03/11/2025
Ishte një privilegj dhe një përgjegjësi e veçantë të marr pjesë në takime, ceremoni dhe trajnime intensive mes vëllezërve që ndajnë të njëjtin qëllim të lartë:
🤩 të shohim çdo njeri të lirë përgjithmonë.
Kjo kohë e kaluar në Teen Challenge New Jersey ishte shumë më tepër se një vizitë, ishte një përvojë e thellë frymëzuese, e mbushur me mësim, bashkësi e frymë shërbimi.
Jam thellësisht mirënjohës ndaj themeluesve dhe drejtuesve të këtij misioni të mrekullueshëm: njerëz plotë zemër, përkushtim dhe qëllim, që jo vetëm flasin për jetën e transformuar, por e jetojnë atë çdo ditë.
Ata janë dëshmi e gjallë e një jete me kuptim, me dashuri dhe me shërbim ndaj të tjerëve.
🔹 Falënderim nga zemra për mikpritjen, frymën e bashkimit dhe për çdo mësim të vlefshëm që mora.
🔹 Frymëzimi dhe motivimi i kësaj përvoje më shtyn të vazhdoj më me pasion në shërbimin që Zoti na ka besuar edhe këtu në Shqipëri.
🔹 Jam mirënjohës Zotit për çdo moment, për çdo takim, dhe për çdo shembull jete që pasuroi vizionin dhe zemrën time.
🙏🏻 Mirenjohës Zotit për këtë përvojë frymëzuese dhe nxitëse, që forcon besimin tim se puna që bëjmë në Teen Challenge është pjesë e diçkaje shumë më të madhe, një rrjet zemrash që besojnë në shpresë, në liri dhe në fuqi të ndryshimit përmes Krishtit.
