Shwe Poe Eain's Tarot

25/10/2025

Acceptance 🕊️
လက်လွှတ်လိုက်ရင် ဆုံးရှုံးသွားပြီ ထင်ကြတယ်။
ကိုယ် လွတ်မြောက်တယ်၊ သူလွတ်မြောက်တယ်။ 🕊️🌱

"အတိတ်ကို စွန့်လွှတ်ဖို့ကြိုးစားသူတို့ထံ ပေးစာ"
-------------------------------------------------------------------------

🌿"အတိတ်မှာ ကျန်ခဲ့တဲ့ အဆက်ဟောင်း‌တွေ/
ပြဿနာဖြစ်ပြီး ဝေးကွာခဲ့ရတဲ့ သူငယ်ချင်း/မိတ်ဆွေဟောင်းတွေ/ ကိုယ့်အတွက် မဟုတ်တဲ့ သူတစ်ဦးတစ်ယောက်ကို မေ့ပစ်ချင်ပေမယ့်
ဘာဖြစ်လို့နာကျင်စွာ သတိတရ တမ်းတမိကြတာလဲ၊ပြန်မလိုချင်ပေမယ့်/ပြန်မရနိုင်တော့ပေမယ့် ဘာဖြစ်လို့မေ့ဖို့ခက်တာလဲ"။ ဆုံးရှုံးသွားပေမယ့် ကိုယ့်ရဲ့ စိတ်ဝိညာဉ်ကနေ အပြီးတိုင် လက်လွှတ်မခံဘဲ တင်းတင်းကျပ်ကျပ် ဆုတ်ကိုင်ထားမိခြင်းရဲ့ ရရှိလာတဲ့ နာကျင်ရခြင်း အကြောင်းတရား နဲ့ ပတ်သက်ပြီး ကျွန်တော့်ရဲ့ နှလုံးသားထဲက အဖြေလေး တစ်စုကို ဦးနှောက်သေးသေးလေးဖြင့် စစ်ထုတ်ပေးလိုက်ပါတယ်နော်။🌿

📌(1).....ရင်/လျှင် ဆိုတဲ့ နောင်တဖြစ်စေတဲ့အတွေးတွေကို ချေဖျက်ရပါမယ်။

"ဟိုးတစ်ချိန်တုန်းက ကိုယ်သာ သူနဲ့ ပတ်သက်ပြီး သည်းခံလိုက်ရင်၊ ကိုယ့်ဘက်က မာန မထားခဲ့ရင်၊ အချိန်မှီ ဆက်သွယ်မှု လုပ်ဖြစ်ခဲ့မယ်ဆိုရင်၊ အချစ်စမ်းတဲ့သူက ကိုယ်မဟုတ်ခဲ့ရင်၊ သူ့ဘက်က ငြိုငြင်မှုတွေကို စသိပြီး ခံစားမိချိန်ကတည်းက အကောင်းဆုံး နေထိုင်ခဲ့မယ်ဆိုလျှင်၊ ဦးနှောက် မဆန်လွန်းဘဲ သတ္တိရှိခဲ့မယ်ဆိုလျှင် အဆင်ပြေကောင်း ပြေနိုင်မှာဘဲ" စသဖြင့် ရင်/လျှင် ဆိုတဲ့ အတွေးတွေကို ဖျောက်ဖျက်ပစ်ရပါမယ်။အဲ့ဒီအတွေးက နောင်တ ဆိုတဲ့ ခံစားမှုကို ပေးပါတယ်။နောင်တ ရဲ့ နောက်ဆက်တွဲ ဆိုးကျိုးဖြစ်စေတဲ့ ခံစားမှုတွေကတော့ တသီတတန်းပါဘဲ။

📌ဘယ်လိုနောင်တကင်းအောင် ကြိုးစားရမလဲ။❓

📌(2)အတိတ်ကိုပြန်တွေးပြီး နှလုံးသွင်း ဂုဏ်ယူပါ။

အတိတ်က ဆက်ဆံရေး‌မှာ ကိုယ်တိုင် သူ့အပေါ် ကောင်းမွန်ပေးခဲ့တဲ့ နားလည်မှု၊ဂရုစိုက်မှု၊နွေးထွေးမှု၊ကြင်နာမှု စသဖြင့် ကိုယ့်ဘက်က ပေးလိုက်ရတဲ့ မေတ္တာတရားတွေအတွက် ဂုဏ်ယူပါ။ကိုယ်တိုင်က ပေးဆပ်လိုက်ရသူဆိုတာကို နှလုံးသားထဲ စွဲနေအောင် နှလုံးသွင်း ခံစားပါ။ရယူသူနဲ့ ပေးတဲ့သူ ပေးဆပ်လိုက်ရတဲ့ ကိုယ့်ရဲ့ ကောင်းမွန်တဲ့ စိတ်ထားတွေကို ဂုဏ်ယူပါ။အဆင်မပြေနာကျင်ရခြင်းကြောင့် ကုသိုလ်စိတ်တွေကို အကုသိုလ်စိတ် မပြောင်းလိုက်ပါနဲ့လေ။ချစ်တော့ အဖြူ မချစ်တော့ အမည်း မလုပ်လိုက်ပါနဲ့လေ။

📌(3)အခြေအနေမှန်ကို လက်ခံပါ။

ချစ်ခဲ့တာတွေ ၊သံယောဇဉ် ဖြစ်ခဲ့ရတာတွေ၊ ခင်မင်ခဲ့ရတာတွေဟာ ပြီးဆုံးခဲ့တဲ့ အတိတ်ရဲ့အမှန်တရား ဖြစ်တယ်။ဒီအရာကိုလက်ခံနိုင်ရင် အားလုံးကိုပြောင်းလဲသွားဖို့ ဖန်လာတဲ့ အဖြစ်အပျက်၊ အခြေအနေတွေ၊ ခံစားချက်တွေကိုရော လက်ခံနိုင်ရပါမယ်။အဆင်ပြေခဲ့တဲ့ အမှန်တရားတွေကို တွန်းထုတ်မေ့ဖျောက်လို့ မရသလို၊ အဆင်မပြေခဲ့တဲ့အရာတွေကို စိတ်နာမေ့ဖျောက်ခြင်းသည်လဲ နည်းလမ်းအမှန် မဟုတ်ပါဘူး။"လွမ်းစရာရှိလဲ နာစရာနဲ့ ဖြေမယ်"😇။ဟုတ်ပါတယ်။မှန်တာပေါ့။ဒါ‌ပေမယ့် နာစရာနဲ့‌ ဖြေတွေးလိုက်ရင် ဦးစွာ နာလိုက်ရတာက ကိုယ်တိုင်သာ ဖြစ်ပါလိမ့်မယ်နော်။ဝေးလွင့်သွားသူအတွက် ထိခိုက်စေမှာ မဟုတ်ဘူးလေ။ဒါ့ကြောင့် အခြေအနေမှန် ဖြစ်ရပ်မှန်သမျှကို လက်ခံနိုင်အောင် ကြိုးစားလိုက်ပါ။(ချစ်ခဲ့ခြင်းသည် အမှန်တရား၊ ကွဲကွာသွားခြင်းသည် အမှန်တရား၊ ဒါဟာ မည်သို့သောသူမှ ငြင်းမရနိုင်တဲ့ လက်ခံရခြင်း သဘောတရားသာ ဖြစ်တယ်။)

📌(4)အတိတ်က ဆက်နွယ်ခဲ့သူကို ကျေးဇူးတင်ပါ။

တစ်ချိန်က ကိုယ်နဲ့ အဆင်ပြေ ပျော်ရွှင်ခဲ့စဉ်က သူ့ကြောင့် အဆင်ပြေခဲ့ရတာတွေ၊ကြည်နူးခဲ့မိတဲ့ တဒင်္ဂအခိုက်အတန့်တွေကို ကျေးဇူးတင်ရပါမယ်။(အမုန်းနဲ့ မချေပခြင်း ကို အခြေခံပါတယ်။)

📌(5)ကိုယ့်အတွက် အမြတ် ရအောင်ယူပါ။

တင်းတဲ့ကြိုးတွေ ပျက်ကြတဲ့အခါ ကိုယ့်ဘက်က လိုအပ်ချက်တွေ ရှိခဲ့တာကိုရော နားလည်ရပါမယ်၊လက်ခံနိုင်ရပါမယ်။အတွေ့အကြုံတစ်ခုကို ပြန်ရအောင် ယူရပါမယ်။အရာရာတိုင်းဟာ အဆိုး အကောင်း ဒွန်တွဲနေကြတဲ့အခါ ကောင်းတာကိုလဲ ရအောင်ယူတတ်ရပါမယ်။အတိတ်ကနေ ပြန်ရအောင် ယူခဲ့ရမယ့် အမြတ်တွေဟာ ကုသိုလ်စိတ်‌တွေ၊ ကိုယ်တိုင် ပေးခဲ့/ရင်းခဲ့ရတဲ့ အတိတ်ရဲ့ အတွေ့အကြုံ‌တွေကို အမြတ်အဖြစ် ကျန်အောင် ယူရပါမယ်။အတွေ့အကြုံ ယူစေချင်တာသည် နောက်ထပ်သော ကြိုးတွေ ချည်နှောင်ကြတဲ့အခါ ပြင်ဆင်ခြင်း တစ်ခု၊ အသိတရားကပ်ခြင်းတစ်ခု၊ ပြဿနာတွေကို ကွေ့ရှောင် ဖြေရှင်းတတ်ခြင်း တစ်ခုအဖြစ် အသုံးချစေဖို့ပါဘဲ။

❌❌မေ့ဖျောက်ဖို့အတွက် အစားထိုးခြင်း ❌❌

ကိုယ့်အတွက် စိတ် သက်သာရာရဖို့၊ နာကျင်စရာတွေ မေ့ဖျောက်ဖို့ အစားထိုးခြင်းဆိုတာ လူတစ်ဦးတစ်ယောက်အပေါ် လုံး၀ လုံး၀ မလုပ်သင့်တဲ့ အချက်ပါ။ကိုယ့်အတွက်လဲ အဆင်မပြေနိုင်သလို တစ်ဖက်က လူအတွက်လဲ အဆင်မပြေပါဘူး။၀ဋ်ကြွေးဆိုတာ ဒီနေရာမှာပါလာပါပြီ။ကိုယ်တိုင်တောင် မကုန်နိုင်တဲ့ ၀ဋ်ကြွေးကို ဆပ်နေရတာ ဘာလို့များ ထပ်ပြီး ၀ဋ်တွေ ဆက်တိုးလည်ဖို့ ဖန်တီးဦးမလဲနော်။(၀ဋ်တုံ့ ၀ဋ်လှည့် သဘောတရားမှာ ‌ဆိုးတာတွေသည် ၀ဋ်‌ကြွေးဖြစ်သလို ကောင်းတာတွေသည်လည်း ၀ဋ်ကြွေး ဖြစ်ပါတယ်။ကောင်းခြင်းတွေသာ လည်ကြရအောင်။)💕

🕊️၀ဋ်ကြွေးလို့ ခံယူ/ ခံစားရသူများ🕊️

"ဟိုး အတိတ်ဘ၀က ၀ဋ်ကြွေးကို ဒီဘ၀မှာ ဆပ်နေရတယ်၊ ကိုယ်တိုင်က ၀ဋ်ကြွေးဆပ်ဖို့ ကံပါလာတာပါလေ..." စတဲ့ ၀ဋ်ကြွေးလို့ ခံယူ/ခံစားရသူရေ.....ဒီ ၀ဋ်ကြွေးဟာ ဘယ်အချိန်မှာ ပြေငြိမ်းသွားမယ် လို့ ထင်လဲကွယ်။ကျွန်တော် ခံစားမိသလောက် ပြောပြပေးပါမယ်နော်။ကိုယ်တိုင် ခံနိုင်ရည်စွမ်း ကုန်လာတဲ့အချိန်၊ ကိုယ့်ကိုယ်ကို ဒီထက် နာကျင်အောင် မစွမ်းနိုင်တဲ့အချိန်၊နာကျင်ခြင်းဆိုတာ အမှန်တကယ် ကိုယ့်ကိုယ်ကို မချစ်တတ်တဲ့အရာဆိုတာ သိရှိခံစားမိလာတဲ့အချိန်မှာဘဲ ၀ဋ်ကြွေးဟာ တပြိုင်နက် ပြီးဆုံး ပျောက်ကွယ်သွားပါလိမ့်မယ်။(၀ဋ်ကြွေးနဲ့ ပတ်သက်ပြီး ကျွန်တော် အများကြီး သိနားလည် မထားပါဘူး။ ၀ဋ်ကြွေးလို့ ကျွန်တော် မခံစား မတွေးဖူးလို့ ဖြစ်ပါလိမ့်မယ်။ Comment မှာ သိမှတ် ခံစားရတာလေးတွေ ဝေမျှ ပေးပါဦးနော်။)💕

📌(6)လှပစွာ က ပစ်လိုက်စမ်းပါ။💃

"လွတ်မြောက်သွားပြီ၊အေးချမ်းသွားပြီ၊သာယာသွားပြီ၊အဆင်ပြေသွားပြီ၊ငြိမ်းချမ်းသွားပြီ" ဆိုတော့ ကိုယ့်ဘ၀အတွက် တိုးတက် လှပအောင် ကြိုးစားလိုက်ပါတော့။ကိုယ့်ရဲ့ စိတ်ထားနဲ့ အပြုအမူတိုင်းကို ခပ်မြင့်မြင့်မှာ ထားလိုက်ပါ။ ဟိုး အမြင့်ဆုံးထိ ပျံသန်းလိုက်ပါတော့ ငှက်ကလေးရေ...။🕊️

နာကျင်ဆက်နွယ် ခံစားရသူအားလုံးဘဲ level (6)ထိ ရောက်နိုင်ကြပါစေ။အချိန်တစ်ခုဆိုတာ ပေးရပါတယ်။အချိန်ဆိုတာ ဆေးပါဘဲ။ဆေးမှန်မှန် သောက်ဖို့တော့ လိုပါတယ်။(ကိုယ်တိုင်က မေ့ချင်စိတ် အမှန်တကယ်ရှိဖို့လိုပါ‌တယ်။)
အကျိုးရှိသွားမယ်လို့ မျှော်လင့်ပါတယ်။

#အထက်ပါချက်လေးတွေဟာ ကျွန်တော် ခင်မင်ရတဲ့ မိတ်ဆွေ၊သူငယ်ချင်းတွေ၊ ကျွန်တော့်ရဲ့ Clientsတွေ တော်တော်များများကို မင်မင် ပေးခဲ့ဖူးတဲ့ အကြံပြုချက်လေးတွေပါ။အားလုံး တန်ဖိုးထားမယ်လို့ မျှော်လင့်ပါတယ်။အမြစ်ကနေ တူးဖော် ရေးရတဲ့ အရာတွေက မလွယ်ပါဘူးလေ။ခုတော့ မင်မင် ကိုယ်တိုင် ငှက်ကလေး ဖြစ်နေပါပြီ။🕊️
ကဗျာဆန်ကြည့်တာ။🤭😁
ကိုယ့်ရဲ့ ခင်မင်ရသူ သူငယ်ချင်း/မိတ်ဆွေတွေထဲမှာ အတိတ်ဇာတ်လမ်းလေးကို ပြန်ပြန်ပြောပြီး ဆွေးနေတဲ့သူလေးတွေ ရှိရင်လည်း ကျွန်တော့် အကြံပြုချက်လေးတွေက အထောက်အကူ လေး ဖြစ်သွားစေခြင်း အလို့ငှာ။

❌copy ကူးယူခြင်း မပြုပါ။❌
ကိုယ်တိုင် ဖြတ်သန်းခဲ့ရတဲ့ ခံစားမှု အစစ်အမှန်တွေသာဖြစ်လို့ လေးစား‌ပေးပါ။😇

(24.10.21/12:36pm)💕

crd 💕
💕🍀🕊️💃

25/10/2025

(ပြီးခဲ့တဲ့ ရက်ပိုင်းက Root Chakra အကြောင်း နည်းနည်း ရေးထားလို့…၊ စိတ်ဝင်စားရင်/ စာဖတ်ရတာ မငြီးငွေ့ရင် ဖတ်ပါဗျာ။)

လူ့ခန္ဓာကိုယ်ဟာ အဆောက်အဦးတစ်ခု၊ သစ်ပင်တစ်ပင် အသွင်နဲ့ တူတယ်။ အဆောက်အဦးတစ်ခုမှာ အောက်ခြေမခိုင်ခံ့ရင် ပြိုကျလွယ်သလို/အဆင့်တတ်ဖို့လည်း မဖြစ်နိုင်သလို၊ သစ်ပင်သည်လည်း အမြစ်တွေ မကျန်းမာရင် ပုတ်သိုးလွယ်တဲ့ပင်စည်နဲ့ အသီးအပွင့်တွေဟာ မဖြစ်ထွန်း/ ကြာရှည် မလန်းဆန်းနိုင်ဘူး။ လူ့ခန္ဓာရဲ့ Chakras (7)ခုအနက် Root Chakra သည် အပင်တစ်ပင်ရဲ့ ပင်စည်/ အဆောက်အဦးတစ်ခုရဲ့အုတ်မြစ်သည်သာပင်ဖြစ်သည်။

ကျန်းမာရေးအရ ခန္ဓာကိုယ်မှာ ပြဿနာဖြစ်လို့ ဆေးခန်းပြတဲ့အခါ ခန္ဓာအစိတ်အပိုင်းတိုင်းက တစ်ခုနဲ့ တစ်ခု ချိတ်ဆက်နေလို့ တစ်နေရာ နာလာရင် နောက်တခြားနေရာက နာလာတတ်ပါတယ်။ အဲ့သလိုပဲ Chakra မှာ Root Chakra အခြေမခိုင်ရင် ကျန် Chakra တွေ အမြဲဘယ်လိုမှ အားကောင်းမနေနိုင်ပါဘူး။ အခြေမခိုင်တဲ့ အဆောက်အဉီး၊ အမြစ်မသန်တဲ့အပင်နာလိုပါပဲ။ Root Chakra ဟာ သမာဓိပါပဲ။ အခြားသော Chakras တွေ အားကောင်းအောင် လိုအပ်တဲ့ Frequency အလိုက် နားထောင်တယ်/ Moti Songs တွေ ခံစားတယ်/ အစားအသောက်တွေ နည်းလမ်းပေါင်းစုံနဲ့ ကျင့်ကြံကြတဲ့အခါ Chakras ဟာ သန်မာတယ်/ ကျန်းမာတယ်/ သို့ပေမဲ့လည်း Root Chakra သာ Blocked ဖြစ်နေရင် ဒီခံစားမှုက လုံးဝကို ခဏတာလေးပါ။ လွယ်လင့်တကူ ပြိုလဲ ပျောက်ကွယ်နေနိုင်တာပေါ့။ ဒါသည် Root Chakra blocked & unbalanced ဖြစ်နေလို့ပါ။ Chakra အားလုံး အားကောင်းဖို့ဆို Root Chakra ကို ဦးစွာကျင့်မှသာ ပိုကောင်းမွန်ပါလိမ့်မယ်။ Third Eye ကျင့်စဉ်ကို ကျင့်ကြံကြတဲ့သူတွေဆိုရင် Root Chakra ကို အခြေခံတည်ဆောက်ကြတာကို တွေ့ရပါလိမ့်မယ်။ 2023 လောက်က ကျွန်တော်ကတော့ Third Eye ကျင့်စဉ် ကျင့်တာ မဟုတ်ပေမဲ့ Root Chakra စည်းမခိုင်တဲ့အခါ အမြဲ အချိန်တိုင်းမှာ Third Eye Frequency ကို နားမထောင်ရဲခဲ့ပါဘူး။ နားထောင်ရမှာ သက်လုံမခိုင်တဲ့အချိန်တွေ ရှိတယ်။ ဉပမာ Frequency အနေနဲ့ပြန်တွေးရင် နာတဲ့အချိန် Sad songs နားထောင်လို့ မရတာမျိုး၊ အတူတူ ရည်ညွှန်းခဲ့ကြတဲ့သီချင်းတွေ ပြန်နားမထောင်ရဲတာမျိုး စသဖြင့်ပေါ့။ ဆိုတော့ ဒါတွေအားလုံးဟာ Root Chakra ရဲ့ အရေးကြီးပုံတွေကို ရေးသားထားပါတယ်။

Root Chakra ဘာကြောင့်များ Blocked ဖြစ်ရတာလဲ/ ဘာကြောင့်များ အားနည်းစေလဲ။
လူတိုင်းဟာ အကြောင်းအမျိုးမျိုးနဲ့ Root Chakra အားနည်းနေတာ၊ Blocked ဖြစ်နေတာမျိုး ရှိနေနိုင်ပါတယ်။ အရင်းအမြစ်ကတော့ အကြောက်တရားပါပဲ။ ဘယ်လိုအရာတွေကို ကြောက်ရွံ့တာပါလဲ။ ဘယ်လိုအရာတွေက မိမိအား စိတ်မလုံခြုံမှု ဖြစ်စေတာလဲ/ သိမ်ငယ်စေတာလဲ/ တည်ငြိမ်မှု ပျက်ပြားစေတာလဲ/ နေထိုင်ခြင်းတွေမှာ ဝေဝါးနေရတာတွေ များနေလား___။ Chakra တွေ Blanced ဖြစ်နေရင် အထက်ပါအချက်အလက်တွေနဲ့ ဆန့်ကျင်ဘက်မှာရှိတဲ့အခြေအနေမျိုးပါ။ ဒါဆို စိတ်ခန္ဓာကျန်းမာနေတာပါပဲဗျ။ Chakra ကျင့်တဲ့အခါမှာလည်း Root Chakra မှ စတင် ကျင့်ရပါတယ်ဗျ။ အစားအသောက်၊ အနေအထိုင် မှ လည်း အားကောင်းလာစေပါတယ်ဗျ။ Root Chakra မှာ Blocked နေတာတွေ ဖယ်ရှားပြီး Balance ဖြစ်လာစေဖို့ နေထိုင်စားသောက်ပုံတွေ၊ ဘယ်လိုမျိုးဖြစ်လာပြီဆိုရင် Blocked ဖြစ်တယ်၊ Blanced ဖြစ်တယ်… စသဖြင့် ဝေမျှထားတဲ့ နည်းလမ်းတွေ အများကြီးပါ။ ရှာဖတ်ကြည့်ပါဗျ။ ကျွန်တော့်အနေနဲ့ ဒီဆောင်းပါးသည် Root Chakra အရေးကြီးပုံကို ဝေမျှရုံသာပါဗျ။ Root Chakra မှ Blanced မဖြစ်ရင် ဘဝအရေးတွေမှာ နှောင့်နှေးပြီး ဖြစ်ထွန်းသင့်သလောက် မဖြစ်ထွန်းနိုင်ပါဘူးဗျ။ ဒါ့ကြောင့်ပါဗျာ။ 🕊️🌳

SPE🕊️

25/10/2025

Spirit Messages 🕊️🌱✨

23/10/2025

အဆင်ပြေသွားလိမ့်မယ်၊ လုပ်စရာရှိတာသာ အာရုံစိုက်ပြီး လုပ်ပါ။

ကျွန်တော် Uni Life မှာ ရည်းစားထားတုန်းက Exam နီးကပ်လာရင် စုပြုံပြီး ကြုံရတဲ့အခက်အခဲ (3)ခု ရှိတယ်။
1)Exam နီး စာတွေ များလို့ စိတ်ဖိစီးမှုလေးတွေရှိတယ်။
2)အိမ်က မုန့်ဖိုးပေးတာနည်း/နောက်ကျလို့ စိတ်ညစ်တယ်။
3)ချစ်သူနဲ့ စိတ်ကောက်လို့ စိတ်ဆင်းရဲတယ်။

ချစ်သူနဲ့ စိတ်ကောက်တာ အချိန်တန် အဆင်ပြေသွားလိမ့်မယ်။
အိမ်က မုန့်ဖိုးပေးမဲ့ကိစ္စလား ၊ အချိန်တန်
ပေးလာလိမ့်မယ်။
Exam နီးလို့ စာမနိုင်လို့ စိတ်ဖိစီးမှုများနေလား၊ အချိန်တန် စာရသွားလိမ့်မယ်ဆိုတာ မရှိဘူး။
စာဆိုတာ ကျက်မှ ရမှာ၊ မကျက်ရင် မရဘူး။ စာမရရင် ကျမှာ၊ အချိန်တန်ဆိုတာ မရှိဘူး။

အချိန်တန်မှာ မရှိတဲ့အရာက ဘာလဲ ❓
အချိန်တန်လို့မှ မရတဲ့အရာက ဘာလဲ❓

အဲ့တော့ ဘယ်လိုတွေးဖြစ်လဲဆိုတော့
ချစ်သူနဲ့ စိတ်ကောက်လား >> စာကျက်
အိမ်က မုန့်ဖိုးပေးတာ နည်းလား၊ နောက်ကျလား >> စာကျက်
အာရုံက Exam အတွက် စာတစ်ခုတည်း
ဟော စာလည်းရ ၊ ချစ်သူနဲ့လည်း အဆင်ပြေ၊ အိမ်က မုန့်ဖိုးအရောက်
အားလုံး ပြေရော >>

ဆယ်ကျော်သက်ကောင်မလေးတစ်ယောက်ရဲ့ အတွေးပေါ့။

📌 ပြောချင်တာက
#ကိုယ် မဖြစ်မနေ လုပ်ရမဲ့အရာကိုပဲ အာရုံစိုက်၊
မရှိမဖြစ် အရာအတွက် အာရုံစိုက်၊
ကျန်တာတွေက အလိုလိုပြေလိမ့်မယ်။
အခက်အခဲတွေ များလာရင် စုပြုံသိပ်ပြီး ခေါင်းထဲ မထားနဲ့။ Reason, Planning လုပ်ပြီး အကန့်ခွဲပစ်ပါ။ မရှိမဖြစ်က ဘာလဲ။ နောင်တမရစေမှာက ဘာလဲ။ ဘာက ဘဝအတွက် Supporting လဲ။ ဘာက အဓိက & သာမညလဲ။ ဘာက အဆင်ပြေရင် ဘာက လျှောခနဲ လိုက်လာမလဲ။ အမှိုက်စတစ်စကြောင့် ရေမြောင်းပိတ်နေသလိုပဲ။ လမ်းကြောင်းပြောင်းဖို့ မလိုဘူး။ အမှိုက်စဖယ်လိုက်ဖို့ပဲ။❗️

SPE🕊️

22/10/2025

အထာနဲ့ မူပြောင်းလို့ မရရင်
လူပြောင်းပါ/ ရပ်ဝန်းပြောင်းပါ သားကြီးတို့
သားကြီးတို့ အေးဆေး 🕊️🔥

ဒေါ်ပိုးအိမ် 🕊️💃🏻

22/10/2025

Relationship တည်ဆောက်ရာဝယ် 🕊️🏞️
__________________________________

SPE🕊️

21/10/2025

ကိုယ်နားလည်နိုင်သည်/နားမလည်နိုင်သည်ဟာ ကိုယ့်စိတ်နှလုံးရဲ့ဉာဏ်ရည်နှင့် ကိုယ့်လက်ခံနိုင်မှုဖြစ်ပြီး သူနားလည်နိုင်သည်/ နားမလည်သည်က သူ့စိတ်နှလုံးရဲ့ဉာဏ်ရည်နှင့် သူ့လက်ခံနိုင်မှုသာဖြစ်တယ်။

အမှန် အမှား/ တရားခြင်း မတရားခြင်း တွက်ဆပိုင်းဖြတ်မည့်အစား ကိုယ့်ဘဝနဲ့ ကိုယ့်ဇာတ်၊ သူလည်း သူ့ဘဝနဲ့ သူ့ဇာတ်ပဲလို့ တွေးမြင်လိုက်ရင် အနေပေါ့ပါလိမ့်မယ်။

ကိုယ့်ဘဝ ကိုယ့်အကြောင်း ကိုယ်နားလည်နိုင်ပေမဲ့ ချစ်ရသူ/ သူတပါးက နားမလည်နိုင်သည်ကို နားမလည်ရကောင်းလားဆိုပြီး တွေးရသည်ကလည်း သူမဖြစ်မနေ နားလည်ထမ်းဆောင်ရမည့် တာဝန်တစ်ခုရယ်တော့ မဟုတ်ချေဘူး။

သူတပါးက “ကိုယ့်ကို နားမလည်နိုင်ရကောင်းလား”လို့ ဒေါသစိတ်၊ အလိုမကျစိတ်တွေ ဖြစ်မဲ့အစား သူ့စိတ်နှလုံးဉာဏ်ရည်နှင့် လက်ခံနိုင်မှုဟာ ဒီအထိသည်သာ ဖြစ်ကြောင်း နားလည်ပေးလိုက်ပါ။
ကိုယ်၌ကလည်း ကိုယ်နားလည်နိုင်တဲ့ ဉာဏ်ရည်၊ လက်ခံနိုင်ရည်က ဒီအတိုင်းသည်သာဖြစ်ရင် ဒီအတိုင်းသာ ထားလိုက်ပါ။

ဉာဏ်ရည်ကလေ လေ့လာတဲ့အသိမဟုတ်ဘူး။ ဖြတ်သန်းခဲ့ရတဲ့ အဖြစ်အပျက် အတွေ့အကြုံနဲ့ လောဂဓံကနေ လာမယ်။ လက်ခံနိုင်ခြင်း/ လက်မခံနိုင်ခြင်းဟာ ခံနိုင်ရည်နဲ့ဆိုင်မယ်။ တချို့ လွယ်လင့်တကူ လက်ခံနိုင်တဲ့အရာတွေက တချို့အတွက်တော့ လက်မခံချင်တဲ့အရာ၊ လက်ခံဖို့ ကြောက်ရွံ့တဲ့အရာ ဖြစ်မယ်။ ဒါကို လွဲမှားနေပါတယ်လို့ ရုပ်သဘောအရ ပြောလို့ ရချင်ရလိမ့်မယ်။ နာမ်သဘောအရတွေးရင် နားလည်နိုင်လိမ့်မယ်ဗျ။

ဪ သူ့ဘဝဖြစ်စဉ်၊ သူ့ဘဝက ဒီလိုပါ့လား၊ သူ့အတွေးက ဒီလိုကိုး၊ သူ ဒါလေးကို မကျော်လွန်နိုင်သေး၊ ကိုယ်က ကျော်လွန်နိုင်ပြီ/ သူ ဘယ်အရာကိုတော့ ကျော်လွန်နိုင်ပြီ၊ ကိုယ်က မကျော်လွန်နိုင်သေး —— ဒါကို ဂရုဏာသက်နိုင်ရင် လွတ်မြောက် ငြိမ်းချမ်းတာပဲ။ ဒီဆောင်းပါးက မိမိ ငြိမ်းအေးခြင်း ဗဟိုပြု ရေးသားခြင်းပါ။

Oct 21, 2025(6:54PM)

Environment & relations / 🔂

SPE🕊️

19/10/2025

Manifestation လုပ်တဲ့အခါ 🕊️🌱____________________________

ယခု Reading သည် မင်းဖြစ်ချင်တာတွေ ဖြစ်ဖို့ Manifest တဲ့အခါ မင်းရဲ့ဟာကွက်အချို့/ မင်း သိခွင့်အကြောင်းအရာအချို့ကို ရေးသားထားပါတယ်။

Manifestation နဲ့ပတ်သက်တာလေးတွေ အသေးစိတ်သိလိုလျှင် Personal Reading Appointment ယူနိုင်ပါတယ်ဗျ။ Fees လျှော့တော့ဘူးနော်။

(သက်သာမှ Manifestation လုပ်တဲ့အခါ သိမှတ်ဖွယ်ရာလေးတွေ၊ အတွေ့အကြုံလေးတွေ share ပေးမယ်နော။)

SPE🕊️

16/10/2025

စိတ်အညစ်အကြေး 🕊️

ငယ်တုန်းက ကျွန်တော်လေ အိမ်သာတတ်ပြီးချိန်တိုင်းမှာ ခံစားရတဲ့ Feeling ရှိတယ်။ ဘာလဲဆိုတော့ “ အား လောကီစည်းစိမ်ပဲ၊ အီးပါရတာ လောကမှာ အရသာအရှိဆုံးအချိန်ပဲ”ပေါ့။ ခန္ဓာရဲ့ အညစ်အကြေးစွန့်လိုက်တော့ ပေါ့ပါးသွားတာကိုးဗျ။ (အဲ့လိုတွေးပြီး နောက်ပိုင်းမှာ တစ်ရက်ကို အနည်းဆုံး 2/3ကြိမ် အိမ်သာတတ်လေ့ရှိတယ်။ မဟုတ်ရင် ဘယ်သွားသွား ဘယ်လုပ်လုပ် အီးတုံးကို ထမ်းသွားနေရသလို ခံစားရတယ်။ လေးတယ်။ ခန္ဓာမှာ အပေါက်မှန်သမျှ အညစ်အကြေးစွန့်ကြပါတယ်။)

ဒါဆို ဒီအရာကသာ ခန္ဓာအညစ်အကြေးဆို စိတ်အညစ်အကြေးတွေလည်း ရှိမှာပဲ။ ဘယ်လို စွန့်ထုတ်ရမလဲ။ ကိုယ့်အတွက် သင့်တော်တဲ့ နည်းလမ်းကို ရှာပါ။ အဓိကက အညစ်အကြေးကို စွန့်ထုတ်နိုင်ဖို့ပဲ။

📌စိတ်အညစ်အကြေး & ခန္ဓာအညစ်အကြေး

အိမ်သာမတတ်ပဲ 2/3ရက် နေကြည့်ပါ။
အပူတွေ အထက်ကန်လာတယ်။ အညောင်းအညာမိမယ်။ လည်ပင်းတွေ နာလာတယ်။ ခန္ဓာကိုယ် မသွက်လက်တော့ဘူး။ အူနဲ့သက်ဆိုင်တာတွေ လာမယ်။ လိပ်ခေါင်း လာမယ်။ ခန္ဓာအစိတ်အပိုင်းတိုင်းက ဆက်စပ်နေတာ။ ဒါက ရုပ်ပိုင်းပေါ့။

စိတ်အညစ်အကြေးလည်း အဲ့သလိုပဲ
တစ်ရက်နဲ့ တစ်ရက် မလိုတာတွေ စွန့်မထုတ်ပဲထားရင် ဘယ်လိုရလဒ်တွေ လာမလဲ။ စဉ်းစားသာကြည့်တော့ဗျာ။

နေ့စဉ်တိုင်းမှာ ခန္ဓာအညစ်အကြေး စွန့်ထုတ်ပြီးလို့ လန်းဆန်းတိုင်းမှာ စိတ်အညစ်အကြေးလည်း စွန့်ထုတ်ဖို့ သတိရပါဗျ။

(ငယ်စဉ်) အတွေးတစ်ပေါက်၊ လျှမ်းလျှမ်းတောက် 😆🤣😂 အစားအသောက်စားနေတုန်းဆို ကန်တော့နော်ဗျ။🥺🤍

အိုဗျာ ဝမ်းမချုပ်စေနဲ့ဗျ။🤍

SPE🕊️🌾

16/10/2025

သေဆုံးသွားတဲ့ တိကလေး 🕊️🦮

📌ဘုံဘဝခြားနားတဲ့ တိကလေးတွေများ ရှိခဲ့ရင်
ရွေးချယ်ပါ။ မရှိရင် မရွေးချယ်ပါနဲ့ဗျ။ 🤍

ယခု Reading မှာ သင်နဲ့ ချစ်စရာကောင်းတဲ့ Pet လေးရဲ့ Connection အတိမ်အနက်၊ Pet လေးက မင်းအပေါ် သဘောထား၊ Pet ကလေးရဲ့ ဘဝအကူးအပြောင်းလေးရယ်…ရေးသားထားတဲ့ Reading လေးဖြစ်ပါတယ်။ ( ကျွန်တော်သိချင်လို့ General Reading ပါ ရေးလိုက်တာပါဗျ။)

ချစ်ရတဲ့ တိကလေးတွေ ဆုံးရှုံးသွားတဲ့အခါ
သူ့ကို အမှူးပြုပြီး အချိန်လများစွာ နာကျင်တာမျိုး၊ စွဲလန်းနေတာမျိုး မဖြစ်စေချင်ဘူး။ ဒါက Pet ကလေးအတွက်ပါ။ အနှောင်တွေ သခင်ကိုယ်တိုင်က ဖြေလျှော့ပေးမှ Pet လေးက လွတ်မြောက်ကြောင်း အထောက်အပံ့ဖြစ်စေမှာမို့ပါကွယ်။

အိမ်မှာ မိမိရဲ့ Pet Language, Pet Health လေးတွေနဲ့ပတ်သက်ပြီး အသေးစိတ် သိချင်ရင် Pet Package ဆိုပြီး မေးလိုရမယ်နော်။ Fees ကတော့ Normal အတိုင်းပါဗျ။ ဘုံဘဝခြားနားပြီး Pet အတွက် အသေးစိတ် သိလိုလျှင် (Normal + )ပါဗျ။ 🕊️

ရွေးချယ်သူ သခင်တိုင်း အစွဲအလန်းများ ဖြည်လျှော့နိုင်ပါစေဗျ…🕊️

SPE🕊️

15/10/2025

🤍