15/11/2025
Unë jam kirurg plastik dhe kur them se dua t’i bëj njerëzit të bukur, nuk flas vetëm për reflektimin në pasqyrë. Flas për ndjesinë. Dua t’i bëj të ndihen të veçantë, të sigurt, të shëndetshëm, të guximshëm. Dua t’i bëj të ndihen unikë, të rinj në shpirt, të përjetshëm në mënyrën si ecin përpara, të lirë në mënyrën si jetojnë. Sepse bukuria për mua nuk është një formë konkrete. Bukuria është një ndjenjë, një kujtim, një rikthim tek vetja.
Unë nuk jam Zot. Nuk jam as magjistar. Jam thjesht një njeri që beson se çdo trup dhe çdo fytyrë mban një histori. Jam këtu për ta respektuar atë histori. Jo për ta fshirë, por për ta përforcuar. Jam këtu të krijoj, të riparoj, të lehtësoj, të rikthej besimin tek pasqyra.
Jam këtu të j*p dashuri familjes sime, miqve të mi dhe pacientëve që më besojnë veten e tyre. Sepse në fund misioni im nuk është vetëm t’i bëj njerëzit më të bukur. Misioni im është t’i bëj të ndihen më të lumtur, më të lirë, më të vërtetë dhe më afër versionit të tyre të ëndërruar.
Dhe për mua… kjo është arti më i madh.
