Defending the Rights of People with Disabilities

31/03/2026

2 PRILL 2026

26/03/2026

Ka raste kur një nënë e vetme përballet me sfida që shkojnë përtej forcave të saj – duke rritur një fëmijë në spektrin e autizmit, në kushte të vështira jetese dhe pa mbështetjen e nevojshme.
Pamjet që pamë tek emisioni FIX FARE nuk janë thjesht histori personale, por thirrje për përgjegjësi institucionale dhe shoqërore.
Në këto situata, Njësia për Mbrojtjen e Fëmijës (NjMF) duhet të jetë menjëherë aktive, duke vlerësuar rastin në terren, garantuar mbrojtjen dhe mirëqenien e fëmijës, si dhe duke siguruar mbështetje konkrete për nënën – qoftë përmes shërbimeve sociale, ndihmës ekonomike apo referimit në shërbime të specializuara.
Po shkolla ku është ??? në cilin regjistër ky fëmijë është regjistruar???
Po mjeku i familjes, që jep vlerësimin për ndihmësin personal, si e ka vlerësuar këtë nënë??
Asnjë nënë nuk duhet të ndihet e pafuqishme dhe asnjë fëmijë nuk duhet të rritet pa mbështetjen që meriton. Është detyrë e të gjithëve ne, të reagojmë, të raportojmë dhe të kërkojmë përgjegjësi.

17/03/2026

PO.
Ne nuk Jemi vetëm, kur shoqëria e shikon çështjen e aftësisë së kufizuar si çështje të zhvillimit të shoqërisë

Të jesh mama është e bukur… por edhe sfiduese.
Lajmi i mirë? Nuk je vetëm.

Eja të takojmë supermama të tjera, të qeshim, të ndajmë histori dhe të kujtojmë që jemi më të forta bashkë.

🗓️21 Mars 🕓 16:00 📍 .korca

✨ Tag një supermami që duhet të vijë me ty!

Ky event vjen në bashkëpunim me , dhe

08/03/2026

Gëzuar 8 Marsin të gjitha grave dhe nënave të shoqatës MEDPAK!
“Sot është një ditë për të vlerësuar forcën, dashurinë dhe përkushtimin tuaj të jashtëzakonshëm. Ju jeni nëna që çdo ditë përballoni sfida me guxim, mbani gjallë shpresën dhe ndërtoni një të ardhme më të mirë për fëmijët tuaj.
Dashuria juaj është forcë, durimi juaj është shembull dhe zemra juaj është frymëzim për të gjithë komunitetin tonë.
Faleminderit për gjithçka që bëni çdo ditë. Ju jeni zemra dhe shpirti i MEDPAK

06/03/2026

I nderuar mësues !

Roli juaj në edukimin e brezave të rinj është një shërbim i çmuar për shoqërinë. Çdo fjalë e mirë, çdo përpjekje për të zgjuar tek nxënësit dashurinë për dijen dhe virtytet, ndihmon në ndërtimin e një bote më të drejtë dhe më të bashkuar.

Edukimi nuk është vetëm zhvillim i mendjes, por edhe formim i karakterit dhe i shpirtit. Ju jeni një nga ata që mbillni farat e urtësisë, të respektit dhe të përgjegjësisë tek të rinjtë.

Ne si prindër Ju falënderojmë për përkushtimin dhe për kontributin tuaj në ndërtimin e një shoqërie më të ndriçuar dhe më humane.

Respekt dhe mirënjohje.

04/03/2026

Të drejtat e fëmijëve nuk janë vetëm një angazhim social – ato janë një investim strategjik për zhvillimin e qëndrueshëm dhe një pjesë thelbësore e rrugëtimit të Shqipërisë drejt Bashkimit Europian

14/02/2026

13/02/2026

MEDPAK në Korçë ka gjetur një komunitet jo diskriminues dhe gjithëpërfshirës, ku vlerat e respektit dhe barazisë jetohen çdo ditë.

Ne besojmë fort tek komuniteti juaj – mësues dhe nxënës – si një forcë e përbashkët që ndërton një mjedis të sigurt, mbështetës dhe të hapur për të gjithë.

Së bashku, për një arsim më gjithëpërfshirës dhe një të ardhme me më shumë mundësi për çdo fëmijë

11/02/2026

Sot, nga fjala e Kryeministrit mbi Fondin Social, një mesazh ishte veçanërisht domethënës: kujdesi i posaçëm për 65 mijë individë në Shqipëri.
“ Nuk bëhet fjalë thjesht për 65 mijë përfitues të një skeme finan- cimi. Bëhet fjalë për 65 mijë individë që do të mbështeten nga një sistem i organizuar institucionesh, nga pika konkrete shërbimi, nga profesionistë dhe struktura që synojnë përfshirje, dinjitet dhe mbështetje të qëndrueshme.”
Ky është një hap i rëndësishëm drejt forcimit të shërbimeve sociale dhe ndërtimit të një sistemi që nuk jep vetëm fonde, por ofron kujdes të strukturuar dhe afatgjatë për ata që kanë më shumë nevojë.

Ne si prindër duhet të avokojmë për shërbime cilësore . Të punojmë që edhe qasja e bashkive të jetë e tillë, jo vetëm pagesa

09/02/2026

https://www.facebook.com/share/p/1Lm8WyoUJg/

🌐 Çfarë është Dita e Internetit të Sigurt (SID)?

SID është një fushatë globale ndërgjegjësimi që festohet në mbi 160 vende dhe territore, duke ndihmuar njerëzit të kuptojnë më mirë rreziqet dhe mundësitë në internet. Ajo fokusohet në tema praktike si bullizmi kibernetik, privatësia, identiteti dixhital, edukimi mediatik dhe mirëqenia online.

Përmes aktiviteteve lokale, veprimtarive në klasa dhe burimeve falas, SID mbështet të rinjtë dhe të rriturit në zhvillimin e aftësive digjitale, marrjen e vendimeve të informuara online dhe krijimin e hapësirave dixhitale më të sigurta dhe më respektuese.

👉 Gjeni burime dhe zbuloni aktivitetet që zhvillohen pranë jush në:

https://isigurt.al/qendra-burimore-trainimeve/udhezues-per-internet-te-sigurt/

08/02/2026

NJOFTIM PUNËSIMI

MEDPAK shpall thirrje për Menaxher Projekti për projektin

“SPECIAL”, i financuar nga Bashkimi Evropian

04/02/2026

RRJETI I ORGANIZATAVE TË PERSONAVE ME AFTËSI TË KUFIZUARA
TIRANË
Data: 03.02.2026
Deklaratë publike
Rrjeti i Organizatave të Personave me Aftësi të Kufizuara në Tiranë e konsideron të domosdoshme të reagojë ndaj gjuhës së përdorur sot në programin Big Brother Albania VIP ndaj gazetarit Stenaldo Mehilli, i cili është gjithashtu person me aftësi të kufizuara në shikim.
Gjuha e përdorur është e papranueshme dhe përbën shkelje të rëndë të parimeve të barazisë dhe dinjitetit njerëzor. Ajo duhet të ndëshkohet nga autoritetet përkatëse për arsyet e mëposhtme:
1. Përbën ableizëm, një formë diskriminimi që buron nga premisa se personat me aftësi të kufizuara janë më pak të vlefshëm se personat pa aftësi të kufizuara.
2. Një gjuhë e tillë është përdorur historikisht për të izoluar dhe përjashtuar personat me aftësi të kufizuara, duke i penguar ata të marrin pjesë në shoqëri në baza të barabarta me të tjerët. Ajo ushqen stigma dhe paragjykime.
3. Përbën gjuhë urrejtjeje, sepse nuk prek vetëm individin, por edhe komunitetin e personave me aftësi të kufizuara, duke përcjellë mesazhin se jetët tona janë më pak të denja për t’u jetuar se ato të të tjerëve, veçanërisht duke marrë parasysh audiencën e gjerë të këtij programi.
Që në vitin 2013, Shqipëria ka ratifikuar Konventën e OKB-së për të Drejtat e Personave me Aftësi të Kufizuara, e cila kërkon përpjekje të përbashkëta nga e gjithë shoqëria për garantimin e të drejtave të barabarta dhe për respektimin e dinjitetit të lindur të çdo njeriu. Po ashtu, procesi i integrimit evropian kërkon respekt të plotë për të drejtat e njeriut dhe për diversitetin.
Në këtë kontekst, ne kërkojmë:
1. Që produksioni i Big Brother Albania VIP të marrë masa konkrete, përfshirë përjashtimin e menjëhershëm të pjesëmarrësve që përdorin gjuhë urrejtjeje, e cila është e papajtueshme me etikën e komunikimit në media dhe me vlerat që synojmë të ndërtojmë si shoqëri.
2. Që Autoriteti i Mediave Audiovizive (AMA), në zbatim të Kodit të Transmetimit dhe standardeve për përfaqësimin e personave me aftësi të kufizuara, të ndërhyjë dhe të trajtojë këtë shkelje në përputhje me parimet e mosdiskriminimit.
3. Që Komisioneri për Mbrojtjen nga Diskriminimi, z. Robert Gajda, të reagojë dhe të marrë masat përkatëse, në përputhje me ligjin për mbrojtjen nga diskriminimi. Rrjeti ynë do të depozitojë zyrtarisht një ankesë pranë këtij institucioni.
Së fundi, i bëjmë thirrje gjithë shoqërisë të kuptojë se aftësia e kufizuar është pjesë e pandashme e diversitetit njerëzor. Ne jemi të fortë, krenarë dhe të dukshëm. Do të vazhdojmë pa u ndalur përpjekjet tona për më shumë barazi, dinjitet dhe për një shoqëri që respekton dhe përfshin të gjithë anëtarët e saj.