03/12/2025
پیټیریاسس البا، یا د مخ یو سپین رنګه داغ، د وینې کمښت نه دی، د پرازیتي انتان نه دی، او د ویټامین کمښت نه دی.
دا کیسه په ټوله نړۍ کې یوه افسانه ده؛ له بده مرغه، دا غلط معلومات لاهم د ځینو ماشومانو ډاکټرانو لخوا خپلو ناروغانو ته بیان شوي دي.
پیټیریاسس البا د وچ پوستکي یو ډول دی، یعنی د ایکزیما یوه بڼه ده چې معمولا د ماشومانو او تنکیو ځوانانو په مخ،لاسونو او تنۍ کې لیدل کیږي، په ځانګړې توګه د غنم رنګه پوستکي رنګ سره.
درملنه
والدینو ته ډاډ ګیرنه،چی دا ناروغی پخپل سر پخپله ښه کیږی ، د وخت په تیریدو سره به پرته له کومې درملنې څخه ورک شي، ممکن د لرې کیدو لپاره څو میاشتې څخه تر یو کال وخت ونیسي، یوازې د مخ کریمونو سره پوټکی مرطوبه وساتی.
ممکن د اړتیا په صورت کې د 5-7 ورځو لپاره په ورځ کې دوه ځله د ټیټ ځواک 1٪ یا 2.5٪ هایدروکارټیسون کریم وړاندیز کیږي
