MD_Mkhitaryan, Մուրացան մանկական հիվանդանոց (2025)

22/09/2025

Կարծես ամեն ինչ շատ տրամաբանական է. չէ՞ որ Կալցիումը մեր ոսկրամկանային համակարգի գլխավոր բաղադրամասն է, թող «շատ լինի քիչ չլինի», ու հետն էլ՝ ատամները շուտ կծկթեն...

Բայց☝🏻.

🦷 Ծկթման շրջանը բոլորովին պայմանավորված չէ կալցիումի հավելյալ ընդունումով։ Այն գենետիկ գործոնների ազդեցության և տարիքին համապատասխան առողջ աճով և զարգացմամբ պայմանավորված մի պրոցես է։

☝🏻Բացի այդ, արհեստականորեն տրվող ավելորդ Կալցիումի քանակությունը կարող է լինել վնասակար՝ նպաստելով փորկապության կամ այլ հանքանյութերի ներծծման (երկաթ) խանգարմանը։

🔰Այսպիսով՝ ոչ մի հավելում, մասնավորապես կալցիումը, չի նպաստում ատամների ծկթմանը կամ պրոցեսի արագացմանը։ Ավելի լավ է կենտրոնանալ լիարժեք ու բալանսավիրված սնուցման վրա և չխանգարել բնությանը 😊։

Իսկ դուք տվել ե՞ք ձեր փոքրիկներին կամ երբևէ լսել ե՞ք նմանատիպ նշանակման մասին։
Կիսվեք մեկնաբանություններում👇🏻։

Հ.Գ. թերթի'ր նկարները իմանալու համար ե՞րբ անհանգստանալ և պահպանիր Կալցիումով հարուստ սննդամթերքների ցուցակը։

Սիրով ձեր մանկաբույժ՝
Աննա Արծրունու Մխիթարյան 👩🏻‍⚕️

15/09/2025

Երբ աղջիկս՝ Լունան, դեռ նոր էր ծնվել և ամենաառաջին ծանր օրերն ու սպասումներն էին անցնում հիվանդանոցում, հորս հետ գրեթե չէինք զանգվում։
Մի օր նեղացած մորս հարցրի. «Պապան ինչի՞ա ուշ-ուշ զանգում, բացարձակ չի հետաքրքրվում ինձանով ու Լունայով»։
-Չափից շատա անհանգստանում...,- եղավ պատասխանը։

Պա ՜պ, ո ՜նց էի համարձակվում կարծել, թե չես հետաքրքրվում...
Հետո իմացա, որ ժամերով նայում էիր կյուվեզի փոքրիկ բնակիչ Լունայի տարբեր անկյուններից լուսանկարած ու ուղարկած իմ բոլոր նկարներն ու ինձ հետ հավասար, բայց լուռ հաշվում դանդաղ ավելացող ամեն մի գրամը...

Ամեն երեկո գալիս էիր հիվանդանոցի պատուհանի տակ կանգնում, իսկ պատուհանս ամենավերին՝ 8րդ հարկում էր, որտեղից դու տվյալ օրվա հագուստի գույնով նշմարվող մի կետ էիր երևում միայն, որ ես մի պահ ձեռքս դուրս հանեմ քեզ բարևելու համար։
Ոչ ոք չի էլ կարող պատկերացնել, թե օրվա էտ պահերին ինչքա~ն շատ էի սպասում, իմ Պա՜պ...

Քեզանից անվերջ կարելիա սովորել ու քեզանից անվերջ կարելիա լուսավորվել ու ես չգիտեմ ո~նց եմ արժանացել էս բախտին, որ հենց դու լինես իմ հայրը, բայց անսահման շնորհակալ եմ դրա համար🫶🏻։
Իմացիր, որ աննկարագրելի թանկ ես ու իմացիր, որ գրածդ նամակներն անգնահատելի են ու հատ առ հատ պահելու եմ հեռախոսիս մեջ ու իմ սրտում🫶🏻։

Սիրում եմ քեզ, Պա~պ, թող շնորհավոր լինի լուսավոր ու անծայրածիր առողջությամբ լցված ևս մեկ տարեդարձդ 🥳🤍։

05/09/2025

Ուշադրություն!!!
Վիֆերոնի և Գենֆերոնի մոմիկները չեն կարող ջերմություն իջեցնել, քանի որ ունեն բոլորովին այլ ֆունկցիա. դրանք հակավիրուսային / իմունոմոդուլյատոր դեղամիջոցներ են, այսինքն՝ խթանում են իմուն համակարգը, որպեսզի այն պայքարի վիրուսային հարուցիչների դեմ⚠️։

‼️Այս մասով պետք է լինել շատ զգույշ, քանի որ նույն այդ հակավիրուսային դեղամիջոցները չունեն վերջնական ապացուցված հիմք և ընդգրկված չեն որևէ միջազգային ուղեցույցում որպես բուժման միջոց!

Եվ վերջապես՝ միակ ապացուցված ջերմիջեցնողները թե' մանկական տարիքում, թե' մեծահասակների համար շարունակում են մնալ ացետամինոֆենն (պարացետամոլ) ու իբուպրոֆենը (նուրոֆեն)։

Դե կիսվեք տեսնեմ՝ երբևէ շփոթել ե՞ք այս մոմիկները ջերմիջեցնողների հետ👇🏻։

Եղեք տեղեկացված, առողջ և մի' մոռացեք կարդալ դեղամիջոցի ներդիրը նախքան դրա կիրառումը 🤍

Սիրով ձեր մանկաբույժ՝
Աննա Արծրունու Մխիթարյան👩🏻‍⚕️

18/08/2025

❌❌❌Ոչ, ոչ մի դեպքում և ոչ մի կերպ կանաչ կղանքը, այն էլ կրծքի հասակի երեխաների շրջանում, որևէ կապ չունի և չի կարող ունենալ ականջների բորբոքման հետ!!!

Ինչու՞. եկեք հասկանանք👇🏻

🔰Ականջների բորբոքումը, նույն ինքը օտիտը, դրսևորվում է ջերմության կայուն բարձրացմամբ և երեխայի մշտական անհանգիստ վիճակով, լացով, իսկ կրծքի հասակում նաև՝ հրաժարվելով ուտելուց!

🔰Կանաչ գույնի կղանքը, այն էլ կրծքի հասակի երեխաների շրջանում, ոչ մի բանի նշան էլ չէ, այն կարող է դիտվել թե' կրծքի կաթ և թե' կաթնախառնուրդ ուտող երեխաների շրջանում ու համարվել նորմայի տարբերակ այնքան ժամանակ, մինչ ձեր երեխան նորմալ սնվում է ու քաշ ավելացնում, աղիների աշխատանքն էլ իրեն անհանգստություն չի պատճառում։

⚠️Կղանքի գույնի փոփոխություն կարող է դիտվել աղիքային, շնչառական վարակների, օգտագործած սննդի ու անգամ դեղորայքի դեպքում։ Հետևաբար՝ միշտ մնացեք ձեր մանկաբույժի հսկողության ներքո!

Եղեք տեղեկացված, առողջ ու քիչ հավատացեք միֆերին 🙂

Սիրով ձեր մանկաբույժ՝
Աննա Արծրունու Մխիթարյան👩🏻‍⚕️

14/08/2025

Ջրծաղիկն արդեն կանխարգելելի է!!!

Իրականում այս պատվաստումը բոլորովին նոր չէ, բայց կատարվում էր միայն որոշ մասնավոր կլինիկաներում, այն էլ՝ վճարովի հիմունքով։
Այսօր ջրծաղիկի դեմ պատվաստումն արդեն մտել է ՀՀ պատվաստումների ազգային օրացույցի ցանկ, այսինքն՝ այլևս իրականացվում է անվճար հիմունքով, բոլոր տեղամասերում, 1տ հասակում ԿԿԽ-ի (Կարմրուկ, Կարմրախտ, Խոզուկ) հետ միասին!

Կարևոր հիշեցում. պատվաստումները պետք է ստանալ երեխայի առողջ վիճակում!

Իսկ ձեր երեխան արդեն ստացել է՞ ջրծաղիկի դեմ պատվաստում կամ պատրաստվում ե՞ք ստանալ այն, կիսվեք մեկնաբանություններում👇🏻։

Պատվաստումները կյանքեր են փրկում‼️
Եղեք տեղեկացված, առողջ և պատվաստված🤍

Սիրով ձեր մանկաբույժ՝
Աննա Արծրունու Մխիթարյան👩🏻‍⚕️

12/08/2025

Կարծում եմ «զելյոնկան» կամ նույն ինքը՝ բրիլիանտ կանաչը, արժանացել է առանձին հատուկ գրառման, քանզի մինչ օրս, ի զարմանս ինձ, դեռ շարունակում է օգտագործվել ժողովրդի կողմից ջրծաղիկի ժամանակ🙄։

Այո, փոքր ժամանակ բոլորիս են քսել այդ անտանելի մրմռացնող կանաչ լուծույթը, որից հետո ուզում էիր մի ամբողջ տոռնադո բարձրանար, որ փչող քամու ուժը հանգստություն պարգևեր🌪️, իսկ դրանից հետո շաբաթներով դեմքիդ մաշկից չանցնող կանաչ հետքերը քեզ ոչ այլ ոք, քան Շռեկին էին նմանեցնում🤢, ու այո, շատերս ենք անվնաս լավացել այս ամենից, բայց, եկեք մեկընդմիշտ հիշենք⁉️.

⚠️«Զելյոնկան» չունի որևէ հակավիրուսային կամ հակաքորային ազդեցություն, այն պարզապես հակասեպտիկ է։
⚠️Կանաչ գույնով ներկելով բշտիկներին՝ քողարկում ենք հիվանդության ընթացքը, այսինքն՝ դարձնում ենք դժվար նկատելի ցանային էլեմենտի փոփոխությունները։
⚠️Եվ վերջապես, «զելյոնկան» կարող է տեղային մաշկային գրգռում, ընդհուպ՝ այրվածք առաջացնել, հատկապես վնասված բշտիկների շրջանում։

‼️Այսպիսով՝ չօգտագործել «զելյոնկա» ջրծաղիկի ժամանակ, փոխարենը՝ ջերմիջեցնողներն (պարացետամոլ) և հակաքորային (հակահիստամինային) միջոցները լիովին բավարար են։
Հա ու մեկ էլ՝ համբերություն, ծով համբերություն 😏։

Դե կիսվեք տեսնեմ «զելյոնկայի» մասին մանկության ձեր դառը հիշողություններով😀 և կան արդյո՞ք մարդիկ, որ օգտագործել կամ խորհուրդ են ստացել կիրառել այն հիմա՝ 21րդ դարում։

Եղեք տեղեկացված, առողջ և «չզելյոնկայված» :)

Սիրով ձեր մանկաբույժ՝
Աննա Արծրունու Մխիթարյան 👩🏻‍⚕️

04/08/2025

-Կոքսակի՞, էտ ի՞նչ նոր վիրուսա...
Եկեք պատմեմ 💁🏻‍♀️

🔰Կոքսակին խիստ վարակիչ, ջրծաղիկին շատ նման բշտիկային ցանով դրսևորվող վիրուսային վարակ է, էնտերովիրուս, որին հեշտորեն կարող եք տարբերակել ու ճանաչել ինքներդ, քանի որ ունի հստակ տեղակայում, մասնավորապես՝ ձեռքեր (ափեր)-ոտքեր (ներբաններ)-բերանի շուրջ 🖐🏻🦶🏻👄։

📝Ախտանշաններ.
🔰Ջերմության բարձրացում
🔰Կոկորդի ցավ
🔰Ընկճված ախորժակ
🔰Ցավոտ բշտիկների տարածում (3-5 օր անց)

🔍Կարևոր փաստեր.
✔️Առավել տարածված է մինչև 5տ հասակը։
✔️Ցանն անցնում է 7-10 օրվա ընթացքում։
✔️Հատուկ բուժում գոյություն չունի, ինքնալավացող վարակ է։

⚠️Ահազանգել և դիմել մանկաբույժի, երբ երեխան.
❌Հրաժարվում է հեղուկներից (ջրազրկում)
❌Տևական ու բարձր ջերմում է
❌Թույլ է, գանգատվում է գլխացավից։

Պատմեք տեսնեմ՝ ծանոթ վարակ է՞, առնչվել ե՞ք, հիվանդացե՞լ, տանջվե՞լ ))

Եղեք տեղեկացված, առողջ և չկոքսակիացված 🤍

Սիրով ձեր մանկաբույժ՝
Աննա Արծրունու Մխիթարյան👩🏻‍⚕️

21/07/2025

Պատմում եմ հայկական իրականություն.
Բաց պատուհան, առանց ամրագոտու դիմացը թրվռացող 3-4տ երեխա ու անչափ ուրախ ծնողներ...

Կամ այս մեկը.
Էլի նույն տարիքային խմբից, հայրիկի գրկում կիսանստած ու ղեկից կառչած երեխա, նորից բաց պատուհան, բարձր միացրած երաժշտություն ու ծնողի հպարտ դեմք, թե բա՝ «էրեխեն ուզումա պապայի ավտոն քշի»...
Ծանոթ է՞ր, դուք էլ ե՞ք հանդիպել ...

⚠️Հիմա պատմեմ աշխարհում կատարվող իրականության մասին. ավտովթարներից տարեկան մահանում է շուրջ 1,3մլն մարդ, որից 300.000ը մինչև 18տ երեխաներ են...

Մեքենայում երեխայի անվտանգության պահպանման համար հետևեք մի քանի պարզ կանոնների.

✅Ամրակապեք տարիքին համապատասխան (թերթի'ր կից նկարները)։
✅Ուշադրություն դարձրեք քարսիթի (carseat) ֆիքսացիային.
այն պետք է լինի ամուր, չտատանվող։
✅Չի թույլատրվում նստել մեքենայի դիմացը մինչև 13տ հասակը!
✅Ամրագոտին կարելի է օգտագործել սկսած 12տ-ից կամ 135սմ և ավել հասակից (մինչ այդ՝ տարիքին համապատասխան քարսիթ)
✅Մի' թողեք երեխային միայնակ մեքենայի մեջ, անգամ կարճ ժամանակով, այն էլ՝ շոգ եղանակին. դա կարող է հանգեցնել ջերմային հարվածի զարգացման։

Մտածեք ձեր երեխայի առողջության մասին, անգամ փոքրիկ նախազգուշական քայլերը կարող են կյանքեր փրկել!

Իսկ դուք օգտագործում ե՞ք քարսիթ և ո՞ր տարիքից եք սկսել, թե՞ ձեր երեխան հրաժարվում է նստել մեջը։ Կիսվեք մեկնաբանություններում👇🏻։

Եղեք տեղեկացված, առողջ ու ամրակապված🤍
Սիրով ձեր մանկաբույժ՝
Աննա Արծրունու Մխիթարյան🧑🏻‍⚕️

19/07/2025

-Դու գեշ հարս ե՞ս,-հարցրեց ամուսնուս բարեկամուհին՝ արդեն անչափ սիրելի դարձած ու իր մշտապես «ստուգող» հարցերով հոգիդ ուսումնասիրող Մանուշ մամը։
Մի պահ շիվարեցի, շփոթվեցի, չհասկացա... «Գե՞շ»... բայց ինչի՞... մեկ էլ արագ հիշեցի, որ Ջախախքում գեշ նշանակում է վատ, այլ ոչ տգեղ, ինչն, իհարկե սփոփանք չբերեց, այլ միայն կրկնապատկեց շփոթությունս....
«Վատ հա՞րս, ե՞ս»...
Պատասխանեցի՝ «եկ գնանք սկեսուրիս հարցնենք», ծիծաղեցինք, իբր կատակի տվեցինք, դուրս եկանք տանից ու ընկա մտորումների մեջ...

Խորհեցի, խորհեցի ու հասկացա....

Գեշ չես, եթե բոլորովին անծանոթ ու օտար գյուղը դառնում է այնքա~ն հարազատ, որ ամեն անգամ էնտեղ գնալու, ապա արդեն գյուղ մտնելու ճանապարհից հրճվանք ես ապրում... Գեշ չես, երբ էնտեղ ապրող մարդկանց հանդիպելիս հոգիդ նորից ջերմանում է ու ցնծությամբ լցվում...

Գեշ չես, երբ դիմացի տան այնքա~ն սիրելի բակն իր փայտյա ճոճանակով, որ կարող է անսահմանափակ տեղավորել բոլորին ու նույնիսկ Կոկո շունիկին, ամեն անգամ լուսավորում է ներսդ, իսկ այդ տանն ապրող մարդիկ սեփական բարեկամներիցդ վեր են սկսում դասվել քեզ համար...

Գեշ չես, երբ գյուղից դեռ չհեռացած կարոտն է պատում հոգիդ, որովհետև սիրում ես բոլորին, անմնացորդ ու նվիրված...

-Չէ Մանուշ մամ, «գեշ» հարս չեմ, որովհետև սիրում եմ էնքան խո~րը ու նպատակային տրվող հարցերդ, գեշ հարս չեմ, որովհետև սիրում եմ քեզ ու շրջապատիդ մարդկանց, գեշ հարս չեմ, բայց թող դա արդեն գյուղն ասի իմ փոխարեն, իսկ ես ուղղակի համեստորեն լռեմ, միասին ծիծաղենք այնքա~ն տարօրինակ հարցերիցդ ու ասենք մնաս բարո~վ, կհանդիպենք հաջորդ ամառ։

06/07/2025

Հուլիսի 3-5ը Մադրիդի Կոմպլուտենս համալսարանում մեկնարկեց 14-րդ Համահայկական բժշկական կոնգրեսը, որը միավորեց հայ բժիշկներին ու հետազոտողներին ողջ աշխարհից՝ Հայաստանից մինչև սփյուռք🇦🇲։

Ինքս էլ պատիվ ունեցա մասնակցել ու ներկայացնել հայկական բժշկագիտությունը, ինչի համար հպարտ եմ ու երախտապարտ!

Գիտությունը չի ճանաչում սահմաններ, գիտությունը չի ճանաչում ազգային ու ռասսայական տարբերություններ, մշակույթ, կրոն, լեզու, պատերազմներ...

Գիտությունը հիմքն է բժշկության, առանց մեկի չկա մյուսը։ Պիտի զարգացնենք հայկական գիտությունը, որ ունենանք ավելի լավ բժշկություն ու մեծացնենք ավելի առողջ սերունդ !!!

09/06/2025

Հիշում ե՞ք ժամանակին ինչ էին անում ձախլիկ երեխաների հետ դպրոցներում. փորձում էին փոխել դա, իսկ գիտե՞ք ինչու. զուտ «հավասարության ու եղբայրության» գաղափարին համապատասխան լինելու համար... որ հանկարծ չտարբերվեիր...

Գիտությունը զարգացավ ու պարզեց, որ աջլիկ-ձախլիկությունը զուտ գենետիկայի հարց է ու վերջ, հետն էլ՝ IQ-ի մակարդակը չունի որևէ ուղիղ անմիջական կապ ձեռքի կողմի ընտրության հարցում :)
Ես էլ՝ դմբոս, այնքան էի միշտ նեղվում, որ աջլիկ եմ ծնվել ու բավարար խելացի չեմ փաստորեն 😏։

Ի դեպ՝ շատ երեխաներ, ում ստիպողաբար ձեռքի ուղղություն էր փոխվել, սկսել էին ունենալ ուսուցման ու խոսքի դժվարություններ...

⚠️Առհասարակ աջլիկ-ձախլիկության ընտրությունը սկսվում է 3-4 տ-ում, իսկ վերջնական դոմինանտ դառնում՝ 5-6տ-ում։

⛔️Ու հենց էստեղ է ամենից կարևոր կետն ու անհանգստությունը ծնողի համար, այսինքն, եթե ձեր երեխան մինչև 18 ամսական հասակը օգտագործում է միայն մեկ ձեռքը, ապա սա չի խոսում իր շատ խելացի «վունդերքիդ» լինելու մասին, այլ՝ բոլորովին հակառակը. հարկավոր է ստուգել նրա նյարդաբանական զարգացումը‼️։

Իսկ դուք ու ձեր երեխան աջլիկ եք, թե՞ ձախլիկ։ Փորձել ե՞ն փոխել ձեր ձեռքի ընտրությունը դպրոցում։ Կիսվեք մեկնաբանություններում👇🏻։

Սիրով ձեր աջլիկ մանկաբույժ՝
Աննա Արծրունու Մխիթարյան 🧑🏻‍⚕️

03/06/2025

-Արի քանի փոքրա, ականջները ծակենք պրծնենք, հիմա հեշտ կլինի, չի էլ հիշի...

*Ու սա հաճախ վերաբերում է ընդամենը մի քանի ամսական երեխաներին...

Հարգելիներ, մի' արեք նման բան‼️

Բացատրեմ ինչու👇🏻.
Մեծանում է՝
❌Վարակի զարգացման ռիսկը (վաղ հասակի երեխաները չունեն լիարժեք ձևավորված իմուն համակարգ, հետևաբար՝ ականջը դակելուց հետո ոչ ճիշտ խնամքի կազմակերպումը կարող է հանգեցնել վարակի ներթափանցման)
❌Ալերգիկ ռեակցիայի առաջացման հավանականությունը (որոշ մետաղական օղերի նկատմամբ)
❌Վնասումը (ազգուշորեն քաշել-վնասել ականջը)
❌Ո՞վ է ասել՝ վաղ հասակի երեխաները ՑԱՎ չեն զգում (զգում են, այն էլ ո~նց. հաճախ կարող է մանկական տրավմայի հետևանք մնալ)
Եվ վերջապես՝
❌Դուք զրկում եք ձեր երեխաներին իրենց սեփական մարմնի նկատմամբ որոշում կայացնելու իրավունքից‼️

Այո, ավանդույթներն ու մշակույթը կարևոր արժեք ունեն, դրանք պահպանում ու առանձնացնում են մեզ որպես ազգություն, բայց մի բան անելուց առաջ նախապես մտածեք՝ արդյո՞ք արժի անել այն, ինչը կարող է վնաս հասցնել...

Լսել ե՞ք, արել ե՞ք... ինձ էլ են արել... բայց արժե՞ր որ... Կիսվեք մեկնաբանություններում ձեր փորձով ու կարծիքով👇🏻։

Եղեք տեղեկացված, առողջ ու պահեք ձեր աղջիկ երեխայի մի քարանի ոսկուց օղերը զուտ օժիտի համար 😏🤭😀

Սիրով ձեր մանկաբույժ՝
Աննա Արծրունու Մխիթարյան👩🏻‍⚕️

MD_Mkhitaryan