المعمل الحديث

17/11/2015

البنت عندها التهاب فى المخ !!
بتقول ايه يا دكتور ... ازاى ؟؟.. من ايه ؟؟ و انهارت فى البكاء ...
الموضوع طويل ومهم .. و لو انتى من النوع الموسوس ... اقرأى الموضوع برده ...و اعملى شير يمكن تفيدى غيرك ..
نبدأ القصة من الاول ..
دكتور أعصاب صديقى اتصل بيا ... و بيقوللى انت فى العيادة دلوقتى .. قلتله ايوه ..
قال لى عندى حالة... بنت سنتين و شهرين و عايزك تقول رأيك فيها ..انا شاكك انها التهاب فى المخ ..(بحكم عملى فى مستشفى الحميات .. بنشوف الحالات دى كتير و عندنا خبرة فيها... ) .
جه الاب و الام بالبنت علطول ..قلتلهم ايه الحكاية ..
قالو البنت بقالها 6 ايام سخنه ... و من 3 ايام بدأت تتوه شوية و متبقاش مركزه معاهم و حاسين انها مش مظبوطة .. هى صاحية و مفتحة عنيها ..بس مش مركزه معانا .. فخدناها مركز أطفال..... .. علق للبنت محاليل و كتبولها على مضاد حيوى حقن ... ولغاية النهارده مش مظبوطة و لا بتاكل و لا بتشرب
رحنا تانى علقنا للبنت محاليل فى مركز الاطفال ..... و قالولنا لازم تروحو بالبنت مستشفى الحميات .. فروحنا للدكتور المنشاوى ...فكلم حضرتك ...و جينا ..
فحصت البنت...
و قلت للأم بصى يا مدام ....
البنت عندها التهاب فى المخ طبعا !!..
و حالة البنت متأخرة كمان لأن بقالها كام يوم و مخدتش علاج مظبوط ..
المهم قمت بتحويل الحالة عندنا فى مستشفى الحميات ... و تم حجزها فى وحدة الحالات الحرجة ..
و قلت لأهلها ... المشكلة ان البنت كانت المفروض تاخد علاج مظبوط من اول ما بدأت تتوه و درجة الوعى تتغير ... و الفترة دى ( بقالها 3 ايام ) الالتهاب شغال و بدأ يأثر على مراكز المخ ...و هنبدأ علاج طبعا مضادات حيوية و مضادات للفيروسات و محاليل لتقليل الارتشاح المائى على المخ ..وهنعمل التحاليل الاخرى اللى بتستبعد اسباب اضطراب الوعى ( سكر الدم - بولينا - كرياتنين - غازات الدم ....)
و مش هنستعجل فى الحكم على العلاج ...يعنى مش قبل 72 ساعة لما يبان جديد ..
عملنا اشعة مقطعية على المخ و اشعة رنين مغناطيسى الاول (لقينا فيه ارتشاح مائى خفيف فى انسجة المخ brain edema..
و على تانى يوم عملنا بذل للسائل النخاعى ( عينه من الظهر ... زى حقنة البنج النصفى ) و تم تحليلها و تأكيد التشخيص بأنها حالة التهاب فى المخ ..
المهم البنت فضلت فى شبه غيبوبة لمدة اكتر من 72 ساعة ...و على آخر اليوم الرابع بدأت تعيط ...( و دى علامة كويسه جدا و مطمئنه ان البنت بدأت تسترد وعيها شوية )..
و بدأت تفتح عنيها على اليوم الخامس ... و بدأت تتحرك بالتدريج ..
و كملت علاج فى المستشفى لمدة 14 يوم تقريبا ... و خرجت من المستشفى كويسة الى حد ما ( مع وجود تقل بسيط فى حركة القدمين .. بدأ يتحسن بعد كده ) ..و الفضل لله طبعا ثم فى طاقم التمريض بالمستشفى اللى تعب جدا مع الحالة ..فجزاهم الله خيرا
- طيب هو ايه التهاب المخ ؟؟
-هو عدوى في انسجة المخ... في اغلب الاحيان سببه فيروس مثل الهربس او الانتيرو فيرس او الفيروسات المعوية (بعد نزلة معوية ) او بسبب فيروس داء الكلب او بسبب مضاعفات من مرض الحصبة الالمانى و الغدة النكفية ( و علشان كده التطعيم بتاع الحصبة الالمانى مفيد ) ....و ممكن يحصل بسبب عدوى بكتيرية و التهاب فى اغشية المخ ( التهاب سحائى ) و ينتقل الى انسجة المخ نفسه . و بيحصل فى اى سن من اول شهر و طالع ...

و ناس كتير هتسأل العدوى جت منين ...؟؟
العدوى بتحصل عن طريق فيروس ضعيف جدا و هايف جدا زى فيروس الانفلونزا .. بس بيحصل تعب لظروف معينة .. كنقص المناعة...سوء تغذية ..عدوى من شخص مريض .. وبيحصل فى أحسن العائلات
بس بصراحة أغلب حالات التهاب المخ و الالتهاب السحائى اللى بنشوفها تقريبا 95% بيكون الطفل بيرضع صناعى للأسف ...
- أعراضة ؟؟؟
- تشبه اعراض الانفلونزا الى حد كبير
1- الحمى و ارتفاع درجة الحرارة و الترجيع بشكل ملفت
2- ضعف فى الرضاعة ( الطفل مش بيرضع كويس زى ما هو متعود وهبطان )
3 -تغيرات في الوعي ( دى أهم حاجه ) الام بتلاقى الطفل تايه و مش مركز معاها ...
4- تشنجات ( ولازم نميزها عن التشنجات الحرارية اللى بتفك علطول و الطفل بيبقى طبيعى جدا بعدها )
5- الهلوسه و اخيرا فقدان الوعي
6 - قد يحدث تصلب فى الرقبة ( لو التهاب سحائى بأغشية المخ .. او حمى شوكية و حصل مضاعفات و وصل الالتهاب للمخ ..
الموضوع مخيف .. تخيلو .. بيحصل التهاب فى انسجة المخ ... فى مراكز التحكم فى الجسم كله ..و اهم ما فى الموضوع ... كل ما نلحق الطفل بدرى كل ما بيكون التحسن سريع ( قبل ما الالتهاب يزيد ) و اقل فى حدوث مضاعفات ..
المضاعفات :
التأخر فى بدأ العلاج بيدى فرصة للفيروس انه يحدث التهاب و تأثير مستديم على مراكز المخ .. و من امثلة المضاعفات اللى ممكن تحصل ..ضعف مستديم فى العضلات ...او شلل ... تأثر الذاكرة ...اعاقة فى السمع او النظر او الكلام .. ربنا يعافينا جميعا ..
أهم حاجه فى الموضوع دا .. او الخلاصة ..
=======================
لو الطفل سخن ودرجة الوعى بتاعته مش مظبوطة
و تايه كده و مش على طبيعته
او حصل تشنجات و بعدها الطفل لم يسترد وعيه كويس ...
او الرضاعة ضعيفة.. بياخد مصتين و مش قادر يرضع ( يبدو عليه علامات الاعياء ) ..
لازم دكتور حميات يشوفه ...
لأن سرعة التشخيص و علاج الحاله بيمنع مضاعفات كتيرة ...بالاضافة الى الخبرة فى تشخيص هذه النوعية من الامراض
و علشان كده الناس الكبيرة ... بيقولو احنا أكتر حاجه بنخاف منها هى السخونية لان زمان الحالات مكنتش بتتشخص بسهولة و كانت غالبا بيحصل منها مضاعفات زى ما قلنا ..
و نسبة حدوث هذه الامراض بسيط و الحمد لله و ليس الهدف من الموضوع هو نشر الخوف بقدر ما هو التوعية بمرض خطير له علاج .. بس عند أهل الخبرة ..و الله هو الشافى طبعا ..
و للسادة الزملاء الاطباء ... بعض التفاصيل ...

http://www.mayoclinic.org/diseases-conditions/encephalitis/basics/definition/con-20021917
و مرحبا بالتعليقات بخصوص الموضوع فقط ..




#غيبوبه

22/02/2015

مرض التيتانوس****

مرض شديد الخطورة من الممكن أن يؤدي إلى أضرار بالغة للجهاز العصبي عن طريق بكتيريا تعرف بالكوليستيريديم (Clostridium tetani). توجد تلك البكتيريا في التربة الملوثة و داخل أمعاء الإنسان والحيوانات.
الفئة العمرية الأكثر عرضة للإصابة :
العدوى يمكن أن تصيب جميع الأعمار .
أعراض مرض التيتانوس ****
- تحدث أعراض مرض التيتانوس خلال (يوم لسبعة أيام ) حيث يحدث : تشنجات في العضلات نتيجة لإفراز بعض السموم في منطقة الجرح. الأرق الصداع.
عدم الشعور بالراحة.
يؤدي إفراز سموم التيتانوس إلى حدوث تشنجات في معظم عضلات الجسم ومن أهم تلك العضلات عضلات الفك ,حيث يؤدى ذلك إلى إغلاق الفك بواسطة العضلات المحيطة به (trismus).
ينتج عن تلك التشنجات حدوث أضرار بالجهاز التنفسي ووجود صعوبة في التنفس مما قد يؤدي إلى حدوث الوفاه..
أسباب مرض التيتانوس***
الجروح الملوثة مثل تلك التي تسببها المسامير، الشظايا، أو لدغات الحشرات، هي المواقع المفضلة لدخول البكتيريا أماكن تعاطي المخدرات .
الحروق.
مضاعفات مرض التيتانوس***
مضاعفات نتيحة للإصابة بمرض التيتانوس: يؤدي إفراز سموم التيتانوس إلى حدوث تشنجات في معظم عضلات الجسم ومن أهم تلك العضلات عضلات الفك ,حيث يؤدى ذلك إلى إغلاق الفك بواسطة العضلات المحيطة بالفك (trismus). ينتج عن تلك التشنجات أيضا حدوث أضرار بالجهاز التنفسي ووجود صعوبة في التنفس مما قد يؤدي إلى حدوث الوفاه.
مضاعفات نتيحة لللقاح : من الممكن حدوث مضاعفات لللقاح وهي تحدث في 25% من متلقى اللقاح ,وعادة ماتكون عبارة عن حدوث ألم بسيط ,تورم , وإحمرار في مكان التطعيم ومن الممكن حدوث حساسية كرد فعل للتطعيم. تشخيص مرض التيتانوس***
يعتمد الأطباء على : التاريخ المرضي : لتشخيص مرض التيتانوس مثل حدوث تشنجات أو تصلب في العضلات .
الفحص الطبي :
الإختبارات المعملية غير مفيدة لتشخيص التيتانوس.
علاج مرض التيتانوس المضادات الحيوية : ويكون الهدف من إعطاء المضادات الحيوية هو علاج مصدر العدوى. المتابعة داخل المستشفى: خوفاً من حدوث أضرار للجهاز التنفسي , مما قد يؤدى إلى حدوث الوفاه. جهاز التنفس الصناعي : يستخدم في الحالات شديدة الخطورة اللقاح: ويعطي للمريض بعد الإصابة بمرض التيتانوس , حيث أن الإصابة بمرض التيتانوس لا تعطى الجسم مناعة كاملة ضد المرض. الوقاية من مرض التيتانوس**
- التحصين النشط : يعد من أهم الطرق للوقاية من أضرار مرض التيتانوس. يتم إعطاء الأطفال جرعة من لقاح التيتانوس عند شهرين وتختتم الجرعات عند سن الخامسة . يتم إعطاء جرعة إضافية عند سن الحادية عشر. ويجب المتابعة كل 10 سنوات تجنبا للإصابة بمرض التيتانوس - إتخاذ بعض الإحتياطات اللازمة متل الحفاظ على الجروح نظيفة وبعيدة عن مصدر العدوي.

13/02/2015

صباااح الخيراات

12/02/2015

الدهون ...
إن زيادة نسبة الدهون في الدم و تشمل الدهون الثلاثية و الكلسترول ، من أهم مسببات تصلب الشرايين بحيث تفقد الشرايين مرونتها و قدرتها على التمدد و الانكماش الضروري للتحكم في ضغط الدم ، فعند ارتفاع ضغط الدم تقوم الأوعية بالتمدد و عند الانخفاض في الضغط تنكمش الأوعية الدموية لكي تحافظ على المعدل الطبيعي لضغط الدم.

توجد الدهون بشكل طبيعي في دم الإنسان ، و في حالة زيادتها فإنها تتراكم على الجدران الداخلية للأوعية الدموية مما يحدث تصلباً فيها ، ذلك التصلب يزيد من ضغط الدم مما ينعكس ذلك سلباً على القلب معرضاَ المصاب بارتفاع نسبة الدهون إلى أمراض القلب و مضاعفات ارتفاع ضغط الدم من حدوث تجلطات دموية و سكته قلبية أو دماغية أو فشل كلوي مزمن و كذلك يؤثر على الجهاز العصبي على المدى البعيد من المرض.

الأسباب و عوامل الخطورة /

تتمثل الأسباب الرئيسية في عاملين أساسين هما:
ارتفاع نسبة الكولسترول السيئ "ينقل الدهون من الكبد إلى الدم"
انخفاض نسبة الكولسترول الجيد"ينقل الدهون من الدم إلى الكبد"

و يرجع ذلك لعدة مسببات من أهمها :

عوامل لا يمكن تغييرها مثل الوراثة و الجنس "الإناث أكثر عرضة من الرجال".
الإفراط بتناول الأطعمة الغنية بالدهون المشبعة و الزيوت و شرب الكحوليات.
قلة النشاط الرياضي و السمنة و عادات الغذاء الغير صحية.
تناول بعض الأدوية مثل حبوب منع الحمل و الكورتيزون و مدرات البول.
مرض السكري و متلازمة كوشينغ و الفشل الكلوي و انخفاض إفراز الغدة الدرقية.

الأعراض و العلامات /

غالباً لا يوجد أعراض محددة خاصة بارتفاع نسبة الدهون في الدم و لكن يمكن التعرف على المرض من خلال الفحوص المخبرية المتعلقة بالدم.
الفحوصات التشخيصية/

يعتبر فحص الدهون المقترن بالصوم Fasting Lipoprotein Test من أهم الفحوصات شيوعاُ يمكن من خلالها التعرف على مستوى نسبة الكلسترول العام و الجيد و السيئ و الدهون الثلاثية ، و تكون نسبة الكلسترول العام بحدود 200 مليجرام لكل 100 مل ، و يتطلب أن يصوم المريض 8 ساعات قبل الفحص، ثم تسحب عينة من الدم الوريدي و يتم إرسالها إلى المختبر، و بزيادة نسبة الكلسترول السيئ يتضاعف خطر الإصابة بأمراض القلب و تصلب الشرايين.

العلاج /
يكمن العلاج في تشخيص سبب المرض ، و بطبيعة الحال لا يمكن إيجاد علاج نهائي للمرض إذا كان بسبب الوراثة، و هناك خطوات للوقاية و العلاج تتمثل فيما يلي :

هرم الغذاء الصحي، ينصح اتباعه من أجل الوقاية من ارتفاع الكولسترول في الدم

الغذاء و الرياضة :
التقليل من تناول الأطعمة الدسمة و الغنية بالدهون.
الإكثار من تناول الخضروات و الفواكه الغنية بالألياف.
إتباع حمية غذائية بوصفة مختص بأمور التغذية.
زيادة النشاط الرياضي و الانضمام إلى أندية الرشاقة و تخفيف الوزن.
الدواء:
يعتبر العلاج الدوائي الخط الثاني لعلاج أمراض ارتفاع نسبة الدهون و الكولسترول في الدم ، و ذلك بعد فشل الحميات الغذائية علاج المرض.

المضاعفات/
تزداد المضاعفات بإزياد ارتفاع نسبة الكولسترول السيئ و الدهون الثلاثية و تشمل :
تصلب الشرايين و الذي يسبب ارتفاع ضغط الدم و تكون جلطات قاتلة.
أمراض الشرايين التاجية و هي الشرايين المغذية للقلب مسببة ذبحة صدرية ثم سكتة قلبية.
حدوث سكتة دماغية.
حدوث سكتة قلبية قد تودي للوفاة.
طرق الوقاية :

حافظ على الوزن المثالي و التغذية الصحية السليمة بالتقليل من تناول الدهون و مشتقاتها.
حافظ على أداء تمارين رياضية يومياً بمقدار نصف ساعة يومياً مثل الجري و نط الحبل للإناث و السباحة و لعب كرة القدم أو الرياضة التي تجدها مناسبة لك.
واضب على اجراء فحوص دورية .

12/02/2015

11/02/2015

يا فتاح يا عليم . يا رزاق يا كريم

08/02/2015

صبااااااااااااااااااااااح الخيييير

04/02/2015

صباح الخيرات

04/02/2015

صفحة الغرض منها الرد عن كل الاستفسارات بخصوص التحاليل ?

02/02/2015

صبحكم الله بالخيرات .ورزقكم العافية .
سؤال بيجى فى بالنا كتير امتى اشك فى السكر واحتاج اعمل تحليل علشان اطمن ..
دايما مجهد .. كثرة التبول .. فقد مفاجىء للوزن .. لما بتجرج الجرح مش بيلتئم .. بجوع كتييير .. زغلله ... بالنسبة للنساء فى التهابات مهبليه باستمرار .. بعطش كتيير .. تنميل او الم فى الاطراف الايدين والرجليين ..
دى اعراض ممكن تشككنى لكن متجزمش ان فى سكر . يبقى علطول اعمل تحليل سكر عشوائى ومعاه عينة بول .

31/01/2015

قياس الضغط من الحاجات المهمة خصوصا لو عندى مريض ضغط او شخص كبير فى السن . بالسماعه بقيس بداية سماع ضربات القلب اللى فى الشخص الطبيعى بتكون حوالين 80 وبستمر حتى اخر صوت للضربات واللى بيكون حوالين 120 اعلى مفيش صوت اقل من 80 مفيش صوت .. كده سهل انى اتابع الضغط ..

30/01/2015

للناس اللى بتعانى من انيميا الحديد وبقول الحديد لان مش كل انيميا بيكون سببها نقص الحديد .دى بعض الاطعمه الغنية بالحديد .. الخرشوف الخضار الغامق البقوليات اللحوم الحمراء المحار صفار البيض السكالوب ..