Spitali Rajonal Shkoder

11/01/2026

24/7 🌧️❄️👩‍⚕️👨‍⚕️🚨

📍Shkodër - Pavarësisht kushteve tepër të vështira atmosferike të ditëve të fundit, që kanë prekur çdo strukturë dhe infrastrukturë në territor, Spitali Rajonal ka funksionuar pa asnjë ndërprerje, falë masave të menjëhershme organizative dhe operacionale të ndërmarra, duke mos cënuar në asnjë moment shërbimin ndaj shëndetit të qytetarëve.

🟢 Stafi mjekësor me profesionalizëm, përgjegjësi dhe përkushtim ka përballuar me sukses situatën dhe duke garantuar vijimësinë e çdo shërbimi.

🏥 Spitali Rajonal Shkodër mbetet i angazhuar e në gatishmëri të plotë duke dhënë shërbim shëndetësor 24/7 dhe duke qenë pranë çdo qytetari edhe në kushte të jashtëzakonshme.

06/01/2026

U realizua me sukses ndërhyrja artroskopike e shpatullës, me akromioplastikë, sinovektomi, bursektomi dhe heqje të kalcifikatit (3×4 cm).
Ndërhyrja u krye në Spitalin Rajonal Shkodër nga kirurgu ortoped Dr. Ylber Zama, në bashkëpunim me Dr. Artur Vukatana, reanimatorin Luan Bajri dhe infermieret Arjola Kullolli, Medina Peraj dhe Ardita Mati.
Spitali Rajonal Shkodër vijon të ofrojë shërbime të specializuara me standarde bashkëkohore në shërbim të pacientëve.

01/01/2026

Bekimi i parë i ardhur në jetë në Shkodër është djaloshi Junaid, i lindur në orën 01:00 me peshë 3780 gram. Nëna dhe bebi gëzojnë shëndet të plotë, duke sjellë dritë dhe gëzim për familjen e tyre.

31/12/2025

Spitali Rajonal Shkodër ju uron Gëzuar Vitin e Ri! 🎉
E nisim vitin me një risi të rëndësishme në shërbimin shëndetësor:
✅ U realizua me sukses ndërhyrja me angiografi (angioplastikë) te një pacient me infarkt akut të miokardit.
👉 Pas ndërhyrjes, pacienti ndodhet në gjendje të mirë shëndetësore.
🔔 Lajm i rëndësishëm për vitin 2026:
Për herë të parë, Hemodinamika në Spitalin Rajonal Shkodër do të funksionojë 24/7, duke garantuar ndërhyrje të menjëhershme dhe shpëtim jete.
🙏 Falënderim i veçantë për stafin mjekësor:
👨‍⚕️ Dr. Kevin Bektasha,Ermal Dibra,Afrim Bashi
💙 Profesionalizëm, përkushtim dhe shpresë për çdo pacient.

31/12/2025

Në ditë të veçanta, kur të gjithë festojnë pranë familjeve të tyre, stafet mjekësore të Shërbimit të Urgjencës qëndrojnë në vijën e parë, me përkushtim, sakrificë dhe humanizëm të pashoq.
Me profesionalizëm dhe zemër të madhe, ata janë gjithmonë në shërbim të qytetarëve, duke shpëtuar jetë dhe duke dhënë shpresë aty ku nevoja është më e madhe.
Mirënjohje dhe respekt për çdo mjek, infermier dhe punonjës shëndetësor që sakrifikon kohën, familjen dhe festat për shëndetin dhe jetën e të tjerëve.
Ju faleminderit për punën tuaj fisnike dhe përkushtimin e palodhur.

31/12/2025

Gëzuar Vitin e Ri! 🎉
Stafi i Shërbimit të Obstetrikë–Gjinekologjisë ju uron shëndet, dashuri dhe shpresë në vitin e ri — aty ku fillon jeta. 💙

22/12/2025

Evis Sala: Rikthimi për të ndërtuar një shëndetësi moderne në Shqipëri
Nga Tirana në ➡️ Cambridge (Mbretëri e Bashkuar) ➡️ Memorial Sloan Kettering (Nju Jork, SHBA) ➡️ Poliklinika Gemelli (Romë, Itali).
➡️ Sot në krye të reformës shëndetësore në Shqipëri 🇦🇱.
Prof. Evis Sala, Ministre e Shëndetësisë dhe Mirëqenies Sociale, në një intervistë të veçantë për prestigjozen ndërkombëtare OncoDaily flet për rikthimin në atdhe, vizionin për një sistem shëndetësor më të barabartë, modern dhe të përqendruar te pacienti.
🔹 Tre shtylla kryesore të reformës
• Onkologjia dhe krijimi i Rrjetit Kombëtar të Kancerit
• Një sistem diagnostik i unifikuar në nivel kombëtar
• Inteligjenca Artificiale dhe integrimi digjital i shëndetësisë
🔹 Një mesazh i fortë për brezin e ri
“AI nuk do ta zëvendësojë mjekun – por do ta zëvendësojë mjekun që nuk përdor AI.”
Rezistencë, fokus, mentorë të mirë dhe guxim për të parë botën.
🔹 Udhëheqje me qëllim
“Suksesi im vjen përmes suksesit të të tjerëve.”
Një qasje që bashkon shkencën, ekipin dhe njerëzit.

Evis Sala: Returning Home to Transform Healthcare / Albania, Evis Sala, Gevorg Tamamyan, Minister of Health, Minister of Health and Social Welfare, Minister

11/12/2025

U realizua sot në ambientet e Spitalit Rajonal Shkodër takimi i parë në kuadër të zbatimit të projektit “Matherna”, një nismë që synon të transformojë shërbimet neonatale dhe kujdesin për nënën në Shqipëri.👩‍🍼

Ky projekt, i cili vjen pas marrëveshjes së firmosur disa javë më parë në Romë gjatë mbledhjes së përbashkët të dy qeverive, do të shtrihet në 2️⃣ spitale universitare dhe 3️⃣ spitale rajonale, dhe parashikon:
🔹 Modernizim të terapisë intensive neonatale,
🔹Pajisje të reja bashkëkohore,
🔹Standardizim të protokolleve klinike,
🔹 Forcim të rrjetit referues në të gjithë vendin.
✅ Do realizohet evidentimi i problematikave kryesore dhe më pas nis implementimi i projektit që synon uljen e mortalitetit neonatal dhe maternal në nivelet e vendeve të Bashkimit Europian

08/12/2025

06/12/2025

03/12/2025

Në Spitalin Rajonal Shkodër u paraqit për vizitë ambulatore një paciente mbi 70 vjeçe, e operuar vite më parë për hernie diskale, me dhimbje të forta,vështirësi në qëndrim dhe pamundësi në ecje. Pas vlerësimit klinik dhe imazherik u konfirmua stenoza severe lumbare.
U realizua me sukses laminektomia dekompresive dhe foraminotomia bilaterale. Ndërhyrja u krye nga neurokirurgu Dr. Jurgen Kinka, në bashkëpunim me reanimatoren Xheneta Alija dhe infermieren Medina Peraj, në Spitalin Rajonal Shkodër. Që në ditën e parë pas operacionit, pacientja nisi aktivizimin dhe ecjen gradualisht.

Spitali Rajonal Shkodër është aktualisht qendra e parë në vend, pas institucioneve universitare në Tiranë, që kryen këto lloj ndërhyrjesh neurokirurgjikale.

Falenderim dhe vlerësim për gjithë ekipin për profesionalizmin dhe përkushtimin e treguar në shërbim të pacientëve.

28/11/2025

Falë koordinimit të shkëlqyer mes Spitalit Rajonal Shkodër dhe QKUM, u bë i mundur transporti i pacientit nga fshati Vilë, zonë e thellë malore, me frakturë në këmbë.
Edhe pse ditë pushimi, prioriteti ynë mbetet shëndeti i qytetarëve mbi çdo gjë tjetër.
Mirënjohje për punën, përkushtimin dhe profesionalizmin!
Gëzuar Shqipëri! 🇦🇱❤️