29/03/2026
Nga miku im .
Rast interesant para dhe pas një programi fantastik të Fizioterapisë tek Hernia Diskale Lumbare! Në fakt RMN në një hapësirë kohore njëvjeqare tregon asorbimin spontan! Kjo quhet historia natyrale e problemit!
A ndikon Fizioterapia në asorbimin (largimin e materialit diskal)?
Cfare thotë evidenca shkencore?
🛑 Hernia diskale nuk është gjithmonë një “problem për t’u rregulluar”. Shpesh është një proces që trupi e zgjidh vetë.
Në praktikë klinike shumë pacientë vijnë me frikë pasi kanë bërë një MRI dhe kanë lexuar në raport: hernia diskale, protruzion, ekstruzion. Shpesh krijohet përshtypja se kjo është diçka që duhet patjetër “të kthehet në vend”.
Por historia natyrale e hernies diskale tregon një realitet tjetër.
Studimet me MRI të përsëritura kanë treguar se në një pjesë të madhe të rasteve hernia diskale zvogëlohet ose resorbohet spontanisht me kalimin e kohës. Në një systematic review shumë të njohur, Chiu dhe kolegët treguan se probabiliteti i regresionit spontan është shumë i lartë, sidomos në format më të mëdha të hernies:
sekuestrim ≈ 96%, ekstruzion ≈ 70%, protruzion ≈ 41%.
Pra paradoksalisht, herniet më të mëdha shpesh kanë më shumë gjasa të resorbohen sepse sistemi imunitar mund të reagojë ndaj fragmentit diskal dhe ta pastrojë atë gradualisht përmes aktivitetit të makrofagëve dhe proceseve inflamatore biologjike. Një meta-analizë tjetër raportoi se rreth dy të tretat e hernieve diskale tregojnë asorbim në imazheri gjatë trajtimit konservativ. Kjo ka një relevancë shumë të rëndësishme klinike.
Së pari, na kujton se imazheria nuk është prognozë. RMN na tregon një moment anatomik, por nuk na tregon domosdoshmërisht se si do të evoluojë problemi. Së dyti, shpjegon pse në shumicën e rasteve trajtim konservativ është strategjia e parë. Menaxhimi me edukim, ngarkesë progresive, ushtrime dhe qasje të strukturuar në fizioterapi shpesh është i mjaftueshëm ndërsa proceset biologjike të trupit bëjnë te tyren. Së treti, kjo është arsyeja pse në Orthopaedic Manual Therapy sipas Maitland Concept Ompt &OMPT kemi ne fokus mekanizmin e simptomave, dhe levizjen.
