https://www.facebook.com/102147569155349/

ጤናማ ህይወት, Addis Ababa (2025)

30/11/2025

የአረንጓዴ ሻይ የጤና ጥቅሞች

▻ ሰውነት ላይ ብግነት እንዳይፈጠር ይረዳል

▻ ከአንዳንድ የካንሰር ዓይነቶች ይጠብቃል

▻ ለልብ ጤና ጥሩ ነው

▻ ጭንቅላት ላይ ለሚዛን እና ለእንቅስቃሴ የሚረዳ ክፍል ጉዳትን ይቀንሳል

▻ ቆዳዎን ከፀሀይ ጨረር ጉዳት ይከላከላል

▻ በእድሜ ምክንያት የሚመጣ ቶሎ የሰውነት መድከምን ይከላከላል

▻ ኢንፌክሽኖችን እና ቫይረሶችን ይዋጋል

▻ መጥፎ የአፍ ጠረንን ለመከላከል ይረዳል

▻ የማተኮር ችሎታን ያሻሽላል

▻ እንደ አልዛይመር ወይም ፓርኪንሰን ካሉ የነርቭ በሽታ አምጪ በሽታዎች ይጠብቅዎታል

▻ ጭንቀትን ይቀንሳል እንዲሁም ዘና ያደርጋል

▻ የስኳር በሽታን ይከላከላል

▻ የፀጉርን እድገት ያበረታታል

▻ የሂውማን ፓፒሎማ ቫይረስ ላላቸው ህመምተኞች ይረዳል

▻ የሰውነት ክብደትን ይቀንሳል

28/11/2025

የደረት ህመም

የደረት ህመም በአንገትዎ እና በላይኛው የሆድ ክፍል መካከል በፊትለፊተኛው በሰውነት ክፍል ላይ በየትኛውም ቦታ ላይ የሚሰማዎት ምቾት ማጣት ወይም ህመም ነው፡፡ ሆኖም ግን አንዳንዴ ይህ ህመም ወደ ጀርባ ሊሄድ ይችላል። የደረት ህመም ከጥቂት ደቂቃዎች እስከ በርካታ ቀናት ሊቆይ ይችላል

መንስኤው የልብ ድካም (ምልክቶቹ የደረት ህመም ፣ ትከሻ እና ክንድ ወደ ታች የሚጎትት ህመም ወዘተ ... ናቸው) እና አንዳንድ ሰዎች (በዕድሜ የገፉ ሰዎች ፣ የስኳር ህመምተኞች እና ሴቶች ትንሽ የደረት ህመም ሊኖራቸው ይችላል) ፣ ከጡንቻ መሸማቀቅ ፣ ከምግብ መፍጫ ሥርዓት ወይም የአሲድ መመለስ እና ከስነልቦናዊ ምክንያቶች ጋር የተዛመደ ሊሆን ይችላል

☑ የደረት ህመም መንስኤዎች :

✧ የደም ቧንቧ መጥበብ
✧ ትልቅ የደም ጋን መሰንጠቅ
✧ የልብ ሽፋን መቁሰል
✧ የሳንባ ቧንቧ በረጋ ደም መዘጋት
✧ የሳንባ መጣበቅ እና ዉሃ መቋጠር
✧ የሳንባ ነቀርሳ
✧ የሳንባ ምች እና ሌሎች የሳንባ ኢንፌክሽኖች
✧ የጨጓራ ህመም
✧ የምግብ ቱቦ መላጥ
✧ የጡት ህመም
✧ የቆሽት መቆጣት
✧ የሀሞት ከረጢት መቆጣት/የሀሞት ጠጠር
✧ የጡንቻ መኮማተር
✧ የጎን አጥንት ጉዳት/ስብራት
✧ ድንጋጤ እና ፍርሃት

☑ ከልብ ጋር የተያያዘ የደረት ህመም ሲኖር የሚታዩ ምልክቶች :

✧ የደረት መጨምደድ/የመታፈን ስሜት
✧ የትንፋሽ ማጠር አልፎ አልፎ ሳል
✧ ብዙ የሰዉነት ላብ
✧ የተባባሰ የድካም ስሜት
✧ ማቅለሽለሽ እና ማስመለስ
✧ ህመሙ ወደ ሌላ የሰዉነት ክፍል እየተዟዟረ መሰማት በተለይ ወደ ትከሻ የሚሄድ
✧ እየመጣ የሚሔድ የህመም አይነት

☑ ከሌሎች ችግሮች ጋር ተያይዞ የሚመጣ የደረት ህመም ምልክቶች :

✧ ሳል እና ትንፋሽ ማጠር
✧ ጣእም እና ሽታ የመለየት ችግር
✧ ትኩሳት
✧ የአፍንጫ ፈሳሽ
✧ ለመዋጥ መቸገር
✧ የሰዉነት ሁኔታ ሲቀያየር የሚባባስ የህመም ስሜት
✧ በጥልቀት መተንፈስ እና ሳል ሲኖር የሚባባስ ህመም
✧ ደረት ሲነካ ህመም
✧ ለረጅም ጊዜ የሚቆይ የህመም ስሜት

☑ ህክምናው :

የደረት ህመም በብዙ ምክንያቶች ሊከሰት ስለሚችል ህክምናው መንስኤውን ያማከለ ነው

የደረት ህመም ከተሰማዎት ለህይወት አስጊ የሆነው የልብ ድካም ምልክት ሊሆን ስለሚችል በአፋጣኝ ወደ ህክምና ተቋም መሄድ ይመከራል

26/11/2025

የአፍ ዉስጥ ፈንገስ ምንድን ነው?

ምላስ ነጭ መሆን መንስኤው ካንዲዳ የሚባለዉ ይስት ሲሆን የምላስ መንጣት ደግሞ ካንዲዲያሲስ ይባላል፡፡ ካንዲዳ ለሰውነታችን እጅግ ጠቃሚ ነው ነገር ግን ከመጠን በላይ በሚያድግበት ወቅት ምልክቶችን ማሳየት ይጀምራል

መንስኤዎቹ :

◈ የበሽታ የመከላከል አቅም መዳከም
◈ ለረጅም ጊዜ አንቲባዮቲክ መድሀኒቶች መጠቀም
◈ የወሊድ መቆጣጠሪያ መውሰድ
◈ ኢንሱሊን (የስኳር በሽታ መድሀኒት)
◈ እርግዝና መኖር
◈ ደካማ የአፍ ጤንነት አጠባበቅ
◈ የአፍ መድረቅ
◈ ትምባሆ መጠቀም
◈ አልኮል መጠቀም
◈ ጣፋጭ ምግቦችን መውሰድ

ምልክቶቹ :

◈ እንደ አይብ የመሰለ ነጭ ነገር ምላስ ላይ መታየት
◈ የምግብ ጣእም አለመለየት
◈ በእጅ በሚነኩበት ጊዜ መድማት
◈ በአፍ ዙሪያ መቅላት
◈ ለማኘክ፣ ለመዋጥ መቸገር

የቤት ውስጥ ህክምናዎች :

◈ በደቃቅ ጨው ለአንድ ደቂቃ በጥርስ ብሩሽ ምላስን መቦረሽ፡፡ ከዚያም በሙቅ ውሀ በደንብ መታጠብ፡፡ ሁለት ጊዜ በየቀኑ ይድገሙ እና በሳምንት ውስጥ የሚፈልጉትን ውጤቶች ያገኛሉ፡፡ እንዲሁም ለብ ያለ ውሀ ውስጥ 1 የሻይ ማንኪያ ጨው ይቀላቅሉ፡፡ በዚህ የጨው ውሀ አፍን በመሙላት ይጉመጥሞጡ

◈ ሾርባ ላይ እሬት (አሎቬራ)በመጨመር በአፍ ውስጥ መጉመጥመጥ እንዲሁም 1 ማንኪያ የአሎቬራ ጭማቂ ይጠጡ ይህን መድሀኒት በየቀኑ ለ 2 ሳምንታት ያህል ማድረግ

የአፍ ውስጥ ፈንገስ ሁሌም ነጭ ላይሆን ይችላል፣ ቀይ ሆኖ ሊታይ ወይም የሚያቃጥል ስሜት ሊኖረውም ይችላል

24/11/2025

አይናችን የጤና ሁኔታን ሊያመላክት ይችላል?

✦ የአይን ቆብ እብጠት

በአይን ቆብ ላይ የሚወጣ እብጠት መጠነኛ የህመም እና የማቃጠል ስሜት ሊኖረው ይችላል፤ ብዙ ጊዜ በጥቂት ቀናት ውስጥም ይጠፋል። ይሁንና እብጠቱ ከአይናችን ቆብ ላይ እስከ ሶስት ወራት ድረስ የማይጠፋ ከሆነ ላልተለመደው “ሰባሺየስ ግላንድ ካርሲኖማ” ካንሰር መጋለጥን ሊያመላክት ይችላል። በተመሳሳይ ቦታ ለረጅም ጊዜ በአይን ቆባችን ላይ የሚወጣ እብጠትም ከላይ ለጠቀስነው የካንሰር አይነት ተጋላጭ መሆንን ሊያሳይ እንደሚችል ተገልጿል

✦ የአይን መርገብገብ

ጭንቀት ከሚንፀባረቅባቸው መንገዶች አንዱ የአይን መርገብገብ ነው። ብዙ ጊዜ አይናችን የሚርገበገብ ከሆነ ለጭንቀት መጋለጣችን ያመለክታል

✦ የእይታ ብዥታ

አይናችን በጥራት መመልከት ሲያቅተውና ነገሮችን በብዣታ እንድናይ ሲያስገድደን በአይናችን ላይ የተፈጠረ ችግር መኖሩን መጠራጠር ይኖርብናል። ብዥ የሚል እይታ ከአይናችን ጋር የተያያዘ ብቻ ሳይሆን እንደ ስኳር ህመም ያሉ በሽታዎች መጋለጥም ሊያመላክቱ ይችላል። የአይን ሀኪሞች ብርሃንን ተቀብሎ ምስልን ወደ አዕምሮ የሚልክ የአይን ክፍልን (ረቲና) በመመልከት ለስኳር በሽታ መጋለጥን ማረጋገጥም ይችላሉ

✦ በአይን ብሌናችን ዙሪያ የሚታይ ነጭ ቀለበት

በአይናችን ብሌን ዙሪያ ነጭ ቀለበት መፈጠር ከእድሜ መግፋት ጋር ተያይዞ ሊመጣ የሚችል ቢሆንም ሰውነታችን ከፍተኛ ኮሌስትሮል መጠን መያዙን ሊጠቁም ይችላል

✦ የአይን ድርቀት

የአይን ድርቀት እና በዙሪያው ያለ ቆዳ መሸብሸብ ብዙ ጊዜ አይናችን ከማሸት የመነጨ ሊሆን እንደሚችል ይነገራል። በተደጋጋሚ አይናችን ማሸት የቅንድባችን ፀጉር እንዲረግፍ ያደርጋል። ይህም ለአለርጂ ሊያጋልጥ ይችላል

✦ በነጩ የአይናችን ከፍል የሚታዩ ቢጫ መሳይ ምልክቶች

ብዙ ጊዜ ለፀሃይ ብርሃን የሚጋለጡ ሰዎች በነጩ የአይናቸው ክፍል ቢጫ መሳይ ምልክቶች ሲወጡባቸው ይታያል። እነዚህ ምልክቶች አንዳንድ ጊዜ ለካንሰር መጋለጥን ሊያመላክቱ ይችላሉ ቢባልም፥ ብዙ ጊዜ ከፀሃይ ብርሃን ተጋላጭነት ጋር ይያያዛሉ ። በ2013 የፀሃይ ብርሃን ጨረሮች በአይን ላይ የሚያደርሱትን ጉዳት ለማየት የተደረገው ጥናት የፀሃይ ብርሃን መከላከያ መነፅሮችን የሚያደርጉ ሰዎች አይናቸው ነጩ ክፍል ላይ ቢጫ ምልክቶች አይወጡባቸውም

✦ ቢጫ አይን

ጉበት የአይናችን ነጩ ክፍል ወደ ሙሉ ቢጫነት መቀየር ሰውነታችን የጤና እክል እንደገጠመው በግልፅ ያሳያል። የአይን ቢጫ መሆን ከቀይ የደም ህዋሳት መፈረካከስ በኋላ የሚፈጠረው ቢሊሩቢን የተሰኘ ቢጫ ውህድ መብዛትን ያመለክታል። ጉበታችን ህዋሳቱን በደምብ ማጣራት ካልቻለ አይናችን ወደ ቢጫነት ይቀየራል። ሁኔታው በወጣቶች ላይ በስፋት የማይሰተዋል ሲሆን አንዳንድ ህጻናት ግን ቢጫ አይን ይዘው ሊወለዱ ይችላሉ። አብዛኛውን ጊዜ ለዚህ ችግር የሚጋለጡ ሰዎች ከአልኮል ጋር ለተያያዘ የጉበት በሽታ የተጋለጡ ናቸው

✦ የአይን መቅላት እና እምባ ማቀርዘዝ

ለረጅም ጊዜ ኮምፒውተር ላይ አፍጥጦ ማሳለፍ እና በተለያዩ ስራዎች መወጠር አይናችን በእንባ እንዲሞላ ያደርገዋል። የአይናችን ነጩ ክፍል በተወሰነ መልኩ መቅላትም ከዚሁ ጋር ሊያያዝ ይችላል

22/11/2025

የነርቭ ህመም ምልክቶች

የነርቭ ህመም መንስኤው ምንድን ነው?

⋄ የዲስክና የመገጣጠሚያ በሽታ ካለ
⋄ ካንሰርና ሌሎች የሰውነት እብጠቶች
⋄ ኤች አይ ቪ
⋄ የስኳር ህመም
⋄ አደጋ

የነርቭ ህመም ምልክቶች :

⋄ መደንዘዝ

የስሜት ነርቮች መጎዳታቸውን የምናውቅበት የመጀመርያው ምልክት የመደንዘዝ እና የመውረር ስሜት በእጅ፣ በጣት፣ በእግር፣ እና በእግር ጣቶች ላይ ሲፈጠር ነው

⋄ ህመም

ሌላ የነርቭ ህመም ምልክት የሚሰነጥቅ ወይም የሚያቃጥል የህመም ስሜት ነው። የዚህ አይነት ስሜት እጅ እና እግር ላይ የሚፈጠር ሲሆን ከሌላ የህመም ስሜት ይለያል

⋄ የጡንቻ ድካም

ጡንቻ እንዲንቀሳቀስ የሚያደርገውን መልእክት የሚያስተላልፉ ነርቮች ላይ የደረሰ ጉዳት የጡንቻ ድካም ይፈጥራል። አልፎም ጡንቻን የመቆጣጠር ችሎታ ሊያሳጣ ይችላል

⋄ የሰውነት ሚዛን መጠበቅ መቸገር

የሰውነት ሚዛን መጠበቅ መቸገር ወይም መንገዳገድ ሌላ የነርቭ ጉዳት ምልክት ነው። ወድቀው ሊጎዱ ስለሚችሉ ይህን ምልክት ችላ ማለት የለብዎትም። የነርቭ ጉዳት አእምሮ የሰውነትን እንቅስቃሴ በአግባቡ እንዳይቆጣጠር ያደርጋል። ይህ ሁኔታ ወድቀው እንዲጎዱ ሊያደርግ ይችላል። የሰውነት ሚዛን መጠበቅ መቸገር የፓርኪንሰን ህመም ምልክትም ሊሆን ይችላል

⋄ የጡንቻ መሸማቀቅ

የእንቅስቅሴ ነርቮች ላይ የደረሰ ጉዳት የጡንቻ መሸማቀቅ እና መሳሳብ ሊያመጣ ይችላል። የጡንቻ መሸማቀቅ እና መሳሳብ በራሱ የተጎዱት ነርቮች ላይ በሚፈጥረው እንቅስቃሴ ጉዳቱን ሊያባብስ ይችላል

⋄ ከባድ ራስምታት

የኤሌክትሪክ ንዝረት የሚመስል አጭር ግዜ የሚቆይ ከባድ ራስምታት የነርቭ ጉዳት ምልክት ሊሆን ይችላል። ህመሙ የኦሲፒታል ኒውራልጂያ በሽታ ምልክት ሊሆን ይችላል። ኦሲፒታል ኒውራልጂያ አንገት ላይ ያለ የነርቭ መቆንጠጥ በሽታ ነው። ህመሙ የላይኛው አንገት ክፍል ወይም ጭንቅላት እና ጀርባ ላይ ይፈጠራል

⋄ የላብ ችግር

የሰውነት አካልን የሚረዱ ነርቮች ሲጎዱ አውቶኖሚክ ኒውሮፓቲ የሚባል ህመም ሊያስከትል ይችላል። አውቶኖሚክ ነርቮች ሲጎዱ የላብ ችግር ሊፈጥር ይችላል። አንዳንድ ሰዎች ላይ ከፍተኛ ላብ ሲፈጠር ሌሎች ላይ ደግሞ የላብ መቀነስ ይታያል። ላብ በአግባቡ ካልመነጨ ሰውነታችን ሙቀቱን በአግባቡ መቆጣጠር አይችልም። በከፍተኛ አካል ብቃት እንቅስቃሴ ወቅት ችግሩ ይገዝፋል

⋄ ሽንት ቤት መመላለስ

የሽንት ፊኛ ሽንትን በደንብ እንዲይዝ ብዙ ነርቮች አብረው መስራት አለባቸው። የነርቭ ጉዳት ሲፈጠር የሽንት ፊኛ ሽንትን ቶሎ ቶሎ ለማስወገድ ይሞክራል። የነርቭ ጉዳት የሽንት ፊኛ ጡንቻዎች የሚያደርጉትን መኮማተር እና መላላት በተገቢው መልኩ እንዳያደርጉ ያስተጓጉላል

መፍትሄ እና ህክምናዉ :

⋄ እንደየ ህመሙ ደረጃ ማስታገሻ መድሃኒቶች መውሰድ
⋄ ፊዚዮቴራፒ
⋄ የአኗኗር ዘዬ ለውጥ(እንቅስቃሴ ማከናወን፣ጤናማ አመጋገብ መከተል፣ሲጋራ አለማጨስ...)
⋄ በአጠቃላይ ምልክቶችን በመለየት ማከም

20/11/2025

የሳይነስ ኢንፌክሽን መፍትሄዎች

በአፍንጫ ቀዳዳ ዙሪያ በሚገኙ አጥንቶች ላይ የሚገኙ አራት ጥንድ በአየር የተሞሉ ክፍት ቦታዎች ኢንፌክሽን ነዉ፡፡ ሳይነሳይተስ የአፍንጫ ቀዳዳዎች እንዲቆጡ እና እንዲያብጡ ያደርጋል፤ ይህም ከአፍንጫ ፈሳሽ እንዳይፈስ እና ንፍጥ እንዲጠራቀም ያደርጋል

የሳይነስ ኢንፌክሽን በምን ምክንያት ሊመጣ ይችላል?

▸ በዋነኝነት በቫይረስ ኢንፌክሽን
▸ አንዳንዴ በባክቴሪያና በፈንገስ ኢንፌክሽን
▸ አለርጂዎች
▸ በተፈጥሮ አቀማመጥ የሳይነስ ክፍተቶች መዘጋት

ሲስቲክ ፋይብሮሲስ፣ ኤችአይቪ-ኤድስ እና ሌሎች የበሽታ መከላከል አቅምን የሚያዳክሙ በሽታዎች መኖር ደግሞ ተጋላጭነት ይጨምራል

ምልክቶች :

▸ በአፍንጫዎ ላይ የሚወርድ ፈሳሽ
▸ ወፍራም፣ ቢጫ ወይም አረንጓዴ ፈሳሽ በአፍንጫዎ ወይም በአፍዎ የላይኛዉ ክፍል መፍሰስ/መዉጣት
▸ የአፍንጫ መዘጋት፣ የአፍንጫ መታፈን ወይም በአፍንጫዎ ለመተንፈስ መቸገር
▸ በአይን፣ ጉንጭ፣ አፍንጫ እና ግንባር አካባቢ ህመም እና ክብድ ማለት በተለይም ዝቅ ሲሉ የሚባባስ ህመም
▸ የጆሮ ህመም ወይም ዝግት ማለት
▸ እራስ ምታት
▸ የላይኛዉ አገጭ እና ጥርስ ቁርጥማት ወይም ህመም
▸ የማሽተት እና የመቅመስ ስሜትዎ መቀነስ
▸ ሳል፤ ማታ ማታ የሚባባስ
▸ መጥፎ የአፍ ጠረን
▸ ድካም
▸ ትኩሳት

ሳይነሳይተስ ምን ሊያስከትል ይችላል?

▸ ስር የሰደደ ሳይነሳይተስ
▸ ማጅራት ገትር/ሜኒንጃይተስ/፡-የአንጎል እና የህብለ ሰረሰር (አከርካሪ ላይ ያሉ የነርቭ ሴሎች) ልባስ መቆጣት
▸ የአጥንት ወይም የቆዳ ኢንፌክሽን
▸ የማሽተት ስሜት መጥፋት ወይም መቀነስ
▸ የእይታ ችግር

መከላከያ መንገዶች :

▸ እጅን በተደጋጋሚ መታጠብ
▸ አለርጂዎን መቆጣጠር
▸ ከተበከለ አየር እና ከሲጋራ ጭስ መራቅ
▸ በቂ ውሀ መጠጣት
▸ Humidifier (የአየር እርጥበት አዳሽ) መጠቀም

የቤት ዉስጥ እንክብካቤዎች :

▸ እረፍት ማድረግ
▸ ፈሳሽ አብዝቶ መጠጣት
▸ ሞቅ ባለ ዉሃ/ስቲም መታጠን
▸ ፎጣ ሞቅ ያለ ዉሃ ዉስጥ በመንከር ጉንጭ እና አፍንጫ ላይ ማስቀመጥ
▸ በትክክለኛው መንገድ ጨዉ ባለዉ ለብ ያለ ዉሃ አፍንጫን መታጠብ
▸ እራሶን ከፍ አርገዉ መተኛት

ህክምናዉ :

እንደ ሳይነሱ መንስኤ እና ደረጃ እነዚህ መድሀኒቶች ጥቅም ላይ ሊውሉ ይችላሉ

▸ ንፍጥ የሚያፀዱ ስፕሬዮች
▸ ብግነትን የሚቀንስ ስፕሬይ
▸ የተዘጋ አፍንጫን የሚከፍቱ መድሀኒቶች
▸ የአለርጂ መድሀኒቶች
▸ የህመም ማስታገሻ መድሀኒቶች

አብዛኛው የሳይነስ ኢንፌክሽን በትክክለኛው እንክብካቤና ህክምና ሙሉ በሙሉ ይድናል

18/11/2025

ማንኮራፋት መፍትሄ አለው?

ማንኮራፋት የሚፈጠረው ላይኛው የመተንፈሻ አካሎቻችን ላይ በሚፈጠር መርገብገብ ነው

ምክንያቱ ምን ይሆን?

✧ የአየር ማስተላለፊያ ትቦ መደፈን /አለርጂ፣ ሳይነስ፣ ጉንፋን፣ ቶንሲል በሽታ፣ አፍንጫ ውስጥ የሚበቅል ትርፍ ስጋ../
✧ የመተንፈሻ ትቦ መጥበብ
✧ አፍ ከፍቶ መተኛት
✧ የሰውነት ክብደት ከመጠን በላይ መጨመር
✧ የእንጥል ማበጥ
✧ ከፍተኛ ድካም
✧ በጀርባ መተኛት
✧ በቂ ውሃ አለመጠጣት
✧ አንዳንድ መድሃኒቶች
✧ አልኮል መጠጣት፣ ሲጋራ ማጨስ እና ጫት መቃም

ምን ማድረግ እንችላለን?

✧ በጎን በኩል መተኛት
✧ ሲጋራ አለማጨስ እና አልኮል አለማዘውተር
✧ ከፍ ያለ ትራስ መጠቀም (ትራስ አዘቅዝቀን በምንተኛበት ጊዜ የመተንፈሻ ትቦን ስለሚጫነው ለመተንፈስ እንድንቸገር እና እንድናኮራፋ ያደርገናል)
✧ ውሃ በቀን ከ2.5 ሊትር በላይ መጠጣት (ጤናማ የሆነ የአተነፋፈስ ስርአት እንዲኖረን ያደርጋል)
✧ የምንተኛበትን ክፍል ማፅዳት (ብዙውን ጊዜ የሽታ አለርጂ ካለ ማንኮራፋት እንዲመጣ ያደርጋል)
✧ ውፍረት መቀነስ
✧ ቅባትነት ያላቸውን ምግቦች አለማዘውተር
✧ የአካል ብቃት እንቅስቃሴ ማድረግ

አለም ላይ ካሉ አዋቂ ሰዎች ግማሽ ያህሉ ቢያንስ አልፎ አልፎ ያንኮራፋሉ

16/11/2025

🛑 በጂንካ ስለተከሰተው ማርበርግ ቫይረስ ምን ማወቅ አለብን?

ማርበርግ ቫይረስ በሰዎች ላይ ሄሞራጂክ ፊቨር የሚያመጣ ከ 24 - 88% የሆነ ከፍተኛ የገዳይነት ባህሪ ያለው በሽታ ነው

ከኢቦላ ጋር ተመሳሳይነት ያለው ይሄ ቫይረስ ከግብጿ የፍራፍሬ ለሊት ወፍ ወደ ሰዎች የሚተላለፍ ሲሆን በበሽታው ከተያዘ ሰው በሚወጡ የሰውነት ፈሳሾች ወይም የደም ንክኪ ወደ ጤነኛ ሰዉ ይተላለፋል ፣ እንዲሁም በተበከሉ ቁሳቁሶች (ልብስ፣ የአልጋ ልብስ ..) አማካኝነት ሊተላለፍ ይችላል

☑ ምልክቶቹ ምን ምን ናቸው?

የመጀመሪያ ዙር ምልክቶች :

◈ ከፍተኛ ትኩሳት
◈ ከባድ የራስ ምታት
◈ ከባድ የጡንቻ ህመም
◈ ከፍተኛ የሰውነት መጫጫን እና ብርድ ብርድ ማለት

ደረጃው ከፍ ሲል በቀጣይነት የሚታዩ ከባድ ምልክቶች :

◈ ማቅለሽለሽ እና ማስታወክ
◈ የሆድ ህመም
◈ ሀይለኛ ተቅማጥ
◈ የማያሳክክ ሽፍታ (ደረት፣ ሆድ ወይም ጀርባ ላይ የሚወጣ)
◈ ከቆዳ ስር እና አይን ውስጥ መድማት
◈ ትውከት እና ሰገራ ላይ ደም መታየት

በመጨረሻም በተለያዩ የሰውነት ክፍሎች መበሳሳት ምክንያት ከቁጥጥር ውጪ የሆነ መድማት፣ ግራ መጋባት፣ ብስጭት አና የተለያዩ የሰውነት ክፍሎችን ከጥቅም ውጭ በማድረግ ሞትን ያስከትላል

☑ መከላከያ መንገዶች :

◈ በበሽታው ከተያዘ ሰው እንዲሁም ተይዞ ከነበረ ሰው ሬሳ ጋር ምንም አይነት የደም እና የፈሳሽ ንክኪ አለማድረግ
◈ የእጅ ንፅህናን መጠበቅ
◈ የእጅ ጓንት ማድረግ
◈ ከፍራፍሬ ለሊት ወፍ መራቅ (ባለችበት ዋሻ ውስጥ አለመገኘት)

☑ ምልክቶቹን ካየን በኋላስ ምን ማድረግ አለብን?

◈ በአፋጣኝ ወደ ህክምና በመሄድ ተገቢውን ህክምና ማግኘት ይኖርብናል፣ ይሄን በማድረጋችን የመዳን እድላችንን የተሻለ ይሆናል

◈ እስካሁን ድረስ የሚያድን መድሀኒት ወይም ክትባት አልተገኘለትም፣ ህክምናው ታማሚውን በመንከባከብ ላይ የተመሰረተ ነው

ማርበርግ የሚለውን ስያሜ ያገኘው በ 1967 ለመጀመሪያ ጊዜ ስርጭቱ ከተመዘገበባት ማርበርግ የተባለች የጀርመን ከተማ ነው

14/11/2025

ቃሪያን በመመገብ የምናገኛቸው የጤና ጥቅሞች :

በምድራችን ላይ ከ200 በላይ የተለያየ አይነት የቃሪያ አይነቶች አሉ፡፡ ቃሪያ ውስጥ ያለው ዋናው ንጥረ ነገር ካፕሲን ይባላል፡፡ ይሄ ንጥረ ነገር ለልብ፣ ለደም ግፊት እና ለመተንፈሻ አካላችን ጤና ይጠቅማል፡፡ በተጨማሪም ቃሪያ የተለያዩ ቫይታሚኖች በውስጡ ይዟል

የጤና ጠቀሜታዎቹ :

✦ ከጉንፋን ወይም ሳይነስ ቶሎ እንድናገግም ይረዳል

በተለምዶ ጉንፋን የያዘውን ሰው ቃሪያ ብላ ወይም የሚያቃጥል ነገር ብላ ይባላል፡፡ይሄ ነገር ሳይንስም ይደግፈዋል፡፡ ቃሪያ ውስጥ ያለው ካፕሲን አፍንጫችን ውስጥ ያለውን ሙከስ ሜምብሬን ያነቃቃዋል፡፡አፍንጫችን ውስጥ ያለው የደም ዝውውር በማፋጠን ከአፍንጫችን የሚወጣው ፈሳሽ አንዲቀጥን ያደርገዋል፡፡ ይሄ ማለት ከጉንፋን ወይም ሳይነስ በሽታ ቶሎ እንድናገግም ይረዳናል ማለት ነው

✦ የበሽታ መከላከል አቅማችንን ያሳድጋል

ቃሪያ በውስጡ ከያዛቸው ቫይታሚኖች ዋነኛው ቫይታሚን ሲ ነው፡፡ ቫይታሚን ሲ ሰውነታችን ራሱን ከበሽታ እንዲከላከል እና ጤነኛ ሆነን እንድንቆይ ይረዳናል፡፡ በተጨማሪም ቃሪያ ፀረ-ባክቴሪያ የመሆን ባህሪ አለው፡፡ በዚህ ምክንያት በሰውነታችን ውስጥ በተለያየ ምክንያት የተፈጠሩ ፍሪ ራዲካል የሚባሉትን ጎጂ ነገሮችን ያፀዳል

✦ ቃሪያ መብላት ያነቃቃል

ቃሪያ ውስጥ ያለው ካፕሲን የተባለው ንጥረ ነገር ሰውነታቸን ኢንዶርፊን የተባለውን ሆርሞን እንዲያመነጭ ያደርገዋል፡፡ ይሄ ሆርሞን ጥሩ ስሜት እንዲሰማን እና ደስተኛ እንድንሆን ያደርገናል

✦ እይታችንን ያስተካክላል

ቃሪያ ቫይታሚን ኤ እና ሲ በውስጡ ይዟል፡፡ እነዚህ ቫይታሚኖች የአይናችን ጤና ይጠብቃሉ በተጨማሪም እንደ ሞራ ያሉ የአይን ችግሮችን ይከላከሉልናል

✦ ቃሪያ ለፀጉራችን እና ለጤናችን ይጠቅማል

ቃሪያ መብላት ቆዳችንን ጤነኛ እና ጥሩ ወዘና ያለው እንዲሆን ይረዳል፡፡ ቫይታሚን ሲ የተጎዱ የቆዳችን ሴሎች እንዲጠገኑ እና የቆዳችን መሸብሸብ እንዲቀንስ ይረዳል፡፡ በተጨማሪም ቃሪያ በሰውነታችን ውስጥ የሚፈጠረውን መቆጣት እና እብጠቶች ስለሚቀንስ ብጉርን ይከላከላል

✦ ቃሪያ አንታይ ኢንፍላማቶሪ ነው

ሰውነታችን ውስጥ ከውስጥም ሆነ ከውጭ እብጠት ወይም መቅላት ወይም መቆጣት ይከሳታል፡፡ ይሄ ኢንፍላሜሽን ይባላል፡፡ ቃሪያ በቫይታሚን ሲ የበለፀገ ስለሆነ ይሄ ችግር እንዳይከሰት ያደርጋል፡፡ ከተከሰተም ቶሎ እንዲድን ትልቅ ሚና ይጫወታል

✦ ቁስል ቶሎ ያሽራል

ቃርያ ውስጥ ያለው ቫይታሚን ሲ በቆዳችን ላይ የሚፈጠሩ ቁስሎችን ቶሎ እንዲድኑ ያደርጋል፡፡ቫይታሚን ሲ ቆዳችን የሚሰራበትን ኮላጅን ቶሎ እንዲመረት ያደርጋል ስለዚህም ቁስሉ ቶሎ እና ጠባሳው ሳይበዛ እንዲድን ያደርገዋል

✦ ቃሪያ ለልብ ይጠቅማል

ቃሪያ ካፕሲን ስላለው ለልባችን ጤና የተለያዩ ጥቅሞች ይሰጣል፡፡ በደማችን ውስጥ ያለውን የኮሌስትሮል መጠን ያስተካክላል፡፡በደም ቧንቧችን ውስጥ የተጠራቀመውን ኮሌስትሮል ይቀንሳል፡፡ በተጨማሪም በሰውነታችን ውስጥ ያለውን የደም እንቅስቃሴ ያሻሽላል ይሄም በልባችን ላይ ያለውን ጫና ይቀንሳል

✦ቃሪያ በውስጡ ብዙ ካልሲየም ይዟል

ቃሪያ በውስጡ ብዙ ካልሲየም እና ቫይታሚን ኬ ስላለው ለአጥንታችን እና ለጥርሳችን ጤና ይጠቅማል፡፡በአደጋ ጊዜ የሚደርሰውን የደም መፍሰስም ይቀንሳል

‼️ በአንድ ጊዜ ብዙ ቃሪያ መብላት የቆዳ እና የጨጓራ ችግር ሊያመጣ ይችላል፡፡
እንዲሁም ቃሪያ በአንዳንድ ሰዎች ላይ የሆድ ቁርጠት እና ተቅማጥ ሊያስከትል ስለሚችል ጥንቃቄ ማድረግ ያስፈልጋል

12/11/2025

የደም መርጋት ችግርን እንዴት መከላከል እንችላለን?

ደም መርጋት ችግር የምንለው ደም በሰውነታችን ውስጥ በሚገኙ የደም ስሮች ላይ መቋጠር ወይም መርጋት ሲፈጠር ማለት ነው

የደም መርጋት ምልክቶች ምን ምን ናቸው?

⋄ የእግር ማበጥ
⋄ በተጠቃው ወይም በተጎዳው የአካል ክፍል የመሞቅ ስሜት መኖር
⋄ የቆዳው ቀለም መቀየር
⋄ የህመም ስሜት መኖር

መንስኤው ምን ይሆን?

⋄ እድሜ ከ60 በላይ
⋄ ለረጅም ጊዜ አልጋ ላይ የተኙ ሰዎች፣ ለረጅም ጊዜ መቀመጥ (አለመንቀሳቀስ)
⋄ ከመጠን በላይ ውፍረት
⋄ ከቤተሰብ የሚመጣ
⋄ ሲጋራ ማጨስ
⋄ በሰርጀሪ ምክንያት የመጣ ጉዳት
⋄ በሰውነት ውስጥ በቂ ፈሳሽ አለመኖር
⋄ እርግዝና
⋄ የእርግዝና መከላከያ እንክብል ለብዙ ጊዜ መውሰድ
⋄ የሆርሞን መተካት ህክምና ከተደረገ
⋄ ካንሰር

እንዴት መከላከል እንችላለን?

⋄ መንቀሳቀስ
⋄ የእግር ጉዞ ማድረግ
⋄ ውሃ አብዝቶ መጠጣት
⋄ ውሃ አዘል ፍራፍሬዎችን መጠቀም
⋄ የምንቀመጥበትን ሰዐት መቀነስ

ህክምናው ምን ይመስላል?

⋄ ደምን ለማቅጠን የሚረዱ አንቲ ኮአጉላንት መድሃኒቶችን መውሰድ
⋄ ቀዶ ጥገና ህክምና
⋄ በእግር ውስጥ የደም ዝውውርን ለመጨመር የሚደረጉ የሚያጣብቁ ልብሶች (ስቶኪንግ) መጠቀም

09/11/2025

የጨጓራ ህመም መፍትሄዎች

የጨጓራ ህመም የጨጓራ መቆጣት፣ መብገን ወይም ጨጓራ ላይ ያለው ፈሳሽ ወደ ላይ መመለስን ያጠቃልላል ይህም የሚሆነው የጨጓራ አሲድ በሚበዛበት ወቅት ነው

እንዴት በቤት ውሰጥ ማከም ይቻላል

▸ ከልክ በላይ አይመገቡ

የአሲድ ከመጠን በላይ መመረትን ለመቀነስ የሚረዳ አንድ እርምጃ ከመጠን በላይ ምግቦችን ከመመገብ መቆጠብ ነው

▸ ክብደት መቀነስ

በሆድ ውስጥ በስብ ምክንያት ከመጠን በላይ ግፊት የአሲድ ከሚፈለገው በላይ መጨመር መንስኤ ከሆኑት ምክንያቶች አንዱ ነው። የሆድ ስብን ወይም ቦርጭን መቀነስ አንዳንድ የሕመም ምልክቶችን ያስታግሳል

▸ ዝቅተኛ-ካርቦሃይድሬት አመጋገብን ይከተሉ
▸ የአልኮል መጠጥዎን ይገድቡ
▸ በጣም ብዙ ቡና አይጠጡ
▸ የአልጋዎን ትራስ ከፍ ያድርጉት
▸ ወደ መኝታ ከመሄድዎ ከሶስት ሰዓታት በፊት ቀደም ብለው ይመገቡ

የአሲድ ወደ ላይ መመለስን ለመከላከል የሚረዱ ምግቦች

ከፍተኛ ቃጫማ ይዘት ያላቸው ምግቦች የመጥገብ ስሜት እንዲሰማዎት ያደርጉዎታል ስለሆነም ከመጠን በላይ የመብላት እድልዎ አነስተኛ ነው
ቃጫማ ይዘት ካላቸው ምግቦች ውስጥ:

▸ እንደ፤ ኦትሚል ፤ኩስኩስ እና ቡኒ ሩዝ ያሉ ሙሉ እህሎች
▸ እንደ ድንች ፣ ካሮት እና ባቄላ ያሉ ሥር አትክልቶች
▸ እንደ አረንጓዴ ፣ አትክልት ፣ ብሮኮሊ እና አረንጓዴ ባቄላ ያሉ አረንጓዴ አትክልቶች

የአልካላይን ምግቦች

ከፍ ያለ ፒኤች ያላቸው አልካላይን ናቸውና ጠንካራ የሆድ አሲድን ለመቀነስ ይረዳሉ፡፡ የአልካላይን ምግቦች የሚከተሉትን ያካትታሉ

▸ ሙዝ
▸ ሐብሐብ
▸ አበባ ጎመን
▸ ለውዝ
▸ ውሃማ ምግቦች

ብዙ ውሃ የያዙ ምግቦችን መመገብ በሆድ ውስጥ ከፍተኛ የሆነ የአሲድ መመረትን እንዲቀንሱ ይረዳል ፡፡ እንደዚህ ያሉ ምግቦችን ይምረጡ :

▸ ሰሊጥ
▸ ኪያር
▸ ሰላጣ
▸ ሐብሐብ
▸ ፓፓያ
▸ ሾርባዎች
▸ ከዕፅዋት የተቀመመ ሻይ

ደረት አካባቢ ማቃጠል ምልክት ላለው የጨጓራ ህመም ለማከም የሚረዱ :

▸ ወተት
▸ ዝንጅብል
▸ አፕል ኮምጣጤ

ጨጓራ በአብዛኛው የሚድን የጤና ችግር ነው

07/11/2025

ቫሪኮስ ቬይን ምንድን ነው?

ይህ አይነቱ ችግር የደም ስር እብጠት ወይም መወጠር ምክንያት የሚፈጥረው ችግር ነው ። ማንኛውም የደም ስር ላይ መፈጠር ይችላል

አብዛኛውን ጊዜ የሚከሰተው እግር አካባቢ ነው። ለዚህም እንደ ምክንያትነት የሚጠቀሰው ለረጅም ጊዜ መቆም እና መራመድ በታችኛው የሰውነት ክፍል ላይ ጫና መፍጠሩ ነው

መንስኤዎች

✧ እድሜ
✧ እርግዝና
✧ ከመጠን በላይ ውፍረት
✧ በዘር (በዘር ካለ የመያዝ እድላችን ይጨምራል)
✧ ረጅም ሰዕት መቆም ወይም መቀመጥ

ምልክቶች

✧ የደም ስር ላይ ጠቆር ያለ ምልክት መያዝ
✧ የተወጠረ እና ያበጠ ደም ስር መታየት በእግር አካባቢ
✧ እየባሰ ሲመጣ እግር አካባቢ ህመም መሰማት እና የመክበድ ስሜት
✧ የማቃጠል ፣የመርገብገብ ፣የጡንቻ መኮማተር እና ማበጥ በእግር አካባቢ
✧ ከተቀመጥን በኋላ ወይም ከተቀመጥንበት ስንነሳ ከፍተኛ የህመም ስሜት
✧ ደምስር አካባቢ የማሳከክ ስሜት

መፍትሄዎች

✧ በየጊዜው ወክ ማድረግ
✧ በቤት ውስጥ እንቅስቃሴ ማድረግ
✧ የሰውነት ክብደትን ማስተካከል
✧ የሚያጨናንቁንን ልብሶች አለመጠቀም
✧ በቀን ውስጥ በተደጋጋሚ እግርን ከፍ አድርጎ ለ 15 ደቂቃ መቀመጥ እና
✧ ረጅም ጊዜ መቆም ወይም መቀመጥን መቀነስ

ደረጃው ከፍ ካለ ደግሞ እስከ ሰርጀሪ የሚደርሱ የተለያዩ ህክምናዎች ይሰጣሉ

ጤናማ ህይወት

30/11/2025

28/11/2025

26/11/2025

24/11/2025

22/11/2025

20/11/2025

18/11/2025

16/11/2025

14/11/2025

12/11/2025

09/11/2025

07/11/2025

Address

Website

Alerts

Shortcuts

Share

Category