QKMF Skenderaj

QKMF Skenderaj Qendra Kryesore e Mjekësisë Familjare

QKMF Skenderaj ofron shёrbime parësore shëndetësore per popullatën e komunës, si një veprimtari me interes të veçantë, përmes zbatimit të konceptit të mjekësisë familjare, në kuadër të sistemit unik shëndetësor të Kosovës.

QKMF Skenderaj Qkmf SkenderajSot, më 7 Mars, në kuadër të shënimit të Natës së Zjarreve, një traditë e rëndësishme që pë...
07/03/2026

QKMF Skenderaj Qkmf Skenderaj
Sot, më 7 Mars, në kuadër të shënimit të Natës së Zjarreve, një traditë e rëndësishme që përkujton qëndresën dhe sakrificën për liri, në komunën tonë po zhvillohen aktivitete të ndryshme përkujtimore dhe kulturore.

Për të garantuar sigurinë dhe kujdesin shëndetësor të qytetarëve gjatë këtyre aktiviteteve, Qkmf Skenderaj ka angazhuar dy ekipe mjekësore në terren.
🔹 Një ekip është i stacionuar në Prekaz, ku tradicionalisht zhvillohen aktivitetet përkujtimore dhe ndezja simbolike e zjarreve.
🔹 Ekipi tjetër është i vendosur në sheshin e qytetit, ku po zhvillohet koncerti dhe aktivitetet festive për qytetarët.

Nata e Zjarreve është një moment simbolik për vendin tonë, ku përmes ndezjes së zjarreve nderohet kujtimi për sakrificën dhe heroizmin e familjes Jashari dhe të gjithë atyre që kontribuuan për lirinë e Kosovës. Në këtë natë të veçantë, qytetarët mblidhen së bashku për të përkujtuar historinë dhe për të forcuar ndjenjën e solidaritetit dhe unitetit.

Me këtë rast, falënderojmë ekipet shëndetësore të Qkmf Skenderaj – mjekët, infermierët dhe stafin tjetër mbështetës – të cilët edhe në ditë dhe momente të tilla janë në shërbim të qytetarëve, duke qëndruar në gatishmëri për çdo nevojë shëndetësore që mund të paraqitet gjatë aktiviteteve.

Angazhimi dhe përkushtimi i tyre dëshmon edhe një herë rolin e rëndësishëm që profesionistët shëndetësorë kanë në kujdesin dhe sigurinë e komunitetit tonë.

🙏 Faleminderit për profesionalizmin dhe gatishmërinë tuaj në shërbim të qytetarëve!

Me respekt
QKMF Skenderaj Qkmf Skenderaj

✅Puna e Përditshme e Punëtorëve Shëndetësorë në QKMF Skenderaj Qkmf Skenderaj🚑🩺Punëtorët shëndetësorë në Qendrën Kryesor...
06/03/2026

✅Puna e Përditshme e Punëtorëve Shëndetësorë në QKMF Skenderaj Qkmf Skenderaj🚑

🩺Punëtorët shëndetësorë në Qendrën Kryesore të Mjekësisë Familjare (QKMF) luajnë një rol kyç në ofrimin e kujdesit bazë shëndetësor për komunitetin. Ata janë të përkushtuar në ofrimin e një gamë të gjerë shërbimesh, duke përfshirë:
📌Vizitat mjekësore dhe pediatrike – diagnostikimi dhe trajtimi i sëmundjeve më të shpeshta.
📌Shërbimet parashikuese – vaksinat, kontrollet e rregullta dhe edukimi shëndetësor.
📌Mbështetja e pacientëve kronikë dhe paliativë – monitorimi dhe kujdesi i vazhdueshëm.
📌Trajtimi i urgjencave – menaxhimi i rasteve akute me intervenim të shpejtë dhe efektiv.
📌Shërbimet laboratorike, RTG, ultrazë, barnatore, infuzione, injeksione, lidhje plage dhe shërbime stomatologjike – mbështetje për diagnostikim dhe trajtim të plotë dhe të sigurt të pacientëve.
📌Konsultime dhe edukim shëndetësor – ndihmojnë pacientët dhe familjet të marrin vendime të informuara për shëndetin e tyre.

Puna e tyre kërkon profesionalizëm, përgjegjësi dhe bashkëpunim të ngushtë me komunitetin, për të siguruar qasje në kujdes shëndetësor cilësor dhe të sigurt për çdo qytetar.

✅Faleminderit për përkushtimin dhe punën e palodhur të punëtorëve shëndetësorë, të cilët çdo ditë kontribuojnë në shëndetin dhe mirëqenien e komunitetit.

Me respekt
QKMF Skenderaj Qkmf Skenderaj

Sot, në kuadër të Edukimit të Vazhdushëm Profesional (EVP), në Qkmf Skenderaj u përmbyll me sukses ligjërata me grupin e...
26/02/2026

Sot, në kuadër të Edukimit të Vazhdushëm Profesional (EVP), në Qkmf Skenderaj u përmbyll me sukses ligjërata me grupin e katërt, duke përfunduar ciklin e planifikuar të ligjëratave për muajin shkurt 2026, në përputhje me planin vjetor të punës.

Ky cikël trajnimesh përfaqëson një angazhim të vazhdueshëm institucional për ngritjen e kapaciteteve profesionale të stafit shëndetësor, përmes përditësimit të njohurive, shkëmbimit të përvojave dhe zbatimit të praktikave bashkëkohore në ofrimin e shërbimeve.

Falënderojmë të gjithë pjesëmarrësit për seriozitetin, përkushtimin dhe përgjegjësinë e treguar gjatë këtij procesi. Edukimi i vazhdueshëm profesional mbetet një nga shtyllat kryesore për garantimin e cilësisë, sigurisë dhe efikasitetit të shërbimeve shëndetësore për qytetarët.

Qkmf Skenderaj do të vazhdojë të investojë në zhvillimin profesional të stafit, me synim përmirësimin e vazhdueshëm të performancës dhe ofrimin e një shërbimi sa më cilësor për komunitetin.

Faleminderit
QKMF Skenderaj Qkmf Skenderaj

Me kënaqësi njoftojmë se Dr. Adrian Geci, mjek nga Qkmf Skenderaj, pas procesit zgjedhor është zgjedhur delegat në Oda e...
20/02/2026

Me kënaqësi njoftojmë se Dr. Adrian Geci, mjek nga Qkmf Skenderaj, pas procesit zgjedhor është zgjedhur delegat në Oda e Mjekëve e Kosovës, duke përfaqësuar mjekët e institucionit tonë.

Kjo përfaqëson një vlerësim të besimit profesional nga kolegët dhe një përgjegjësi të rëndësishme në përfaqësimin e interesave të mjekëve në nivel vendi.

I urojmë Dr. Adrian Gecit suksese në këtë detyrë të re, me bindjen se do ta ushtrojë me përkushtim, integritet dhe profesionalizëm, në të mirë të profesionit dhe të komunitetit.

Suksese Qkmf Skenderaj QKMF Skenderaj

Takimet e rregullta me përgjegjësit e shërbimeve në QKMF Skenderaj Qkmf Skenderaj po vazhdojnë me fokus në rritjen e cil...
20/02/2026

Takimet e rregullta me përgjegjësit e shërbimeve në QKMF Skenderaj Qkmf Skenderaj po vazhdojnë me fokus në rritjen e cilësisë së shërbimeve shëndetësore dhe koordinimin e aktiviteteve të përbashkëta.

Gjatë këtij takimi, i udhëhequr nga drejtori Ilir Havolli, u vlerësua lart puna dhe përkushtimi i të gjithë punëtorëve të Qkmf Skenderaj, të cilët çdo ditë kontribuojnë në ofrimin e shërbimeve profesionale dhe cilësore për komunitetin.

Këto takime shërbejnë si hapësirë për bashkërendim, analizë të punës së deritanishme dhe planifikim të veprimeve konkrete në përmbushje të detyrave dhe objektivave të ardhshme.

Së bashku, me përgjegjësi dhe profesionalizëm, vazhdojmë angazhimin për shëndetin e qytetarëve tanë.

Me respekt QKMF Skenderaj Qkmf Skenderaj

🩺 QKMF Skenderaj Qkmf Skenderaj pjesë e procesit për themelimin e Këshillave të PacientëveSi QKMF, kemi marrë pjesë në t...
19/02/2026

🩺 QKMF Skenderaj Qkmf Skenderaj pjesë e procesit për themelimin e Këshillave të Pacientëve
Si QKMF, kemi marrë pjesë në takimin për fillimin e procesit të themelimit të Këshillave të Pacientëve në 10 komuna të reja, në bashkëpunim me përfaqësues të Ministria e Shëndetësisë dhe drejtoritë komunale të shëndetësisë.
Për ne, ky është një hap i rëndësishëm drejt forcimit të bashkëpunimit me komunitetin dhe rritjes së transparencës në ofrimin e shërbimeve shëndetësore. Themelimi i Këshillave të Pacientëve krijon një mekanizëm të drejtpërdrejtë për dëgjimin e zërit të qytetarëve, adresimin e shqetësimeve dhe përmirësimin e vazhdueshëm të cilësisë së kujdesit shëndetësor parësor.
Si institucion, mbetemi të përkushtuar të kontribuojmë aktivisht në këtë proces, duke mbështetur çdo iniciativë që rrit përfshirjen e pacientëve dhe forcon partneritetin mes profesionistëve shëndetësorë dhe komunitetit.
Së bashku drejt një shërbimi më cilësor, më transparent dhe më pranë qytetarit.

🩺 Dita Botërore Kundër Kancerit – 4 Shkurt✅Sot, në Ditën Botërore Kundër Kancerit, Qendra Kryesore e Mjekësisë Familjare...
04/02/2026

🩺 Dita Botërore Kundër Kancerit – 4 Shkurt
✅Sot, në Ditën Botërore Kundër Kancerit, Qendra Kryesore e Mjekësisë Familjare Qkmf Skenderaj rithekson përkushtimin e saj në promovimin e parandalimit, zbulimit të hershëm dhe kujdesit të vazhdueshëm shëndetësor për të gjithë qytetarët.

Kanceri mbetet një nga sfidat më të mëdha të shëndetit publik, por informimi, kontrollet e rregullta mjekësore dhe një stil jetese i shëndetshëm janë hapa kyç në uljen e rrezikut dhe rritjen e mundësive për trajtim të suksesshëm.

Ftojmë qytetarët të shfrytëzojnë shërbimet tona për këshillim shëndetësor, kontrolle parandaluese dhe referim të hershëm, sepse kujdesi sot mund të shpëtojë jetë nesër.

Së bashku për shëndetin, shpresën dhe jetën. 💙

Me respekt QKMF Skenderaj Qkmf Skenderaj

30/01/2026

NJOFTIM PËR PUBLIKUN

Fillimi i testimit me QuantiFERON-TB Gold Plus (QFT-Plus)

Instituti Kombëtar i Shëndetit Publik të Kosovës (IKShPK) njofton publikun dhe profesionistët shëndetësorë se ka filluar ofrimin e testimit laboratorik QuantiFERON-TB Gold Plus (QFT-Plus), një metodë moderne dhe e avancuar për zbulimin e infeksionit me Mycobacterium tuberculosis.

QuantiFERON-TB Gold Plus është test diagnostik in vitro, i bazuar në analizën e gjakut, i cili mat përgjigjen imunitare qelizore ndaj Mycobacterium tuberculosis përmes detektimit të gama-interferonit (IFN-γ). Ky test përdoret për identifikimin e infeksionit latent me tuberkuloz, si dhe si ndihmë në vlerësimin diagnostik të rasteve të dyshuara.

Përparësitë e testit QuantiFERON-TB Gold Plus:

Nuk ndikohet nga vaksinimi BCG
Kërkon vetëm një vizitë për marrjen e mostrës së gjakut
Ofron specifikë dhe ndjeshmëri të lartë

Testimi kryhet vetëm në laboratorin referent nacional të Tuberkulozës në IKShPK, sipas indikacioneve klinike dhe me referim nga mjeku përkatës. Interpretimi i rezultateve bëhet në përputhje me udhëzimet ndërkombëtare dhe gjithmonë në kontekstin klinik të pacientit.

IKShPK mbetet e përkushtuar në përmirësimin e shërbimeve laboratorike dhe forcimin e kapaciteteve diagnostike për parandalimin dhe kontrollin e tuberkulozit në Kosovë.

Për informata shtesë, qytetarët dhe profesionistët shëndetësorë mund të kontaktojnë IKShPK-në përmes kanaleve zyrtare të komunikimit.

✅𝒩𝒿ë 𝓈𝒽𝒾𝒻ë𝓇 𝓆ë 𝒻𝓁𝑒𝓉: 𝓂𝒷𝒾 𝑔𝒿𝓎𝓈𝓂ë 𝓂𝒾𝓁𝒾𝑜𝓃𝒾 𝓈𝒽ë𝓇𝒷𝒾𝓂𝑒 𝓃ë 𝓃𝒿ë 𝓋𝒾𝓉. -Gjatë vitit të kaluar, në Qkmf Skenderaj QKMF Skenderaj ...
28/01/2026

✅𝒩𝒿ë 𝓈𝒽𝒾𝒻ë𝓇 𝓆ë 𝒻𝓁𝑒𝓉: 𝓂𝒷𝒾 𝑔𝒿𝓎𝓈𝓂ë 𝓂𝒾𝓁𝒾𝑜𝓃𝒾 𝓈𝒽ë𝓇𝒷𝒾𝓂𝑒 𝓃ë 𝓃𝒿ë 𝓋𝒾𝓉.
-Gjatë vitit të kaluar, në Qkmf Skenderaj QKMF Skenderaj janë ofruar mbi gjysmë milioni shërbime, respektivisht 540.344 sherbime, një shifër që flet për besimin e qytetarëve dhe përkushtimin e jashtëzakonshëm të stafit tonë shëndetësor.

▪️Kjo është rezultat i punës së palodhur, profesionalizmit dhe solidaritetit të çdo mjeku, infermieri dhe punonjësi mbështetës që, çdo ditë, vendosin shëndetin e qytetarëve në radhë të parë. 𝒥𝓊 𝒻𝒶𝓁ë𝓃𝒹𝑒𝓇𝑜𝒿𝓂ë 𝓅ë𝓇 𝓀𝑜𝓃𝓉𝓇𝒾𝒷𝓊𝓉𝒾𝓃 𝓉𝓊𝒶𝒿 𝓉ë ç𝓂𝓊𝒶𝓇!

▪️Njëkohësisht, kjo shifër na kujton rëndësinë e kujdesit për shëndetin tonë dhe parandalimit.
▪️I ftojmë qytetarët dhe institucionet lokale të bashkëpunojnë me ne në promovimin e një stili jetese të shëndetshëm, kontrolleve të rregullta dhe ndërgjegjësimit për të ulur nevojën për ndërhyrje shëndetësore dhe për të ndërtuar një komunitet më të shëndetshëm.

Së bashku për shëndetin e sotëm dhe të së nesërmes!

Me respekt Qkmf Skenderaj QKMF Skenderaj

QKMF Skenderaj -Mbledhja e mëngjesitSot, si çdo ditë, e nisëm punën me mbledhjen e mëngjesit, duke reflektuar mbi objekt...
28/01/2026

QKMF Skenderaj -Mbledhja e mëngjesit
Sot, si çdo ditë, e nisëm punën me mbledhjen e mëngjesit, duke reflektuar mbi objektivat e realizuara të ditës së djeshme dhe duke përcaktuar synimet e ditës së sotme, bashkë me sfidat që na presin përpara.

Këto momente koordinimi dhe bashkëbisedimi na ndihmojnë të forcojmë punën në ekip, të rrisim efikasitetin dhe të ofrojmë shërbime gjithnjë e më cilësore për qytetarët tanë.

Falënderojmë gjithë ekipin e Qkmf Skenderaj për përkushtimin, profesionalizmin dhe energjinë pozitive që sjellin çdo ditë në shërbim të komunitetit.

Së bashku, një hap më përpara çdo ditë!

Me respekt QKMF Skenderaj Qkmf Skenderaj

Qkmf Skenderaj 🛡️ NDËRGJEGJËSIM PËR VAKSINIMIN – MBROJTJE PËR TY DHE KOMUNITETINVaksinimi është një nga mënyrat më të s...
27/01/2026

Qkmf Skenderaj
🛡️ NDËRGJEGJËSIM PËR VAKSINIMIN – MBROJTJE PËR TY DHE KOMUNITETIN
Vaksinimi është një nga mënyrat më të sigurta dhe më efektive për të mbrojtur shëndetin e fëmijëve, familjes dhe gjithë komunitetit nga sëmundjet ngjitëse.
👨‍⚕️👩‍⚕️Në Qendrën Kryesore të Mjekësisë Familjare ofrohen:
▪️Vaksinim sipas kalendarit zyrtar
▪️Informim dhe këshillim për prindërit dhe qytetarët
▪️Ndjekje e rregullt e kartelës së vaksinimit
📌 Kujdesi sot parandalon rreziqet nesër.
Mos e shtyni vaksinimin — është një hap i vogël që bën një ndryshim të madh për shëndetin publik.

🤝 Qkmf Skenderaj – Në shërbim të shëndetit dhe sigurisë së komunitetit.

Sot, në kuadër të Javës Kundër Kancerit të Qafës së Mitrës, realizuam një aktivitet sensibilizues në Gjimnazin “Hamëz Ja...
23/01/2026

Sot, në kuadër të Javës Kundër Kancerit të Qafës së Mitrës, realizuam një aktivitet sensibilizues në Gjimnazin “Hamëz Jashari” në Skenderaj, përmes një ligjërate informuese dhe bashkëbisedimi me profesoresha dhe nxënëse.

Ky aktivitet u zhvillua nga Komisioni për Promovimin Shëndetësor i Qkmf Skenderaj, me fokus rritjen e ndërgjegjësimit për parandalimin dhe depistimin e hershëm.

Faleminderit drejtuesve të shkollës dhe stafit pedagogjik për bashkëpunimin, si dhe të gjitha pjesëmarrëseve për interesimin dhe angazhimin në këtë temë me rëndësi për shëndetin publik.

Me respekt
QKMF Skenderaj Qkmf Skenderaj

Address

Rruga Bekim Berisha/Abeja Pn
Skënderaj
41000

Telephone

+38348906395

Website

Alerts

Be the first to know and let us send you an email when QKMF Skenderaj posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to QKMF Skenderaj:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category