18/02/2026
Anoniem deel: Goeie naand liewe mense. Dis sommer net n skrywe waarmee ek al n geruime tyd sit en ekt ged**k ek wil dit met jul deel, vir wie ookal dit lees aan die anderkant, of dit nou interessant is, of insiggewend, maak nie saak nie. Hierdie spesifieke blad het aanleiding gegee tot die lewe waarin ek nou is.
Ek was so 12jaar saam n vrou, waarvan 4jr getroud was. Ek het haar ontmoet met n seun net oor n jaar oud. Ons is getroud na die nuus dat sy weer swanger is, maar nadat hy net meer as 3jaar oud is, deel sy toevallig die nuus met bloedtoetse, dat hy nie my seun is nie.
Ons het voortgegaan met ons huwelik, maar ek vang haar toe minder as n jaar later in die bed met n man wat nie een van haar kinders se pa's is nie. Nadat ek haar uitgevang het, is sy toe ook nie ees saam hom verder in n huwelik nie.
Anyway, toe ons nog saam was, het sy soms vir my skakels van plasings op hierdie blad gestuur, en ons het dit komies afgelag. Vandag is ek so amper 3jaar van haar geskei en as ek nou so in my stoel sit en sommige van die plasings en kommentare lees, kan ek sien hoe het ons gekom tot hier. Dis so asof n handleiding voorgelees word.
Die goed waaroor mense plasings maak, en dan die goed wat mense kommentaar daaroor, dis op die kleinste detail dieselfde. Haar persoonlikheid was vreeslik vatbaar vir sosiale media en inligting wat daar verkry word. Ek kan my kop op n blok sit, syt ook so plasing gemaak en verlore geraak in die kommentare. Sekere dinge wat vir haar n issue was, was die hoeveelheid seks.
Gaan kyk na al die plasings van seks wat skort en byna 90persent van die kommentare mik daarop dat die man iemand anders knyp. En dis wat my ex geglo het, tot in die murg van haar bene. Sommige kommentare reken so vrou moet dan maar ook n skelmpie knyp... dis presies wat sy gedoen het. Sy wou op die onmoontlikste tye seks hê wat ek dan geweier het. Syt dit nooit genoem waarom nie, syt net gesê dis geweier. Ja dis geweier, want daars n tiener seun wat in die huis dwaal en nuuskierig is oor die volwasse geluide in die kamer as ek na n week by die huis kom.
Syt ook gekla oor finansies wat skort, maar syt nagelaat om onderhoudgeld te eis van beide mans, en wanneer hierdie mans wel n bietjie inbetaal, is dit weerhou vir haar persoonlike plesiertjies. Ekt dit geweet, en ekt dit stilweg vir haar gegun, om iets vir haarself te kry. Syt nooit nodig gehad om te werk nie, het ook nooit rerig ambisie gehad om te wil werk nie. Ekt haar telkemale gevat na onderhoude wat sy dan self afgekeur het.
Op 35jaar oud het sy ook nie eers die oorgawe om haar bestuurslisensie te kry sodat sy meer onafhanklik kan wees en self haar seuns kan rondry nie. Nee, sy was die een wat n plasing maak van hoe sy in n tronk leef , vasgevang in n roetine waar sy niks vir haarself het en en en.
So, 3jaar later en eks nogsteeds gelukkig enkellopend en ek is so bly ek kon haar verlos van die hel waarin sy haarself bevind. Eks bly sy kon darem nou uiting gee aan haar gevoelens en begeertes soos voorgeskrewe deur veralgemeende kommentare deur almal. Sy is vry om te maak wat sy wil, en sy kon beide haar seuns by hul pa's aflaai. Duidelik was "ma wees" nie deel van haar lewensplan nie. So jammer ekt n "huis" probeer maak vir iemand wat dit nie so beplan nie.
Dan, iets op n ander noot. Is dit nie vreemd hoe mans gelable word as die geslag wat net op jag is vir een ding, maar tog is dit die nommer een ding waaroor vrouens kla waarvan daar tekort skiet? Sien nie eintlik mans wat kla oor hul kry nou te min nie. Mans word gekondisioneer om te kla dat hul nie genoeg kry nie. Anyway. Dis my storie. Dis my skrywe. Nou is dit van my bors af.
