25/11/2025
🌸 “Ngjyra që shërojnë” – një histori që u jetua bashkë 🌸
Mbrëmja e 25 nëntorit u kthye në një udhëtim artistik, emocional e njerëzor, ku pikturat treguan jetën e gruas në të gjitha dimensionet e saj — fëmijërinë, ëndrrat, dashurinë, partneritetin, mënësinë, forcën dhe dritën e saj të brendshme.
Çdo vepër mbajti një mesazh:
🎨 një vajzë mbi supet e babait – besimi që e ngre një grua lart
🎨 dy të rinj duke ndërtuar shtëpinë e tyre – dashuria e shëndetshme
🎨 një çift i moshuar – përjetësia që lind nga respekti
🎨 një nënë shtatzënë – mrekullia e jetës
🎨 një vajzë që lexon – fuqia e mendimit dhe formimit
🎨 një nënë me djalin – edukimi i brezave që nesër të mos dëmtojnë
🎨 fëmijët që pikturojnë – filizat që mbajnë të ardhmen pa dhunë
Kjo ekspozitë nuk tregoi plagë, por shërim.
Nuk tregoi frikë, por dashuri.
Jo dhimbje, por vizion për një shoqëri ku gruaja është e dëgjuar, e mbrojtur, e nderuar.
Me mirënjohje të thellë për:
📚 Bibliotekën “Marin Barleti” dhe drejtoreshën Ledia Dushi
🏛️ Nënkryetaren e Bashkisë Shkodër, znj. Teuta Qyteza – për mbështetjen institucionale
🌍 Prefekten e Qarkut Shkodër, znj. Holta Duda – për praninë dhe angazhimin shoqëror
🎭 aktoret e nderuara të Shkodrës, znj. Rita Gjeka & znj. Merita Smaja – që i dhanë zë ketij eventi .
🎙️ Arjola Zadrima – për prezantimin elegant dhe të ndjerë
🙏 Josephine’s Creativity – për idenë, konceptin, realizimin e pikturave dhe shpirtin që i dha këtij aktiviteti.
Dhe faleminderit të gjithë të pranishmëve që u bëtë pjesë e këtij udhëtimi.
Por mbi të gjitha — faleminderit fëmijëve që pikturuan me zemër.
Sepse aty fillon ndryshimi.
Nëse i edukojmë sot me respekt, nesër nuk do të kemi dhunë.
🧡 Le të vazhdojmë ta luftojmë dhunën me art, edukim, dashuri dhe shembuj të mirë.
Le të mbjellim ngjyra që shërojnë.
