurgëve të Kosovës / Kosova College of Surgeons

Kolegji i Kirurgëve të Kosovës / Kosova College of Surgeons Misioni i Kolegjit është të bashkojë të gjithë kirurgët dhe specializantët e çdo lëmie kirurgjike.

Të rris qasjen kirurgjike për të gjithë pacientët, duke reduktuar komplikimet, si dhe duke përmirësuar rezultatet dhe ulur koston e kujdesit për të gjithë.

24/11/2025

7 VITET QË VENDOSËN THEMELET E AVANCIMIT KIRURGJIK NË KOSOVË DHE RAJON

Kemi kënaqësinë që përmes këtij video-prezantimi të shpalosim rrugëtimin, punën dhe arritjet e Kolegjit të Kirurgëve të Kosovës, një histori e freskët por e jashtëzakonshme e vizionit, përkushtimit dhe zhvillimit të kirurgjisë së Kosovës dhe të gjithë rajonit.

Në vetëm 7 vite nga themelimi i tij më 17 dhjetor 2018, Kolegji është shndërruar në qendrën kryesore të edukimit kirurgjik, kërkimit shkencor dhe bashkëpunimit profesional. Mbi 1000 kirurgë nga Kosova, Shqipëria, Maqedonia e Veriut dhe diaspora janë bashkuar nën këtë ombrellë, duke krijuar komunitetin më të madh kirurgjik shqiptar ndonjëherë.

Kongreset tona klinike, me mijëra pjesëmarrës dhe qindra ligjërues nga mbarë bota, kanë vendosur standard të ri në edukimin mjekësor të rajonit. Programet edukative, kurset, trajnimet dhe simpoziumet kanë ofruar mijëra orë të edukimit cilësor, duke ngritur kapacitetet e gjeneratave të reja të kirurgëve.
Kosova Journal of Surgery dhe Buletini i Kolegjit janë bërë platforma të fuqishme të shkencës dhe historisë sonë profesionale, me dhjetëra publikime, intervista, analiza dhe punime shkencore që e vendosin Kosovën në hartën botërore të kirurgjisë akademike.

Të gjitha këto janë arritur me punën tonë të përbashkët, prej kur Kolegji i Kirurgëve të Kosovës u krijua nën drejtimin e Prof. Dr. Rifat Latifit dhe përkrahjen kyçe nga International Virtual e-Hospital Foundation (IVeH), fondacion nga SHBA e cila ka qenë shtylla kryesore për themelimin, ngritjen dhe zhvillimin e Kolegjit.
IVeH do të vazhdojë ta përkrahë K*K-në drejt arritjeve të reja, forcimit të kapaciteteve dhe transformimit të mëtejshëm të kirurgjisë kosovare.

Duke shikuar nga e ardhmja, Kolegji në bashkëpunim me Universitetin e Prishtinës po punojnë drejt ngritjes së Qendrës për Kërkime, Simulime dhe Trajnime të Avancuara të Kosovës, projekt që do të krijojë një infrastrukturë moderne të nivelit ndërkombëtar për edukimin kirurgjik dhe mjekësor.

Ky është misioni ynë dhe kjo video është pasqyra e asaj që kemi arritur së bashku.

KRYETARI THEMELUES – PROF. DR. RIFAT LATIFI QËNDROI KËTO DITË NË BANGLADESH NË CILËSINË E PROFESORIT VIZITORKemi kënaqës...
23/11/2025

KRYETARI THEMELUES – PROF. DR. RIFAT LATIFI QËNDROI KËTO DITË NË BANGLADESH NË CILËSINË E PROFESORIT VIZITOR

Kemi kënaqësinë të ndajmë me ju vizitën e Prof. Dr. Rifat Latifi, Kryetar Themelues/President Emeritus i Kolegjit të Kirurgëve të Kosovës, i cili po qëndron këto ditë në Dhaka, Bangladesh, si Profesor Vizitor i Kirurgjisë.

Gjatë kësaj vizite, Prof. Latifi është angazhuar në një sërë aktivitetesh profesionale dhe akademike në Medical College Hospital dhe United Medical College Hospital ku ka zhvilluar ligjërata dhe diskutime mbi tema të avancuara të kirurgjisë, menaxhimin e infeksioneve nekrotizuese të indeve të buta, praktikat moderne spitalore, telemjekësinë, zhvillimin akademik, hulumtimet shkencore dhe publikimet.

Gjithashtu, Prof. Latifi u takua me gjeneratën e sivjetshme të praktikantëve të Medical College Hospital pas ligjëratës së tij mbi trajtimin e infeksioneve nekrotizuese, një sesion i vlerësuar lart nga studentët dhe stafi.

Prof. Dr. Rifat Latifi, poashtu u prit nga Ambasadori i Kosovës, Lulzim Pllana, në cilësinë e ish-Ministrit të Shëndetësisë të Republikës së Kosovës, ku në njoftimin zyrtar thuhet se Ambasada falënderon Prof. Latifin për vizitën dhe angazhimin e tij, dhe se me padurim pret bashkëpunim të mëtejshëm në avancimin e kujdesit shëndetësor midis Kosovës dhe Bangladesh*t.

TRYEZA SHKENCORE PËR KANCERIN E PROSTATËS: PUNË EKIPORE SHUMËDISIPLINARE PËR TRAJTIM EFEKTIVPrishtinë, 20.11.2025Komitet...
21/11/2025

TRYEZA SHKENCORE PËR KANCERIN E PROSTATËS: PUNË EKIPORE SHUMËDISIPLINARE PËR TRAJTIM EFEKTIV

Prishtinë, 20.11.2025
Komiteti për Kancerin i Kolegjit të Kirurgëve të Kosovës (K*K), në bashkëpunim me Shoqatën e Urologëve të Kosovës (kryetar: Dr. Bujar Frangu), mbajti me sukses Tryezën Shkencore për Kancerin e Prostatës, një ngjarje me rëndësi të veçantë që mblodhi profesionistë nga fusha të ndryshme mjekësore për të diskutuar qasjet bashkëkohore në diagnostikimin dhe trajtimin e kësaj sëmundjeje të shpeshtë.

Në hapje të tryezës, Dr. Sadik Llullaku, Drejtor Ekzekutiv i K*K, prezantoi aktivitetet e realizuara deri më tani nga Kolegji, si dhe planet për vitin e ardhshëm. Ai theksoi rolin e veçantë të Komitetit për Kancerin, të kryesuar nga Dr. Alban Olluri, i cili këtë vit ka organizuar një seri ngjarjesh shkencore kushtuar tre tumoreve të shpeshta: kancerit të gjirit, rektumit dhe prostatës. Për vitin 2026, komiteti ka planifikuar organizimin e tryezave edhe për kancerin e mitrës, mushkërive dhe të lëkurës (melanomën).

Tryeza u pasurua me praninë e tre panelistëve të nderuar – kirurgët urologë:
Prof. Dr. Xhemil Bytyçi, Dr. Musa Myftari dhe Dr. Ramë Salihaj.

Gjatë aktivitetit u mbajtën gjithsej 7 ligjërata shkencore, të cilat u pasuan nga diskutime të gjera dhe të frytshme:
• Dr. Destan Kryeziu (urolog): 1.Epidemiologjia, skriningu dhe diagnoza ultrasonografike e kancerit të prostatës 2. Modalitetet e trajtimit të kancerit të prostatës sipas stadit
• Dr. Shkëndije Nuza: Diagnostika imazherike e kancerit të prostatës me MRI dhe PET
• Prof. Dr. Arbër Neziri (urolog): Korrelacioni i PSA me madhësinë e prostatës
• Dr. Sabit Mehmeti (urolog): Trajtimi kirurgjik i kancerit të prostatës
• Prof. Dr. Faton Sermaxhaj (onkolog mjekësor): Mjekimi onkologjik i kancerit të prostatës
• Asist. Dr. Brunilda Profka Haxhiu (onkologe e radioterapisë): Mjekimi me radioterapi i kancerit të prostatës

Diskutimet pas ligjëratave vunë në pah nevojën urgjente për institucionalizimin e Tumor Bordeve shumëdisiplinare, duke theksuar rëndësinë e bashkëpunimit të ngushtë ndërmjet të gjitha specialiteteve për të përmirësuar rezultatet klinike te pacientët me kancer të prostatës, por edhe te kanceret e tjera.

Kjo tryezë, e cila mblodhi 48 pjesëmarrës, shënoi edhe një herë përkushtimin e Kolegjit të Kirurgëve të Kosovës për avancimin e trajtimit të kancerit në vend dhe forcimin e bashkëpunimit profesional ndërshqiptar në fushën e kirurgjisë dhe onkologjisë.

Ky aktivitet shkencor u mbajt në Amfiteatrin e QKTK në Prishtinë dhe u transmetua në të gjitha qendrat rajonale të telemjekësisë dhe në kanalin youtube me ndihmën e pakursyer të inxhinierit Arben Imeri.

🟦 TRYEZA SHKENCORE PËR KANCERIN E PROSTATËS 🟦Kemi kënaqësinë t'ju ftojmë të merrni pjesë në Tryezën Shkencore mbi Kancer...
18/11/2025

🟦 TRYEZA SHKENCORE PËR KANCERIN E PROSTATËS 🟦

Kemi kënaqësinë t'ju ftojmë të merrni pjesë në Tryezën Shkencore mbi Kancerin e Prostatës, që do të mbahet të Enjten më 20 Nëntor 2025, nga ora 10:00 deri në 13:00, në Amfiteatrin e Telemjekësisë, Prishtinë.

Kolegji i Kirurgëve të Kosovës/Komiteti për Kancer dhe Shoqata e Urologëve të Kosovës - SHUK, organizojnë këtë aktivitet të rëndësishëm që do të bashkojë ekspertët tanë për të diskutuar përparimet dhe praktikat më të fundit në menaxhimin e kancerit të prostatës.

🔹 Transmetimi i drejtpërdrejtë do të jetë i disponueshëm në qendrat rajonale të Telemjekësisë dhe përmes platformës YouTube.

🔹 Tryeza është e akredituar nga Oda e Mjekëve të Kosovës (OMK) me 6 pikë aktive dhe 4 pikë pasive.

🔹 Pjesëmarrja është e hapur për të gjithë ata që janë anëtarë të Kolegjit të Kirurgëve të Kosovës.

17/11/2025

PROF. DR. MEHDI AGOLLI - ҪMIMI PËR ARRITJE JETËSORE "PROF. DR. SAMI HAXHIBEQIRI”

Prof. Dr. Mehdi Agolli është një nga figurat më të njohura të kirurgjisë shqiptare. Ai ka zhvilluar një karrierë të gjatë e të pasur si kirurg i përgjithshëm, pedagog dhe autor tekstesh akademike, duke lënë një gjurmë të thellë në formimin profesional të brezave të rinj të mjekëve. Për kontributin e tij të jashtëzakonshëm në zhvillimin e kirurgjisë dhe arsimit mjekësor, Kolegji i Kirurgëve të Kosovës me nderim të lartë ia ndau Prof. Dr. Mehdi Agollit “Ҫmimin për Arritje Jetësore - Prof. Dr. Sami Haxhibeqiri”.

Karriera e tij nisi herët, kur në vitin 1963 filloi punën si pedagog i anatomisë, për të vijuar më pas si pedagog i kirurgjisë së përgjithshme. Ai ka drejtuar shërbimin e kirurgjisë së përgjithshme dhe ka mbajtur lëndën e kirurgjisë së përgjithshme dhe semiologjisë kirurgjikale në spitalin “Nëna Terezë” në Tiranë, duke u bërë një nga figurat akademike dhe klinike më të respektuara të kohës. Edhe pas pensionimit, Prof. Agolli vazhdoi aktivitetin e tij të pandalshëm si pedagog në universitete të ndryshme, përfshirë Universitetin “Aleksandër Xhuvani” në Elbasan, ku kontribuoi në formimin e studentëve të rinj të mjekësisë.

Ai është autor i një sërë botimesh shkencore dhe tekstesh profesionale, ndër të cilat veçohet “Manuali i Kirurgjisë”, një vepër e rëndësishme që vazhdon të mbetet referencë kryesore për studentët dhe mjekët në specializim.

Përmes veprës së tij akademike, punës klinike dhe përkushtimit të palodhshëm ndaj arsimit, Prof. Dr. Mehdi Agolli përfaqëson një nga personalitetet më të rëndësishme të kirurgjisë shqiptare. Kontributet e tij janë të njohura dhe të vlerësuara jo vetëm në Shqipëri, por edhe në mbarë rajonin, duke e bërë atë një figurë të respektuar dhe të çmuar në komunitetin kirurgjikal.

Me këtë rast, kemi kënaqësinë që ta ndajmë me ju edhe fjalën përshëndetëse të Prof. Dr. Mehdi Agolli, gjatë Ceremonisë së Hapjes së Kongresit të Parë Klinik të Kirurgëve Shqiptarë.

Cikli i Ligjëratave të Kolegjit të Kirurgëve të Kosovës, i organizuar përmes Komitetit për Edukim të Vazhdueshëm Profesi...
17/11/2025

Cikli i Ligjëratave të Kolegjit të Kirurgëve të Kosovës, i organizuar përmes Komitetit për Edukim të Vazhdueshëm Profesional, vazhdoi të Enjten e kaluar me mbatjen e ligjëratës në lëminë e Kirurgjisë Plastike, Rekonstruktive, dhe Estetike:

“Rekonstruktimi i plagëve pas fascitit nekrotisans", nga Assist. Dr. Korab Berisha

Cikli i Ligjëratave mbahet një herë në muaj, dhe i dedikohet specializimeve ose temave ku përfshihen më shumë specializime, gjersa ligjëratat mbahen nga anëtarët e KCS dhe ata ndërkombëtarë, ekspertë të lëmive përkatëse.

Cikli i ligjëratave mujore të KCS është akredituar nga OMK.

12/11/2025

FJALA PËRSHËNDETËSE E PROF. DR. ILIR HASANI – NËNKRYETAR I KONGRESIT TË PARË KLINIK TË KIRURGËVE SHQIPTARË

“Ky nuk është vetëm një Kongres i Kosovës, është një pikëtakim gjithëkombëtar, që bashkon kirurgët shqiptarë nga Shkupi në Tiranë, nga Presheva në Ulqin e në Ҫamëri, si dhe komplet diasporën tonë në Evropë, SHBA, dhe gjithandej ku janë shqiptarët.
Ky forum është dëshmi e fuqisë tonë se kur punojmë së bashku për dije, për shkencë, për shërbim ndaj pacientit, duke i nderuar paraardhësit tanë, mësuesit tanë, ne e nderojmë edhe veten, dhe jemi gjithmonë më të fortë.”

Me kënaqësi po e ndajmë me ju këtu fjalën e plotë përshëndetëse të Prof. Dr. Ilir Hasani, Nënkryetar i Kolegjit të Kirurgëve të Kosovës për Maqedoninë e Veriut, dhe njëherit Nënkryetar i Kongresit të Parë Klinik të Kirurgëve Shqiptarë.

Cikli i Ligjëratave të Kolegjit të Kirurgëve të Kosovës, i organizuar përmes Komitetit për Edukim të Vazhdueshëm Profesi...
11/11/2025

Cikli i Ligjëratave të Kolegjit të Kirurgëve të Kosovës, i organizuar përmes Komitetit për Edukim të Vazhdueshëm Profesional, vazhdon të Enjten, 13 Nëntor, ora 12.00, me mbatjen e ligjëratës në lëminë e Kirurgjisë Plastike, Rekonstruktive, dhe Estetike.

“Rekonstruktimi i plagëve pas fascitit nekrotisans" – Assist. Dr. Korab Berisha

Cikli i ligjëratave mujore të KCS është i akredituar nga OMK.

07/11/2025

DR. MUSA MYFTARI - ÇMIMI PËR ARRITJE JETËSORE “PROF. DR. SAMI HAXHIBEQIRI”

Gjatë ceremonisë së hapjes të Kongresit të sivjetëm, Kolegji i Kirurgëve të Kosovës me krenari dhe meritë ndau Çmimin për Arritje Jetësore “Prof. Dr. Sami Haxhibeqiri” për personalitetet e kirurgjisë shqiptare nga Kosova, Shqipëria, dhe Maqedonia e Veriut.

Për Kosovë, çmimi kryesor i Kolegjit sivjet iu dha Dr. Musa Myftarit, mirënjohje kjo për jetën dhe veprën e tij të shquar në shërbim të mjekësisë dhe pacientëve në vendin tonë dhe përtej.

Dr. Myftari, nga Mitrovica, është një nga emrat më të nderuar të mjekësisë kosovare, me një karrierë të shquar që shtrihet përgjatë pesë dekadave. I diplomuar në Fakultetin e Mjekësisë në Zagreb dhe i specializuar në urologji, ai ka lënë gjurmë të thella si mjek dhe edukator.

I larguar nga puna gjatë viteve të represionit, ai vazhdoi me vendosmëri të punojë për shëndetin e popullit edhe në kushte të vështira, duke u bërë pjesë e rezistencës dhe më pas e strukturave mjekësore të UÇK-së, ku shërbeu me përkushtim deri në fund të luftës.

Me një aktivitet të pandalur profesional e shkencor, i vlerësuar nga kolegë dhe pacientë, Dr. Myftari mbetet një nga figurat më frymëzuese të mjekësisë kosovare.

Me rastin e pranimit të çmimit, Dr. Musa Myftari mbajti edhe një fjalë përshëndetëse, të cilën me kënaqësi po e ndajmë me ju.

03/11/2025

FJALA PËRSHËNDETËSE E PROF. DR. ARBEN BEQIRI – NËNKRYETAR I KONGRESIT TË PARË KLINIK TË KIRURGËVE SHQIPTARË

“Me përpjekjet e të gjithë neve u bë e mundur që ne të organizojmë një konferencë të përbashkët, një ëndër të bërë realitet.
Por, ne të gjithë e dijmë që ëndrrat nuk zgjasin shumë, ëndrrat kërkojnë shumë punë, shumë përpjekje. Nuk mjafton vetëm patriotizmi dhe entuziazmi, por do të na duhet të punojmë së bashku gjatë gjithë vitit, që të mund të përgatisim konferenca të tilla të këtij niveli, që t’i shërbejnë fuqishëm edukimit të kolegëve tanë.”

Kemi kënaqësinë ta ndajmë me ju këtu fjalën e plotë përshëndetëse të Prof. Dr. Arben Beqiri, Nënkryetar i Kolegjit të Kirurgëve të Kosovës për Shqipëri, dhe njëherit Nënkryetar i Kongresit të Parë Klinik të Kirurgëve Shqiptarë.

BASHKËPUNIMI I KOLEGJIT TË KIRURGËVE TË KOSOVËS DHE KËSHILLIT STUDENTOR TË FAKULTETIT TË MJEKËSISËSi pjesë e misionit të...
27/10/2025

BASHKËPUNIMI I KOLEGJIT TË KIRURGËVE TË KOSOVËS DHE KËSHILLIT STUDENTOR TË FAKULTETIT TË MJEKËSISË

Si pjesë e misionit të Kolegjit të Kirurgëve të Kosovës është edhe përfshirja dhe angazhimi i studentëve të mjekësisë që kanë interes në fushën e kirurgjisë, dhe bashkimi i tyre me anëtarët tjerë të Kolegjit në aktivitetet tona.

Kësisoj, fillimisht në vigjilje të Kongresit, Kryetari Themelues, Prof. Dr. Rifat Latifi, mori pjesë në ceremoninë e mikpritjes së studentëve të ri të Fakultetit të Mjekësisë, me ç’rast mbajti edhe një fjalim frymëzues për të gjithë studentët e pranishëm.

Ndërsa, për të konkretizuar bashkëpunimin me Këshillin Studentor të FM, gjatë Kongresit u nënshkrua edhe Marrëveshja e Bashkëpunimit, e cila ka për synim përfshirjen dhe angazhimin e organizuar të studentëve të FM në aktivitetet e caktuara të Kolegjit të Kirurgëve të Kosovës.

Kjo marrëveshje nga ana e Kolegjit u nënshkrua nga Prof. Dr. Rifat Latifi, dhe nga z. Albrim Rudi, përfaqësues i Këshillit Studentor të FM.

Ky i fundit dha edhe një intervistë në ambientet e Kongresit, të cilën mund ta ndiqni këtu:
https://kosovapress.com/mjeket-e-rinj-e-vleresojne-larte-organizimin-e-kongresit-te-pare-klinik-te-kirurgeve-shqiptare/

Gjithashtu, Kolegji shpreh mirënjohje të përzemërt për të gjithë anëtarët e Këshillit Studentor që asistuan me përkushtim të madh në mbarëvajtjen e tërë Kongesit.

23/10/2025

PËRSHËNDETJE E VEÇANTË NGA DR. BETH SUTTON, PRESIDENTE E KOLEGJIT AMERIKAN TË KIRURGËVE (ACS), PËR PJESËMARRËSIT E KONGRESIT TË 5-TË KLINIK TË KOLEGJIT TË KIRURGËVE TË KOSOVËS.

Me nder dhe kënaqësi po e ndajmë me ju përshëndetjen e veçantë të Dr. Beth Sutton, Presidente e Kolegjit Amerikan të Kirurgëve (ACS), drejtuar pjesëmarrësve të Kongresit të 5-të Klinik të Kolegjit të Kirurgëve të Kosovës gjatë Ceremonisë së Hapjes.

Fjalët e saj dhe vlerësimi mbështetës pasqyrojnë bashkëpunimin e ngushtë mes organizatave tona dhe misionin e përbashkët për avancimin e profesionit dhe edukimit kirurgjikal.

Kolegji është përzemërsisht mirënjohës për mesazhin frymëzues të Dr. Beth Sutton dhe partneritetin e vazhdueshëm nga Kolegji Amerikan i Kirurgëve.

Address

Telemjekёsia, QKUK
Pristina
10000

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+38349886780

Website

Alerts

Be the first to know and let us send you an email when Kolegji i Kirurgëve të Kosovës / Kosova College of Surgeons posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Kolegji i Kirurgëve të Kosovës / Kosova College of Surgeons:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category