BENADERING
Euan voorsien kundigheid in die dissiplines van rekeningkundige & finansiële bestuur, belasting en alle aspekte van besigheids-administrasie, deur ons eie hulpbronne, of deur die kontraktering van strategiese vennote, wat voldoen aan die hoogste standaarde van professionaliteit en kundigheid in hulle gekose dissiplines. Deur voortgesette opleiding en navorsing verseker ons dat ons kennis en kundigheid berus op ‘n deeglike kennis van huidige praktyk, tegnieke en wetgewing. Op hierdie wyse word ons oplossings deurlopend beoordeel en aangepas soos nodig, om te verseker dit bly toepaslik vir ons kliënte en hulle omstandighede. Ons wil ook verseker, deur ons oplossings te ondersteun met professionele diens, geskoei op uitnemendheid, dat die kliënt ervaar dat sy belange en behoeftes voorkeur geniet en suksesvol gedien word – op hierdie wyse bou Euan langtermyn vennootskappe met ons kliënte. BESTUUR
Euan word bedryf onder die leiding van Joffré Papenfus, wat die onderneming gestig, en ontwikkel het met die visie om ‘n een-stop diens-oplossing te voorsien vir die behoeftes van klein- tot medium organisasies, in die dissiplines van rekeningkundige & finansiële bestuur, belasting en alle aspekte van besigheids-bestuur en -administrasie. Hy het omvangryke ervaring verkry in hierdie primêre dissiplines, deur die suksesvolle vestiging en groei van Euan sedert die jaar 2000, asook uit ‘n korporatiewe loopbaan van meer as 10 jaar, op alle vlakke van finansiële administrasie en –bestuur, sowel as logistieke- en algemene bestuur, sake-ontwikkeling en stelsel-implimentering. WAARDES
Euan se visie en strategie is gesetel in ons sleutel-waardes. Dit vorm die hoeksteen van ons organisasie, ons identiteit en ons strategiese visie om die een-stop oplossings-voorsiener van keuse te wees. INTEGRITEIT vereis dat ons die kliënt se belange en behoeftes voorkeur gee. Dit is belangrik dat ons kliënte dit daadwerklik ervaar. Dit is die grondslag vir ‘n noodsaaklike vertrouens-verhouding wat ons opbou met elke kliënt en rolspeler in ons onderneming. Integriteit skakel nou saam met etiek en omsluit ons waardes. INNOVERING is die sleutel tot die sukses van ons oplossings, dus ons voortbestaan – verandering is die enigste konstante faktor. Innovering vereis dat ons ‘n formele program van voortgesette opleiding volg – daardeur lê ons die grondslag wat verseker ons oplossings is gegrond in huidige praktyk en wetgewing, bly geskik vir ons kliënte se behoeftes en bly dinamies soos tye, behoeftes of omstandighede verander. Innovasie vereis dat ons te alle tye self-krities is in die deurlopende betrokkenheid by ons kliënte en die evaluëring van ons oplossings in praktyk, op sodanige wyse dat ons oplossings relevant en dinamies bly. PROFESSIONALISME verseker dat die kliënt altyd diens van hoogstaande gehalte, geskoei op kundigheid en uitnemendheid, van Euan ontvang. ETIEK is ‘n alomvattende ingesteldheid – dit kom tot uiting in ons algehele diens-benadering en interaksie met kliënte en ander rolspelers. Die kliënt moet ervaar ons diens-oplossings en advies word eerlik gebied, primêr in belang van die kliënt. Ons optrede spreek vanself – dit is noodsaaklik dat die kliënt ervaar Euan pas self die korrekte standaarde en reëls toe, voldoen self aan enige toepaslike voorskrifte en sal daarom verseker die kliënte voldoen. Die skakel met integriteit bind ons waardes.
