24/09/2025
Mjekët nuk janë shërbëtorët e pacientëve – Ligji i mbron nga abuzimet!
Në Kosovë shpesh harrohet një gjë elementare: pacienti nuk ka vetëm të drejta, por edhe përgjegjësi ligjore. Dhe kur këto shkelën, nuk ka më viktimë – ka fajtor.
Çka nuk kuptojnë shumë pacientë?
•Nuk ke të drejtë të ofendosh, kërcënosh apo sulmosh stafin mjekësor. Ky është sulm ndaj personit zyrtar dhe dënohet me burg.
•Nuk ke të drejtë të bërtasësh nëpër korridore sikur spitali të ishte lokali yt privat. Shkel rregullat → nxirresh jashtë.
•Nuk ke të drejtë të shkatërrosh pajisje spitalore, se pastaj qahesh pse mungojnë shërbimet. Dëmtim prone → gjobë dhe dënim penal.
•Nuk ke të drejtë të gënjesh për simptomat ose historinë mjekësore. Rrezikon trajtimin → përgjegjësi ligjore.
•Nuk ke të drejtë të refuzosh pagesën kur shërbimi është me pagesë. Refuzon → përfundon në gjyq.
Mjekët nuk janë armiqtë tuaj
Ata punojnë në kushte të rënda, shpesh pa mjetet bazike. E megjithatë, çdo ditë përballen me pacientë që sillen sikur janë padronë dhe mjeku është shërbëtor. Jo. Ligji është i qartë: kush e sulmon mjekun, sulmon sistemin shëndetësor.
👉 Respekto mjekun, sepse është ai që të shpëton jetën. Nëse e sulmon, nuk je “i guximshëm” – je fajtor, i dënueshëm me ligj.
