Servicis Assistenciaus Integrats d'Aran

Home
Servicis Assistenciaus Integrats d'Aran

Sistèma sanitari e sociau integrat deth Conselh Generau d'Aran.

19/04/2026

👧🧑 FÒRUM JOENESSA | Joen/a, vòs qu’era tua votz sigue escotada?

👍 Ben lèu descorbiràs çò qué ei Fòrum Joenessa. Un espaci entà qu’aquerò que penses, impòrte.

⏰ Manque pòc entà començar! Demora damb atencion!

17/04/2026

🏠👩‍🦰👨 Demore dubèrta era convocatòria entà demanar ajudes as persones d’entre 36 e 64 ans damb pògui recorsi que viuen de loguèr.

Se pòden recéber enquia 200€ ath mes segontes es ingrèssi e era zòna a on viu.

Requisits:

- Crubar mens de 36.279,32€
- Èster empadronat en abitatge logat.
- Èster un des titolars deth contracte.
- Eth prètz non pòt superar eth maximal establit.

Tèrme tà presentar sollicitud: 30 d’abriu (cau demanar cita prealabla enes Servicis Sociaus d’Aran Salut, en c/Arnals, 10 de Vielha.

16/04/2026

Es nòstes “tricotaires” arreceben era reconeishença deth projècte “Abriga’t”.

Eth talhèr de lanteràpia dera Residéncia Sant Antòni de Vielha ei fòrça mès qu’ua activitat manuau; ei un espaci de connexion, creativitat e, sustot, de solidaritat. Aguesta iniciatiua nèish damb era intencion de collaborar damb era Associacion Hemnes de Les, qui actue coma pònt solidari damb diuèrses ONGs.

Eth dia 1 d’abriu viuérem ua jornada fòrça emotiua. Alba Boya, presidenta dera Associacion Hemnes de Les, mos visitèc damb es responsables deth projècte “Abriga’t”.

Aguesta entitat, damb qui collaboram des deth talhèr de lanteràpia, volec desplaçar-se enquiara nòsta residéncia damb uns objectius fòrça clari: conéisher cara a cara as nòstes residentes, es vertadères “tricotaires” que dediquen eth sòn temps e esfòrç a téisher (chapèus, bufandes, michons, còthi,...) e, d’aute biais, explicar detalhadaments eth projècte e mostrar, damb imatges e testimònis, eth destin finau de cada pèça confeccionada damb tant de suenh.

Siguec ua experiéncia fòrça enriquidora e positiva. Vederen qu’eth sòn trabalh a un sens dirècte ena vida d’autes persones, e açò ei era milhora motivacion possibla. Saber que cada punt ajude a “abrigar” quauquarrés qu’ac a de besonh, aumplís d’orgulh e satisfaccion as nòstes granes collaboradores.

Volem seguir damb aguest lèma “Era Lanteràpia ei eth hiu que mos manten junhudes. Contunharam teishent e seguiram ajudant”!

14/04/2026

👧🧑 FÒRUM JOENESSA | Comence eth dialòg!

✅ Mos trobaram damb quauqu’uns de vosati entà:

- Activar e compartir idèes
- Compartir qué vò díder participar e implicar-se
- Saber quin papèr podetz auer en çò que passe en nòste entorn
- Passar des idèes a hèr causes que passen de vertat

🧏‍♂️ Hètz atencion qu’açò comènce!

12/04/2026

Era joenessa de 3au e 4au d’ESO der Institut d’Aran a participat aguesta setmana ena jornada de prevencion e promocion dera salut organizada pera Oficina de Joenessa a trauès dera representacion de 2 òbres de teatre:
- “Sortim o què?”, qu’a per objectiu fomentar era reflexion e era prèsa de decisions en relacion damb eth consum de drògues.
- “Max in love”, que vò favorir era reflexion e era conscienciacion en relacion damb era afectivitat e era sexualitat.

Ua metodologia de trabalh que mos permet qu’er alumnat connècte immediatament, perque es actors e actritzes son joeni com eri e se senten identificadi.

Volem arregraïr ar Ajuntament de Vielha era cession der espaci dera Audiovisuau entara jornada.

09/04/2026

🧑 FÒRUM JOENESSA | Ès Joen/a? Açò t’interèsse!

🗣️ Volem crear un espaci entà compartir idèes, conéisher gent, parlar d’aquerò que mos impòrte e pensar en com milhorar eth nòste entorn.

👍 Ua oportunitat entà hèr-te a escotar

⏰ Lèu auràs mès informacion entà saber coma començarà tot!

07/04/2026

💙🌍 Aué, 7 d’abriu, celebram eth Dia Mondiau dera Salut. Un rebrembe que suenhar dera nòsta salut non ei un luxe, senon ua prioritat jornalièra. Des de petites abituds coma ua bona alimentacion e un bon descans, enquia suenhar era nòsta salut mentau e emocionau, tot some.

Invertir en benéster ei invertir en vida.

Suenhem-mos, apuem-mos e bastigam amassa un mon mès saludable entà toti.

04/04/2026

Eth Conselh Generau d’Aran impulse un plan d’accion entà refortilhar es politiques d’acuelhuda, migratòries e antiracistes.

Eth Conselh Generau d’Aran a iniciat eth desvolopament d’un diagnostic entà analisar era realitat migratòria actuau ena Val d’Aran, damb er objectiu de compréner es principaus desafiaments ena matèria d’acuelhuda des persones migrades, er enfortiment dera coesion sociau territoriau e era eradicacion deth racisme.

Aguest procès includirà era implementacion de metodologies participatives entà identificar e abordar es rèptes restacadi ara incorporacion dera perspectiva antiracista enes politiques e es servicis publics. Era participacion dera ciutadania e des agents deth territòri serà clau entà garantir un diagnostic suenhat e representatiu, atau coma entà auançar en bastiment d’apertenences collectives que refortilhen era convivéncia e eth sentiment de comunitat. Per açò se difonen per diferenti mejans ues enquèstes damb era fin de recuélher era votz dera ciutadania.

A compdar d’aguest trabalh, s’establiràn linhes e objectius estrategics enes diferenti encastres d’accion deth Conselh Generau d’Aran, atau coma accions especifiques a implementar, damb es corresponents indicadors quantitatius e qualitatius entath sòn seguiment e avaloracion.

Eth Plan d’Accion se concep coma ua huelha de rota entà orientar era transformacion des politiques migratòries e antiracistes en territòri, en tot refortilhar era sua transversalizacion enes servicis publics e en tot promòir era participacion ciutadana e era dinamizacion comunitària.

02/04/2026

🧠🌈♾️ Aué, 2 d’abriu, se celèbre eth dia mondiau der autisme. Es Servicis Assistenciaus Integrats d’Aran se somen ad aguesta celebracion entà promòir era comprension e era inclusion de totes es persones damb condicion der espectre autista.

Mens judicis, mès recorsi.

31/03/2026

🏠👴👵 Era Generalitat de Catalunya a dubèrt dejà es sues ajudes ath loguèr des persones que a data 31/01/2026 agen 65 ans o mès.

🤝 Deth Conselh Generau d’Aran ençà, a trauès des nòsti Servicis Assistenciaus Integrats, balham ajuda as persones que volguen sollicitar aguestes ajudes.

📝 Requisits:

- Persones que a data 31/01/2026 agen 65 ans o mès
- Èster empadronat/a en abitatge logat.
- Non superar en 2024 un ingrèssi de 25.200,00€.
- Prètz maximau de loguèr 600.

*Familhes monoparentaus, nombroses o damb persones damb discapacitat legauments arreconeishuda e barem mobilitat favorable: 900€

📅 Tèrme de presentacion:
- Deth 31/03 tàs 9.00 ores ath 30/04 (tàs 14:00)

📱📧 Demana cita per auança en sedença centrau de Servicis Sociaus (C/Arnals 10, Vielha) a trauès des telefòns 973640625 / 680415451 o a trauès der email ssaran@aransalut.com.

30/03/2026

30 joeni an prenut part aué dera “Esquiada Joena” d’esquí de hons celebrada en Plan de Beret laguens deth projècte Connexion Joena.

25/03/2026

Ager auec lòc ua session de sensibilizacion e deteccion de persones antena restacada ara problematica dera solitud non voluda, laguens deth marc deth Plan d’Accion Comunitària.

Se presentèc eth projècte entà aplegar a gent que vò èster antena entà detectar gent que pogue èster soleta enes desparièrs municipis, atau coma parlar sus es conseqüéncies d’aguesta solitud.

Address

Carrèr Deth Espitau, 5

25530

Telephone

+34973640004

Website

https://salut.conselharan.org/

Alerts

Be the first to know and let us send you an email when Servicis Assistenciaus Integrats d'Aran posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Servicis Assistenciaus Integrats d'Aran:

Shortcuts

Want your practice to be the top-listed Clinic?

Country:

City: