Terapi Zhvillimi

25/12/2025

🎄✨ Gëzuar Krishtlindjet! ✨🎄
Qoftë kjo festë një kujtesë se dashuria, durimi dhe shpresa bëjnë mrekulli.
Urojmë që drita e Krishtlindjeve të sjellë paqe në çdo familje, forcë në çdo zemër dhe buzëqeshje të sinqerta tek fëmijët tanë.
Me zemër plot mirënjohje, ju urojmë festa të mbushura me ngrohtësi dhe besim. 🤍

22/12/2025

21/12/2025

Faleminderit stafit të mrekullueshëm për çdo moment të dhënë me pasion, përkushtim dhe profesionalizëm. Ju jeni zemra e këtij vendi. Me dashurinë që i jepni fëmijëve, me durimin kur ata kërkojnë më shumë, me energjinë që sollët çdo ditë, krijoni jo vetëm mësim, por një atmosferë të ngrohtë, të dashur dhe frymëzuese. Bashkë jemi më shumë se një ekip – jemi një familje.

Në çdo hap të këtij viti, kemi ndarë së bashku mësime, qeshje, sfida, suksese dhe momente për t’u mbajtur fort në kujtesë. Ne jemi këtu, jo vetëm si mësues, staf apo udhëzues – por si njerëz që ndajnë një mision të përbashkët: të krijojnë botë ku çdo fëmijë ndihet i dëgjuar, i dashur dhe plot besim në vete.

💫 Faleminderit që ish*t dhe jeni pjesë e familjes tonë të madhe.
Le të vazhdojmë të rritemi, të mësojmë dhe të festojmë së bashku edhe në vitet që vijnë!

Me shumë dashuri dhe mirënjohje stafi “Terapi Zhvillimi”❤️❤️❤️❤️❤️
✅ ❣️ ❤️

16/12/2025

Biseda jonë nisi butë, me aromë festash dhe shkëlqim fundviti. Filluam të flasim për festat që po afrojnë, për dëshirat e vogla e të mëdha, për ëndrrat që ia besojmë Babagjysh*t dhe për gjërat që zemra jonë shpreson të gjejë nën pemë.

Por, siç ndodh shpesh në botën e fëmijëve, biseda mori krejt papritur një rrjedhë tjetër. Shoqja ime e vogël, me kureshtjen dhe sinqeritetin që e karakterizon, nisi të më bëjë pyetje të njëpasnjëshme — pyetje që hapnin dyer mendimi dhe reflektimi. Nga aty, kaluam natyrshëm tek të jetuarit shëndetshëm dhe pashëndetshëm, duke ndarë mendime, duke dalluar zgjedhje dhe duke kuptuar pasojat e tyre.

Në mënyrë të bukur e spontane, ajo u shndërrua në “këshilltaren” time të vogël, duke më dhënë disa këshilla të çmuara për kujdesin ndaj vetes, ushqimin, trupin dhe mirëqenien. Seanca u mbyll me një moment reflektimi, ku bashkë vendosëm disa prioritete për vitin 2026 — qëllime të vogla, por me kuptim të madh, të lindura nga dialogu, vetëdija dhe dëshira për t’u rritur më mirë.

Një seancë që na kujtoi se terapitë nuk janë gjithmonë të planifikuara deri në detaj, por shpeshherë më të vlefshmet janë ato që rrjedhin lirshëm, aty ku fjala, mendimi dhe zemra takohen. ✨
✅ ❤️

12/12/2025

Gjatë seancës së sotme, kemi punuar me ushtrime në mbledhje, zbritje me numra dyshifrorë dhe treshifrorë duke i zgjidhur të gjitha në mënyrë të pavarur dhe me një qëndrueshmëri që vjen duke u forcuar dita-ditës.

Ky rezultat merr edhe më shumë vlerë kur kujtojmë pikënisjen.Më herët, kishte vështirësi të theksuara për të punuar pa mbështetje të vazhdueshme. Nuk ndihej e sigurt, kërkonte gjithmonë praninë e një personi përballë dhe shpesh:
rrinte mbi fletë pa e nisur detyrën,
shkaraviste
fshinte ose griste fletën,
humbte vëmendjen dhe nuk përfshihej dot në aktivitet.

Sot, pamë një ndryshim rrënjësor: u ul, punoi me qetësi, mbajti fokusin gjatë gjithë detyrave dhe i realizoi ushtrimet në mënyrë të organizuar, të saktë dhe pa kërkuar ndihmë. Sjellja e saj tregon maturi, vetëkontroll dhe rritje të vërtetë në aftësitë akademike dhe funksionale.

Ky progres është një dëshmi motivuese e punës së saj të përditshme, si edhe e strategjive të zbatuara në terapi, të cilat po e ndihmojnë të ndërtojë siguri dhe pavarësi në detyra.

🌟 Bravo për përpjekjen, këmbënguljen dhe suksesin e vazhdueshëm.Jemi jashtëzakonisht krenarë për ty ❤️

08/12/2025

🧩 Homonimet dhe konteksti i fjalëve në fjali— një sfidë e shpeshtë për fëmijët me vështirësi zhvillimore

Shpesh gjatë terapisë vëmë re se fëmijët hasin vështirësi kur një fjalë ka dy kuptime,homonimet.P.sh. fjala “Besnik” që mund të përdoret si emër personi ose për të treguar një cilësi: “Ai është besnik”.

📌 Fëmijët me vështirësi shpesh e interpretojnë fjalën vetëm në një kuptim dhe humbasin mesazhin e plotë të fjalise.
📌 Po ashtu, ata hasin vështirësi në leximin e kuptimit në kontekst, pra në lidhjen e fjalës me situatën ku përdoret.

Në terapi punojmë me shembuj konkretë, situata të modeluara dhe shumë ilustrime për të ndërtuar gradualisht fleksibilitetin gjuhësor dhe të menduarit.

💛 Që çdo fëmijë ta kuptojë gjuhën jo vetëm si fjalë… por si kuptim.
✅ ❤️ ❣️ ❤️💞❤️

03/12/2025

📘 Përmbledhja e seancës së sotme të terapisë

Gjatë seancës së sotme, fëmija ka zhvilluar një kombinim të programeve terapeutike me qëllim gjeneralizimin e aftësive të mësuara më herët, si edhe mirëmbajtjen e tyre. Aktivitetet janë përzgjedhur në mënyrë të tillë që fëmija të praktikojë njohuritë në situata të ndryshme, duke treguar fleksibilitet dhe kuptim më të gjerë të tyre.

U punua në:
-Rikujtimin e koncepteve të mëparshme, me fokus që fëmija t’i aplikojë ato në kontekste të reja.
-Përforcimin e aftësive të fituara, për t’i mbajtur të qëndrueshme dhe të konsoliduara.
-Integrimin e programeve të ndryshme, duke e ndihmuar fëmijën të përdorë njohuritë në mënyrë funksionale dhe të natyrshme.

Fëmija tregoi angazhim, vëmendje dhe dëshirë për të bashkëpunuar gjatë seancës. Ndërveprimi ishte i këndshëm dhe ritmi i punës i përshtatur sipas nevojave të tij, duke e bërë seancën efektive dhe të suksesshme.
✅ ❤️

30/11/2025

28/11/2025

Nga vijmë ne?” – Aktiviteti i sotëm në qendrën tonë

Sot, fëmijët e qendrës sonë u përfshinë në një aktivitet të veçantë dhe plot kuptim: zbuluan origjinën e tyre në hartën e Shqipërisë. 🇦🇱

Secili prej tyre vendosi fotografinë e vet në qytetin nga ku vjen, duke e fiksuar me kunja . Ky moment i thjeshtë u shndërrua në një përvojë emocionuese – një udhëtim i vogël drejt identitetit të tyre, rrënjëve dhe historisë familjare.

👧👦 Fëmijët u ndjenë krenarë teksa gjetën vendin e tyre në hartë dhe mësuan se sa të ndryshëm, por njëkohësisht sa shumë të përbashkët kemi mes nesh.

Ky aktivitet ndihmon në:
zhvillimin e ndjenjës së identitetit dhe përkatësisë
forcimin e vetëbesimit
komunikimin, bashkëpunimin dhe ndarjen e përvojave
zhvillimin e aftësive njohëse për qytetet dhe kulturën tonë

Në fund, harta jonë u mbush me fytyra të qeshura – një mozaik i vogël i Shqipërisë, ashtu si edhe qendra jonë: plot diversitet, dashuri dhe zhvillim.

❤️ Krenarë për çdo hap që bëjnë fëmijët tanë!
❤️Krenare për superstafin
❤️Krenare për çdo hap që hedhim së bashku
❤️Së bashku gjithçka bëhet më e bukur
🇦🇱 ✅ ❣️ ❤️

24/11/2025

✨ Eksperimente me ngjyrat – një orë terapie plot magji! ✨

Sot gjatë seancës, fëmijët së bashku me terapiste Ersin zbuluan diçka krejt të re: si dy ngjyra bashkohen për të krijuar një ngjyrë të re. 🟡➕🔵 = 🟢
Ishte një moment “wow” për ta — plot kureshtje, të qeshura dhe surpriza të bukura.

Kjo përvojë i bëri të ndihen shumë të lumtur, sepse ishte diçka ndryshe, një eksplorim i vogël që i lejoi të preknin, përzienin dhe krijonin. Aq shumë e shijuan sa në fund nuk donin të mbaronte ora!
“Duam prapë !” — ishte kërkesa e tyre plot dritë.

Dhe kur i pyetëm nëse kishin bërë eksperimente të tilla në shkollë, na thanë:
“Jo… nuk na lënë,na bërtasin se bëhemi pis.”
Sa shpesh fëmijët kanë nevojë thjesht të lejohen të provojnë, të gabojnë, të bëhen pis…për të mësuar shumë. ❤️

Sapo dolën nga dhoma, fëmijët vrapuan drejt familjarëve të tyre për t’u treguar me entuziazëm çfarë kishin krijuar.
Momentet më të vogla, emocionet më të mëdha. 🌈
✅ ❣️ ❤️

19/11/2025

STERIOTIPITË MOTORE
1. Rregullim sensor (self-regulation)
Shumë fëmijë i përdorin stereotipitë për të:
1️⃣qetësuar trupin kur ndihen të mbingarkuar
2️⃣rritur zgjimin kur ndihen të ulët në energji
3️⃣organizuar inputet shqisore
Steriotipitë janë një formë vetërregullimi.

2. Shprehi emocionale
Shpesh rriten kur fëmija është:
1️⃣i lumtur
2️⃣i ngazëllyer
3️⃣i nervozuar
4️⃣i mërzitur
Shpesh janë një shprehje emocionale, jo sjellje “problem”.

3. Mungesë aktiviteti funksional
Kur një fëmijë nuk ka mjaftueshëm lojë, aktivitet apo angazhim, trupi kërkon stimulim dhe e gjen përmes stereotipive.

4. Ndihmë për fokus
Disa stereotipi të lehta e ndihmojnë fëmijën të përqendrohet në detyra të vështira ose të ulë ankthin.

Dilema që ka çdo prind e ndoshta prifrsionistët e rinj:”A duhet t’i ndalojmë stereotipitë motorike?
Jo, në shumicën e rasteve nuk duhen ndaluar.

Kur është e nevojshme të ndërhyjmë?
Kur stereotipitë:
1️⃣Dëmtojnë fëmijën
a.përplasje e trupit
b.kafshim
c.goditje të forta

2️⃣Ndërhyjnë rëndë me të mësuarin
p.sh. kur fëmija nuk arrin të fokusohet fare në detyrë.

3️⃣Pengojnë aktivitetet e përditshme si veshja, ngrënia, ecja e sigurt.

Në këto raste i zëvendësojmë me sjellje më funksionale.

Çfarë mund bëjmë në vend të ndalimit?
1️⃣Ofrojmë alternativa sensore
T**a antistres, rrotullues, lëvizje ritmike të kontrolluara, trampolinë, objekte për shtypje etj.

2️⃣Ndërtojmë një strukturë gjatë ditës
Më shumë lojë funksionale, angazhim, aktivitete motorike të planifikuara.

3️⃣Mësimi i vetërregullimit
Frymëmarrje e drejtuar, pauza sensore, aktivitete qetësuese.

4️⃣Ndërhyrje e lehtë gjatë detyrave
Duke përfshirë fëmijën në detyrë me hapa të vegjël, duke dhënë shpërblime dhe ndërprerje të shkurtra.
✅ ❤️