13/01/2026
👁️ Çfarë gjëndje tregon syri juaj?
• Sy i shëndetshëm – Korne e pastër, konjuktivë normale, pa skuqje, sekrecione apo çrregullime të shikimit.
• Keratiti – Inflamacion i kornesë që shoqërohet me dhimbje, shikim të turbullt, ndjeshmëri ndaj dritës dhe pamje të mjegullt të syrit. Mund të jetë viral, bakterial, fungal ose si pasojë e përdorimit të tepruar të lenteve të kontaktit.
• Pterigiumi – Rritje trekëndore e indit të konjuktivës drejt kornesë, e shkaktuar zakonisht nga ekspozimi në diell (UV), pluhuri dhe klima e thatë.
• Pinguekula – Fryrje e vogël me ngjyrë të verdhë në konjuktivë pranë kornesë, e lidhur me diellin, thatësinë dhe irritimin. Nuk është kancerogjene.
• Blefariti – Inflamacion kronik i buzëve të qepallave, që shkakton skuqje, luspa, kruarje dhe ndjesi djegieje apo rëre në sy. Shpesh lidhet me gjëndrat e yndyrës ose zbokthin.
• Konjuktiviti (Syri i kuq) – Inflamacion i konjuktivës me skuqje, lotim ose sekrecione dhe irritim. Mund të jetë alergjik, viral ose bakterial.
• Hordheolumi (Elbi) – Ënjtje e dhimbshme, e kuqe, në formë puçrre në qepallë, e shkaktuar nga infeksioni i gjëndrave të yndyrës.
• Katarakta – Mjegullim i thjerrëzës natyrale të syrit që shkakton shikim të paqartë, verbim nga dritat dhe vështirësi në shikimin e natës. Zakonisht lidhet me moshën.
• Glaukoma – Grup sëmundjesh që dëmtojnë nervin optik, shpesh për shkak të rritjes së presionit të syrit. Mund të çojë në humbje të përhershme të shikimit nëse nuk trajtohet.
👁️ Kontrollet e rregullta të syrit janë çelësi për shikim të shëndetshëm.
