What are the opening hours?

Monday 6am - 2am Tuesday 6am - 2am Wednesday 6am - 2am Thursday 6am - 2am Friday 6am - 2am Saturday 6am - 2am Sunday 6am - 2am

https://www.facebook.com/1723537761267947/

أجزاخانة الصحة, Minya el-Qamh (2025)

19/10/2025

سهر، تعب، إرهاق...
كل ده بيزود الهالات وبيخلي عيونك شكلها تعبان 😢

بس دلوقتي تقدري ترجعي النور والنضارة لعيونك مع Youlicious Bright & Glow Eye Cream

كريم ذكي بـتركيبة 5×1:
🔹 يقلل الانتفاخ والهالات
🔹 يرطب بعمق
🔹 يعالج الخطوط الرفيعة
🔹 يفتح منطقة تحت العين
🔹 ويخلي نظرتك أنعش وكلها طاقة في أسابيع قليلة.

كريم غني بتركيبة فعالة بتعالج كل علامات التعب حوالين العين 👀
🔹 يقلل الهالات السوداء بفضل فيتامين C
🔹 يرطب بعمق بـ حمض الهيالورونيك
🔹 ينشط الدورة الدموية بـ الكافيين لعلاج الانتفاخ والخمول

نتيجته؟
عيون جذابة وكلها نضارة 😍

لأن ببساطة عيون الباندا مش لايقة عليكي! 💚

18/10/2025

‎مش علاج للبرد.. ده بيمنعه يجيلك!! 😎
‎ناس كتير أول ما تحس بكحة أو برد، تجري تاخد مضاد حيوي!
‎بس الحقيقة إن Broncho-Vaxom مش مضاد حيوي خالص 💁🏻‍♂️

‎ده مكمل بيقوي مناعتك ضد التهابات الجهاز التنفسي،
‎يعني جسمك نفسه بيتعلم إزاي يقاوم الميكروبات قبل ما تصيبك العدوى 💪🏻

‎🔹 مناسب للكبار وللأطفال
‎🔹 يقلل التهابات الصدر والجيوب الأنفية
‎🔹 وبيخليك تستغنى عن المضاد الحيوي اللي بتكرره كل شوية

‎خليك أذكى من البرد..
‎ابدأ الوقاية قبل ما يبدأ المرض 🤫

‎✏️يتم استعماله تحت إشراف طبي
‎
‎

17/10/2025

بتحسي إنك دايمًا مرهقة؟
بتبدأي يومك بطاقة قليلة، ومش قادرة تكملي كل مسؤولياتك؟

جسمك مش ضعيف... هو بس محتاج دعم من جوه 👌🏻

🔹 Nutriville Women Multivitamin
كبسولة واحدة يوميًا تمد جسمك بكل العناصر اللي محتاجها عشان ترجعي نشاطك وحيويتك الطبيعية.

✅ الكبسولة بتحتوي على 12 نوع فيتامين و10 معادن أساسية، من أهمها:
فيتامين A: بيحافظ على نضارة البشرة وصحة النظر.
فيتامين C: يقوي المناعة ويقلل التعب.
فيتامين D: بيساعد على امتصاص الكالسيوم وتقوية العظام.
فيتامين E: بيحمي الخلايا من الأكسدة ويحافظ على شباب البشرة.
مجموعة فيتامينات B (B1، B2، B3، B5، B6، B9، B12، والبيوتين): بتنشط الطاقة، وبتقلل الإرهاق، وبتحسن التركيز والمزاج.

كل العناصر دي في كبسولة واحدة بتدي جسمك اللي محتاجه عشان يبدأ يومه بقوة وينهيه بنفس النشاط.

12 فيتامين في كبسولة واحدة هتحتاجي إيه أكتر من كده!💁🏻‍♀️ 💚
اعملي كومنت لو مهتمة تعرفي سعره 👇🏻

#فيتامين

16/10/2025

‎تعرف إن حفظ الدواء غلط ممكن يقلل مفعوله؟!

‎كتير مننا بيحطوا أي مضاد حيوي شراب في التلاجة على طول..
‎بس الحقيقة إن في أدوية بتبوظ لما بنحطها في التلاجة ! 🚫

‎بعض المضادات الحيوية لما تتعرض لبرودة عالية بيتكون فيها بلورات صغيرة، وده بيخلي الدواء مش متجانس وجرعته مش دقيقة.

‎ زي 👇🏻
Zisrocin,Unizithrin,Zithrokan,Zithromax (Azithromycin suspension)
Suprax (Cefixime suspension)
Dinar,Omnicef (Cefedenir suspension)
Klacid,Infectocure (Clarithromycin suspension)

‎احفظ المضاد في درجة حرارة الغرفة (حوالي 25 درجة مئوية)
‎واستخدمه خلال 7 أيام من تحضيره لضمان أفضل فعالية.

‎لأن كل تفصيلة في طريقة حفظ الدواء بتفرق في نتيجة علاجك 👌🏻

‎
‎

15/10/2025

عارف إن التغيير مش سهل، بس النتايج دايمًا تستاهل 👌🏻

هتتعب شوية لما تقلل من العيش،
لكن هترتاح لما تحس إن بطنك خفت والانتفاخات راحت.

هتتعب لما تختار الميه بدل العصاير والمياه الغازية،
بس هترتاح لما تلاقي كبدك بصحة أفضل وطاقة جسمك أعلى.

هتتعب لما تبعد عن المقليات وتختار المشوي أو المسلوق،
بس هترتاح لما تلاحظ إن الالتهابات في جسمك قلت وذهنك بقى أنقى.

هتتعب لما تقلل الحلويات،
بس هترتاح لما تلاقي نفسك بتشبع أسرع وصحتك العامة أحسن.

يمكن تتعب شوية وانت بتدور على زيوت وسمن صحية،
لكن هترتاح لما تعرف إن ده من أهم أسباب سلامة جسمك.

التمشية أو الرياضة اليومية ممكن تبان مجهود،
بس هترتاح لما تلاحظ فرق في لياقتك وشبابك مع الوقت.

هتتعب وانت بتحاول تنام بدري،
لكن هترتاح لما تشوف بشرتك أنقى ونشاطك الصبح في القمة.

هتتعب وانت بتبدل الأغاني بذكر الله أو القرآن،
لكن هترتاح لما تلاقي راحة نفسية وطمأنينة في قلبك.

كل تعب بسيط النهارده هو استثمار في راحتك وصحتك بكرة.
اهتم بنفسك.. صحتك أمانة.

14/10/2025

كصيدلي بشوف يوميًا أمهات قلقانة على طفلها لما يعاني من إسهال أو ترجيع،
وأول سؤال بييجي دايمًا: اشمعنا النوع ده مش كلهم زي بعض؟ 🤔

بس الحقيقة إن مش كل محلول جفاف زي التاني!
الاختيار الصح بيعتمد على عُمر الطفل، شدة الحالة، وسبب الجفاف.
تعالي نعرف الفرق سوا 👇🏻

🔹 Hero Baby ORS
ده مخصص للأطفال الصغيرين جدًا،
طعمه مقبول عشان الطفل يشربه بسهولة،
وبيساعد يعوض السوائل والمعادن اللي الجسم بيخسرها وقت الإسهال أو الحرارة.

🔹 الجرعة التقريبية:
أقل من سنتين: من 50 لـ100 مل بعد كل براز سايب.
من سنتين لعشر سنين: 100 لـ200 مل.
أكبر من 10 سنين: 200 لـ400 مل.

🔹 Lohydran
ده محلول جفاف بتركيبة مختلفة (Reduced Osmolarity)،
يعني بيساعد الجسم يمتص المية والمعادن أسرع ويقلل القيء.
ينفع للأطفال والبالغين كمان.

🔹 الجرعة:
للأطفال: 50–100 مل بعد كل مرة إسهال.
للبالغين: 200–400 مل.
كل كيس بيتحل في 200 مل مية عادية.

🔹 Pedialyte
محلول جاهز للشرب، سهل جدًا خصوصًا لو الطفل مش بيتقبل الطعم المالح.
فيه نكهات مختلفة وبيستخدم لتعويض السوائل بعد القيء أو الإسهال.

🔹 الجرعة التقريبية:
للأطفال فوق سنتين: 50–100 مل بعد كل مرة إسهال أو ترجيع.
للأطفال الأكبر والبالغين: 100–200 مل حسب الحالة.

⚠️ المحاليل دي بتعوض السوائل، لكنها مش علاج للإسهال نفسه.
دايمًا خلي الطفل يشرب كميات صغيرة على فترات.
ولو لاحظتي علامات جفاف (زي الخمول، قلة البول، أو جفاف الفم)، ضروري تروحي للطبيب فورًا.

وأي نوع من التلاتة لا يتناول إلا تحت إشراف الطبيب 👌🏻

13/10/2025

متجربيش أي منتج يقولولك عليه إنه "زي الكوري"
جربي مجموعة COSRX الكوري الأصلي من صيدلية الصحة 😉

روتين الحلزون الكوري هو السر في البشرة الصحية والمشرقة عند الكوريات 😍

بخطوتين بس هتوفري لبشرتك ترطيب عميق وتجديد فعلي لخلاياها 😌👌🏻
بفضل مكوناته
🔹خلاصة الحلزون الطبيعي (Snail Mucin): ترطب البشرة بعمق وتساعد على إصلاح الخلايا التالفة.
🔹الهيالورونيك أسيد (Hyaluronic Acid): يحافظ على رطوبة البشرة ويديها مظهر مشدود وكله نضارة.
🔹البانثينول والألانطوين: بيتشغلوا على تهدئة تهيج البشرة وتجديد ملمسها الطبيعي.

جربي دلوقتي COSRX Snail Set
السر الكوري الحقيقي لبشرة صحية وزجاجية زي الكوريات 🥹💚

12/10/2025

فرصة عمل في أجزخانة الصحة 👏🏻

لو بتدور على شغل مستقر ومرتبات مجزية واستفادة كبيرة👩‍⚕️👨‍⚕️
يلا انضم لفريق العمل في الصيدلية ..
المطلوب :
✅ صيادلة من الجنسين (خبرة 6 شهور على الأقل)
✅ مساعد صيدلي من الجنسين (خبرة 6 شهور على الأقل)
✅ عمال توصيل (يشترط امتلاك دراجة نارية)

📝في حالة توفر الشروط ابعت لينا بياناتك كاملة على واتساب 👇🏻
01117774141
او
الحضور للمقابلة الشخصية
🔖التفاصيل مع المقابلة الشخصية
_______
📍العنوان: شارع القيسارية أمام المغربي ومكتبة مكي

📞للتواصل تلفونياً من خلال الأرقام التالية:
01117774141
0553669991

12/10/2025

جائزة نوبل في الطب لعام 2025 راحت لثلاثي عبقري قدر يفتح باب جديد في فهمنا لجهاز المناعة، واللي بنعتمد عليه في كل نفس بنتنفسه، وكل يوم بنعيشه بصحة.

👨‍🔬 العلماء شيمون ساكاجوشي وماري برونكو وفريد رامسديل اشتغلوا على حاجة معظم الناس ما بتفكرش فيها:
إزاي الجسم يعرف يفرق بين "العدو" اللي لازم يحاربه، و"العضو" اللي لازم يحميه؟

الحقيقة إن جهاز المناعة مش مجرد جيش بيحارب الفيروسات والبكتيريا، ده نظام ذكي جدًا عنده تعليمات دقيقة، وأوامر محددة و"حراس أمن" بيفكروا قبـل ما يتحركوا.

العلماء اكتشفوا وجود خلايا خاصة اسمها الخلايا التائية التنظيمية (Regulatory T-cells)،
ودي الخلايا اللي بتقوم بدور “العقل” وسط جيش المناعة،
بتمنع الجهاز المناعي من إنه يتهور ويهاجم أعضاء الجسم نفسه بالغلط، وده اللي بيحصل في أمراض زي:
🔹 الروماتويد
🔹 الذئبة الحمراء
🔹 السكري النوع الأول
🔹 وأمراض المناعة الذاتية عمومًا

العلماء دول فهمونا إن "القوة الحقيقية مش في الهجوم… لكن في التوازن".
وإن المناعة مش دايمًا محتاجة تكون قوية، أحيانًا محتاجة تكون "حكيمة" 👌🏻

الاكتشاف ده فتح باب لعلاجات حديثة جدًا بتغير وجه الطب حاليًا:
أدوية بتنظم المناعة بدل ما تضعفها ✅
طرق لتقليل رفض الأعضاء بعد الزراعة ✅
أفكار جديدة لعلاج السرطان ✅
عن طريق التحكم في "حراس الأمن" اللي الورم بيستغلهم أحيانًا عشان يتخفى من جهاز المناعة.

أنا شايف إن الاكتشاف ده مش مجرد خبر علمي، لكنه رسالة قوية:
افهم جسمك... افهم جهازك المناعي...
لأن لما تعرف السبب، تقدر تمنع العطب قبل ما يبدأ.

وده دايمًا اللي بنؤمن بيه
الوقاية مش بس أدوية ومكملات، الوقاية هي “معرفة” 💁🏻‍♂️

اعرف يعني إيه توازن، اعرف جسمك بيقولك إيه، وساعتها هتعيش بصحة مش بس جسدية… لكن راحة واطمئنان.

مش كل مناعة قوية هي مناعة صحية، المناعة السليمة هي اللي تعرف إمتى تحارب وإمتى تهدأ 💪🏻

11/10/2025

كلنا عارفين الإحساس ده…
تصحي الصبح تبصي في المراية وتلاقي الحباية اللي قررت تظهر قبل المناسبة اللي مستنياها 😔

تغطيها أو تحطي ماسك أو تجربي منتجات كتير…
بس في الآخر، بشرتك بتتعب أكتر وثقتك بتقل.

بس الحقيقة إن حب الشباب مش أزمة،
المشكلة إنك لسه ما جربتيش العناية الصح لبشرتك 💚

DUXGEN DOTS Drying Lotion
حل طبيعي للبشرة المعرضة للحبوب، بتركيبة متوازنة بين الفاعلية واللطف:
🔹بخلاصة العنب اللي بتعمل كمضاد للبكتيريا.
🔹مستخلص التوت الأحمر اللي بيهدي الالتهابات ويرطب البشرة.
🔹 يساعد على تجفيف الحبوب بسرعة من غير ما يسبب جفاف للبشرة.
🔹مناسب للاستخدام اليومي، حتى للبشرة الحساسة.

خفيف وفعال ونتيجته بتبان من أول استخدام ✅

خلي بشرتك تهدى وثقتك ترجعلك واحدة واحدة.
DUXGEN DOTS راحة لبشرتك، وثقة ليكي 😌💚

10/10/2025

الساندوتش اللي بنحضره كل يوم في دقايق ممكن يبقى هو السبب في تعب عمر كامل 😥

من كام أسبوع، مجموعة شباب قرروا يعملوا تجربة بسيطة:
جابوا كل أنواع اللانشون في السوق المصري — الغالي والرخيص والمحلي والمستورد — وبعتوهم للتحليل في معمل دولي معتمد.

النتايج كانت صادمة جدًا 😨
▪️ نص الأنواع تقريبًا طلعت مليانة ميكروبات ضارة زي الإيكولاي والسالمونيلا والليستيريا…
يعني اللي بيعمل مغص، إسهال، ونزلات معوية متكررة عند الأطفال!

▪️واللي فاجئ الكل أكتر، إن حتى اللانشون الغالي جدًا سقط في تحاليل البروتين والدهون بسبب إن نسبة الدهون عالية جدًا والبروتين ضعيف جدًا
لأن أغلبها معمول من نشا ومكسبات طعم كيميائية بدل اللحمة أو الفراخ الحقيقية!

يعني باختصار، الطفل بيفطر نكهات صناعية ومواد حافظة أكتر من أي عنصر غذائي مفيد.
ومع الوقت، المواد دي بتتراكم في الجسم وتسبب مشاكل خطيرة زي السرطان⚠️

صحتنا وصحة أولادنا مش محتاجة رفاهية، محتاجة وعي 💚

ابدأ بخطوة صغيرة وبدل اللانشون الطبيعي بالجبنة، البيض أو التونة 💁🏻‍♂️

09/10/2025

لون شعرك بدأ يبهت؟
أو بقى يقع أكتر من الطبيعي؟

رجعله الحيوية واللون القوي مع Alpecin Tuning Shampoo 💁🏻‍♂️

✅ بيحتوي على الكافيين الألماني اللي بيقوي بصيلة الشعر
✅ بيحافظ على اللون الغامق الطبيعي لشعرك
✅ كمان بيساعد في تقليل التساقط بشكل ملحوظ

لو عاوز تحافظ على شعرك من التساقط وترجعله لونه الطبيعي اطلبه دلوقتي 😉

أجزاخانة الصحة

19/10/2025

18/10/2025

17/10/2025

16/10/2025

15/10/2025

14/10/2025

13/10/2025

12/10/2025

12/10/2025

11/10/2025

10/10/2025

09/10/2025

Address

Opening Hours

Telephone

Website

Alerts

Shortcuts

Share

Category

Monday	6am - 2am
Tuesday	6am - 2am
Wednesday	6am - 2am
Thursday	6am - 2am
Friday	6am - 2am
Saturday	6am - 2am
Sunday	6am - 2am