Njësia Vendore e Kujdesit Shëndetësor Fier

08/04/2026

Takim ndërgjegjësues me nxënës në shkollën "Jani Bakalli' .
🧩 Autizmi nuk është sëmundje – është një mënyrë ndryshe për të parë botën.
Çdo fëmijë me autizëm është unik. Ata mund të shprehen ndryshe, të komunikojnë ndryshe dhe të ndjejnë botën në mënyrën e tyre të veçantë. Por një gjë është e njëjtë ,ata kanë nevojë për dashuri, mirëkuptim dhe pranim.

02/04/2026

Sot, në Ditën Botërore të Ndërgjegjësimit për Autizmin, le të ndalemi për një moment dhe të reflektojmë mbi rëndësinë e pranimit, mirëkuptimit dhe mbështetjes.

Autizmi nuk është një kufizim – është një mënyrë unike për të parë dhe përjetuar botën. Çdo fëmijë dhe çdo individ në spektrin autik ka potencial, ndjenja dhe aftësi që meritojnë të vlerësohen.

31/03/2026

24/03/2026

24 Mars - Dita Botërore e Tuberkulozit
Tuberkulozi (TB) është një sëmundje infektive që prek më shpesh mushkëritë dhe përhapet nëpërmjet ajrit kur një person i sëmurë kollitet, teshtin ose flet
Simptomat kryesore
• Kollë që zgjat mbi 2–3 javë
• Temperaturë e lehtë e vazhdueshme
• Djersitje nate
• Humbje peshe dhe oreksi
• Lodhje e vazhdueshme
• Ndonjëherë gjak në pështymë

18/03/2026

Sot ne kuader te"Dites Boterore te Higjenes Orale" u zhvillua nje aktivitet ndergjegjesues ne kopshtin Nr.3 te qytetit.Gjate ketij aktiviteti,femijeve iu shperndane furca dhembesh dhe u fol per rendesine e kujdesit te higjienes orale qe ne moshe te hershme.Edukimi mbi larjen e rregullt te dhembeve eshte nje hap i rendesishem drejt nje shendeti te mire dhe parandalimit te problemeve dentare ne te ardhmen.

🦷🪥"Dhembe te Shendetshem-Buzeqeshje e Bukur"😄 😁

12/03/2026

Në kuadër të Javës Botërore të Glaukomës, u zhvillua një aktivitet depistues në bashkëpunim me Retina Institute, me qëllim rritjen e ndërgjegjësimit dhe zbulimin e hershëm të Glaukomës.

Qytetarëve iu ofrua matja e tensionit të syrit, si dhe kontrolli i tensionit arterial, të shoqëruara me këshilla shëndetësore për parandalimin dhe kontrollin e faktorëve të rrezikut.

Aktivitete të tilla kanë një rol të rëndësishëm në promovimin e shëndetit dhe në nxitjen e kontrollit periodik, duke kontribuar në zbulimin e hershëm dhe parandalimin e komplikacioneve që mund të ndikojnë në shikim dhe në shëndetin e përgjithshëm.

09/03/2026

06/03/2026

Gjatë një takimi me nxënës në shkollën “Liri Gero” u diskutua për zgjedhjen e ushqimeve të shëndetshme, rëndësinë e konsumit të frutave dhe perimeve, si dhe kufizimin e ushqimeve të përpunuara dhe pijeve me sheqer.
Qëllimi i aktivitetit ishte rritja e ndërgjegjësimit tek fëmijët për të ndërtuar zakone të shëndetshme ushqimore që ndikojnë pozitivisht në rritjen, zhvillimin dhe performancën në shkollë.

05/03/2026

Ushqyerja e shëndetshme është çelësi për menaxhimin e sëmundjeve kronike

Një regjim i balancuar ushqimor ndihmon në kontrollin e diabetit, hipertensionit dhe problemeve të zemrës.

✅ Konsumoni më shumë perime, fruta të freskëta, drithëra integrale dhe bishtajore
✅ Zgjidhni mish të bardhë dhe peshk, kufizoni mishrat e përpunuar
✅ Ulni kripën për të mbajtur nën kontroll tensionin arterial
✅ Kufizoni sheqernat dhe ëmbëlsirat për stabilizimin e glicemisë
✅ Pini mjaftueshëm ujë gjatë ditës

03/03/2026

📌Në bashkëpunim me stafin e qëndrës shëndetësore u zhvillua një takim ndërgjegjësues me nxënësit dhe stafin e Shkolla 9-vjeçare “Lili Stavre” Topojë ku u diskutua mbi rëndësinë e vaksinimit kundër HPV për djem dhe vajza, dhe informimit të hershëm .

Parandalimi fillon me informimin 🩷 💙