Take It EC (2026)

02/05/2026

[有趣研究系列]📝📚

寵物小精靈除咗喺遊戲界、動漫界、玩具界等非常之出名，佢對科學研究界都有貢獻同埋影響！全球最具權威的科學期刊之一《Nature》甚至喺寵物小精靈30週年個一日出文恭賀！佢哋採訪左黎自世界各地嘅科學家，了解玩寵物小精靈遊戲、睇動畫電視劇同電影以及係學校操場上交換卡片點樣影響佢哋將來嘅工作！📃📄📋

加拿大圭爾夫大學(University of Guelph)嘅科學家Spencer Monckton從小就玩寵物小精靈遊戲等，佢話收集寵物小精靈同昆蟲學家所做嘅事情非常相似。玩家會學習根據各種寵物小精靈嘅特徵同能力對佢哋進行分類，正正係分類學家所做嘅工作。2013年，當佢讀碩士學位嘅時候，Spencer用咗幾個月嘅時間揸車喺智利唔同地方採集蜜蜂。係分析左各種蜜蜂形狀同DNA之後，佢發現左八個新物種。其中一個物種臉部細長，好似馬或龍嘅鼻子一樣長，後來將呢個物種命名為Chilicola Charizard，喺佢個物種名入咗噴火龍嘅名！📋📄📃

西雅圖華盛頓大學(University of Washington)人類與野生動物關係專家Meggie Callahan2010年一班研究人員設計左一款受寵物小精靈啟發而創作嘅卡片交易遊戲，並將其命名為Phylo。玩家透過建立食物鏈、創建穩定嘅生態系統並破壞對手嘅生態系統來獲得分數，玩家因為遊戲嘅關係了解到氣候變遷同石油洩漏點樣破壞現實世界嘅生態系統。📃📄📋

寵物小精靈嘅影響當然都涉及到好多同我哋人類相關嘅範疇啦，例如之前就已經講過身體有種蛋白質就係以比卡超嘅名字黎命名！📋📄📃

再一次恭賀寵物小精靈30週年快樂！😎😎😎

Resources：
https://www.nature.com/articles/d41586-026-00441-y

#90後 #醫療 #脊骨 #香港 #脊醫 #研究 #寶可夢 #寵物小精靈

29/04/2026

【健康問題關注組】

Pokémon Go 對身體有何幫助？？🤔

寵物小精靈出過好多唔同嘅遊戲，我諗好多人都玩過。而其中一個最出名嘅遊戲，一定係Pokémon Go。Pokémon GO 係一隻由 Niantic 開發嘅手機遊戲，喺2016年推出。佢利用手機GPS同鏡頭，將現實世界變成「捉精靈」地圖。呢隻遊戲當年非常盛行，但係除咗好玩之外，仲有啲咩嘅好處呢？

日本2017年有一項研究，佢哋向大約3,900全職員工發放經過驗證嘅心理問卷。呢啲全職員工全部都需要有玩過Pokémon Go超過一個月。結果發現，相比冇玩呢隻遊戲嘅人，佢哋嘅心理健康有所提升！而過中嘅原因，作者認為Pokémon Go為玩家提供咗增加做運動、出戶外，以及社交互動嘅機會，從而達到以上所提到嘅好處！

你哋仲有冇玩Pokémon Go呢？

#90後 #醫療 #脊骨 #香港 #脊醫 #研究 #寶可夢 #寵物小精靈

25/04/2026

[有趣研究系列]📝📚

30年前，有一隻嗰陣時非常之嶄新嘅遊戲誕生咗，佢就係寵物小精靈，而家叫做寶可夢！30年後嘅今日，呢隻遊戲嘅熱潮唔單止冇減退，甚至開始涉獵到唔同嘅範疇，例如遊戲卡、電影、動畫等，而其實寵物小精靈(小編嘅年代係咁叫，所以跟住落嚟我都會咁樣叫😂)亦都喺研究方面有一定嘅涉獵！今日我哋就講下一啲有關寵物小精靈嘅研究啦！😎😎😎

2019年有一份黎自史丹佛大學嘅一份研究就研究左寵物小精靈專家同新手嘅腦部結構，以解答有關經驗點樣促進大腦發育同組織。研究團隊利用功能性磁振造影技術，對11位寵物小精靈專家同11位寵物小精靈新手嘅大腦進行成像。所有人均為年齡同教育程度相近嘅成年人。係功能性磁振造影掃描過程中，每位參與者隨機睇唔同類型嘅刺激物，包括臉孔、動物、卡通人物、身體、汽車、走廊同寵物小精靈角色。結果發現寵物小精靈專家兒童時期發育嘅神經元會活化大腦中處理黎自視網膜中心訊息嘅區域。寵物小精靈激活左大腦高級視覺皮層中特定區域，而該區域通常負責識別文字和臉等事物。😎😎😎

呢個研究嘅結果支持左一種稱為偏心偏差(Eccentricity Bias)嘅理論，該理論認為，大腦中被刺激激活嘅區域取決於刺激物係視網膜上嘅大小同位置。研究人員表示，觀察視覺刺激，例如寶可夢或文字，嘅方式，決定左大腦嘅組織方式。呢個結果可以對閱讀障礙或臉盲等視覺缺陷帶來一個有前景嘅研究方向。😎😎😎

下次再講下同寵物小精靈有關嘅研究啦！😎😎😎

Resources：
https://www.nature.com/articles/s41562-019-0592-8

#90後 #醫療 #脊骨 #香港 #脊醫 #研究 #寶可夢 #寵物小精靈

22/04/2026

[CHIRO及痛覺管理系列]💆‍♂️💆‍♀

如果你不幸傷到自己嘅尾椎，可能係跌親嘅時候籮柚著地，又可能係有人直接攻擊你嘅尾椎，又或者係生完仔女之後，都有機會引致尾椎痛(Coccyxdynia)！🩻🩻🩻

尾椎痛症狀包括有：

• 尾椎酸痛或刺痛
• 從坐到站時尾椎疼痛加劇
• 排便時疼痛
• 性交時疼痛
• 腰背痛
• 坐骨神經痛
• 因疼痛而影響睡眠
• 因疼痛而引致抑鬱或焦慮

上次亦都提到一啲增加患上尾椎痛嘅風險，除咗嗰啲風險之外，以下係一啲可以引致尾椎痛嘅原因：
• 跌親：有機會導致尾椎挫傷、骨折或脫位
• 重複性勞損(Repetitive strain injuries，RSI)：踩單車或撐船等需要身體前後傾斜嘅運動有機會導致。過多重複性動作會拉傷尾椎周圍組織
• 懷孕或分娩：懷孕第三階段，身體會分泌激素，軟化尾椎同薦骨之間的區域，令尾椎係分娩時更有彈性。某啲情況下會過度拉伸尾椎嘅肌肉同韌帶，導致額疼痛。呢啲軟組織嘅拉力會令佢無法以正確角度支撐尾椎。
• 超重：多餘體重會令尾椎帶來額外壓力，導致尾骨向後傾斜，從而引起疼痛
• 過輕：脂肪較少意味臀部嘅緩衝作用減弱。如果冇呢個緩衝墊，尾椎可能會經常摩擦肌肉、韌帶同肌腱，導致發炎
• 久坐：長時間坐會對尾椎造成過大壓力，尤其係在堅硬表面上坐時

你哋有冇以上嘅問題呢？如果有嘅話記得快啲尋求幫助啦！😎😎😎

Resources：
• https://my.clevelandclinic.org/health/body/coccyx-tailbone
• https://www.spine-health.com/conditions/spine-anatomy/anatomy-coccyx-tailbone
• https://www.healthline.com/health/coccyx #1

#90後 #醫療 #脊骨 #香港 #脊醫 #尾椎

18/04/2026

【健康問題關注組】

什麼人更容易令尾椎受傷？？🤔

尾椎位於嘅位置其實冇乜肌肉保護佢，你而家可以自己摸下尾椎嘅位置，你會發現其實嗰個位置係冇乜肌肉保護，所以如果有咩衝擊直接接觸尾椎，就有機會受到傷害。

而如果有以下情況，尾椎受傷嘅風險可能會更高：

• 懷孕，分娩時亦可能會損傷尾椎
• 長時間久坐，尤其是在硬地面上坐著，無論工作還是愛好
• 超重，身體質量指數 BMI 在 25 到 30 之間或超重，即BMI 為 30 或更高
• 參加對抗性運動

雖然非常罕見，但某啲類型嘅癌症會損害尾椎，包括：

• 脊索瘤(Chordoma)
• 前列腺癌(Prostate cancer)
• 大腸直腸癌/結腸癌(Colorectal /Colon Cancer)

下次再講多啲有關尾椎痛嘅資訊啦！

Resources：
• https://my.clevelandclinic.org/health/body/coccyx-tailbone
• https://www.spine-health.com/conditions/spine-anatomy/anatomy-coccyx-tailbone
• https://www.healthline.com/health/coccyx #1

#90後 #醫療 #脊骨 #香港 #脊醫 #尾椎

15/04/2026

[CHIRO及痛覺管理系列]💆‍♂️💆‍♀

好多動物都有一條尾，馬、獅子、大象，甚至馬騮都有，但係人類就冇尾巴。但係其實我哋身上面有一啲跡象顯示人類都曾經有尾巴！佢就係今日要介紹嘅嘢人體部位-尾椎！🩻🩻🩻

尾椎(Coccyx)位於脊椎底部，亦被稱為尾骨，係一塊形似短尾巴嘅小三角形骨頭，位於脊椎底部，骶骨(Sacrum)以下嘅脊椎，係脊椎嘅最後一段，如果同其他動物嘅脊椎相比，可以話係人類退化左嘅尾巴！尾椎由3-5節融合嘅尾椎骨(Coccygeal Vertebrae)組成，呢啲椎骨從上到下逐漸變小。成條尾椎長約4-10厘米，呈倒三角形，底邊向上，尖角向下。🩻🩻🩻

有啲人會覺得，佢只係一個人類退化咗嘅身體組織，實際作用冇乜用，就好似盲腸一樣。但係其實佢嘅作用就有好多！尾椎就好似三腳架嘅一隻腳咁，均勻分散人類嘅體重，令你坐喺度嘅時候保持穩定。佢同盤骨嘅尖端-坐骨棘(Ischial)協同作用，支撐身體體重。尾椎亦都係係好多肌肉嘅附著點，包括左臀大肌、肛提肌，以及肛門周圍嘅其他肌肉。尾椎亦支撐著連接到周圍其他結構的肌腱同韌帶。🩻🩻🩻

如果呢個尾椎唔小心受到傷害，咁我有啲咩問題呢？下次再講！🩻🩻🩻

Resources：
• https://my.clevelandclinic.org/health/body/coccyx-tailbone
• https://www.spine-health.com/conditions/spine-anatomy/anatomy-coccyx-tailbone
• https://www.healthline.com/health/coccyx #1

#90後 #醫療 #脊骨 #香港 #脊醫 #尾椎

11/04/2026

[心理系列]❤🧠

上次介紹咗少少有關夜驚嘅資訊啦，今次就講下夜驚同發惡夢嘅分別同埋成因啦！💭💭💭

首先講下夜驚嘅症狀係乜嘢！夜驚發作時，患者可能出現以下症狀：

• 尖叫、大叫或喊
• 係床上坐起身，神情驚恐
• 雙眼圓睜
• 出汗、呼吸急促、心跳加速、臉色潮紅、瞳孔放大
• 拳打腳踢
• 難以叫醒，就算被叫醒亦會感到困惑
• 冇法透過安慰或安撫黎控制
• 第二日早上對發作事件幾乎冇記憶
• 如果被阻止，可能會落床係屋內亂跑或表現出攻擊性行為

講完夜驚嘅症狀，就要比較一下發惡夢！首先，夜驚通常會發生喺快速動眼睡眠期間，即係熟睡之後，而夜驚就通常唔係，而會喺淺睡嘅時候就已經發生，有時甚至會發生唔止一次，每次持續長達15分鐘。夜驚通常會影響小朋友比較多，影響大人嘅機會比較少，亦會出現尖叫、吶喊、掙扎、跳落床，擘大眼但係未瞓醒，之後甚至會咩都唔記得。而發惡夢通常會影響唔同年齡層嘅人，只會令到人感到恐懼，好多時起身嘅時候都會記得自己發過啲咩夢。💭💭💭

夜驚出現嘅原因包括有：

• 極度疲勞或身體不適
• 夜間突然聽到聲響或需要夜間小便
• 受到驚嚇，例如觀看恐怖電影或感到壓力、焦慮或擔憂
• 服用某啲藥物，例如抗憂鬱藥
• 影響睡眠嘅疾病，例如不寧腿症候群或睡眠呼吸暫停
• 精神健康問題，例如廣泛性焦慮症 (Generalised Anxiety Disorder，GAD)
• 影響大腦的疾病，例如帕金森氏症
• 嚴重受傷（受傷後 4 至 6 週內睡眠可能受到影響）

如果你頻頻出現夜驚，就快啲去搵專業人士幫手喇！😎😎😎

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming
• https://www.mayoclinic.org/diseases-conditions/sleep-terrors/symptoms-causes/syc-20353524
• https://my.clevelandclinic.org/health/diseases/night-terrors

#90後 #醫療 #脊骨 #香港 #脊醫 #發夢

08/04/2026

【健康問題關注組】

什麼是夜驚(Night Terror) ？？🤔

發惡夢我諗大家都試過，但係你哋有冇聽過夜驚呢？

夜驚係一種異態睡眠(Parasomnia)。異態睡眠係一組影響睡眠動作同行為嘅睡眠障礙。通常會發生係非快速動眼睡眠（Non-Rapid Eye Movement, NREM）階段，通常發生係夜間嘅前半段。

夜驚發生係大腦處於半睡半醒狀態時，會引起恐慌或恐懼。患者可能會突然坐起身或跳落床，大喊一場、尖叫、標冷汗，並且心跳加速。夜驚通常持續一到三十分鐘，結束後患者通常會再次入睡。

兒童更容易出現夜驚，尤其係 3 至 7 歲之間。大多數情況下，兒童係青春期或成年期會逐漸擺脫夜驚。

下次再講下佢同發我惡夢嘅分別！

Resources：
• https://my.clevelandclinic.org/health/diseases/night-terrors
• https://www.nhs.uk/conditions/night-terrors/

#90後 #醫療 #脊骨 #香港 #脊醫 #發夢

04/04/2026

[心理系列]❤🧠

上次講咗兩個有關夢嘅理論，今次就繼續講下其他嘅理論啦！💭💭💭

自組織夢理論(Self-Organization Dream Theory)，你可能未聽過呢個名，但係佢嘅理論大家都會聽過！呢個理論表示，睡眠能夠鞏固同處理前一日收集嘅所有資訊同記憶。專家認為，發夢係依種經驗處理嘅副產品，甚至係大腦處理資訊嘅步驟之一。係無意識訊息重新分配過程中，記憶被認為會被強化或削弱。根據自組織夢理論，當我發夢時，有用記憶會被強化，而較冇用記憶就會逐漸淡化。研究亦支持依個理論，發現當人發夢見到自己完成複雜任務時，佢哋係依啲任務上嘅表現會有所提升。研究亦表明，快速動眼睡眠期間，前額葉嘅低頻波活動更加活躍，同人係清醒狀態下學習、儲存同記憶資訊時嘅情況類似。💭💭💭

另一個關於夢嘅理論認為，發夢係為咗幫助人解決問題。呢個理論表示，不受約束嘅無意識思維可以自由咁探索其無限嘅潛能，而不受現實世界中嗰啲經常令人窒息嘅束縛。事實上，研究表明，發夢係促進創造性思考嘅有效方法。科學研究同證據都證實，好多人確實能夠成功咁從夢境中汲取靈感。💭💭💭

另外，排練與改編夢理論(Rehearsal and Adaptation Dream Theory)認為，發夢係為左更好咁應對現實世界中嘅危險。夢可以作為一種模擬嘅世界，為發夢者提供一個安全環境黎練習重要嘅生存技能。發夢時，人可以磨練自己嘅戰鬥或逃跑本能，並培養應對威脅情境嘅心理能力。💭💭💭

除咗以上嘅理論，仲有好多比較細啲嘅理論，如果大家有興趣嘅話，就喺下面留言話畀我聽啦！💭💭💭

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming

#90後 #醫療 #脊骨 #香港 #脊醫 #發夢

01/04/2026

[心理系列]❤🧠

科學界一直都有好多唔同有關夢嘅理論，呢啲夢嘅理論雖然涉及咗好多唔同嘅科學研究，但係到而家都未能夠完全解釋到點解人會發夢！今日就講下幾個有關夢嘅理論！💭💭💭

一啲比較流行嘅夢理論認為，我地發夢係為咗鞏固記憶、處理情緒、表達內心深處嘅渴望或者練習應對潛在危險。許多專家認為，發夢並非源於某一種特定嘅理論，而係多種因素共同作用嘅結果。另外，雖然好多研究人員認為發夢對心理、情緒同生理健康至關重要，但亦有一啲科學家認為夢根本冇任何實際意義。💭💭💭

其中一個歷史比較悠久嘅夢理論一定係西格蒙德·佛洛伊德(Sigmund Freud)嘅夢理論。佢嘅夢理論認為，夢代表左無意識嘅慾望、思想、願望嘅實現同動機。根據佛洛伊德嘅講法，人會受到被壓抑、無意識嘅渴望驅使，例如攻擊性和性本能。雖然呢個係比較早嘅理論，而且好多嘅論點都已經被駁斥，但係就幫咗好多科學家同埋研究人員開始諗其他嘅理論！💭💭💭

另一種夢理論叫做活化合成夢理論(Activation-Synthesis Dream Theory)，佢係由約翰·阿倫·霍布森(J. Allan Hobson) 同羅伯特·麥卡利(Robert McCarley) 係1970 年代中期提出。呢個理論表示，係快速動眼睡眠期間，大腦中某啲迴路會被激活，觸發杏仁核同海馬體產生一系列電脈衝，導致夢境中出現嘅隨機想法、圖像同記憶組合。根據活化合成夢理論，夢係睡眠狀態下大腦所見到嘅隨機事物嘅集合，而當人醒嘅時候，就係呢啲隨機事物會以有意義方式組合一齊嘅時間。💭💭💭

除咗以上兩個理論之外，其實仲有幾個有關夢嘅理論出現，但係已經太長喇！我哋留返下次再講啦！😎😎😎😎

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming

#90後 #醫療 #脊骨 #香港 #脊醫 #發夢

28/03/2026

【健康問題關注組】

什麼是清醒夢(Lucid Dreams) ？？🤔

有冇試過發夢嘅時候，喺夢裏面意識到自己係發緊夢呢？如果有，你可能有清醒夢！

清醒夢係指你係夢中知道自己喺度發緊夢。清醒夢最常發生係快速動眼期睡眠嘅後期，做夢者意識到自己正在睡覺，但能夠係一定程度上控制夢境中事件。

研究表示，大腦係清醒夢過程中會發生生理變化。功能性磁振造影（fMRI）研究顯示，當大腦開始做清醒夢時，前額葉皮質以及包括額葉、頂葉和顳葉在內嘅皮質網路會被活化，似乎同清醒夢所特有的「清醒意識」有關。

一項小型研究發現，患有渴睡症嘅人比其他參與者更容易有清醒夢。另一項研究就表示一啲需要玩家係遊戲中頻繁移動嘅電子遊戲，例如任天堂Wii遊戲，同呢種類型嘅夢境有關連。仲有一項研究表明，如果你富有創造力、樂於接受新體驗、感覺自己擁有好強嘅自控力，並認為自己沒有太多個人界限，咁你亦更容易做呢種生動嘅夢。

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming
• https://www.betterhelp.com/advice/psychologists/the-psychology-of-dreams-what-do-they-mean/
• https://link.springer.com/article/10.1007/s11031-017-9656-0

#90後 #醫療 #脊骨 #香港 #脊醫 #發夢

25/03/2026

[心理系列]❤🧠

大家琴晚瞓覺嘅時候有冇發到夢呢？如果有嘅話有又發咗啲咩夢呢？望到自己做咗公司主席？見到自己中咗六合彩？定係見到自己同愛人睇日落呢？但係究竟夢係咩嚟㗎呢？💭💭💭

夢係大腦係快速動眼睡眠（Rapid Eye Movement, REM）階段所講述嘅故事。人通常每晚會做幾個夢，隨著睡眠接近尾聲，夢境會越來越長。夢境通常會包含一啲現實生活嘅元素，例如認識嘅人或熟悉嘅地方，但同時會帶有奇幻色彩。喺夢裏面，人可能會經歷一啲現實生活之中根本不可能發生嘅場景。💭💭💭

好多人都認為，我哋發嘅夢係一啲信號甚至可能預示咗我哋嘅未來，人一直試圖搞清楚夢嘅意義，而夢嘅解析直到1899年西格蒙德·佛洛伊德出版《夢的解析》之後，先正式出現作為一門心理學研究領域之一。如今，大多數專家並唔認同佛洛伊德嘅結論，有啲人甚至認為夢根本冇任何意義。💭💭💭

雖然夢可能冇我哋想像中咁夢幻，可以預知我哋嘅未來，但係就有可能可以反應到我哋嘅心理狀態！大家有冇試過發夢見到自己喺高處墮下呢？研究表示，某啲夢境主題，例如墜下，十分常見。而研究人員推測，呢啲主題可能反映左無助或被拒絕嘅感覺。夢見自己高處墮下可能意味你缺乏安全感或情緒不穩定、覺得自己能力不足或自卑、焦慮不安、不知所措或情緒失控等。💭💭💭

下次再講下唔同有關夢嘅理論啦！💭💭💭

Resources：
• https://www.healthline.com/health/do-dreams-have-meaning
• https://www.verywellmind.com/why-do-we-dream-top-dream-theories-2795931
• https://www.psychologytoday.com/gb/basics/dreaming
• https://www.betterhelp.com/advice/psychologists/the-psychology-of-dreams-what-do-they-mean/
• https://link.springer.com/article/10.1007/s11031-017-9656-0

#90後 #醫療 #脊骨 #香港 #脊醫 #發夢

Take It EC

02/05/2026

29/04/2026

25/04/2026

22/04/2026

18/04/2026

15/04/2026

11/04/2026

08/04/2026

04/04/2026

01/04/2026

28/03/2026

25/03/2026

Address

Website

Alerts

Contact The Practice

Shortcuts

Share