Spitali Rajonal Durres

26/11/2025

🩺 Rast suksesi në Spitalin Rajonal Durrës

Një 15-vjeçar mbërriti në urgjencë në gjendje tejet kritike, me plagë të shumta penetruese dhe organe të dëmtuara nga mjeti prerës. Zemra kishte dy çarje nga 2 cm me tamponadë kardiake, ndërsa në regjionin e corpus ventrikuli u konstatua një çarje 3 cm në stomak. Gjendje kufi.

U fut menjëherë në sallë dhe ekipi kirurgjikal realizoi një ndërhyrje të vështirë, ku u menaxhuan dëmtimet jetike dhe u rikthye stabiliteti hemodinamik. Reagim i shpejtë, i pastër, pa humbur asnjë minutë.

Mirënjohje për kirurgët F. Shini dhe E. Demiraj, si dhe për anestezistin A. Banushi infermier V. Jaho E.Mako H.Vezi, që e çuan rastin drejt suksesit me profesionalizëm dhe qetësi operative. Pacienti aktualisht po trajtohet në Reanimacion në gjendje të stabilizuar.

💙👏🙏 Ekip i fortë. Vendimmarrje e shpejtë. Jetë e shpëtuar.
💪🫀✨

11/11/2025

🎉 Lajm fantastik!

Është miratuar zyrtarisht projekti për Urgjencën e RE të spitalit tonë!
Ky është një moment i madh dhe një hap gjigant drejt një shërbimi modern, dinjitoz dhe me standarde europiane.
Pacientët dhe stafi do të kenë më në fund një ambient siç duhet – dhe këtë e kemi merituar prej kohësh.

Falë përkushtimit dhe bashkëpunimit të të gjithëve, ky projekt po bëhet realitet.
Gati për kapitullin e ri. 🚀

10/10/2025

Në kuadër të Ditës Botërore të Shëndetit Mendor, në Poliklinikën e Specialiteteve Durrës u zhvillua një takim sensibilizues me personelin shëndetësor, i udhëhequr nga Dr. Zvetllana, psikiatre infantile.
Gjatë takimit u trajtuan tema që lidhen me rëndësinë e kujdesit për shëndetin mendor, identifikimin e hershëm të problematikave psikologjike dhe rolin e personelit shëndetësor në mbështetjen e pacientëve dhe komunitetit.

01/10/2025

🎀Në këtë muaj të ndërgjegjësimit dhe luftës kundër kancerit të gjirit ftoj të gjitha nënat, vajzat, motrat që të bëjnë kontrollin mjekësor për të parandaluar këtë sëmundje.🙏

➡️Lufta kundër kancerit të gjirit është beteja jonë e përbashkët, është beteja për jetën.

11/08/2025

🏥 Spitali Rajonal i 📍Durrësit dhe qendrat shëndetësore verore përgjatë vijës bregdetare po ofrojnë shërbim të pandërprerë për qytetarët dhe mijëra turistë që zgjedhin Durrësin në këtë sezon veror.

🚑 Urgjenca spitalore 24/7, me ekipe të përforcuara dhe aparaturat bashkëkohore, përballon çdo ditë 270–300 vizita e konsulta mjekësore 👨‍⚕️🧑‍⚕️

✅ Nga traumat dhe urgjencat kardiake, te incidentet e plazhit, personeli mjekësor është në gatishmëri pasi siguria shëndetësore mbetet prioriteti ynë.

27/06/2025

🩺 Autonomia spitalore nuk është një gjendje fikse…
🔄 Por një proces gradual transformimi!
🏥 Që i jep spitaleve:
✅ Më shumë liri në vendimmarrje
✅ Më shumë përgjegjësi
✅ Më shumë fleksibilitet
🎯 Për një performancë më të mirë dhe kujdes më cilësor për pacientin!

💡💪👩‍⚕️👨‍⚕️

26/06/2025

06/06/2025

Spitali Rajonal Durrës uron të gjithë qytetarët, pacientët, stafin dhe familjet e tyre:
Gëzuar Festën e Bajramit!
Qoftë kjo ditë e shenjtë një moment reflektimi, paqeje dhe mirësie për të gjithë.
Me respekt dhe përkushtim, ne mbetemi pranë jush në çdo hap.🌙

28/04/2025

Faleminderit Rotary Club Durrës!

Spitali Rajonal Durrës shpreh mirënjohjen e thellë për donacionin e pajisjeve ortopedike nga Rotary Club Durrës. Këto pajisje do të jenë një ndihmë e vyer për pacientët tanë në procesin e trajtimit dhe rehabilitimit.

Bashkëpunimi dhe mbështetja e komunitetit janë thelbësore për mbarëvajtjen e shërbimeve tona.

30/03/2025

Gëzuar Fitër Bajramin të gjithë besimtarëve myslimanë🤲 këtë ditë të shënuar që kurorëzon muajin e shenjtë të Ramazanit 🕌

Qoftë agjërimi e sakrifica e pranuar për të gjithë ju! 🕌📿

27/03/2025

Me dhimbje të thellë mësuam lajmin e hidhur të ndarjes nga jeta të Doktor Niko Durri, në moshën 54 vjeçare.
Një humbje e parakohshme për familjen dhe bluzat e bardha.
Dr. Niko, një figurë e rëndësishme e shërbimit të Ortopedisë-Traumatologjisë në Spitalin Rajonal të Durrësit dhe një shembull i përkushtimit të palodhur ne shërbim të pacientëve, sot nuk është më mes nesh.

Dr. Niko Durri, u lind në vitin 1971 ne Tiranë.
Përfundoi studimet e larta në Fakultetin e Mjekësisë të Universitetit të Tiranes ne vitin 1997 si Mjek i Përgjithshëm, duke e përfunduar me rezultate të shkëlqyera.
Më pas kreu specializimin për Ortopedi -Traumatologji ne Universitetin e Mjekesise"Carol Davilla", në Bukuresht të Rumanisë.

Pas specializimit punoi për një periudhë një vjeçare si mjek ortoped-traumatolog në spitalin e Beratit deri në vitin 2005 dhe më pas në spitalin e Lushnjes për një vit tjetër deri në vitin 2006.

Me pas emërohet në Spitalin e Durrësit si mjek ortoped-traumatolog, ku vazhdonte të ushtronte profesionin.

Doktor Niko Durri gjatë gjithë karrierës së tij tregoi profesionalizëm, kulturë, korrektësi, qytetari dhe vlera e virtyte humane që konfiguruan tek secili mjekun e besuar dhe shumë të dashur për çdo pacient.

Përgjatë gjithë jetës profesionale, doktori me bluzën e bardhë dhe zemrën gjithashtu u bë pjesë jo vetëm e mjekëve profesionistë të qytetit tonë, por edhe e shumë viteve të mbushura me punë e sakrifica të panumërta.

Duke u shprehur ngushëllimet e përzemërta familjarëve dhe kolegëve, urojmë që shpirti i tij të prehet në paqe!

I paharruar qoftë kujtimi i tij!