Urdhri i Psikologut në Republikën e Shqipërisë

09/11/2025

Me hidhërim të thellë morëm lajmin për ndarjen nga jeta të anëtarit të Urdhrit të Psikologut, Arvjo Fishta, psikolog pranë Zyrës Vendore Arsimore Shkodër. Në këtë moment të vështirë, shprehim ngushëllimet më të sinqerta për familjen, të afërmit dhe kolegët e tij. Mendimet dhe lutjet tona shkojnë edhe për dy fëmijët që ai la pas, për të cilët kjo humbje është e pazëvendësueshme.

Pusho në paqe, Arvjo 🤍

06/11/2025

03/11/2025

Një nga ngjarjet më të mëdha dhe më të rëndësishme në shkencën e psikologjisë nën drejtimin e Federatës Evropiane dhe Shoqatave të Psikologëve (EFPA) po afron!
Kongresi Evropian i Psikologjisë (ECP 2027), nën organizimin e radhës nga Serbian Psychological Society, është pika kulmore ku bashkohen çdo 2 vite punimet shkencore nga profesionistet të evropës — një qendër e dijes, kërkimit dhe inovacionit në shkencën e psikologjisë.

Urdhri i Psikologut të Shqipërisë fton të gjithë anëtarët, studiuesit dhe profesionistët e psikologjise që të regjistrojnë punimet e tyre dhe të marrin pjesë në këtë event shkencor.
Ky është momenti për të ndare kontributin tuaj me komunitetin global te psikologëve.

Së shpejti nisin regjistrimet!
Stay tuned...
UPSH

30/10/2025

Të dashur anëtarë,

Dëshirojmë t’Ju rikujtojmë se të gjithë psikologëve anëtarë të U.P, në rast se ju lind nevoja për ekzaminime mjeksore e laboratorike, mund të përfitojne ulje nga 10%-30% falë marrëveshjes së bashkëpunimit që kemi lidhur me laboratorin mjekësor “Intermedica”.
Në videon bashkëngjitur shpjegohet mënyra se si nëpërmjet kartës së anëtarësisë, Ju mund të përfitoni ulje për çdo ekzaminim.
Ju urojmë shëndet të plotë e mos harroni të kujdeseni për veten😉

Lutemi ndani informacionin me kolegët.

Intermedica Life needs care!

11/10/2025

Aktiviteti “Bashkë për Shëndetin Mendor”, zhvilluar me rastin e Ditës Botërore të Shëndetit Mendor, solli sot emocione, ndërgjegjësim dhe shumë bashkëpunim në terren!

Faleminderit universiteteve publike dhe jopublike për bashkëpunimin e shkëlqyer, dhe një duartrokitje e veçantë për super studentët tanë të psikologjisë që ishin sot pjesë aktive e këtij misioni të përbashkët! 🙏💚

10/10/2025

NJOFTIM!

Të nderuar anëtarë, kolegë, bashkëpunëtorë dhe qytetarë të Tiranës e më gjerë,

Urdhri i Psikologut ju njofton se të gjitha aktivitetet e planifikuara për t’u zhvilluar sot, më datë 10 Tetor, në kuadër të Ditës Ndërkombëtare të Shëndetit Mendor, do të shtyhen dhe do të zhvillohen ditën e shtunë, më 11 Tetor, për shkak të masave të ndërmarra për Konferencën e NATO-s që mbahet në Tiranë.

Aktivitetet do të zhvillohen në sheshin pranë Tajvanit dhe përgjatë bulevardit “Gjergj Fishta”, ku studentë të psikologjisë, nga ora 11:00 deri në 13:00, do të shpërndajnë tullumbace dhe fjongo me ngjyrë jeshile, si një mënyrë për të rritur ndërgjegjësimin e qytetarëve për rëndësinë e shëndetit mendor.

Gjithashtu, një performancë simbolike nga dy parashutistë, të cilët do të mbajnë mesazhe të Ditës Ndërkombëtare të Shëndetit Mendor, do të realizohet në qiellin e Tiranës, si një shenjë mbështetjeje dhe ndërgjegjësimi për shëndetin mendor.

Me shumë kënaqësi, ju ftojmë të na bashkoheni nesër!
Bashkë për Shëndetin Mendor!