https://www.facebook.com/162175720834772/

Louy Said Jamaludin Afghan Medical Institute & Delivery Home, Jalalabad (2025)

19/10/2025

دولتی ازموینې (Exit Exam) خبرتیا!
د لوی سید جمال‌الدین افغان طبي علومو انستیتوت ټولو هغو محصلینو ته چې د یاد انستیتوت څخه فارغ شوی دي، خبر ورکول کېږي چې د اګزیت ازموینې نوم‌لېکنه پیل شوې ده.
هغه محصلین چی یاده ازموینه یی نه وی ورکړی د نوم لیکنې لپاره دی اداری ته مراجعه وکړی ترڅو د ۱۴۰۴ کال د دولتی ازموینی(اګزیت) څخه بی برخی نشی.
د اړیکو شمیری:0780749288/0777775250

18/09/2025

📢 د اختصاصي کانکور ازموینې خبرتیا

لوی سید جمال الدین افغان د طبی علومو انستیتوت په درنښت سره ټولو د نیمه طبی زده کړو مینه والو ته خبر ورکوي، چې د ۱۴۰۴ هـ ش کال د سنبلې پر ۳۱ نېټه د خزانی سمستر لپاره د نویو محصلینو د جذب په موخه اختصاصي کانکور ازموینه اخیستل کېږي.
د یادې ازموینې له لارې به په بېلابېلو تحصیلي پروګرامونو کې وړ محصلین جذب او شامل کړل شي.
✨ که تاسې هم د معیاري تحصیل، مسلکيتوب، او یو روښانه راتلونکي لېوالتیا لرئ، نو دا زرینه موقع له لاسه مه ورکوی!
نوم لیکنه جریان لری
د اړیکو شمیری:
[0780749288/0777775250]

13/09/2025

لوی سید جمال الدین افغان د طبی علومو انستیتیوت د يوې سترې پرتمينې غونډې کوربه وه، چې نږدی ۱۲۱ تنه علمي او مسلکي کادرونه يې په مختلفو رشتو لکه عالی نرسنګ، ، طبی تکنالوژي، دواسازي، غاښونو پروتیز، د هېواد او بشري ټولنې د خدمت په پار ټولنې ته معرفي کړل.
غونډه د قرآن مجيد په څو مبارکو ايتونو د قاری صیب اکرام الله (حقیار) په خوږ او ملکوتی غږ سره پيل شوه او ورپسې د لوي سید جمال الدین افغان طبی علومو انستیتیوت محترم رئیس او بنسټګر دوکتور میرویس (رحیمی ) د غونډې ټولو ګډونوالو ته د ښه راغلاست ویلو ترڅنګ فارغو شويو محصلينو ته مبارکي وویل او ورته يې سپارښتنه وکړه، چې په دې زده کړو بسنه ونه کړي لا هڅه وکړی ترڅو د هیواد کړیدلی ولس د درد درمان وګرځي.
نوموړي وويل، ټول افغانان بايد هڅه وکړي، چې په علمي ډګر کې له نړيوالو څخه پاتې نشي؛ ځکه د هېواد راتلونکی نويو ځوانانو پورې اړه لري او ځوانان بايد دغه رسالت په ښه ډول ترسره کړي د ښاغلي رحیمي صیب څخه وروسته د ننګرهار د عامې روغتیا روغتیایی علومو انستیتیوت آمر متخصص خالد شیرزاد وینا وکړه او محصلین یې نورو زده کړو کولو ته وهڅول همداراز په ترتیب سره د ساینسی طبی علومو انستیتیوت ریس دوکتور شیرمحمد مومند ،ملک زلمی حقیار ،.
همدارنګه دلوی سیدجمال الدین افغان انستیتیتوت اداری او رهبری بورډ له لوری د نوموړي انستیتیوت کادری او ژمن استادان او دمختلفو ادارو مسوولین وستایل شو اوهمدارنګه فارغ محصلینو ته تصدیقونه وویشل شو د پروګرام په آخره دماستر غفران منصوري له لوری دسوګند مراسم ترسره شو غونډه د دعا په ویلو پای ته ورسیدله.

08/09/2025

لوی سید جمال الدین افغان د طبی علومو انستیتوت غواړي د خپلو درسي چارو د پیاوړتیا لپاره دوه نوي استادان وګماري:

🔹 ۱. د فارمیسي څانګې استاد
• لږ تر لږه د فارمیسي په برخه کې د معتبر سند ولری.
• د تدریس تجربه لرونکي کسانو ته لومړیتوب ورکول کېږي

🔹 ۲. د نرسنګ څانګې استاد
• لږ تر لږه د MD وي
• د تدریس تجربه لرونکي کسانو ته لومړیتوب ورکول کېږي

📅 د غوښتنلیک وروستۍ نیټه: (د سنبلی ۲۵)
📍 موقعیت: لوی سید جمال الدین افغان د طبی علومو انستیتوت، (مستوفیت څلور لاری ته څیرمه عبدالوکیل لیسی ته مخامخ)

علاقه‌مندان کولای شي خپل غوښتنلیکونه او اسناد د ادارې دفتر ته وړاندې کړي.
د نورو معلوماتو لپاره اړیکه: 0777775250/0780749288

08/09/2025

‎۱۴۰۴/۶/۱۶ نېټه!
‎دا ځل په بې ساري ډول د لوی سیدجمال الدین افغان روغتیايي علومو انستیتیوت په انګړکې له سلګونو جدید شمول محصلینو څخه د ۱۴۰۴ کال خزانی سمستر لپاره د کانکور ازموینه واخېستل شوه.
‎د لوی سیدجمال الدین افغان روغتیايي علومو انستیتیوت خزانی کانکور ازموینه په داسې حال کې واخېستل شوه چې د انستیتیوت قدرمند رئیس دوکتور میرویس رحیمی، د خصوصي سکتور څخه راغلی استازی میرویس کریمی د یاد انستیتیوت نظارتي پلاوي او د مختلفو ډيپارټمنټونو قدرمنو امرینو او درنو استادانو شتون درلود.
‎د غونډې پیل د کلام الله په څو مبارکو ایاتونو سره پیل وشو،ورپسې د یاد انستیتیوت بسنټګر او ریئس دوکتور میرویس رحیمي د ښه راغلاست او هرکلي وینا وکړه.
‎د خصوصي سکتور له درانه استازی میرویس کریمی څخه د زړه له تله مننه وکړه چې ننګرهار ته راغلي او د مختلفو انستیتیوتونو د هغه زده کونکو څخه چې د خزانی سمستر لپاره يې ثبت نام کړی ازموینه واخېسته.
‎قدرمند رئیس په اوسني عصرکې طبي نيمه زده کړې مهمې وبللې .
‎د خصوصي سکتور استازی طبي نیمه لوړې زده کړې یې د ټولنې لپاره خورا اړینې او مهمې وبللې.
‎په ټولو هغو زده کوونکو چې د کانکور ازموینې په پار راغلي وو غږ وکړ چې ((طبي نیمه لوړې زده کړې په اوسني وخت کې خورا اړینې دي،هڅه وکړئ چې له زړه نه زده کړې وکړئ او د خپل هېواد د زخمونو لپاره ملهم جوړ شۍ)).
‎وروسته د راغلو پلاوو په میلمنو له لورې د یوه محصل په لاس د ازموینو د پوښتنو صندوق پرانیسته،فورمې وویشل شوې او رسماً د کانکور ازموینې بهیر پیل شو.
‎یو نیم ساعت یې دوام وکړ او وروسته له یونیم ساعت څخه پای ته ورسېد.
‎په درنښت
‎د نشراتو مدیریت

24/08/2025

نوی سمستر، نوې هیلې – د بریا لاره زموږ له انستیتوته پیل کړی!
۱۴۰۴کال خزانی سمستر لپاره نوم‌لیکنه روانه ده

24/07/2025

فرصت له لاسه مه ورکوئ، نوم‌لیکنه جريان لري!

14/07/2025

د ۱۴۰۴ کال خزاني سمستر لپاره داخله جریان لری

14/07/2025

د محترمو فارغ شویو محصلینو د پام وړ!

د لوی سید جمال‌الدین افغان د طبي علومو انستیتوت ټولو هغو محصلینو ته چی د دیپلوم اخیستلو لپاره یې مخکې ثبت نام کړی وو،خبر ورکوي چې اوس یې ديپلومونه انستیتوت ته را رسېدلي دي.

لطفاً د خپل ديپلوم د تر لاسه کولو په موخه، د انستیتوت اداري ته مراجعه وکړئ.

🌐 د نورو معلوماتو لپاره له ادارې سره په تماس کې شئ.
0780749288/0777775250

په درناوی
لوی سید جمال‌الدین افغان طبي علومو انستیتوت

12/07/2025

د نهایی ازموینو د پیل غونډه

نن شنبه، د ۱۴۰۴ هجري لمریز کال د چنګاښ ۲۱مه نېټه، د لوی سید جمال الدین افغان د طبي علومو انستیتوت د نهایی ازموینو د رسمي پیل غونډه ترسره شوه.
یاده غونډه د قرآن کریم په مبارک تلاوت سره پیل شوه، ورپسې د انستیتوت محترم رئیس، بنسټګر او د علم او خدمت ستوری، ښاغلي دوکتور میرویس رحیمي پرانېستونکې وینا وکړه. نوموړي د محصلینو د هڅونې ترڅنګ د ازموینو ارزښت، شفافیت او د پوهنیز معیار لوړوالي ته اشاره وکړه.
په غونډه کې وروسته د ازموینو د کمیټې مسؤول ښاغلي ماستر غفران منصوري د ازموینو اړوند هراړخیزې لارښوونې وړاندې کړې. هغه د ازموینو د پروسې د شفافیت، د محصلینو د مسؤلیتونو، نظم او د انضباطي اصولو پر مراعتولو تاکید وکړ.
دغه راز، د انستیتوت د نرسنګ، پروتېز، طبي ټکنالوژۍ او فارمسي د ډیپارتمنټونو محترمو آمرینو هم په جلا جلا توګه خبرې وکړې، د خپلو برخو د محصلینو لپاره لازمې مشورې او لارښوونې وړاندې کړې، او د بریالۍ ازموینې لپاره یې هڅونه وکړه.
یاده غونډه په یوه روحاني فضا کې د دعا سره پای ته ورسېده، چې پکې د ټولو استادانو، محصلینو او د انستیتوت د لا بریا لپاره دعا وشوه.

10/07/2025

عالی نرسنګ او طبی تکنالوژی دیپارتمنتونو ته د نوی امرینو ګمارنه

د لوې سید جمال‌الدین افغان د طبې علومو انستیتوت اداره د انسجام، وړتیا او تخصص پر بنسټ، د ادارې د مهمو برخو د لا ښه مدیریت او پرمختګ په موخه د لاندې علمي شخصیتونو د توظیف پرېکړه کړې:

🔹 محترم استاد امین الله امین د نرسنګ دیپارتمنت د امر په توګه
🔹 محترم استاد مرتضی پکتیاوال د طبی تکنالوژۍ دیپارتمنت د امر په توګه

د انستیتوت مشرتابه هیئت، دواړو محترمو استادانو ته د زړه له کومې مبارکي وړاندې کوي او هیله لري چې د دوی علمي تجربې، رهبري وړتیا او ژمنتیا به د یادو دیپارتمنتونو د لا پرمختګ، انسجام او معیار لوړولو لامل وګرځي.

په پای کې، د انستیتوت اداره ډاډ څرګندوي چې د داسې شایسته او متعهدو اشخاصو حضور به د لوې سید جمال‌الدین افغان د طبې علومو انستیتوت لا بریا او ویاړ ته زمینه برابره کړي.

په درنښت
د لوې سید جمال‌الدین افغان د طبې علومو انستیتوت اداره

08/07/2025

دننكرهار حوزوي روغتون (صحت عامي) ته ۶۵ تنه محصلين/محصليني د ستاژ لپاره معرفي شول.
دلوی سید جمال‌الدین افغان د روغتیایی علومو انسټیټوټ پنځه شپیته (۶۵) تنو محصلینو لپاره په ننګرهار حوزوی روغتون"صحت عامه" کې عملي زده کړو پروګرام پیل کړ. د انسټیټوټ محترم رئیس دوکتور میرویس رحیمي او د علمي معاون ډاکټر نعمان رحیمي په مشرۍ، محصلین د ننګرهار حوزوي روغتون ته د سټاژ لپاره ور وپېژندل شول.
دیاد روغتون ریس ډاکټرفهیم دلاور او دنرسنګ عمومی مدیر ډاکټر اجمل شیرزاد د محصلینو هرکلی وکړ او د عملي پروګرام په اړه یې مهمې لارښوونې ورکړې.
د روغتیا وزارت د مقرراتو، کلینیکي اصولو، او د تدریسي ارزښتونو په رڼا کې، دا پروسه د محصلینو د عملي مهارتونو پیاوړتیا لپاره تر سره شوه. همداراز، د استادانو او روغتیايي کارکوونکو له لوري محصلینو ته بشپړ همکاري زمینه برابره شوه.
په یاد معرفت غونډه کی د ننګرهار حوزوی روغتون سرطبیب دوکتور اصیل خان شیرزاد په خپله وینا کی محصلینو سره د پراخې همکاری ژمنه وکړه او له محصلینو څخه یی وغوښتل چی د روغتون قوانین او مقرراتو ته ژمن اوسی.
په پای کی د یادانسټیټوټ مشرتابه له ټولو همکارو ادارو، استادانو، او مسؤلینو څخه مننه وکړه چې یاد محصلین یې د عملي تجربو لپاره ومنل او همکارۍ ته چمتو شول.

Louy Said Jamaludin Afghan Medical Institute & Delivery Home

19/10/2025

18/09/2025

13/09/2025

08/09/2025

08/09/2025

24/08/2025

24/07/2025

14/07/2025

14/07/2025

12/07/2025

10/07/2025

08/07/2025

Address

Telephone

Website

Alerts

Shortcuts

Share

Category