اخصائية التغذية ربا حسينه . dietitian Ruba Hussaineh

Home
اخصائية التغذية ربا حسينه . dietitian Ruba Hussaineh

Contact information, map and directions, contact form, opening hours, services, ratings, photos, videos and announcements from اخصائية التغذية ربا حسينه . dietitian Ruba Hussaineh, Nutritionist, Tartus, .
(1)

Healthy food 🥬🥦🍏
Lose weight 👌
Increase weight 💪
healthy life style 🤩😌

حاصلة على شهادة الدكتوراه في هندسة الاغذية من جامعة الايتمو
الروسية 👩‍🎓👩‍💻

https://www.instagram.com/dietitian__dr.ruba_hussaineh?igsh=NjY3dmoyY2xkcG13&utm_source=qr

28/06/2023

عيد اضحى مبارك . ينعاد ع الجميع بالخير والصحة يا رب 🙏❤️

27/06/2023

اليوم رح نحكي عن معدن ضروري جدا للجسم اللي هو الحديد اللي بيدخل بتركيب الهيموغلوبين ويساعدنا على علاج فقر الدم ( الانيميا ) ، طبعا في مصادر عديدة له متل : اللحوم بانواعها 🥩, السبانخ ، الكبد ، الرمان ، المشمس المجفف ، البقدونس ، العدس وغيرهم . بس طبعا الاهم هو التركيز على كيفية امتصاصه من قبل الجسم ، ونتجنب نتناول المواد اللي بتقلل من امتصاصه متل : الفيتات او حمض الفيتيك الموجود بالخبز🥟 ، نخالة القمح ، الارز ، الذرة . بالاضافة للشاي والقهوة ☕️، المايونيز ، اي نوع من انواع الصوص ، المشروبات الغازية 🥤، لذلك دايما مننصح اذا عم نتناول اي مصدر من مصادر الحديد مع احد الانواع السابقة اللي بتقلل من امتصاصه نتناول معو اغذية بتحتوي على ڤيتامين C متل : بندورة 🍅 ، عصير برتقال 🍊 ، فليفلة 🫑 وغيرهم اللي بساهم من زيادة امتصاص الحديد وبيمنع تاثير انواع الاغذية السابقة من تقليل امتصاصو 😊

05/06/2023

بعيدا عن الخلطات المنحفة والديتوكس ( اللي سبق حكينا عنو ) اللي هيي عبارة عن منتجات للتجارة فقط . فينا نحسن من حرق الدهون ونزيد من التمثيل الغذائي بالجسم بالاعتماد والتركيز على انواع معينة من الأغذية 🤩 مثل : الاغذية اللي بتحتوي على الاوميغا 3 الغنية يالدهون الصحية ( افوكادو 🥑، زيت الزيتون ، الاسماك متل سمك السلمون والتونا ،المكسرات وخصوصا اللوز) بس طبعا ما مننسى انو الافوكادو والمكسرات عاليين بالسعرات الحرارية لذلك لازم ناكل كمية معينة بما يتناسب مع الوزن، الفواكه الحمضية ( ليمون 🍋، برتقال 🍊، الكيوي 🥝، التوتيات ) بالاضافة للتفاح 🍏
الخضراوات الورقية 🥬🥦
طبعا بالاضافة الى شرب كمية معينة من الماء (تقريبا لترين او اقل ) باليوم حسب الوزن اللي بتساعد كتير على حرق الدهون ، ممارسة الرياضة 🏃‍♀️، الاعتماد على الوجبات الغنية بالبروتين ( لحوم ، بقوليات ، بيض 🥚، وغيرهم ) للحصول على نتيجة افضل ☺️

18/05/2023

بالرغم من انو الوراثة بتلعب دور كبير بظهور الشيب المبكر . بس كمان فينا نركز على انواع من الاغذية اللي ممكن تساهم او تأخر من ظهور الشعر الابيض خلونا نعرف شو هنن 🤩🤩
أول شي لازم نركز على الاغذية الغنية بالنحاس اللازم لانتاج الميلانين (الصبغة المسؤولة عن اعطاء الشعر لونه ) متل : الاسماك والمأكولات البحرية 🦈، المكسرات ،شوكولا dark 🍫 , السبانخ ، الفطر ، الافوكادو 🥑
التركيز على تناول مجموعة متنوعة من الخضراوات والفواكه 🥗، الحبوب الكاملة
تناول الاغذية الغنية بڤيتامين B12: حليب 🥛 ، بيض 🍳 ، اللحم الاحمر ، الدجاج ، الاسماك ، الحبوب الكاملة وغيرهم
تناول الاغذية الغنية بمضادات الاكسدة متل المكسرات ، الخضراوات الورقية ، الفليفلة 🫑، الحمضيات 🍊
وطبعا ما فينا ننسى نخفف من التوتر والانزعاج والضغوطات اللي بتاثر بشكل كبير على ظهور الشيب المبكر 😴

25/04/2023

دراسة محتوى مضادات الاكسدة في مختلف مستخلصات النباتات العطرية ودور هذه المستخلصات في تحسين خصائص الاغذية واطالة مدة حفظها ☺️

25/04/2023

من مشاركتي في مؤتمر عملي في الجامعة الحكومية للكيمياء والصيدلة
22.04.2023
بعنوان : دراسة محتوى مضادات الاكسدة في مختلف مستخلصات النباتات العطرية ودور هذه المستخلصات في تحسين خصائص الاغذية واطالة مدة حفظها ☺️

18/04/2023

الكولاجين هو احد انواع البروتينات المهمة لصحة الجلد والبشرة ، الشعر 👩، العظام والاظافر 💅
مع التقدم بالعمر معدل انتاجه بالجسم يقل . لذلك خلونا نعرف شو اهم انواع الاطعمة الغنية بالكولاجين 🤩او الاغذية التي تحفز انتاجه بالجسم
الوصف تحت كل صورة ⬇️⬇️

24/03/2023

🌙🙏
اليوم حابة شارككون اهم النصائح اللي لازم نتبعها خلال شهر رمضان المبارك لنحافظ على صحة جيدة ونستفيد من الصيام 😌 واللي اهمها :
عدم اهمال وجبة السحور اللي تعتبر مصدر للطاقة وتخفف من العطش خلال النهار 😊
شرب كمية كافية من الماء قبل الافطار وتجنب السوائل التي تحتوي على كمية عالية من السكر والسعرات الحرارية
تناول حبتين من التمر قبل الوجبة يساعد على عودة نسبة السكر في الدم الى مستواه الطبيعي 🤩
التركيز على انواع الشوربات الغنية بالفيتامينات والمعادن مثل شوربة الخضار 🍲 والعدس وتجنب الشوربات التي تحتوي على الكريمة ❌ وطبعا لازم يكون ضمن الوجبة سلطة تحتوي على اكبر قدر ممكن من الخضار الغنية بالالياف والمعادن 🥗
تناول الكربوهيدرات الصحية المعقدة اللي سبق حكينا عنها متل الحبوب ، البقوليات ، المعكرونة المصنعة من الحبوب الكاملة ، البرغل ، الخضار ، والتقليل من تناول الحلويات 🍩، الاطعمة الجاهزة 🍔
التركيز على تناول البروتينات والدهون الصحية الموجودة ب السمك ، لحم الدجاج منزوع الجلد 🍗 لحم البقر غير الدهني 🥩 البيض 🍳، زيت الزيتون ، الافوكادو ، الحليب واللبن قليل الدسم 🥛، البقوليات ، الفاصوليا 🫘، المكسرات ، ونتجنب تناول الاطعمة المقلية 🍟
وطبعا تناول الطعام ببطء لانو الاكل بسرعة ممكن يسبب عسر هضم ، مشاكل بالمعدة ، زيادة الوزن 🙃
واكيد التخفيف من الملح والتوابل لانو هاد الشي ممكن يزيد من العطش خلال النهار
بتمنى هاد الشهر يكون شهر خير وبركة ع الجميع نشالله 🙏🙏

23/03/2023

رمضان كريم 🌙
ينعاد ع الجميع بالخير يا رب 🙏❤️

09/03/2023

كلنا منتمنى انو تكون بشرتنا صحية وخالية من التجاعيد 😌 وطبعا نوع الاغذية اللي منتناولها بأثر بشكل كبير على صحة البشرة ونضارتها . من اهم العوامل التي تؤدي الى الشيخوخة المبكرة👵, ظهور حب الشباب والطفح الجلدي 😣، تقليل مستويات الكولاجين وحمض الهيالورونيك المسؤولين عن مرونة الجلد وترطيبه هو الافراط ب تناول السكريات البسيطة الموجودة بالحلويات 🍰🍩، الشيبس ، المعجنات 🍕، الاطعمة الجاهزة 🍔🍟، المشروبات عالية السكر وغيرهم ، لذلك لازم نركز في نظامنا الغذائي على الكربوهيدرات المعقدة الصحية اللي حكينا عنا ببوست سابق الموجودة في الخضروات بانواعها 🥗، الحبوب ، البقوليات ، البرغل وغيرهم
طبعا هاد الشي ما بيعني انو ما فينا نتناول الاغذية التي بتحتوي على السكريات البسيطة ❌ اكيد فينا نتناولها بس بكمية محدودة بتعتمد على وزن الشخص وكمية الكربوهيدرات المسموح بتناولها باليوم 💯☺️

08/03/2023

🌸🌸

22/02/2023

بداية الحمدلله ع سلامة الجميع والرحمة لجميع ضحايا الزلزال 🙏🙏🙏 الكل هلا عم يمرق بحالة خوف وتوتر وهلع نتيجة الشي اللي عم صير حابة احكي بالبوست عن اهم انواع الاغذية اللي بتخفف من التوتر والقلق وبتساعد على تحسين الحالة المزاجية واللي اهمها :
-السمك ، الحليب ومشتقاته 🥛🧀 ، البيض 🥚، الزيت النباتي اللي يعتبروا اهم مصادر فيتامين D واميغا 3 وبساعدوا على تخفيف التوتر والانزعاج
الموز 🍌 ، شوكولا dark 🍫 ، المكسرات الغنية بفيتامين E وممكن كتير تخفف من القلق
البابونج بريح الاعصاب ويساعد على تحسين المزاج .
الشاي الاخضر والخضراوات الورقية 🥬
وطبعا التركيز على عدم مشاهدة اي اخبار بتخص الهزات او الشائعات ، المشي صباحا بالشمس ، ممارسة الرياضة وتناول القهوة يساعد على تحسين المزاج والشعور بالسعادة ويساعدنا كتير انو نبعد عن اي اخبار بتخص هاد الوضع .
نشالله غيمة سودا وبتمرق، وبيرجع الوضع متل اول واحسن 🙏🙏🙏

Address

Tartus
Syria

Website

facebook.com

Alerts

Be the first to know and let us send you an email when اخصائية التغذية ربا حسينه . dietitian Ruba Hussaineh posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic?

Country:

City:

28/06/2023

27/06/2023

05/06/2023

18/05/2023

25/04/2023

25/04/2023

18/04/2023

24/03/2023

23/03/2023

09/03/2023

08/03/2023

22/02/2023

Address

Website

Alerts

Shortcuts

Share