13/03/2026
وقت الحرب، الخوف بيصير جزء من يومياتنا.
ومن أول الأشياء اللي منخاف نخسرها… الأكل.
طبيعي بهيك ظروف نبلّش نحكي عن الأكل بلغة القلق
هالجمل طالعة من خوف حقيقي ومن رغبة نحمي عيلتنا.
بس الطفل ما بيسمعها بنفس الطريقة اللي منقصدها.
بالنسبة إله، الأكل ممكن يتحوّل من شي طبيعي وممتع…
لشي مرتبط بالخوف وعدم الأمان
إحساس الأمان حول الأكل هو الأساس.
الطفل اللي بيحس إنو الأكل ممكن يختفي بأي لحظة، ممكن يكبر وهو حامل خوف من الجوع، أو حاجة يسيطر على الأكل بطريقة قاسية.
وهيدا مش لأنو الطفل “ما عنده إرادة” أو “بيحب الأكل زيادة”.
أحياناً هو ببساطة جسم عم يحاول يحمي حاله بعد تجربة خوف أو ندرة.
لهيك، حتى بظروف صعبة متل الحرب، في شي صغير فينا نعمله:
ننتبه للكلمات اللي منستعملها حوالين الأكل. 🤍
مش لأنو لازم نكون مثاليين…
بس لأنو الإحساس بالأمان حول الطعام هو جزء مهم من الأمان اللي ولادنا بحاجة إله.
والوعي بهالتفاصيل الصغيرة اليوم
ممكن يحمي علاقتهم مع الأكل لسنين لقدّام. 🤍
