Neuron Center

Neuron Center ✨”Ne ngrihemi duke ngritur të tjerët.”
🧠Shërbime Psiko-Sociale
🗣️Shërbime Logopedike
🧑‍🧑‍🧒Mbështetje për prindër & fëmijë
📩Rezervo👇
📞 +355 69 320 0778

🌟 Përfundoi me sukses iniciativa “Virtus - Studentët për Studentët” në Qendrën “Neuron”!Studentët patën mundësinë të zhv...
19/04/2026

🌟 Përfundoi me sukses iniciativa “Virtus - Studentët për Studentët” në Qendrën “Neuron”!

Studentët patën mundësinë të zhvillojnë dhe të prezantojnë ide kreative përmes aktiviteteve të tyre, duke ndarë reflektime dhe perspektiva mbi tema me rëndësi sociale, psikologjike dhe personale. Kjo nismë synoi fuqizimin e aftësive soft skills, rritjen e vetëbesimit dhe nxitjen e mendimit kritik në një mjedis bashkëpunues.

📌 Pjesëmarrësit e kësaj rradhe ishin:
🎨 Xheni Jaku – “Kur arti takon mendjen”
🧭 Juri Vuka – “Kufijtë nuk janë luks, janë nevojë”
🧠 Xhoela Curri – “Çfarë po ndodh me tjetrin? A jemi vërtet lexues apo skllevër të përshtypjeve?”

Secili prezantim solli këndvështrime të veçanta dhe nxiti diskutim të vlefshëm mbi mënyrën si mendojmë, ndiejmë dhe ndërveprojmë me botën përreth nesh.

🙏 Falënderojmë Universitetin “Luigj Gurakuqi” për mbështetjen dhe bashkëpunimin në realizimin e kësaj nisme.

👏 Faleminderit të gjithë studentëve pjesëmarrës për angazhimin, kreativitetin dhe energjinë e tyre!

🚀 Neuron vazhdon të krijojë hapësira ku studentët mësojnë, shprehen dhe rriten profesionalisht e personalisht.

🎓 Përfundoi me sukses cikli i trajnimeve në Qendrën “Neuron”!Gjatë muajve Mars–Prill 2026 u zhvillua një cikël me 6 traj...
19/04/2026

🎓 Përfundoi me sukses cikli i trajnimeve në Qendrën “Neuron”!

Gjatë muajve Mars–Prill 2026 u zhvillua një cikël me 6 trajnime, të cilat u mbajtën në ambientet e Qendrës “Neuron”, me fokus në zhvillimin personal dhe profesional të pjesëmarrësve.

Temat kryesore përfshinë:
✨ Inteligjencën emocionale
✨ Njohjen dhe kuptimin e vetes
✨ Menaxhimin e emocioneve
✨ Teknikat e vetëprezantimit
✨ Komunikimin efektiv në publik

Trajnimet u drejtuan nga psikologia klinike, MSc Erjona Berdica, ndërsa pjesëmarrësit ishin studentë dhe gjimnazistë, të cilët kontribuuan me angazhim dhe energji në çdo sesion.

Faleminderit të gjithëve për pjesëmarrjen aktive dhe përkushtimin gjatë këtij cikli! 🌿

Në kuadër të muajit të ndërgjegjësimit për autizmin 💙, Qendra “Neuron”, në bashkëpunim me Dr. Megi Vjerdha-Shllaku, zhvi...
19/04/2026

Në kuadër të muajit të ndërgjegjësimit për autizmin 💙, Qendra “Neuron”, në bashkëpunim me Dr. Megi Vjerdha-Shllaku, zhvilloi trajnimin “Child-Led and Emotion Focused Therapy”.

Një eksperiencë e vlefshme për stafin dhe prindërit, e fokusuar në mënyra më të ndjeshme dhe efektive për të kuptuar, mbështetur dhe trajtuar fëmijët me autizëm.

“Në një botë që të kërkon ta ndryshosh fëmijën tënd, të ftoj ta njohësh!” -

13/04/2026

Dita mund të jetë e rrëmujshme, por kënaqësia që mbetet nga fëmijët dhe dashuria që të japin, e kthejnë rrëmujën në forcën tonë më të madhe. 🌻

04/04/2026

Ndonjëherë mesazhet më të rëndësishme nuk ndahen menjëherë, por kur marrin kuptimin e plotë 🤍

Kjo video është përgatitur me shumë përkushtim nga stafi ynë për Ditën Botërore të Autizmit, një ditë që për ne jeton çdo ditë në punën që bëjmë.

Ndërkohë që kjo video priste të ndahej me ju, ne kemi qenë aty ku jemi gjithmonë: pranë fëmijëve, familjeve dhe njëri-tjetrit, duke punuar, duke mbështetur dhe duke hedhur hapa të vegjël që synojnë një ndryshim të madh.

Sepse ne besojmë fort se ngrihemi duke ngritur të tjerët!

—

Qendra “Neuron” 🧩🫂
Mesazhet në këtë video janë dhënë nga:
, , .berdica , , , .kraja , .demii , , .tukaj 🌻

30/03/2026

Një mundësi e vlefshme për të thelluar njohuritë dhe për të bërë një ndryshim real në jetën e fëmijëve 🤍

Bashkohuni në trajnimin intensiv 1-ditor mbi qasjen Child-led dhe EFT, i fokusuar në mbështetjen e fëmijëve me autizëm. Një kombinim i teorisë dhe praktikës, i udhëhequr nga një profesioniste me eksperiencë si Dr. Megi Vjerdha-Shllaku, që ju pajis me mjete konkrete për punën tuaj të përditshme.

👩‍⚕️ I dedikuar për: terapistë, mësues, logopedë dhe prindër
📍 Shkodër (me mundësi edhe online)
📅 Vendet janë të kufizuara

Investoni në dije, empati dhe zhvillim profesional 🌱

📩 Për regjistrim: +355693200778

-
Qendra “Neuron”, Shkodër

𝑴𝒖𝒏𝒅ë𝒔𝒊 𝑷𝒖𝒏ë𝒔𝒊𝒎𝒊 – 𝑷𝒔𝒊𝒌𝒐𝒍𝒐𝒈/𝒆 & 𝑻𝒆𝒓𝒂𝒑𝒊𝒔𝒕/𝒆Klinika jonë kërkon të punësojë Psikolog/e & Terapist/e të licensuar, me përga...
26/03/2026

𝑴𝒖𝒏𝒅ë𝒔𝒊 𝑷𝒖𝒏ë𝒔𝒊𝒎𝒊 – 𝑷𝒔𝒊𝒌𝒐𝒍𝒐𝒈/𝒆 & 𝑻𝒆𝒓𝒂𝒑𝒊𝒔𝒕/𝒆

Klinika jonë kërkon të punësojë Psikolog/e & Terapist/e të licensuar, me përgatitje profesionale dhe përkushtim ndaj punës me fëmijë, adoleshentë dhe të rritur.

𝐊𝐫𝐢𝐭𝐞𝐫𝐞𝐭 𝐝𝐡𝐞 𝐝𝐨𝐤𝐮𝐦𝐞𝐧𝐭𝐚𝐜𝐢𝐨𝐧𝐢 𝐢 𝐤ë𝐫𝐤𝐮𝐚𝐫:
• Diplomë universitare
• Leje ushtrimi profesioni / licensë të vlefshme
• CV me dokumente dhe materiale që vërtetojnë përvojën profesionale, trajnimet, kualifikimet dhe çdo aktivitet të deklaruar në CV
• Njohje e Kodit Etik dhe Deontologjik të Urdhrit të Psikologut në Shqipëri
• Njohuri mbi parimet dhe të drejtat e fëmijëve, konfidencialitetin, etikën profesionale dhe parimet bazë të praktikës psikologjike

𝐊ë𝐫𝐤𝐨𝐣𝐦ë 𝐧𝐣ë 𝐩𝐫𝐨𝐟𝐞𝐬𝐢𝐨𝐧𝐢𝐬𝐭/𝐞 𝐪ë:
• Të jetë i/e përkushtuar, aktiv/e dhe me dëshirë për zhvillim profesional
• Të ketë qëndrim serioz dhe etik ndaj punës
• Të jetë i/e aftë të punojë me përgjegjësi
• Të ketë aftësi komunikimi, empati, durim dhe profesionalizëm

🌻 Mund të dërgoni CV tuaj në email:

qendraneuron@gmail.com

Dëgjimi aktiv është aftësia për t’u fokusuar te dikush me vëmendje të plotë dhe për të kuptuar emocionet dhe mesazhet që...
23/03/2026

Dëgjimi aktiv është aftësia për t’u fokusuar te dikush me vëmendje të plotë dhe për të kuptuar emocionet dhe mesazhet që nuk shfaqen me fjalë.

Kur njerëzit ndihen të dëgjuar në këtë mënyrë, ata krijojnë besim më të madh dhe lidhen më mirë me ty.

Ky lloj dëgjimi kërkon pranimin e përvojave të tjetrit, pa ndërprerje, këshilla të menjëhershme apo minimizim, dhe është baza e çdo marrëdhënieje të shëndetshme.

Shpesh prindërit duan të ndihmojnë fëmijën sa më shumë, por ndihma e tepërt mund të ketë efekt të kundërt. Kur bëjmë gji...
21/03/2026

Shpesh prindërit duan të ndihmojnë fëmijën sa më shumë, por ndihma e tepërt mund të ketë efekt të kundërt. Kur bëjmë gjithçka për ta, fëmijët nuk mësojnë të marrin vendime vetë dhe krijojnë varësi emocionale.

Fjalët dhe veprimet tona ndikojnë direkt në autonominë dhe vetëbesimin e tyre. Një ndihmë e mençur është ajo që mbështet, jo që zëvendëson përpjekjen e tyre.

Në këtë ditë që i kushtohet grave, ne duam të ndalemi për një moment tek ajo grua që shpesh mbetet në heshtje, ajo që ku...
08/03/2026

Në këtë ditë që i kushtohet grave, ne duam të ndalemi për një moment tek ajo grua që shpesh mbetet në heshtje, ajo që kujdeset për të gjithë, por harron të kujdeset për veten.

Ajo që mban shumë role me vete, nënë, bijë, partnere, profesioniste, dhe që shpesh vendos nevojat e të tjerëve përpara të sajave. Sot është një kujtesë për të ndaluar dhe rikthyer vëmendjen tek vetja. Sepse mirëqenia e një gruaje nuk është sulltanet por është nevojë.

Nga Qendra “Neuron” duam t’ju dërgojmë një letër të gjitha grave dhe vajzave për t’ju rikujtuar fuqinë, zërin dhe të drejtën për t’u kujdesur edhe për veten. Sepse kujdesi për të tjerët fillon gjithmonë nga kujdesi për veten. 🌻
——
E dashtun,
kisha dashtë viteve me mujt me i vendos çelës e t’i hapin rrugë numrave n’bankë e diellit me lëshu’ rreze përnbi shpirt. Për vjet e vjet me rradhë mbi shpatullat e tuja kam pa’ gjithçka veçse ty e ândrrat tuja. A mendon edhe ti se ka ardh’ koha me e rrokë veten si me dashtë me u çmall për vitet që e harrove e me i than’ se nuk ke me e lan’ ma vetëm? Se ti e meriton të jesh nji gru’ që kur duhet bâhet zanë, e kur duhet bahet fmi’. E dashtun, mos harro se përditë të përqafoj, të du’ e t’kam dritë në sytë e mi! 🩷

📚 7 Mars – Dita Kombëtare e MësuesitShpesh mendojmë për mësuesin si personin që shpjegon një lëndë në klasë. Por puna e ...
07/03/2026

📚 7 Mars – Dita Kombëtare e Mësuesit

Shpesh mendojmë për mësuesin si personin që shpjegon një lëndë në klasë. Por puna e tij shkon shumë më tej. Çdo ditë ai përballet me një klasë të mbushur me energji, emocione, pasiguri dhe pritshmëri të ndryshme.

Përveç dijes, një mësues përpiqet të krijojë një hapësirë ku nxënësit mund të ndihen të respektuar, të dëgjuar dhe të inkurajuar të provojnë përsëri edhe kur gabojnë. Shpesh kjo kërkon durim, vëmendje dhe një angazhim emocional që nuk shihet gjithmonë nga jashtë.

Në këtë ditë, vlerësojmë përkushtimin dhe ndikimin e tyre në formimin e brezave të rinj.

Gëzuar 7 Marsin dhe faleminderit për punën dhe përkushtimin tuaj!

Address

Shkoder
Shkodër
1001

Opening Hours

Monday 09:00 - 20:00
Tuesday 09:00 - 20:00
Wednesday 09:00 - 20:00
Thursday 09:00 - 20:00
Friday 09:00 - 20:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Neuron Center posts news and promotions. Your email address will not be used for any other purpose, and you can unsubscribe at any time.

Shortcuts

Share

Category