28/09/2025
پرۆسەی ھاوسەرگیری پرۆسەیەکی ئەقلانیە یان ھەستی سۆزدارییە ؟
زۆرێک لەھاوسەران پرۆسەی ھاوسەرگیری بە پرۆسەیکی تەواو سۆزداری وھەستی خۆشەویستی بۆیەک دەربرین دەزانن لەکاتێکدا پرۆسەی ھاوسەرگیری ،پرۆسەیەکی تەواو ئەقلاییە بەو ماناییەی ئەگەر شتەکان بە رێگایەکی تەواو دروست نەبن بەپێی منطق زۆر ئەستەمە ئەو خێزانە بتوانێت ماوەیەکی زۆر بەردەوام بێت.
سروشتی ژیان وایە بە بونی کێشە وە جوانە چونکە ھەمو کێشەیەک ئەزمون و فێربونی تاکەکانی تێدایە و دەتوانن ھەنگاو بەھەنگاو چارەسەر بۆکێشەکان بدۆزنەوە کە دێتە رێیان .
کەواتە دەتوانین بە ئاسانی بلێن خودی کێشە واتا زیندویەتی و بەردەوامی ژیان و بونیاد نانی
کاتێک دووکەس دەچوە نە ژیانی خێزانیەوە ھیچ شتێکی ئەوتۆیان نەبوو ،دوای چەند سالێک دەبوون بەخاوەنی ماڵ و مناڵ و خانو سەیارە لە کاتێکدا ئەم دوو ھاوسەرە ھەردوکیان پێکەوە کاریان دەکرد بۆ ئەوەی خێزانێکی تەباو خۆشەویست بونیاد بێنێن لەسەر بنەرەتی رێزو خۆشەویستی و قەناعەتکردن و پاراستنی سنورەکانی یەکتری لەگەڵ بونی چەندەھا کێشە و گرفت بەگیانی لێبوردەییەوە پێکەوە ڕووبەڕووی دەبونەوەو چارەسەری گونجاویان بۆ ئەدۆزیەوە.
کەواتە لێرەوە تێدەگەتن کە پرۆسەی ھاوسەرگیری پرۆسەیەکی ئەقلانیە و بەسۆز و خۆشەویستی بنەماکانی دەپارێزرێت ھەریەکەیان بەرپرسیارێتی ئەرکەکانی خۆی ھەڵدەگرێت ئامادەیە لە پێناو بە ختەوەری خێزانەکەیدا هەموو قورسایەک لە ئەستو بگرێت.
بەھیوای ئەوەی خێزانەکان لەسەرەتای پرۆسەی ھاوسەرگیریەوە زیاتر وورد بنەوە لە شتە گرنگە کان و بڕیارێکی دروست بۆ ژیانیان بدەن.
تاچەند بەرێزت هاوڕایت.
