Özəl Tibb Müəssisələri Assosiasiyası, Baku, Baku (2026)

02/03/2026

“Tibbi sığorta haqqında” Qanuna dəyişiklik Azərbaycan Respublikası Prezidenti tərəfindən təsdiqlənib. Dəyişikliyə əsasən, sığortaolunanların ilkin tibbi-sanitariya yardımına (poliklinika/Ailə Sağlamlıq Mərkəzi/tibb və həkim məntəqələri) müraciət etmədən birbaşa ixtisaslaşdırılmış həkim müayinəsinə getdikdə ödəməli olduqları müştərək maliyyələşmə məbləğinin tətbiqi 2027-ci il yanvarın 1-dək ertələnib.
gov.az

02/03/2026

“Tibbi sığorta haqqında” Qanuna dəyişiklik Azərbaycan Respublikası Prezidenti tərəfindən təsdiqlənib. Dəyişikliyə əsasən, sığortaolunanların ilkin tibbi-sanitariya yardımına (poliklinika/Ailə Sağlamlıq Mərkəzi/tibb və həkim məntəqələri) müraciət etmədən birbaşa ixtisaslaşdırılmış həkim müayinəsinə getdikdə ödəməli olduqları müştərək maliyyələşmə məbləğinin tətbiqi 2027-ci il yanvarın 1-dək ertələnib.

🔗 https://president.az/az/articles/view/71741

26/02/2026

26 fevral 1992-ci il tarixində Xocalı şəhərində dinc azərbaycanlı əhaliyə qarşı amansız soyqırımı törədildi. Bu faciə nəticəsində yüzlərlə günahsız insan – qadınlar, uşaqlar və qocalar xüsusi qəddarlıqla qətlə yetirildi.

Xocalı soyqırımı Azərbaycan tarixinin ən ağır və qanlı səhifələrindən biridir. Bu faciə insanlığa qarşı törədilmiş cinayət kimi yaddaşlarda əbədi qalacaq.

Şəhidlərimizi dərin ehtiram və hüznlə anırıq.
Allah rəhmət eləsin.

24/02/2026

Sizləri xalqımızın qədim və zəngin ənənələrini yaşadan Su çərşənbəsi münasibətilə səmimi qəlbdən təbrik edirik! 💧

21/02/2026

Son illər səhiyyə sistemində aparılan əsaslı islahatlar, səhiyyə idarəçiliyi və maliyyələşməsinin yeni müasir konsepsiyalara uyğun formalaşdırılması, ən qabaqcıl beynəlxalq təcrübədən istifadə sayəsində əhaliyə göstərilən tibbi xidmətlərin keyfiyyətinin yüksəlməsində, həmin xidmətlərin əlçatanlığının təmin edilməsində, həmçinin səhiyyənin maddi-texniki təchizatında, onun qanunvericilik bazasının möhkəmləndirilməsində əhəmiyyətli rol oynamışdır

Səhiyyə sektorunun vətəndaşlarımızın sağlamlığının təmin edilməsindəki əvəzedilməz rolunu nəzərə alaraq, ölkəmizin səhiyyə və tibb sektorunda beynəlxalq və milli standartların təbliğinə səhiyyə və tibb təşkilatlarında keyfiyyət və idarəetmə sistemlərinin effektiv fəaliyyətinə töhfə və dəstək vermək məqsədilə “Keyfiyyət Assosiasiyası” İctimai Birliyi 2023-cü ildə “Səhiyyə və tibb müəssisələrində keyfiyyət infrastrukturunun yaradılmasına dəstək” layihəsinə start verilmişdir. Layihə ,,Özəl Tibb Müəssisələri Assosiasiyası,, ictimai birliyinin aktiv təşkilati dəstəyi ilə həyata keçirilir .Bu layihə çərçivəsində “ISO 7101:2023 Səhiyyə təşkilatının idarə edilməsi - Səhiyyə təşkilatlarında keyfiyyəti idarəetmə sistemləri - Tələblər” adlı beynəlxalq standart Azərbaycan dilinə tərcümə edilmiş və cari ilin əvvəlindən Avropa Yenidənqurma və İnkişaf Bankının (AYİB) maliyyə dəstəyi ilə qeyd olunan standartın tətbiqi üzrə məsləhət xidmətlərinin göstərilməsi üzrə işlərə başlanılmışdır.

Hazırda Mediland Hospital, Bioloji Təbabət Klinikası, OKI Hospital, Ellab Diagnostic, MedLife, Alliance Clinic kimi aparıcı tibb müəssisələrini əhatə edəcək ISO 7101 standartının tətbiqi üzrə məsləhət layıhəsinin icrası zamanı Keyfiyyət Assosiasiyası və “Texniki Uyğunluğun Verifikasiyası – TUV” MMC tərəfindən həmin tibb müəssisələrində mövcud keyfiyyəti idarəetmə sistemlərinin ilkin qiymətləndirilməsinin aparılması (gap analiz), standartın tələblərinə uyğun fəaliyyət planlarının tərtib edilməsi, rəhbər heyət və məsul əməkdaşlar üçün təlimlərin keçirilməsi, daxili prosedur və qaydaların hazırlanmasına metodiki dəstəyin göstərilməsi, sənədləşmə sisteminin qurulması və təkmilləşdirilməsi istiqamətində praktiki tövsiyələrin verilməsi nəzərdə tutulur.
📌 Biz Özəl Tibb Müəssisələri Assosiasiyası olaraq keyfiyyət yönümlü səhiyyə sisteminin inkişafını dəstəkləməyə davam edəcəyik.

15/02/2026

15 fevral dünyada Beynəlxalq Uşaq Xərçəngi Xəstəlikləri ilə Mübarizə Günü kimi qeyd olunur. Bu günün əsas məqsədi uşaqlarda rast gəlinən onkoloji xəstəliklərə diqqət çəkmək, erkən diaqnostikanın əhəmiyyətini vurğulamaq və cəmiyyətin maarifləndirilməsini artırmaqdır.

Özəl Tibb Müəssisələri Assosiasiyası olaraq:
🔸 Erkən diaqnostikanın təşviqini,
🔸 Keyfiyyətli və əlçatan tibbi xidmətin təmin olunmasını,
🔸 Valideynlərin maarifləndirilməsini və psixoloji dəstəyin vacibliyini daim diqqətdə saxlayırıq.

Bu gün biz yalnız mübarizədən deyil, həm də ümiddən, həmrəylikdən və həyat sevgisindən danışırıq. Hər bir uşaq sağlam və xoşbəxt gələcəyə layiqdir.🎗

08/02/2026

“Naxçıvan Muxtar Respublikasının iqtisadi potensialı, vergi, gömrük və sosial sığorta güzəştləri” mövzusunda tədbir təşkil olunub.
Tədbirin əsas məqsədi 2026-cı il yanvarın 1-dən etibarən Naxçıvanda tətbiq olunacaq vergi, gömrük və sosial sığorta güzəştləri barədə sahibkarların məlumatlandırılması, regionun investisiya imkanlarının tanıdılması və işgüzar fəallığın təşviqi olub.

İqtisadiyyat nazirinin müavini Azər Bayramov çıxışında bildirib ki, 2022–2025-ci illərdə ölkədə orta illik iqtisadi artım 5,6% təşkil edib. Qeyri-neft sektorunun inkişafı, fiskal dayanıqlığın güclənməsi və strateji valyuta ehtiyatlarının 85 milyard ABŞ dollarını ötması xüsusi vurğulanıb. Qeyd edilib ki, Zəngəzur dəhlizinin reallaşdırılması Naxçıvan üçün yeni iqtisadi imkanlar yaradacaq.

Naxçıvan MR-in iqtisadiyyat naziri Kazım Hüseynəliyev regionun strateji üstünlüklərindən, sənaye parklarının yaradılmasından, logistika imkanlarının genişlənməsindən və Türkiyə ilə quru sərhədinin mövcudluğunun Naxçıvanı regional bazarlara çıxış baxımından mühüm mərkəzə çevirdiyini qeyd edib.

Dövlət Vergi Xidmətinin rəis müavini Emil Qarayev bildirib ki, 2025-ci ildə Naxçıvan MR-də büdcəyə 260 milyon manatdan çox vergi daxilolması olub və bunun 70%-dən çoxu qeyri-dövlət sektorunun payına düşüb. 2026-cı ildən etibarən 10 il müddətinə tətbiq ediləcək vergi güzəştləri mənfəət və gəlir vergisini, əmlak və torpaq vergisini, sadələşdirilmiş vergini, dividend gəlirlərini və idxalda ƏDV-ni əhatə edəcək.

Tədbirdə sahibkarların ictimai birliklərinin rəhbərləri ilə yanaşı, ÖTMA-nın baş katibi Vüqar Eyvazov da iştirak edib. Tədbir çərçivəsində sahibkarları maraqlandıran suallar cavablandırılıb, dəstək mexanizmləri barədə təqdimatlar keçirilib.

04/02/2026

🎗 4 Fevral – Ümumdünya Xərçəng Günü
Erkən diaqnoz həyat xilas edir.

Müayinədən keç, sağlam yaşa, ümid ol. 💜

03/02/2026

Azərbaycan Respublikasının Nazirlər Kabineti tərəfindən xəstəlik vərəqələri ilə bağlı yeni dəyişiklik təsdiq edilib.

Azərbaycan Respublikasının Nazirlər Kabineti-nin qərarına əsasən, 1993-cü il 8 yanvar tarixli 9 nömrəli qərarla təsdiq edilmiş “Sığortaolunanlar üçün xəstəlik vərəqələrinin elektron sənəd formasında tərtib edilməsi qaydası haqqında təlimat”-a yeni 17-1-ci hissə əlavə olunub.

🔹 Dəyişikliyə əsasən: Əgər sığortaolunan şəxs xəsarət nəticəsində müvəqqəti əmək qabiliyyətini itirərsə və bu barədə tibb müəssisəsi hüquq-mühafizə orqanına məlumat verərsə, həmin fakt:
➡️ xəstəlik vərəqəsində mütləq qeyd ediləcək.
Bu yenilik:
✅ şəffaflığın artırılmasına
✅ hüquqi proseslərin düzgün aparılmasına
✅ məlumatların rəsmiləşdirilməsinə xidmət edir

30/01/2026

Yanvarın 28-də İş Adamları Cəmiyyətinin Milli Assosiasiyasının (İCMA) “Tibb Müəssisələri və Həkimlərlə İş” Komissiyasının təşəbbüsü ilə səhiyyə sektoruna həsr olunmuş sektoral görüş keçirilib. 🏥

Görüşün məqsədi dövlət qurumları ilə özəl tibb sektoru arasında əməkdaşlığın qurulması, özəl tibb sektorunun qarşılaşdığı problemlərin səsləndirilməsi və həlli yollarının birgə prespektivlərinin araşdırılması olmuşdur.

Tədbirdə Millət vəkilləri, Səhiyyə Nazirliyi, Vergi siyasəti xidməti, İcbari tibbi sığorta, Təbib, özəl tibb sektoru nümayəndələri, 100-dən artıq sahibkar, səhiyyə üzrə mütəxəssislərlə yanaşı, Özəl Tibb Müəssisələri Assosiasiyası da təmsil olunmuşdur.
Sektoral görüş qarşılıqlı fikir mübadiləsi, təcrübə paylaşımı və yeni əməkdaşlıq imkanlarının müzakirəsi şəraitində baş tutub.

25/01/2026

Azərbaycanda onkoloji xəstələr üçün tibbi xidmətə çıxış imkanlarının genişləndirilməsi istiqamətində vacib addım atılır. Qanunvericiliyə təklif edilən dəyişikliklərə əsasən, vətəndaşlar artıq yalnız ixtisaslaşdırılmış dövlət müəssisələrində deyil, həm də müvafiq lisenziyaya malik özəl tibb müəssisələrində onkoloji yardım ala biləcəklər.🏥

Hazırda qüvvədə olan qanunvericiliyə görə onkoloji xidmət əsasən dövlət tibb müəssisələrində göstərilir. Lakin onkoloji xəstələrin sayının artması, dövlət müəssisələrinin yüklənməsi və vətəndaşların müalicə üçün xarici ölkələrə üz tutması bu sahədə alternativlərin yaradılmasını zəruri edib.

Təklif olunan dəyişikliklər “Lisenziyalar və icazələr haqqında” qanunun tələblərinə uyğun olaraq, yalnız onkoloji yardım üzrə ayrıca lisenziyaya malik özəl tibb müəssisələrinin bu sahədə fəaliyyət göstərməsini nəzərdə tutur. Bu isə həm keyfiyyətə nəzarəti qoruyur, həm də pasiyentlər üçün seçim imkanlarını artırır.

Qeyd etmək vacibdir ki, onkoloji xəstələrə özəl tibb müəssisələrində xidmət göstərilməsinə icazə verilməsi məsələsi- Özəl Tibb Müəssisələri Assosiasiyası (ÖTMA) tərəfindən Səhiyyə Nazirliyi ilə keçirilən görüşlərdə mütəmadi olaraq qaldırılan əsas təşəbbüslərdən biri olub. Assosiasiya bu yanaşmanın səhiyyə xidmətlərinin əlçatanlığının artırılması və ölkə daxilində mövcud tibbi potensialdan səmərəli istifadə baxımından vacib olduğunu diqqətə çatdırıb.

20/01/2026

20 Yanvar- Azərbaycan xalqının azadlıq, müstəqillik və suverenlik uğrunda apardığı mübarizənin qanla yazılmış səhifəsidir.
Bu tarix qəhrəmanlıq, qürur və milli iradəmizin rəmzidir.🇦🇿

Vətənimizin azadlığı naminə canından keçmiş bütün şəhidlərimizi dərin ehtiram və sonsuz minnətdarlıqla anırıq.
🕊 Ruhları şad olsun!

Özəl Tibb Müəssisələri Assosiasiyası

02/03/2026

02/03/2026

26/02/2026

24/02/2026

21/02/2026

15/02/2026

08/02/2026

04/02/2026

03/02/2026

30/01/2026

25/01/2026

20/01/2026

Address

Telephone

Website

Alerts

Contact The Practice

Shortcuts

Share

Category