05/03/2023
عزيزي المربي في العنابر المغلقة
🔍الحد الأدنى للتهوية هي اقل حد من التهوية يحافظ على جودة الهواء وتخليصه من الغازات الضارة ويزيل الرطوبة الزائدة للعنبر
🌿نحسبه ازاي؟
👈اول حاجة نعرف اقل كمية هواء مطلوبة في الساعة؟
📌بص في الجدول المرفق تحت البوست 👇 هتلاقي كل وزن بيحتاج حد أدنى من التهوية قد ايه
🔑مثال مزرعة ٢٠٠٠٠ فرخة وزن ١ كجم يبقى الحد الأدنى من التهوية كم متر مكعب في الساعة ؟
📌نبص في الجدول المرفق بالبوست هنلاقي ان الفرخة وزن كيلو بيحتاج حد أدنى ٠.٨٦٤ متر مكعب في الساعة
📌يبقى ال ٢٠ الف فرخة بتحتاج ٠.٨٦٤ * ٢٠٠٠٠ يساوي ١٧٢٨٠ متر مكعب في الساعة
👈ثاني حاجة :- عاوزين نعرف كمية الهواء دي محتاجة نشغل لها المراوح كم دقيقة في دورة الهواء.؟
🌀يبقى لازم تعرف طاقة مروحتك ونوع التايمر اللي هتستخدمه؟
🎀وتقريبيا هنلاقي.:-
💎المروحة ٩٠ سم بتطرد حوالي ٢٠٠٠٠ متر مكعب في الساعة
💎المروحة ١٢٠ سم بتطرد حوالي ٣٦٠٠٠ متر مكعب في الساعة
💎المروحة ١٤٠ سم بتطرد حوالي ٤٢٠٠٠ متر مكعب في الساعة
⏰وفيه تايمر ٥ دقايق و ١٠ دقائق
💫💫💫💫💫💫💫💫💫💫💫💫💫💫💫
فلو هنستخدم مروحة ١٢٠ سم
نقسم احتياجات المزرعة من الهواء اللي حسبناها اول حاجة اللي هي (١٧٢٨٠) / طاقة المروحة ١٢٠ سم (٣٦٠٠٠) يساوي
٠.٤٨
يعني لو هنستخدم تايمر ١٠ دقائق يبقى المفروض يشتغل المراوح ٥ دقائق وتطفي ٥ دقائق
💫💫💫💫💫💫💫💫💫💫💫💫💫💫💫
🔍ملحوظات هامة :-
🌹الحد الأدنى من التهوية بنستخدمه في الاعمار الصغيرة وفي شهور الشتاء وفي اوقات انخفاض درجة الحرارة بالليل اما في شهور الصيف فهو غير مناسب لتوفير حركة هواء لتبريد جسم الفراخ
🌹طاقة المروحة ممكن تقل عن كدة لو المروحة قديمة او ردئية الصنع او موتورها ضعيف
🌹الجدول المرفق بالبوست استرشادي ولكن ممكن نزود عن كدة على حسب ظروف الجو وحالة الفراخ زي مثلا:-
💥لو الامونيا أعلى من ١٠ جزء في المليون
💥او اول اكسيد الكربون أعلى من ١٠ جزء في المليون
💥او ثاني أكسيد الكربون أعلى من ٣٠٠٠ جزء في المليون
💥او الرطوبة النسبية أعلى من ٧٠ ٪ في أول ٣ ايام من عمر الكتاكيت او أعلى من ٦٠ ٪ في باقي فترة التربية
🌹لو حرارة العنبر نزلت مع تشغيل الحد الأدنى للتهوية فالحل مش تقليل التهوية عن الحد الأدنى ولكن زيادة التدفئة
مع اطيب الامنيات بالتوفيق
