01/05/2026
Happy Labor Day sa bawat Pilipinong ang mga kamay ay nagpapanatiling buhay ang ating bansa.
Sa mga mangingisda na lumalabas bago pa mag-umaga, sa mga magsasaka na nagtitiis sa init at ulan para mapakain tayo, sa mga tsuper ng jeepney, construction workers, vendors, delivery riders, nurses, g**o, at lahat ng mga trabahador na madalas hindi mapansin para sa inyo ang araw na ito.
Huwag na nating i-romanticize ang tiis na parang dapat ipagmalaki ang pagdurusa. Hindi tayo ipinanganak para mag-survive sa walang katapusang sakripisyo lang. Ang tunay na lakas ay hindi nasusukat sa kung gaano karami ang kaya mong tiisin in silence.
Ang worth ng bawat manggagawang Pilipino ay hindi nakasalalay sa kung gaano sila kakayahang mag-sacrifice, kundi sa kung gaano kalalim ang kanilang kontribusyon sa buhay ng bansang ito.
Hindi lang sila mga workers. Sila ang gulugod ng Pilipinas.
Sa bawat pagkaing inihain, kalsadang nilakbayan, gusaling itinayo, classroom na pinag-aralan, ospital na tumatakbo, at komunidad na nakakaraos naandoon ang pagsisikap ng mga Pilipino na karapat-dapat sa higit pa sa palakpakan. They deserve dignity, fair wages, rest, protection, at isang buhay na hindi kailangang magdusa para lang mabuhay.
Today, we honor the people who carry this nation on their backs.
Mabuhay ang manggagawang Pilipino! 🇵🇭
