ننګرهار طب پوهنځی

05/10/2025

د خوښۍ ځای دی چې د استاد پوهاند دوکتور محمد عظیم عظیمي نوی تدریسي کتاب “بیوشیمي (د مکرومالیکولونو اساسات او د قندونو میتابولیزم)” چاپ او خپور شو.

دغه علمي اثر د پوهاند عظیمي د کلونو علمي تجربو، څېړنو او تدریسي زحمتونو نتیجه ده او د محصلینو، استادانو او د طب او ساینس مینه والو لپاره یو مهم درسي مرجع بلل کېږي.

دا کتاب به د لوړو زده کړو په موسسو کې د بیوشیمي په تدریس کې نوی ابتکار او سهولت رامنځته کړي.

په راتلونکي کې استاد ته د لا زیاتو علمي بریاو هیله کوو.

15/09/2025

“دطب ریس نه دپوهنتون ریس ته بیغام دی'محصلین په چمنونو کې دشپی څملي”؟

قدرمن رئیس صاحب او معاونین!
هیله ده روغ به یاست. درسونه د مهالوېش مطابق روان دي، خو د بریښنا نشتون له امله د تودوخې شدت ډېر زیات دی، نه استاد د تدریس توان لري او نه محصل د اورېدو. د جنراتور ظرفیت هم کافي نه دی. تېرې اونۍ یو تن استاد د ګرمي له امله بې‌هوښه شوی و. سربېره پر دې، د اوبو نشتون ستونزه هم جدي ده، تشنابونه اوبه نه لري او راوړل شوې اوبه زر ختمیږي.
له رهبرۍ هیله ده چې موضوع له لوړو مقاماتو سره شریکه کړي، ځکه دوام یې د محصلینو لپاره روغتیایي او رواني ستونزې جوړوي.

درنښت

عکس: ننګرهار پوهنتون

21/08/2025

د ویاړ او خوښۍ ځای دی چې د ننګرهار پوهنتون د طب پوهنځي څلور تنو ورزیدلو استادانو ـ پوهنمل ډاکتر عبدالله جان شینواري، پوهنمل ډاکتر احمد ګل اعظمي، پوهنمل ډاکتر شاه اغا صالحي او پوهنمل ډاکتر سميع الله سجاد ـ د تايلنډ د MAHIDOL نړیوال معتبر پوهنتون کې د خپلو دوکتورا تېزسونو (PhD Thesis) څخه په بریالۍ توګه دفاع وکړه.

دغه ستره لاسته راوړنه د افغانستان د تحصیلي او څېړنیز پرمختګ په لور یو مهم ګام بلل کېږي. دا بریا د لوړو زده کړو وزارت محترم مشرتابه، د ننګرهار پوهنتون درنې رهبرۍ، ټولو قدرمنو استادانو، د افغانستان علمي کورنۍ او د طب مینه والو ته مبارک وي

30/07/2025

پوهاند ډاکتر عظیم عظیمی – د بدلون او رڼا څېره

پوهاند ډاکتر عظیم عظیمی د ننګرهار طب پوهنځي یو له وتلو علمي شخصیتونو څخه دی. هغه نه یوازې د بیوشیمي څانګې استاد او مشر دی، بلکې د پوهنځي د پخواني رئیس په توګه یې ستر، بنسټیز او پایدار بدلونونه رامنځته کړي دي. د هغه رهبري د صداقت، ژمنتیا، نوښت، او علم‌محور پرمختګ نښه ده.

علمي شخصیت او مسلکي درایت

ډاکتر عظیمی د بیوشیمي څانګې یو تجربه‌لرونکی استاد دی. د تدریس تر څنګ، هغه د علمي څېړنو، روزنیزو پروګرامونو، او محصل‌محوره پالیسۍ پلوي دی. هغه هڅه کړې چې د خپلو زده‌کوونکو علمي ظرفیت لوړ کړي، هغوی څېړنې ته وهڅوي، او د مسلکي مهارتونو پراختیا ته زمینه برابره کړي.

د ریاست دورې مهمې لاسته راوړنې

په هغه موده کې چې ډاکتر عظیمی د ننګرهار طب پوهنځي ریاست پر غاړه درلود، دا پوهنځی د پراخ بدلون شاهد و. لاندې د هغه د ریاست تر ټولو مهمې لاسته راوړنې دي:

۱-د ستوماتولوژي پوهنځي پرانیسته
د پوهاند ډاکتر عظیمی د ریاست پر مهال، د ننګرهار پوهنتون تر چتر لاندې د ستوماتولوژي یو نوی پوهنځی پرانیستل شو.

دا پوهنځی د ختیځ زون لپاره د غاښونو درملنې په برخه کې لومړنی پوهنځی ، چې د علمي نصاب، تخصصي استادانو او عصري امکاناتو سره جوړ شو.
دا یوه تاریخي لاسته راوړنه وه چې د روغتیايي زده‌کړو پراخ بنسټ یې کېښود.

۲. د درسي نصاب عصري کول
د درسي موادو له سره ارزونه، له نړیوالو معیارونو سره سمون.
د نوي موضوعاتو لکه "طبي اخلاق"، "شواهد‌محوره طب" او "کلینیکي تحقیق" معرفي.
د عملي تدریس پیاوړتیا او د لابراتوار زده‌کړې ته خاصه پاملرنه.
۳. د څېړنې فرهنګ ته وده
د استادانو او محصلینو ترمنځ د څېړنیزو پروژو پیل.
د طب پوهنځي له خوا د علمي مقالو خپرولو سیستم ته وده.
د څېړنې ورکشاپونه او علمي سیمینارونه تنظیمول.
۴. د محصلینو لپاره غوره امکانات
د کمپیوټر لابراتوار، مطالعې خونو، او انټرنټ خدماتو پراختیا.
د شکایتونو اورېدو سیسټم رامنځته کول.
د فارغانو شبکې (Alumni) فعالول.
۵. د اداري شفافیت تأمین
د امتحانونو سیستم معیاري کول، د سوالونو بانک جوړول.
د نمرې ورکونې روڼ پروسه، د استاد او محصل اعتماد لوړول.
د کارکوونکو ارزونې او تشویقي سیستم پلي کول.

۶ – ۲۲ کیلو واټه سولري سیستم

د پوهاند ډاکتر عظیمی د ریاست یوه مهمه، نوې او پایداره پروژه دا وه چې د پوهنځي لپاره یې ۲۲ کیلو واټه سولري بریښنا سیستم نصب کړ. دا پروژه د طبی زده‌کړې، څېړنې او اداري چارو لپاره یوه نوې دروازه وه.

پایله – د یوه رهبر ژوندی میراث

پوهاند ډاکتر عظیم عظیمی نه یوازې یو استاد دی، بلکې یو الهام‌بخش مشرتابه لرونکی شخصیت هم دی. د هغه علمي فکر، پرمختیایي لید، او ملي احساس نن د ننګرهار طب پوهنځي په هر ګوټ کې احساسېږي.

د هغه ریاست نه یوازې پوهنځی بدل کړ، بلکې د زده‌کړې فضا، علمي تولید، او پایدار پرمختګ ته یې نوی روح ورکړ.

موږ د پوهاند ډاکتر عظیم عظیمی د خدماتو ژوره مننه کوو او د هغه د راتلونکو هڅو ملاتړ ته چمتو یو

22/07/2025