06/10/2025
💡Mësojmë nëpërmjet shqisave
Gjatë terapisë përdorim shpesh aktivitete sensoriale, duke i imtegruar ato në programe apo objektiva gjuhësore, nisur nga benefitet e shumta që kanë për fëmijët, sidomos kur fëmija paraqet vështirësi në përqëndrim e sjellje me karakter ndijor. Mëposhtë gjeni të listuara disa nga këto benefite:
Përmirëson vetë-rregullimin emocional
– Fëmijët mësojnë të menaxhojnë më mirë emocionet dhe reagimet e tyre ndaj ndjesive që i përjetojnë si “të tepërta” ose “të pakta”.
Rrit vëmendjen dhe përqendrimin
– Veçanërisht për fëmijët me vështirësi në fokusim (si ADHD), kjo terapi ndihmon të stabilizojnë energjinë e tyre.
Zhvillon aftësitë motorike
– Ndihmon në përmirësimin e koordinimit, ekuilibrit dhe kontrollit trupor.
Ndihmon në ndërveprimet sociale
– Me rregullim më të mirë ndijor, fëmijët reagojnë më pozitivisht ndaj të tjerëve dhe përfshihen më shumë në lojëra dhe aktivitete sociale.
Redukton sjelljet sfiduese
– Si pasojë e uljes së stresit ndijor, fëmijët kanë më pak shpërthime emocionale, agresivitet ose tërheqje.
Përmirëson gjumin dhe rutinat ditore
– Fëmijët ndihen më të qetë dhe të organizuar, gjë që ndikon pozitivisht në gjumin dhe ushqyerjen.
🧒 Kujt i rekomandohet terapia sensoriale?
Fëmijëve që janë shumë të ndjeshëm ndaj zhurmave, dritës ose prekjes.
Fëmijëve që kërkojnë ndjesi ekstreme (p.sh. duan të përplasen ose të vrapojnë vazhdimisht).
Fëmijëve që kanë vështirësi në përqendrim, koordinim ose sjellje sociale.
Fëmijëve me autizëm, ADHD, vonesa në zhvillim ose çrregullime të tjera neurologjike.
Janë të panumërta aktivitetet sensoriale që mund të zhvilloni gjatë terapisë apo në shtëpi, duke përdorur materiale me teksturë të ndryshme dhe duke integruar përgjatë këtyre aktiviteteve edhe objektiva të zhvillimit konjitiv e gjuhësor ✅
