20/04/2025
Hier is ‘n paar idees om ‘n rowwe “ADHD-dag” met jong kindertjies beter te maak:
(Onthou… dit sal vir sommige kinders werk en vir ander nie, elke kind en gesin verskil.)
🙂“Wen-oomblikke” Kaartjies om te trek:
Doel: Om fokus te herlei, emosies te kalmeer en sukses-ervarings in te bou op rowwe dae.
Wat jy nodig het:
• ’n klein houertjie of sakkie.
• kaartjies met eenvoudige, vinnige aktiwiteite of keuses wat die kind laat voel hulle het beheer.
Voorbeelde van kaartjies:
• Kies ’n liedjie en dans 1 minuut soos ’n robot.
• Spring 10 keer hoog soos ’n dolfyn.
• Kies ’n kleurpotlood en teken hoe jy voel.
• Kies ’n troetelwoord wat ek nou vir jou sê.
• Sê vir mamma/juffrou iets waarvan jy hou.
• Doen ’n geheime missie bv.:soek iets rooi, iets ronderig en iets wat ritsel.
Hoe dit werk: Wanneer jy agterkom die kind begin baklei met hul fokus, emosies of frustrasie, sê:
"Dis tyd vir ’n Wen-oomblik! Trek ’n kaartjie!"
Só gee jy hulle ’n bietjie beheer, maar binne grense wat jy reeds gestel het. Na die aktiwiteit, vra:
"Is jy reg vir nog ’n poging of ’n bietjie rus?"
________________________________________
😋Die geheim lê in daardie klein “reset” oomblikke — en om pret en emosionele verbinding te gebruik eerder as net dissipline of redenering, veral op moeilike dae.
Nog Voorbeelde van kaartjies:
🙃Wen-oomblikke Kaartjies
(Gebruik wanneer die kind oorweldig voel, of jy 'n rustige herfokus wil skep.)
________________________________________
☺️Beweeg (liggaamlike ontlading)
1. Spring 10 keer soos ’n dolfyn.
2. Hardloop na ‘n plek toe en terug soos ’n hondjie.
3. Maak jouself so klein soos ’n ertjie – en dan so groot soos ’n reus!
4. Klim onder jou tafel en tel tot 5 – dan kom jy terug soos ’n superheld.
5. Maak jou lyf styf-styf vir 5 sekondes… en ontspan dan alles!
6. Maak 'n diereraaisel met gebare – mamma moet raai wat dit is!
________________________________________
😃 Ontlaai (emosionele regulering)
7. Kies 1 kleur en teken hoe jy voel.
8. Trek ’n hartjie in die lug met jou vinger – stadig.
9. Sê vir juffrou/mamma iets wat jou laat glimlag.
10. Sit jou hand op jou hart – voel jy dit klop? Jy is veilig.
11. Fluister vir my ’n geheimpie – dit kan enigiets wees.
12. Raak aan iets koud, dan aan iets warm – wat voel lekker?
________________________________________
😇 Kies & Beheer (gee keuses aan die kind)
13. Kies jou eie troetelwoord vir vandag: bv. “Superster” of “Liefling”
14. Wil jy nou eers teken of luister na ’n storie?
15. Wys met jou vingers hoeveel liefde jy vandag nodig het.
16. Kies jou eie reset-aksie: “spring”, “fluister”, of “stil sit met hande op bors”
😉Jy mag nou ’n “Ek het probeer” plakker kry – Plakkers kan gekoop of sommer tuis gemaak word.
