09/03/2026
NJVKSH Gjirokastër po tregon një vëmendje të veçantë ndaj respektimit të standardeve etike dhe profesionale të ofrimit të kujdesit shëndetësor për komunitetin në tërësi, veçanërisht për fëmijët e vegjël, gratë shtatzëna, personat e moshës së tretë, si dhe për ata që vuajnë nga sëmundje kronike apo kanë pamundësi fizike, psikologjike dhe shëndetësore për të marrë shërbimet mjekësore të nevojshme nga personeli mjekësor dhe infermieror në QSh-të e rrethit.
Specialistët e strukturave monitoruese dhe vlerësuese të shërbimit të KSHP-së të institucionit tonë kryen këto ditë procese supervizuese dhe mbështetëse në QSh Libohovë dhe Dropull i Poshtëm, për të parë infrastrukturën fizike dhe logjistike të institucioneve në KSHP, për të ndjekur ecurinë e kujdesit mjekësor dhe KMB-së, si dhe për të ofruar ndihmë dhe konsulencë specifike për personelin shëndetësor në lidhje me aplikimin korrekt të instrumentit “Karnovsky”, respektimin e protokolleve të trajtimit, plotësimin e të dhënave dhe indikatorëve biostatistikorë, si dhe vlerësimin me prioritet dhe ofrimin e kujdesit infermieror për pacientët që kërkojnë asistencë dhe kujdes specifik në banesë.
Krahas kësaj veprimtarie, u monitoruan dhe u vlerësuan edhe shërbimet e tjera të mjekësisë familjare, si dhe lista e barnave të urgjencës, skema e imunizimit dhe vaksinimit për grupmoshën 0–18 vjeç, si dhe kontrolli mjekësor falas. Njëkohësisht, u udhëzua personeli i qendrave shëndetësore që të marrë në çdo kohë masa të posaçme për problematikat e mundshme shëndetësore që lidhen me gripin dhe virozat stinore dhe menaxhimin e tyre, sidomos për grupet e riskut në popullatë.
