25/09/2025
Të dashur kolegë farmacistë,
Me rastin e Ditës Botërore të Farmacistëve 🌍💊, kam kënaqësinë dhe nderin t’ju drejtohem në emër të Urdhrit të Farmacistëve të Shqipërisë 🏛️, për të shprehur mirënjohjen dhe respektin më të thellë për kontributin jetik që farmacistët japin çdo ditë në mbrojtje të shëndetit publik.
💊 Farmacisti nuk është thjesht një profesion – është një mision.
Një mision që kërkon dije, profesionalizem, etikë të lartë dhe një zemër të madhe. Ju e dëshmoni këtë çdo ditë, qoftë në momentet më të zakonshme, qoftë në sfidat më të mëdha.
📣 Tema e këtij viti, e përzgjedhur nga Federata Ndërkombëtare Farmaceutike (FIP), 🧠“Mendo Shëndet, Mendo Farmacist”, është një kujtesë e qartë se roli i farmacistit nuk kufizohet vetëm në shpërndarjen e barnave, por shtrihet gjerësisht në ofrimin e kujdesit profesional, edukimin shëndetësor, parandalimin e sëmundjeve dhe përmirësimin e cilësisë së jetës për çdo individ në komunitet.
🙏 Dua të shpreh mirënjohjen time më të thellë, për të gjithë ju që i shërbeni profesionit me përkushtim dhe pasion:
• Në rrjetin e hapur farmaceutik;
• Në farmacitë spitalore;
• Në arsimin e lartë;
• Në industrinë farmaceutike;
• Në kërkimin shkencor;
• Në institucionet publike dhe rregullatore;
• Në përfaqësitë farmaceutike dhe kompanitë shpërndarëse, si dhe ju, studentë të farmacisë, që përgatiteni me pasion për të qenë pjesë e këtij profesioni fisnik.
Të dashur qytetarë,
�Ju ftoj që ta shihni farmacistin si një aleat të rëndësishëm në rrugën drejt shëndetit. Në farmaci ju do gjeni gjithmonë një profesionit të disponueshëm dhe të besuar.
🤝 Në cilësinë e Presidentit të Urdhrit të Farmacistëve të Shqipërisë, rikonfirmoj angazhimin tonë të palëkundur për të lartësuar figurën e farmacistit, për të fuqizuar rolin tuaj në sistemin shëndetësor dhe për të zgjeruar kompetencat profesionale, duke e vendosur farmacistin aty ku e meriton – në qendër të kujdesit dhe vendimmarrjes për shëndetin e pacientit.
Besoj thellë se së bashku do të ndërtojmë një të ardhme më të sigurtë dhe të denjë për profesionin tonë.
Gëzuar Ditën Botërore të Farmacistëve! 🌍💊
�🙏 Faleminderit që jeni shembull i përkushtimit dhe humanizmit!
Defrim Goma
PRESIDENT
🔖
